Tinahak kong buong tapang ang lawak ng gubat Ang tarik ng kabundukan ay matiyaga kong inakyat Nang datnan ko ang taluktok, ang gaganda ng bulaklak Akoy biglang nagising sa sobrang pagkagalak Sa aking pagmumuni-muni, ako palay nangarap.
Sumapit ang umaga di na ako nakaidlip
Sa rami ng ibat-ibang sumagi sa aking isip Ng akoy mahimasmasan, saka ko nagunitang ito palay panaginip Ang landas kong tinahak at buhay na sinapit Kaya dagli kong kinuha yaong papel at panitik Upang aking ilarawan ang buhay kong napagsapit.
Isang abang musmos na laki sa lansangan
Sumpulan ng kutya kapag nagbabahay-bahayan Sa larong tumbang-preso, taguan, habulan Sentro ng asaran ang madilim niyang kamusmusan Kaya naman isang diwa ang kanyang nahinuha Na totoo pala na ang buhay ay kailanman hindi pagiging patas kaninuman.
Matapos ang maraming pagkakataon
Natuklasan niya ang isang misteryo Kasabay ng pagkahubog ng kanyanng isip Naging masikap siya sa pagbuo nitong mga tinig Sa likod ng kanyang mga ngiti Kaakibat nito ang hapdi sa kanyang dibdib
Kay rami niyang nakita
Nakikita rin kaya ng iba? Kay rami niyang narinig
Siya lamang ba amng nakaririnig?
Kay rami niyang nadamang Manhid nga ba ang paligid? Kay rami niyang nais sulating-nakita niya, narinig, nadama Ngunit paano kung mapagtawanan lamang Kung ituring itong walang katuturan Kung hindi man lang bigyan ng pansin o maski basahin
Naalala niyang muli
Ang pakikipaglaro sa takbo ng kapalaran Naramdamang niyang muli Ang napakatinding sakit Ng mga boses na unti-unting pumupukaw ng hininga At sa kaliwat kanay pumapatay ng diwa Ngunit, nang panandaliang napunan Himalang napawi ang pagdaramdam Humaplos ang kaluwalhatian sa mundng walang kasiguraduhan.
Muli niyang dinampot panulat
Bigyang buhay ang mga taludtod Sukdulang napagkasiyahang lamang Ang kulay ng akdang pusot diwa ang puhunan Ang kanyang mga naisatitik na kaisipan Patuloy pa rin sa pagkaripas kahit ituring itong walang kabuluhan.
Ang kanyang mga nakita narinig nadama
Pagkabigo, tagumpay, panimdim, pag-asa Ay patulong na ihihimig kahit walang makinig Tulad ng halamang sumisibol at nalalanta ng walang nakakakita Tulad ng bituing kumikislap-kislap Habang ang mundoy nahihimbing
Kahit pa ipagsawalang bahala
Bubuuin pa rin niya Ang kanyang mga salita sa mundong puno ng panghuhusga.