მეტაბოლიზმი.

ფოტოსინთეზი და
სუნთქვა
104 კლასის მოსწავლე:დავით მუსლიევი
მეტაბოლიზმი

მეტაბოლიზმი (ბერძ. μεταβολή — „გარდაქმნა, გადაქცევა“) — ქიმიური

რეაქციები, რომელიც ხდება ცოცხალი არსების ორგანიზმში. ეს პროცესი
ორგანიზმებს საშუალებას აძლევს გაიზარდნონ და გამრავლდნენ,
თავიანთი სტრუქტურა შეინახონ და აღადგინონ, და უპასუხონ გარემოს
ზემოქმედებებს. ჩვეულებრივ მეტაბოლიზმი იყოფა ორ
ჯგუფად: კატაბოლიზმად (ენერგეტიკული ცვლა) და ანაბოლიზმად
(პლასტიკური ცვლა).
 უჯრედული სუნთქვა და ფოტოსინთეზი
• ფოტოსინთეზი (ფოტო... და სინთეზი) — უმაღლესი
მცენარეების, წყალმცენარეებისა და მაფოტოსინთეზებელი ბაქტერიების მიერ
სინათლის კვანტის ენერგიის გარდაქმნა ქიმიურ ბმათა ენერგიად. ამ ენერგიას
შთანთქავენ ქლოროფილი და სხვა პიგმენტები. ფოტოსინთეზის პროცესში მცენარე
ჰაერიდან შეითვისებს СO2 და ფოთოლში არსებული წყლის დაშლის შედეგად
გამოყოფს თავისუფალ ჟანგბადს. ამ დროს წარმოიქმნება ორგანული შენაერთები,
რომლებიც საკვებად ხმარდება თვით მცენარეს და მთელ ცხოველთა სამყაროს.
• უჯრედული სუნთქვა შეგიძლია წარმოიდგინო როგორც ფოტოსინთეზის
შებრუნებული პროცესი. უჯრედული სუნთქვის დროს გლუკოზა ჟანგბადის არეში
გარდაიქმნება ნახშირორჟანგად და წყლად. შეგახსენებ, რომ ნახშირბადის
დიოქსიდი და წყალი ფოტოსინთეზის რეაგენტებია.
ფოტოსინთეზის შედეგად წარმოქმნილი გლუკოზა უჯრედული სუნთქვის დროს გარდაიქმნება ატფ-
ად. გლუკოზა იშლება ნახშირორჟანგამდე რომელიც ისევ ფოტოსინთეზში ჩაერთვება და მისგან
გლუკოზა წარმოიქმნება. ფოტოსინთეზის დროს წყლის ფოტოლიზის შედეგად წარმოქმნილი ჟანგბადი
უჯრედულ სუნთქვაში გლუკოზიდან ატფ-ის მისაღებად გამოიყენება. ამ დროს ჟანგბადი წყალბადთან
ერთად წარმოქმნის წყალს, რომელიც ატმოსფეროში გამოიყოფა და მცენარის ფესვებით ადის მცენარის
ფოთლებში ისევ წლის ფოტოლიზში ჩაერთვება. ფოტოსინთეზის დროს შთაინთქმება ნახშირორჟანგი
და გამოიყოფა ჟანგბადი. უჯრედული სუნთქვის დროს შთაინთქმება ჟანგბადი და
გამოთავისუფლდება ნახშირორჟანგი. უჯრედში ჟანგბადი საჭიროა უჯრედული სუნთქვისთვის.
ჟანგბადის გარეშე გაცილებით ნაკლები ატფ წარმოიქმნებოდა.ნახშირბადული ციკლის მნიშვნელოვანი
ნაწილებია უჯრედული სუნთქვა და ფოტოსინთეზი. ნახშირბადის ციკლი არის გზა ბიოსფეროში
ნახშირბადის წრებრუნვისთვის. უჯრედული სუნთქვის დროს ნახშირორჟანგი გამოიყოფა გარემოში,
მას შთანთქავს მცენარე და გამოიყენებს ფოტოსინთეზში. ეს ორი პროცესი ატმოსფეროში
ნახშირორჟანგის და ჟანგბადის რაოდენობის სტაბილურ დონეზე შენარჩუნებას უზრუნველყოფს.
ფოტოსინთეზი მწვანე მცენარეების უმნიშვნელოვანესი სასიცოცხლო
ფუნქციაა, რომლის შედეგიც ორგანული ნაერთების პირველადი
სინთეზია. ფოტოსინთეზის წარმართვისათვის ერთდროულად
აუცილებელია სინათლის წყარო, სითბო, წყალი, ნახშირორჟანგი
(ჰაერიდან) და საკვები ელემენტები (ნიადაგიდან).
ფოტოსინთეზის არსი მდგომარეობს იმაში, რომ მზის სხივების ენერგიის
მოქმედებით, რომელიც შთაინთქმება ფოთლის ქლოროპლასტების მიერ,
წყალი იშლება. ამ დროს წარმოიქმნება თავისუფალი ჟანგბადი, რომელიც
გამოიყოფა გარე სამყაროში, ხოლო წყალბადი უერთდება ნახშირორჟანგს,
აღადგენს მას და შედეგად წარმოიქმნება ორგანული ნაერთები:
ნახშირწყლები, ცილები, მჟავები, ვიტამინები, ფიტოჰორმონები და ა.შ.
ფოტოსინთეზი რთული, მრავალსაფეხურიანი პროცესია, რომელიც
მიმდინარეობს მრავალრიცხოვანი ფერმენტების მონაწილეობით.
მცენარეთა ფოთლები შთანთქავენ ფოტოსინთეზურად აქტიური სხივების
80-85%-ს, 80-710 ნმ სიგრძის ტალღებით. მზის სპექტრის ამ ნაწილს
ეწოდება ფოტოსინთეზურად აქტიური რადიაცია (ფარ).
სხივები კარგად შთაინთქმება ქლოროპლასტების მწვანე პიგმენტით _
ქლოროფილით და გვევლინება ფოტოსინთეზის ენერგეტიკულ
საფუძვლად, თუმცა ფიტოსინთეზზე იხარჯება შთანთქმული ენერგიის
(ფარ) არაუმეტეს 1,5-3%-სა.
მცენარეებში ფოტოსინთეზი იწყება ძალზე მცირე განათების პირობებში,
განათების მატებასთან ერთად იგი თანდათან ძლიერდება. სინათლის
ნაკლებობის დროს, სუნთქვა აჭარბებს ფოტოსინთეზს, ორგანული
ნივთიერებები აღარ გროვდება და პირიქით იხარჯება. ყველაზე
ხელსაყრელი ოპტიმალური ტემპერატურა, რომლის დროსაც
ფოტოსინთეზის ინტენსივობა აღწევს მაქსიმუმს, სხვადასხვა
მცენარეთათვის მერყეობს 20-300C საზღვრებში.
ყოველი ცოცხალი ორგანიზმის სუნთქვის არსი ერთი და იგივეა, მაგრამ
ცხოველთა სუნთქვა უფრო ინტენსიურია, ვიდრე მცენარის. სუნთქვის
ინტენსივობაზე დიდ გავლენას ახდენს შინაგანი და გარეგანი ფაქტორები.
სხვადასხვა მცენარის სუნთქვის ინტენსივობა ერთმანეთისგან
განსხვავებულია. უმდაბლესი მცენარეები სუნთქვის დიდი ინტენსივობით
გამოირჩევიან, განსაკუთრებით ობის სოკოები. დიდი ენერგიით სუნთქავენ
მცენარის სწრაფად მზარდი ორგანოები, გაღივებადი თესლები, ნორჩი
კვირტები, ფოთლები, წვნიანი ნაყოფი.
ასაკთან ერთად სუნთქვის ინტენსივობა მკვეთრად ეცემა.
მცენარის ზრდადასრულებულ ნაწილებში (გახევებულ ღეროებში, ძველ
ფესვებში, მშრალ ნაყოფებსა და თესლებში) სუნთქვა სუსტია და ზოგჯერ
სრულიად შეუმჩნეველი. მაგალითად, მშრალი თესლი სუნთქვაზე წელიწადში
მშრალი ნივთიერების მხოლოდ 3-4%-ს ხარჯავს.
გარეგანი პირობებიდან სუნთქვის პროცესზე მნიშვნელოვან გავლენას ახდენს
ჰაერის ტემპერატურა. ფოტოსინთეზისგან განსხვავებით, მცენარეთა სუნთქვა
მიმდინარეობს გაცილებით დაბალი ტემპერტურის პირობებში. 00C -ზე
დაბალ ტემპერატურაზე მცენარის სუნთქვა ჩვეულებრივ ჩერდება, თუმცა
მღიერები მინუს 100C -ზე, ხოლო წიწვოვნები კი მინუს 200C -ზეც განაგრძობენ
სუნთქვას.
ტემპერატურის მატებასთან ერთად იზრდება სუნთქვის ინტენსივობაც.
ტემპერატურის ყოველი 100C -ის მომატებით, სუნთქვის ინტენსივობა
დაახლოებით ორჯერ იზრდება. მცენარეთა უმეტესობისათვის, სუნთქვის
მაქსიმალური ინტენსივობა შეინიშნება 35-400C ანუ 5-100C –ზე მაღლა, ვიდრე
ფოტოსინთეზის დროს.
მაღალ ტემპერატურაზე მცენარე კარგავს ნახშირწყლების მარაგს და მასში ე.წ.
ცილოვანი სუნთქვა იწყება, რამაც მცენარის დასუსტება და მოსავლიანობის
შემცირება შეიძლება გამოიწვიოს. სუნთქვის მაქსიმალური ტემპერატურა 45-
500C -ია, შემდეგ მცენარის ცილები განიცდიან დენატურაციას.
სუნთქვის ენერგიაზე მოქმედებს სინათლეც. მწვანე მცენარეები სინათლეზე
გაძლიერებულად სუნთქავენ, არამწვანეები კი პირიქით, სუნთქვას აჩერებენ.
სუნთქვისთვის მეტად დიდი მნიშვნელობა აქვს წყალს. მშრალ თესლში,
რომლის ტენიანობა 10%-მდეა, სუნთქვა ოდნავაა შესამჩნევი. ტენიანობის
15%-მდე მომატების დროს სუნთქვის ენერგია 3-4-ჯერ იზრდება, 33%-მდე
ტენიანობის დროს კი თესლების გაჯირჯვება იწყება და სუნთქვის
ინტენსივობა უმაღლეს ზღვარს აღწევს.
მცენარის სუნთქვისთვის აუცილებელი პირობაა ჰაერის ჟანგბადის არსებობა.
ჟანგბადის ნაკლებობა სუნთქვის ინტენსივობას ამცირებს, ამცირებს აგრეთვე
მცენარეში მინერალურ ნივთიერებებთან ხსნარების შეწოვას, რაც გავლენას
ახდენს მცენარეთა ზრდა-განვითარებაზე.
ჟანგბადის ნაკლებობის დროს, ნორმალური სუნთქვის (აერობულის)
ნაცვლად, უჟანგბადო სუნთქვის პროცესი (ანაერობული) იწყება. ასეთი
სუნთქვა აქვს ზოგიერთ უმდაბლეს და უმაღლეს მცენარეს, რომლებიც
ჟანგბადს დროებით მოკლებულნი არიან. მრავალი მცენარის ღივი უჰაეროდ,
დღე-ღამეს და მეტსაც ძლებს. ჭაობის მცენარეებში სუნთქვის ანაერობულ წესს
კიდევ უფრო დიდი გავრცელება აქვს.