REAKSYONG PAPEL

sa Maikling Kwento
SA BAGONG PARAISO ni Efren Reyes Abueg

I. MGA ELEMENTO
A. Tauhan
* Cleofe – ang babaeng kaibigan ni Ariel simula pagkabata, marunong magpahalaga sa magulang
ngunit dahil sa napamahal na sa kanya si Ariel ay hindi niya maiwasang hindi makipagkita dito.
* Ariel - ang kaibigang lalaki ni Cleofe mula pagkabata, malapit sa kanyang ama, gumagawa
ng paraan upang makasama ang kanyang minamahal.
* Ina ni Cleofe – nais niyang layuan muna ni Cleofe ang mga lalaki lalo na si Ariel dahil nais
niyang makatapos muna ito ng pag-aaral, mahigpit sa anak at takot sa sasabihin ng ibang tao
* Ama ni Cleofe – istrikto, nais niyang maging doktora si Cleofe
* Ama ni Ariel – madalas na nagbibigay ng payo kay Ariel, lalo na sa mga bagay nanaguguluhan
ang anak
* Ba Aryo – ang matandang lalaking tumulong upang maging ganap na binata si Ariel
B. Tagpuan
* looban
* dalampasigan
* Luneta
C. Banghay
* Panimula
Ang maikling kwentong “SA BAGONG PARAISO” ni Efren Reyes Abueg ay nagsimula sa
kawalang malay nina Ariel at Cleofe dahil walong taong gulang pa lamang sila. Ang kanilang daigdig ay
tahimik, ang kanilang kabuhayan ay hindi suliranin, ang kanilang mga magulang ay hindi nagaaway.
Sila’y palaging naglalaro sa kanilang bakuran at sa dalampasigan. Humihiga sila sa dalampasigan at
minamasdan ang langit hanggang sila’y makatulog at muling nagigising sa tawag ng kanilang mga
magulang. Ngunit hindi lamang iyon ang kanilang ginagawa. Nagtutuksuan at naghahabulan din sila at
kapag sila’y napagod mahihiga sila sa buhangin tulad ng ginagawa sa damuhan. Nang minsan ay
naitanong ni Ariel kay Cleofe kung naririnig ba nito ang tunog ng kanyang dibdib. Habang pinakikinggan
ni Cleofe ang tibok ng puso ni Ariel, napadikit ito sa buhok ni Cleofe at naamoy ni Ariel ang kanyang
buhok na napakabango. Tinanong ni Ariel kung ano ang ibig sabihin ng tunog sa kanyang dibdib
nagkatinginan lang sila at agad na binawi ni Ariel ang tingin kay Cleofe.
* Pataas na Aksyon
Nang mag-umpisa na silang mga dalaga at binata pinagbawalan na sila ng kanilang mga
magulang na maglaro katulad ng dati. Ang pagbabagong iyon ang nagpaunawa sa kanilang may tumataas
ng dinding sa pagitan nila. Nagkikita pa rin sila sa looban, ngunit hindi na tulad nang dating nagtatagal
ang kanilang pag-uusap. Parang laging may nakatingin sa kanilang mga matang nagbabawal. Sa looban,

REAKSYONG PAPEL
sa Maikling Kwento
SA BAGONG PARAISO ni Efren Reyes Abueg
Pangalan: Anabelle D. Brosoto
Seksyon: BSED III-F

ang kanilang mga magulang, sa paaralan, ang kanilang guro. Ang kanilang tawa ay hindi na matunog.
Ang kanilang pag-uusap ay hindi na malaya at pumipili na sila ng mga salitang kanilang gagamitin.
* Kasukdulan
Bagaman pinagbawalan na sina Ariel at Cleofe ng kanilang mga magulang na magkita,hindi
sila nakatiis at pilit pa rin silang nagkita. Nagkita sila Luneta, hindi lamang minsan kundi maraming
pagkikita. Ang kanilang sikil na damdamin ay lumaya at sa unang pagkakataon, pagkaraan ng ilang
buwan sila’y lumigaya.
* Pababang Aksyon
Nahuli si Cleofe ng kanyang magulang na nakikipagkita pa rin siya kay Ariel. Sumulat ang
mga ito na susunod ang tatay ni Cleofe kung saan siya nag-aaral ngunit dahil masyado mapusok sina
Cleofe at Ariel hindi nila sinunod ang kanilang magulang at itinuloy pa rin nila ang kanilang pagkikita at
nagpadala sa tukso at dito na nila natagpuan ang kanilang bagong paraiso.
* Wakas
Naging maligaya sina Ariel at Cleofe sa kanilang bagong paraiso ngunit isang araw ay
kumulog, dumagundong ang kalawakaan at nangagulat ang mga tao sa lansangan; pamaya-maya,
pumatak ang ulan, na ang pasimulang madalang ay naging masinsin. Ang dalaga ay dumungaw sa
bintana-masama ang kanyang pakiramdam. May kung anong nakakatakot na bagay sa kanyang katawan
na ibig niyang ilabas, na ibig niyang itapon. Si Cleofe ay nagduwal at napabulalas ng iyak. Marahil ay
nagbunga ang paghihimagsik nina Ariel at Cleofe.
D. Kaisipan
Marahil nais ipabatid ng may-akda sa mga mambabasa lalo na sa mga magulang na hindi nila
kailangang masyadong paghigpitan ang kanilang mga anak dahil maaaring may masamang maidulot din
ito sa kanila. Sa mga kabataan naman dapat ay hindi sila maging mapusok at mag-isip ng mabuti bago
gumawa ng isang desisyon.
E. Suliranin
Nagkaroon ng mga pagbabago sa buhay nina Cleofe at Ariel nang mag-umpisa na silang
magbinata at magdalaga.
F. Tunggalian
Tao laban sa tao – nagkaroon ng tunggalian si Cleofe at ang kanyang mga magulag sapagkat
ayaw muna nilang makipagkita ang dalaga sa mga lalaki dahil nais nilang makapagtapos muna ang dalaga
ng pag-aaral
Tao laban sa lipunan – takot ang mga magulang ni Cleofe sa sasabihin ng ibang taong makakakita
Ariel at Cleofe na magkasama kaya naman kahit wala namang ginagawang masama ang dalawa ay
pinagbabawalan nila itong magkita.

REAKSYONG PAPEL
sa Maikling Kwento
SA BAGONG PARAISO ni Efren Reyes Abueg
Pangalan: Anabelle D. Brosoto
Seksyon: BSED III-F

G. Paksang Diwa
Ito ay tungkol sa pagkakaibigan simula pagkabata kung saan unti-unting nagbago habang
sila ay lumalaki.Dahil sa pagiging konserbatibo ng mga Pilipino hindi nila tanggap ang pagiging malapit
ng isang babae at isang lalaki kahit na ang totoo ay wala naman silang ginagawang masama. Bagaman
alam natin na masyadong mapusok ang mga kabataan at dapat silang gabayan ng nakatatanda sa kanila,
nararapat pa rin na hindi sila masyadong paghigpitan bagkus ay bumuo sila ng magandang komunikasyon
sa kanilang mga anak at ipaliwanag ng maayos sa kanilang mga anak kung bakit may mga pagbabagong
nagaganap sa kanilang buhay habang sila ay lumalaki.
II. SULIRANING PANLIPUNAN
Ang maikling kwentonh “Ang Bagong Paraiso” ay hindi lamang kapupulutan ng aral kundi
nagmumulat din sa mga suliranin sa lipunan tulad ng mga magulang ni Cleofe na masyadong mahigpit sa
kanyang anak. Ang mga kabataan ay lalo lamang nagrerebelde kapag wala silang kalayaan, sapagkat ito
ang yugto ng kanilang kung kailan marami silang nais gawin, maranasan at tuklasin sa kanilang mga
sarili. Hindi maikakaila na nais lamang ng mga magulang na sila’y mapabuti kaya lang tao din sila at
hindi sila dapat kinokontrol na para bang walang sariling damdamin at isip.
III. KAUGNAY NA DISIPLINA
Ang kaugnay na disiplina ng akdang “Sa Bagong Paraiso” ay Humanities, Agham at Edukasyon
sa Pagpapahalaga. Humanities sapagkat ipinapakita dito kung paano namumuhay ang tao batay sa
lipunang kanyang ginagalawan. Halimbawa nito ay ang mga magulang ni Cleofe na takot sa sasabihin ng
iba kahit ang totooo ay wala namang ginagawang masama ang kaniang anak. Agham sapagkat tinatalakay
dito ang mga pagbabagong nagaganap sa isang tao kapag ito ay nagbibinata o nagdadalaga na, gayundin
ang sintomas ng isang babae kapag nagdadalang-tao siya. Edukasyon sa Pagpapahalaga sapagkat
ipinapahiwatig nito na importante ang pagsunod sa mga magulang at pag-isipang mabuti ang mag
desisyon upang huwag magsisi sa bandang huli.