Mga Pangunahing Konsepto ng Ekonomiks: Batayan ng Matalinong Paggamit ng Pinagkuknang Yaman tungo sa Pagkamit ng

Kaunlaran, Araling Panlipunan - Grade 9

Ang Kaugnayan ng Alokasyon sa Kakapusan

Layunin
Pagkatapos ng aralin, dapat ay natatalakay mo na ang kaugnayan ng alokasyon sa suliranin ng kakapusan.

Ano ang kaugnayan ng alokasyon sa suliranin ng kakapusan?

Alamin ang sagot sa araling ito!

Balikan Natin
Kakapusan at Alokasyon
Ang kakapusan ay ang permanenteng pagkaubos ng likas na yaman ng bansa na maaaring magdulot ng suliranin sa ekonomiya ng
bansa.

Ang alokasyon ay isang paraan ng wastong pamamahagi o distribusyon ng mga likas na yaman ng bansa. Dapat na alam ng mga
namamahagi ng likas na yaman kung anong produkto at serbisyo ang dapat gawin, paano ito gagawin, para kanino ang gagawing
produkto, at kailan dapat gagawin ang produkto o serbisyo. Kung makagagawa ng tamang alokasyon ng mga likas na yaman ay
walang maaaksaya sa pinagkukunang yaman.

Pag-aralan Natin
Kaugnayan ng Alokasyon sa Kakapusan

Malaki ang kaugnayan ng alokasyon sa suliranin ng kakapusan.

Ang alokasyon ay isang paraan upang mabigyang solusyon ang suliranin ng kakapusan.
Ang wasto at matalinong alokasyon ay mainam na pananggalang ng bansa laban sa suliranin ng kakapusan.

Limang Suliranin ng Alokasyon

May limang suliranin na dapat tugunan ng alokasyon upang matugunan ang suliranin sa kakapusan.
Tatlo sa mga suliraning ito ay tungkol sa suliranin sa produksyon o wastong paggamit ng mga likas na yaman sa paggawa
ng produkto.
Dalawa naman sa mga suliraning tutugunan ng alokasyon ay tungkol sa distribusyon o wastong pamamahagi ng mga likas
na yaman at produkto.
Kapag nabigyan ng tamang solusyon ang mga suliraning ito ay tiyak din na mabibigyang solusyon ang suliranin sa
kakapusan.

Suliranin sa Produksyon
Mayroong iba't ibang suliranin sa produksyon ng mga kalakal o produktong ipagbibili sa mga konsumer. Gayunpaman, may mga
paraan para matugunan ang mga suliraning ito.

Ano ang gagawain?

Dapat na matukoy ang uri ng produktong kailangan ng mga tao sa kanilang pang- araw-araw na pamumuhay.
Sa pamamagitan nito ay maiiwasan ang paggawa ng mga produktong hindi naman masyadong kailangan.
Sa tulong nito ay maiiwasang maaksaya ang mga likas na yaman pati na rin ang puhunan na gagastusin sa paggawa ng mga
hindi kailangang produkto.

Paano ito gagawain?

Dapat matukoy kung anong proseso ang gagamitin sa paggawa ng mga kailangang produkto.
 Dapat isaalang-ala ang mga sangkap o hilaw na materyales na gagamitin sa paggawa ng mga produkto.
Alamin kung saan makukuha ang mga sangkap na ito.
Makatutulong din kung malalaman ang mga kinakailangang kasangkapan o makinarya sa paggawa ng produkto.
Makatitipid sa paggamit ng mga likas na yaman o mga pinagkukunang yaman kung agad na matutukoy ang proseso at mga
kailangang sangkap sa paggawa.

Gaano karami ang gagawain?

Dapat na malaman kung sapat ba ang dami ng mga likas na yamang mayroon ang bansa upang magamit sa paggawa ng
kailangang produkto.
Sa pamamagitan nito ay malalaman kung makagagawa ng sapat na dami ng produkto para matugunan ang pangangailangan
ng lahat ng mamamayan.
Kung hindi naman sapat ang sangkap, kailangang makagawa ng paraan upang makapag-angkat ng produkto o magamit
nang wasto ang limitadong likas na yaman.

Suliranin sa Distribusyon
Kahit pa nagawa na ang produkto, mayroon pa ring suliranin sa distribuyon nito sa mga pamilihan. Sa kabila nito, mayroon maaaring
gawin bilang solusyon.

Para kanino ang gagawain?

Mahalagang malaman kung para kanino ang mga produktong gagawain o kung sino ang makikinabang sa produkto.
Sa paglikha ng produkto, kailangang isaalang-alang ang bilang, kasarian, at edad ng mga taong kokonsumo o gagamit nito.
Kinakailangan na ang mga tatanggap nito ay magkaroon ng lubos na kapakinabangan sa produkto.

Paano ipamamahagi ang produkto?

Dapat malaman kung sa anong paraan makararating sa mas maraming nangangailangan ang isang produkto.
Maiiwasan ang pagkakaroon ng kakapusan kung ang kailangang produkto ay makakamit at mapakikinabangan ng mas
maraming tao.

Pagnilayan
Sa iyong palagay, mabibigyang solusyon pa rin ba ang suliranin ng kakapusan kahit wala ang kaalaman sa wastong alokasyon?
Ipaliwanag ang iyong sagot.

Mahahalagang Kaalaman

Magkaugnay ang alokasyon at ang suliranin ng kakapusan.

Ang alokasyon ay isang paraan upang mabigyan ng solusyon ang pagkakaroon ng suliranin sa kakapusan.
May limang suliraning binibigyang solusyon ng alokasyon. Tatlo rito ay sa produksyon at dalawa naman sa distribusyon.
Ang mga suliranin sa produksyon ay:
o Ano ang gagawin?
o Paano ito gagawin?
o Gaano karami ang gagawin?
Ang mga suliranin sa distribusyon ay:
o Para kanino ang gagawin?
o Paano ipamamahagi ang produkto?

Pagtataya

1. Ano ang tawag sa permanenteng pagkaubos ng likas na yaman ng bansa?

2. Ano ang isang paraan sa wastong pamamahagi o distribusyon ng mga likas na yaman ng bansa?
3.
Ilang tanong ang tinutugunan ng alokasyon para masolusyunan ang suliranin sa kakapusan?
4. Alin sa sumusunod na mga tanong ang kabilang sa mga suliranin sa produksyon?
5. Alin sa sumusunod na mga tanong ang hindi kabilang sa suliranin ng distribusyon?
6. Dapat matukoy ang prosesong gagamitin sa paggawa ng produkto, gayundin ang mga sangkap at makinaryang kailangan sa
paggawa nito. Anong tanong sa suliranin ng produksyon ang tinutugunan nito?
7. Ano ang kaugnayan ng alokasyon sa suliranin ng kakapusan?
8. Alin sa limang tanong na tinutugunan ng alokasyon ang gagabay sa mga negosyante sa tamang produkto na gusto at
kailangan ng mga mamamayan?
9. Alin sa sumusunod ang nagpapakita ng isang wasto at matalinong alokasyon?
10. Bakit mahalagang magkaroon ng wasto at matalinong alokasyon ang isang bansa?