Ang teknikal-bokasyonal na pagsulat ay naglalahad at nagpapaliwanag ng paksang-aralin sa malinaw , obhetibo, tumpak, at di-emosyonal na paraan. Ito rin ay gumagamit ng deskripsyong ng mekanismo, deskripsyon ng proseso, klaripikasyon, sanhi at bunga, paghahambing at pagkakaiba , analohiya at interpretasyon. Gumagamit din ito ng mga teknikal na bokabularyo. Maliban pa sa mga talahanayan, grap, at mga bilang upang matiyak at masuportahan ang talakay tekswal. 1. Magbigay-impormasyon Isinusulat ito upang bigyan ang mambabasa ng impormasyun ukol sa isang bagay o ng direksyun sa paggamit ng isang produkto o sa pagsunod sa paggamit nito 2. Magsuri Sa layuning magsuri ,ang sulatin ay binubuo upang analisahin at ipaliwang ang implikasyon ng mga pangyayari upang magamit bilang basehan ng mga pagdedesisyon sa kasalukuyan at sa hinaharap 3. Manghikayat Maraming pagkakatong isinulat ang isang sulating teknikal –bokasyonal upang kumbinsihin ang mambabasa o pinatutungkulan nito.bagamat kasama nito ang layunin makapagbigay ng impormasyon hindi nailalayo ang kagustuhan impluwensyahan ang nagbabago sa kanyang pagdedesisyon sa isang obhetibong pamamaraan. MGA KATANUNGAN 1)Bakit nga ba kailangang sumulat ng sulating teknikal –bokasyonal ? 2)Ano ba ang gamit at halaga ng mga ito ? Narito ang ilang kahalagahan ng pagsulat ng mga ganitong uri ng sulatin: 1) Nagbibigay – Ulat 2) Nagbibigay – Instruksyon 3) Naghahain ng isang serbisyo o produkto 4) Nagsisilbing basihan ng mgapagdedesisyon, at 5) Nagbibigay ng mga kinakailangang impormasyon. Paano ba naging mahalaga sa isang indibidwal o sa mga institusyon kanyang pinaglilingkuran? Si Cedrick ay isang sales manager ng isang kompanya,kailangan niyang maghanda ng buwanang sales report para sa iba pang opisyales ng kompanya(nagbibigay- ulat).Ang ulat na ito ay kinakailangan ng marketing division (nagbibigay ng mga kinakailangan impormasyon) upang mapagbuti pa ang kanilang tungkulin sa promosyon ng kanilang brand o produkto.Ang ulat ding ito ang magiging basehan ng mga nararapat na hakbang ng pangasiwaan (nagsisilbing basehan ng mga pagdedesisyon) upang lalong mapagbuti ang estado ng kompanya .Halimbawang nakalahad sa ulat na bumagsak ang benta sa buwang iyon at nalugi ang kompanya maaaring unang gagawin ng marketing manager ay gumawa ng isang memorandum upang utusang gumawa ng mas mahusay na campaign ang kompanya,maaaring bubuo namn ng isang mahusay na promotional ad ang mga marketing supervisor tulad ng product leaflets (naghahain ng isang produkto).