SA ILALIM NG PAYONG

NI INA
ISINULAT NI: Bb. JPR
 May apat na anak si Aling Felisa. Tatlong lalaki at isang
babae. Bawat problema ng magkakapatid ang kanilang Ina
lagi ang sumasaklolo at nagbibigay solusyon sa bawat
problema ng magkakapatid.

Si Aling Felisa , wala mang korona at kapangyarihang taglay

ay tunay na reyna at tagapagtanggol ng apat niyang supling.

Pasaway man ang mga anak ni Aling Felisa at medyo may

katigasan ang ulo pagdating sa kanya , ngunit sa ibang tao
naman ay puro paggalang ang sa mga anak ni Aling Felisa
ang kakikitaan.
 Kahit bumuo na ng sariling pamilya ang dalawang panganay
na anak ni Aling Felisa, pilit pa rin silang bumabalik sa
kandili ni Aling Felisa at sumisilong sa kanyang payong
kapag may malakas na ulan sa kanilang buhay.

Kung tatanungin ang kanyang mga anak kung paano nila

ilalarawan ang kanilang Ina ay “rapper daig si Flow G, ngunit
hindi kayang buohin ng titik sa alpabeto ang pagmamahal
naming sa kanya” saad ng bunsong anak.

Pag may problema tawag agad si Ina, pag nalulungkot

nadyan lagi si Ina, kahit may gawin na hindi maganda ang
mga anak ni Aling Felisa papatawarin pa rin sila. Sya ang
kahit paulit-ulit na nasasaktan hindi ka pa rin bibitawan.
Ayos lang na si Aling Felisa ang bumuhat ng problema ng
mga anak, kahit pagod na ipapakita pa rin niya na sya ay
masaya at tila hindi napapagod sa harap ng kanyang mga
anak.

“Tama na ang pagpapanggap ma, kami na ang bahala sa lahat” laging saad ng ikatlong anak ni
Aling Felisa. Kung dati ang apat na supling ni aling Felisa ay laging nakatago sa kanya,
ngayon sinisimulan na ng apat na anak ni aling Felisa na sila naman ang mag payong sa ina,
sila naman ang mangalay sa mga problema, at pinangakong hindi bibitawan ang ina gaya ng
pag hawak nito sa kanila.