Kaalaman sa Kulay, Hugis at Balance sa Paggawa ng 3D-craft. Balik-aral: Ano ano ang tatlong halimbawa ng 3D-Art? Anong mga bagay ang nakikita ninyo sa larawan?
Anong bagay ang gamit sa pagbuo nito?
Napag-aralan natin kung ano ang mga posibleng paggamitan ng mga 3D arts. Ngayon naman, pag-aralan natin ang mga kulay at hugis na maaari nating gamitin upang maging kaakit-akit ang ating mga likhang sining. Ang paggawa ng palayok ay isa sa mga sinaunang anyo ng ating sining. Tinatawag itong katutubong sining. Nagmula ito sa mga lalawigan ng Ilocos Sur, Panggasinan, Batangas at Laguna. Sa kasalukuyan ay may marami pa rin ang gumagawa ng mga palayok sa mga lalawigang nabanggit sapagkat ito ang kanilang pinangkakakitaan. * Maaari na rin tayo gumamit ng ibang materyales maliban sa luwad, ito ang tinatawag na 3D arts. Makakagawa tayo ng palayok na gawa sa iba’t-ibang bagay na makikita natin sa ating paligid. Halimbawa na dito ang mga lumang papel, magasin at dyaryo. Sa pagpili ng mga kulay, kinakailangan na masusing pagpili ng kulay na akma sa gusto ninyong gawin, mga kulay na makakaakit sa makakakita ngunit maganda at hindi masakit sa mata. Kinakailangang balanse ang kulay na inyong gagamitin. Sa hugis naman, pag-isipang mabuti kung ang likhang sining ay saang bahagi ng bahay maaring ilagay sa paggamit ng balanse. Mayroon tayong dalawang uri ng balanse, ito ay ang asymmetrical at symmetrical. Sa paggawa ng palayok maari itong symmetrical o asymmetrical, subalit kung ang gagawin mo ay mobile art, nangangailangan ito ng tamang balanse upang makagalaw ng malaya. Ganon din sa paggawa ng paper beads, mahalaga na makita ang pagiging balanse nito upang maipakita ang kagandahan ng likhang sining. Magsanay tayo: 1. Ano ang kahalagahan ng tamang pagpili ng kulay sa gagawing 3D art? ____________________________________________ _______________________________ 2. Bakit mahalaga ang pagiging balanse ng likhang sining na mobile art at paper beads? ____________________________________________ _______________________________ 3. Ibigay ang mga lalawigan kung saan nagmula ang sinaunang sining ng palayok? ___________________________________________ ________________________________ Sa inyong palagay, paano natin mapapanatiling buhay ang mga likhang sining ng ating mga ninuno? Mahalagang malaman natin ang wastong kaalaman sa pagpili ng kulay, hugis at disenyo na makakatulong upang maging orihinal at kahanga-hanga ang sariling likhang sining. Dapat din nating malaman ang kahalagahan ng mga sinaunang likhang sining ng ating mga ninuno. Sa paggawa ng anumang likhang- sining nararapat na isa-isip at isasalang-alang ang mga prinsipyo ng sining. Panuto: Piliin ang tamang sagot sa kahon. Isulat sa sagutang papel ang salitang bubuo sa pangungusap. 1. Ang ______________ ay isang uri ng sining na malayang nakatayo, may taas, lapad, anyong pangharap, tagiliran at likuran. 2. Ang __________ ay isang katutubong sining na ginagamitan ng luwad. 3. Kinakailangang mayroong _________ ang mobile art upang ito ay makagalaw ng malaya. 4. Ang ______________ay isang uri ng malagkit na lupa na ginagamit sa paggawa ng burnay o banga. 5. Ang pagiging ______________ ay isang katangian ng tao sa paggawa ng pansariling palamuti mula sa mga patapong bagay. 6. Ang _______________ang pangalawang libingan noong unang panahon. 7-10 Ang mga lalawiagan ng ____________, ___________, ___________, at _________ay kilala sa paggawa ng palayok. Masayang pag- aaral mga bata!!!