Ang Sanghiyas Pangkat Mananayaw ay itinatag noong Pebrero taong 1992 at
simula noon ay kumakatawan sa Mataas na Paaralan ng Pilipinas para sa Sining (PHSA) bilang pangkat na nagpakadalubhasa, nagpapanatili, at nagpapayabong ng kulturang Pilipino sa pamamagitan ng katutubong sayaw. Magkaganon man, ang pag-aaral ng katutubong sayaw ay isinama na bilang pangunahing kurikulum para sa sining mga anim na taon na ang nakaraan bago naitatag ang grupo. Taong 1986 nang nakita ng mga namumuno ng paaralan ang pangangailangan na ito ay maituro nang mabuti sa mga batang mag-aaral. Sa pamumuno ni Gng. Josefina Guillen, ang kasulukuyang direktor ng dibisyon para sa mga sayaw ng Sentrong Pangkultura ng Pilipinas (CCP) ay nagsimulang turuan ang kauna-unahang grupo ng mga iskolar ng katutubog sayaw. Unang nakilala ang grupo sa pangalang PHSA Folk Dance Troupe. Sa matamang pagsisikap ni G. Victor E.L Flor, kasulukuyang artistic direktor , na mabigyan ng katangi-tanging pagkakakilanlan ang grupo, ito ay pangalang Sanghiyas Pangkat Mananayaw. Ang salitang Sanghiyas ay kinuha sa salitang isa at hiyas na ang literal na kahulugan sa ingles ay one gem. Isa sa pinakamahalagang hiyas na matatawag ay perlas. Sa matalinhagang kahulugan ang mga mag-aaral na mananayaw ay tinuturing na mga perlas, mahahalagang hiyas ng PHSA. Ang PHSA bilang Mother pearl ay nagtataguyod sa mga batang iskolar ng katutubong sayaw na maging magagaling na guro, koryograper at mananaliksik. Matapos ang apat na taong paghuhubog, ang mga perlas na ito ay hihiwalay, dala-dala ang kanilang mga natutunan at kasanayan. Inaasahan na sila ay patuloy na magsisikap na pagbutihin ang kanilang mga kaalaman sa katutubong sayaw at gawin itong tuntungan sa pagpapaunlad ng kulturang Pilipino sa hinaharap. Ang pangunahing pangarap ng Sanghiyas ay ang makapagbigay ng sapat na kakayahan, kasanayan, at disiplina sa mga batang artistaupang maihanda sila bilang ga popesyonal. Kasabay nito, nialayon din ng grupo ang maibahagi ang kanilang angking talino sa pammagitan ng mga pagtatanghal sa ibat ibang dako ng Pilipinas at ibang bansa. Simula noong 1991, ang grupo ay nakapagtanghal na sa Mindoro, Palawan, Maynila, Laguna, La Union, Nueva Ecija, Cotabato, General Santos, Zambales, Bataan, Baguio, Masbate at Sorsogo. Kabilang din sa mga banyagang bansang narating ay ang Brunei, Darussalam, Taiwan, Monaco, Belgium, Italy, Korea, China at Japan.
Sa ngayon, ang grupo ay binubuo ng 23 mag-aaral, mayroon na ring 107 na
nagsipagtapos na. Ang Sanghiyas Pangkat Mananayaw ay nasa ilalim ng pamumuno ni G. Victor E.L. Flor, ang kasalukuyan Programa Coordinator at Artistic Director ng nasabing pangkat.
Impluwensya NG OPM (Original Pilipino Music) Sa Pagpapahalaga NG Kulturang Pilipino Batay Sa Pananaw NG Mag-Aaral Sa Kolehiyo NG Edukasyon Sa Pamantasan NG Misamis