P 1 Aug 17:Layout 1 8/16/2011 10:01 PM Page 1

HNARUAK

Aizawl Masala
Restaurant, Zarkawt ah waiter English/Hindi thiam mamawh a ni e.
Contact : 2306109 (O) 9774373010

TheZozamTimes
www.thezozamtimes.org zozamtimes@rediffmail.com SPORTS

Chelsea aiin Arsenal : Ferguson

LAPTOP NEW ARRIVALS

@ Hi-end Laptop duhthusam HP Envy17 supporting 3D, Blue ray, 9 cell battery, Core i5, 4GB RAM, 640GB HDD, 1GB Graphics; @ Special Price Rs.19,900/- chauha lei theih Compaq Laptop - 1GB RAM, 250GB HDD, 13.3" leh a dangte pawh a lo thleng thar e.
HP COMPAQ Premium Partner

PHEK 7

THALAI TIMES

PHEK 8

BACELoNA IN FABREGAS AN LEI TLAwM HLE : wENGER

RNI NO. MIZ MIZ/2006/16849

wARRANT BAN ZAIPU THIHNA IN RIMAwI KHAwVEL BARAKHAIH

THLAKHATAH Rs. 100.00 VOLUME VI ISSUE NO 50 NILAINI

Fel Fel Digitals

Zarkawt Ph - 2305677

An pung chak zawk

thingtlangah mihring 48.49%, khawpuiah 51.51% an cheng
Aizawl, August 17 Kum 2001 leh 2011 inkarah Mizoramah hmeichhia 1,09,211 in an pung a, mipa erawh chu 93,230 chauhin an pung thung. Kum 10 chhunga mipa aia hmeichhe pun tam zawkna hi 15,980 zet a ni. Kum 2001 chhiarpui-ah Mizoramah hmeichhia 429,464 awmin 2011-ah chuan 5,38,675 an awm tawh a, kum 10 chhung hian 25.43 percent-in an pung a. Hetih lai hian 2001-ah mipa 4,59,109 awmin 2011ah 5,52,339 an awm a, kum 10 chhung hian 20.31 percent chauhin an pung thung a ni. Kum 10 chhunga hmeichhe pun -na hi sang zawk mahse, mipa erawh an la tam zawk tho a. Amaherawhchu, hetianga hmeichhe punna hi a sang chho zawk zel a nih chuan, chhiarpui awm leh hun, 2021-ah chuan hmeichhia hi Mizoramah an tam zawk loh pawhin mipa zat an awm tawh rin theih a ni. Hetianga hmeichhia an pun chakna chhan hi sex avanga inthliarna leh inenhranna a awm loh vang a ni a. Mizoram-ah hmeichhe fa duh loh vanga nau paih a awm lo chu thil chhuanawm tak a nih thu Chief Secretary, Vanhela Pachuau chuan nimina population provision paper 2 a tlangzarhna-ah a sawi. 2011 Provisional Population paper 2, nimina tlangzarh takin a tar -lan dan chuan, Mizorama mihring awm 1,091,014 zingah mipa 552,338 (50.62%) an awm a, hmeichhia 538, 675 (49.38%) an awm mek. Mipa 1000 zelah hmeichhia 975 awm anga chhut a ni. Mizoramah hian district khawpui 8, sub-district khaw 26 leh khawlian (town) 23 a awm mek a. Heng khawpui (urban)-ah hian mihring 561,977 (51.51%) an cheng a, thingtlang khua 830-ah mihring 529,037 (48.49%) an cheng thung a. Thingtlang leh khawpuia cheng zat hi a in tluk thuak a ni. District 8 zingah Mamit district chu 36.6 percent-a pungin an pung chak ber a, Lunglei district chu kum 10 chhungin 12.3 percent chauha pungin an pung chak lo ber thung. Kum 2001 a\anga 2011 inkarah hian Mizoramah mipui 2,02,441 (22.8 percent)-in an pung a. India ram pumah chuan 17.6 percent chauhin mihring an pung a ni. Chhiarpui bu thar ber a\anga a lan dan chuan Mizoramah hian sq.km khat bialah mihring 52 zel awm ang an ni a, India ramah erawh chuan sq.km khat bialah mihring 328 awm ang a ni. Aizawl district-ah mihring an bit ber a, sq.km khat bialah mihring 113 chengin Mamit district-ah an thawl ber a, sq.km khat bialah mi 28 chauh cheng ang an ni. Mizoramah hian naupang kum 6 hnuailam 1,65,536 an awm mek a, heng naupangte hi khawpuiah 91,755 chengin thingtlangah 73,781 an cheng a. Kum 2001 chhiarpui a\anga chhutin naupang kum 6 hnuailam hi 15.17% in an pung a ni. Mizorama mipui \han chhohna (22.78%) chu a duhawm thawkhatin a lang a. Kum 10 chhung khan Assam chu 16.93%, Arunachal Pra-

Mizoramah hmeichhia
HigHligHtS
Mizorama mihring awm zat hi India ram mihring awm zat atanga chhut chuan 0.09% chauh a ni. State 28 leh Union Territory 7 zing-ah Mihring tam lama chhutin Mizoram chu 29-na a ni. Mizorama mihring punna hi a tlahniam zawngin a kal a. 19912001 chhiarpuiah 28.8% a mihring an pun laiin 2001-2011-ah chuan 22.8% chauhin an pung a ni. Hmeichhia leh mipa zat inthlauhna (sex ratio) chu a sang zawng zelin a kal a. 2001-a mipa 1000 zelah hmeichhia 935 awmin 2011-ah chuan 1000 zelah 975 an awm a ni. Naupang kum 6 hnuailam hi 2001-ah mi 1000 zelah 964 niin 2011-ah chuan 971 a ni. Mizoramah ziak leh chhiar thiam 91.6% awmin India ramah 3-na a ni a. Serchhip district sang berin 98.8% in ziak leh chhiar an thiam a, Lawngtlai chu 66.4% niin an hniam ber a ni.

POSTAL REGISTRATION No. MZR/24/2009-201

AUGUST 17, 2011

Hawlan inter Hmalakna enfiah Departmental SportS Hawng

Aizawl: Nimin khan Chief Minister Lal Thanhawla chuan Aizawl Vanapa Hall-ah ni 4 chhung awh tur Inter Departmental Sports vawi 24-na a hawng. He sports hi Mizoram Civil Service Sports & Culture Association (MCSSCA) buatsaih niin, intih -siakna hi item hrang hrang 4, Badminton, Table Tennis, Chess leh Carromah te neih a ni ang. Badminton hi Govt. Mizo HSS Hall-ah category 7-ah khelin deptt. 24 an tel a, Table Tennis chu category 5-ah thenin Kulikawn Indoor Stadium-ah deptt. 22 ten an khel ang a, Chess-ah deptt. 20 telin category 3-ah then a ni a, MPRO Hall-ah an inkhel ang. Carrom chu category 4-ah then niin, deptt. 21 an tel a, Archive Hall, Babutlang-ah an khel dawn a ni.

UD&PA Minister Zodintluanga chuan nimin tlai khan Serchhip khawpui chhunga Urban Development & Poverty Alleviation deptt. hmalakna kal mekte a fangkual a. Hnathawktute kawm nghalin an harsatna a ngaihthlaksak bakah chak zawka hma lak a nih theih nan ruahmanna a siampui bawk. UD&PA Minister hian Serchhip Field Number 2, Serchhip VC-III huam chhunga Community Hall sakna tur hmun, VC-II leh VC-IV huamchhunga Indoor Stadium sakna tur hmunte, VC-I huamchhunga auditorium sak turte, New Serchhip-a Indoor Stadium sakna tur hmun leh Boxing Hall sak mekte a tlawh a. Hna chak taka thawk tura chahin, an intiam hun chhung ngeia hna zo tur leh a tul chuan zanah pawh thawk mai turin a hrilh.

Kan rama HIV hrik kai tam tak hian an chhung hnai ber berte pawh an hrilh ngam lo fova, rilru hah takin inenkawlna mumal dawng thei lovin an awm phah. Engvang nge? Endawng, thlauhthlak an hlau.
ISSUED BY : MSACS

LAWRKHAWM
q MICLUN-in YMA hmalakna demtu NEMSA an khak (p-2)

Sumdawng an nih hre lova bank dawr harsa an awm : PC Zoram Sangliana
Aizawl: Transport Minister PC Zoram Sangliana chuan Mizoram-ah RBI pawmpui ngei, mipui tana rinngam bank rintlak tam zawk awm belh zel se tih chu sorkar duhdan a nih thu a sawi a. Mizoram-a bank thenkhat chuan sumdawng an nih inhre chang lovin, anmahni dawrtute tana biak hrehawm khawpa induhsan ching an awm a, heng hi sim a tul hle a ni, a ti. He thu hi nimin khan Housing Development Financial Corporation (HDFC) Bank-in Car Loan Mela an buatsaih hawn pahin Minister hian a sawi a. HDFC Bank-in Mizoram-a an hotu atan leh officer dang atana Mizo nula leh tlangval thahnem tak an chhawr chu fakawm a tih thu sawiin, Hei hian Mizo mipuite tan tlangnelna boruak a siam a, bank mamawhtute tan dawr a tisamkhai lehzual a ni, a ti. Car Loan Mela hi HDFC Bank, Aizawl Branch, Bazar Bungkawnah neih a ni a. August ni 20, 2011 thleng a awh ang. Car Loan Mela neih chhung hian Car leh lirthei te chi hrang hrang atan sorkar hnathawk leh mimalte hnenah loan an pe chhuak dawn a, loan hi kum 2 leh kum 5 chhunga rulh tlak theih chite a ni ang. HDFC Bank hian Jaruary 5, 2010-ah Mizoram-ah bu khuar tanin, Aizawl-ah Branch an hawng a. Saiha, Lunglei leh Champhai-ah Branch an din tawh bakah kumin chhungin Kolasib leh Serchhip-ah branch thar hawng lehin, Aizawl leh Lawngtlai-ah branch thar din belh an tum bawk.

Cabinet meeting
q Vawiin chhun dar 12 hian Council of Ministers chuan New Secretariat Complex-a Chief Secretary Oce Conference Hall-ah Cabinet Meeting an nei ang.

desh 25.92%, Meghalaya 27.82%, Mamipur 18.65%, Tripura 14.75% in an pung a. Nagaland phei chu pun a hnekin an kiam a, chhiarpui hmasa aiin 2011 chhiarpuiah mihring 0.47% in an tlem zawk a, mi 70,812 zetin an kiam a ni.

Sawtan zirtirtute a kawm

Lunglei : Lawngtlai-a Independence Day hmanpuia zin School Education Minister Lalsawta chuan Thawhlehni khan Central YLA Hall, Lawngtlai -III ah Lawngtlai khaw chhunga zirtirtute kokhawmin Mizoram zirna siamthat a tum dan hrilhin a sawipui. He meeting hi LADC Chief Executive Member C.Ngunlianchunga bakah mi pawimawh dangten an hman -pui bawk. Minister hian Lunglei Circuit House Conference Hall-ah nimin khan Education Deptt. hotute a kawm bawk.

lirthei 24 mansak
q Aizawl City Trac Police chuan Thawhlehni khan trac dan bawhchhia Two Wheeler 14, Taxi 5, HMV 3, Bus 1 leh LMV 1 an man a, an pawisa chawitir tlingkhawm chu Rs.9450/- a ni.

mibo ruang hmu

q August ni 7, 2011 atanga chin hriat loha bo Lalmalsawma, Tlungvel Vengtharchu nimin khan Tlungvel khaw bula mimal Quarry-ah a ruang hmuh a ni a, a taksa a lo chhiat deuh tawh avangin vuiliam nghal a ni.

ruiHHlo ngaite Car Parking enkawl Dan zirin StateS 4-a tHawktute fuankHawm
Aizawl: Hmarchhak state 4 Manipur, Mizoram, Meghalaya leh Nagalanda UNODC a thawktute tan nimin atang khan Tourist Lodge, Chaltlangah ruihhlo ngaite enkawlna lama intuaitharna Strengthening Interventions among Female IDUs in North East India neih tan a ni a, vawiin hian chhunzawm leh a ni ang. Training-ah hian South Asia biala UNODC official ten zirtirna an pe a ni. UNODC chuan heng state 4-a tlawmngai pawl pakhat theuh nen tanghovin ruihhlo ngaite, a bikin hmeichhiate enkawl chungchanga ruahmanna hrang hrang-Female Dropin Centre, Counselling, condom sem, needle exchange, free medical treatment, ART Centre-a refer chungchang bakah; state 4-a ruihhlo mamawhna tih -hniam (drug demand reduction) leh HIV/ AIDS darh zau zel venna kawngah sorkar nena tanho dan chungchangte an zir ang. Training hawnna inkhawm hi Dr. Eric Zomawia, Project Director, Mizoram State AIDS Control Society leh Kunal Kishore, Project Co-ordinator, UNODC Regional Officer for South Asia ten an hmanpui a ni.

pawmpui tawh
q SSA leh RMSA hnalaka thil dik lo awm nia Verication Committee-in a chhuichhuah mi 44 te appoint an nihna order cancel-na tur chu Chief Minister Lal Thanhawlan a pawmpui (approved) tawh niin thudawn a ni.

Edenthar YMA kumpuan member misualin vawthlu

Aizawl SP oce car parking, chung lam atanga lak (pix:dma)

ranvulh tanpuina pe
q AH&Vety Minister NK Chakma chuan AH &Vety deptt. in chhungkaw 9,837 te hnenah ranvulh tanpuina Rs.21,45,00,343/- a pekchhuah tawh thu leh Sericulture deptt.-ah pangang khawitu chhungkaw 826 hnenah Rs. 3, 76,06,128/- pek a nih tawh thu Sangau-a Independence Day lawmna inkhawm a hmanpuinaah a sawi.
EXCHANGE

Hmarchhak State pariat Annual Plan-ah Mizoram plan a tlem

Aizawl: India hmarchhak state 8 te Annual Plan chu siamfel kim a ni ta a, Sikkim tih lohah chuan Mizoram Annual Plan chu a tlem ber a, central a\anga sum hmuh tur, SPA leh ACA-ah pawh a tlem ber dawttu a ni. Kum 2011-12 chhung a Annual Plan peih fel takah hian Assam chu cheng vbc 9000 a ni a, Minipur chu vbc 3210 niin Arunachal Pradesh chu vbc 3200 a ni. Meghalaya vbc 2727 a ni a, Nagaland vbc 1810, Tripura vbc 1950, Mizoram vbc1700 leh Sikkim vbc 1400 te a ni. Annual plan peihfel takah hian Special Programme Assistance (SPA) leh Additional Central Assitance (ACA) sum hmuh tur pawh telh nghal a ni a. State-in a thawhchhuah leh tum ve tur ni lo, central a\anga a thlawna hmuh tur SPA leh ACA-ah hian Arunachal Pradesh chuan vbc 1100 a hmu ang a, Assam-in vbc 800, Manipur-in vbc 800, Meghalaya-in vbc 700, Mizoramin vbc 450, Nagaland-in vbc 850, Sikkim-in vbc 300, Tripura-in vbc 800 an hmu dawn a ni. The Minister of State (Independent Charge) for Development of North Eastern Region, Paban Singh Ghatowar chuan ziaka nimina Lok Sabha a hrilh danin, State tinte Annual Plan a zirin Hmarchhak States hnenah \anpuina pek \hin a nih thu a sawi a. Kum kal mek 20112012 chhunga Non Lapsable Central Pool of Resources (NLCPR) hnuaia state hrang hrangte sum hmuh tawh dan a tarlang bawk. NLCPR hnuaiah hian kumin July ni 31 thleng khan Arunachal Pradesh chuan vbc 69.42, Assam vbc 28.40, Manipur vbc 14.45, Meghalaya vbc 54.89, Mizoram vbc 27.57, Nagaland vbc 30.61, Sikkim vbc 27.35, Tripura vbc 24.44 te pek an ni tawh niin minister chuan a sawi.

Aizawl: Edenthar Veng YMA Kumpuan duty zinga inhmang tak Lalzarliana (36) s/o Thantluanga chu nizan hmasa dar 12 pelh hret khan misual kut tuarin, nikhaw hre lova hun engemawchen a awm hnu-ah nimin tlai dar 2 vel khan a harh chhuak leh tan a, In lamah enkawl mek a ni. Lalzarliana hi Edenthar Veng YMA kumpuan duty-ah te taima taka tel thin nia hriat a ni a. Thawhleh zan zanlai khan phone a ni a, a nupuiin phone hi lo chhangin, a pasal chu kal rih lo mai turin a ti a. Hemi hnu hian tumhnih phone leh niin, Kumpuan Committee a nih anga koh a nih avangin a chhuak a, kawngpui a thlen veleh a kotu hian a lo vawthlu nghal mai nia hriat a ni. Heti anga tawhsual a tawh hnu hian engtin tin emaw an In chu a thleng leh mai thei a, mahse, nimin zing dar 6 velah khan biak zui theih loha a awm tak avangin Aizawl Civil Hospital-ah hruai nghal a ni a. Rei tak biak mumal theih loha a awm hnu-ah, nimin tlai dar 2 vel khan harh tanin, In lamah inenkawl zui tura hawtir rih a ni. Lalzarliana hian, amah kochhuaka vawtu hi Laldawngliana (Dawngtea), Vaphai lam mi nia inchhal a nih thu a sawi thei a. Doctor ten rilru hah lova awm

rih tura an tih avang leh, kut thlaktu ber hriat a nih tawh avangin a thil tawn chanchin hi an zawt thui duh rih lo tih thudawnna chuan a sawi. Edenthar Veng YMA hruaitute chuan Kumpuan Sub-Committee hranpa indin lovin, Executive Committee-in an kengtlang a, Executive Committee bakah hian a tui zual mi 2/3 vel chu Kumpuan Member atan ziaklutin, heng zingah hian Lalzarliana hi a tel ve a ni, an ti. He thil thleng chungchangah hian nimin zing khan Branch YMA hruaitute pawh an inkokhawm nghal chuk chuk a. Bawngkawn Police Station-ah FIR thehluh niin, FIR bawhzui hian police ten theihtawp chhuahin Lalzarliana kutthlaktu hi an zawng mek a. Branch YMA lam pawhin Police thlazar hnuaiah man a nih ngei theih nan theihtawp an chhuah mek tih thudawnna chuan a sawi. Hetianga Kumpuan Committee anga kohchhuah a nih avang hian Branch YMA chuan an ngai thutak hle a. Nizan khan emergency executive meeting an nei nghal a, an thurel erawh kan hre hman ta lo. He thil thleng chungchang hian Central YMA beng pawh a thleng tawh a, Kumpuan hmalakna avanga thiltih a ni ngei em tih an thlir zui ve mek nia hriat a ni bawk.

Currency

sumTHLENG
as on 16th August, 2011

1 Chinese Yuan = ` 7.09801 1 Indonesian Rupiah= ` .00530783 1 Taiwan Dollar = ` 1.5937 1 Japanese Yen = ` 0.588555 1 Lao Kip = ` .0579581

Engnge an sawi ?

International Market rate a chhut a ni

Sawi tlem la, tawngtai tam ang che Martin Luther

The Zozam Times

MAIN oFFICE Tuikhuahtlang Ph : (0389) - 2301767 SITE oFFICE Dr.C.Lalthanga Building Mahatma Gandhi lim bul Ph: (0389) 2300628 Cir. Manager Ph : 9612495056
AIZAWL weatherforecast.com : Chawhnu lamah ruah a sur rin a ni
MoRNING AFTERNooN NIGHT

kHawchin

(AUGUST 17 WED)

26/23

25/24

23/22

number hmasa hi maximum, number hnuhnung hi minimum a ni