‫كل ما تريد أن تعرفه عزيزي الطالب الناجح في شهادة البكالوريا ووالموجه إلى تخصص الطب بجامعة‬

‫سيدي بلعباس‬
‫‪première année médecine université de sidi belabes‬‬

‫مالحظة‪ :‬الموضوع جهد لعضو في إحدى المنتديات منقول لمساعدة الطلبة الناجحين في البكالوريا‬
‫الموجهين إلى تخصص الطب جامعة سيدي بلعباس‬

‫أظن أن أهم الصعوبات التي ستواجه الطلبة الجدد هي كثرة المواد‪ ،‬اللغة الفرنسية لدى البعض‪ ،‬ضيق‬
‫الوقت‪ ،‬عدم معرفة تنظيم الوقت للمراجعة والحرية‪ ..‬نعم الحرية ألنك ستصبح حرا في حضورك للدروس‬
‫وفي المراجعة ‪ ..‬اود أن أوضح أن طريقة الدراسة والمراجعة تختلف عن الثانوية‪ ..‬فعليك أن تدرس بصفة‬
‫يومية وال تضيع الكثير من الوقت و إال ستتراكم الدروس عليك بسرعة البرق صدقني‪ .‬ويجب أن ترسخ‬
‫في ذهنك أنك تدرس لتصبح طبيب ناجح ماشي باش تبلع العام وخالص ألنو ‪ malgré‬كاين بزاف دروس‬
‫ما تحتاجهاش مستقبال لكن عليك أن تعرف كل شيء وإذا والفت عقلية نقرا باش نبلع العام غادي تضيع‬
‫في األعوام المقبلة‪.‬‬
‫الفترة الصباحية مخصصة بالدروس أما الفترة المسائية فهي مخصصة لألعمال الموجهة ‪ TD‬واألعمال‬
‫التطبيقية ‪ TP‬التي ستدرسونها كل أسبوعين‪ ،‬يعني أسبوع تقراو حشية و أسبوع ماتقراوش‪ ..‬بالنسبة‬
‫الستعمال الزمن الخاص بالدروس يعطى لكم في اليوم األول ويعلق طيلة العام في ‪ département‬وفيما‬
‫يخص استعمال الزمن الخاص باألعمال التوجيهية والتطبيقية سوف يعطى لكم في األسبوع األول او‬
‫الثاني و سيتم تقسيمكم إلى أفواج‪.‬‬

‫‪Anatomie‬علم التشريح‬
‫مادة رائعة و فيها الكثير من المصطلحات الجديدة لكن ستتعود عليها مع الوقت وسوف تصبح تتقنها‬
‫بسهولة‪ ..‬المعامل ‪ ..2‬سوف تدرسون ‪l’anatomie du membre supérieur et du membre‬‬
‫‪inférieur‬‬
‫تحتاج إلى كتابين لألستاذ‪SI SALAH HAMMOUDI‬‬
‫تدرسك األستاذة آمال‪ ..‬مليحة بزاف ‪ mais‬واعرة ‪ c’est pour ça‬ماالزمش تغلطو معاها ‪ sinon‬تحقد‬
‫عليكم‬
‫توجد مصطلحات جديدة ومصطلحات قديمة‪ ..‬لستم مجبرين بحفظ اإلثنين‪ ..‬لي جاتكم ساهلة حفظوها‬
‫عند حضور الدرس جيب معاك الكتاب و قلم الرصاص‪ ..‬وتبع مع آمال‪ ..‬هي تشرح الدرس ونتا تبع في‬
‫الكتاب وسطر على كامل واش تقول وبعد الدرس اعد كتابة كل ما سطرت عليه في ورقة واحفظ منها‪..‬‬
‫هذا هو السر في هذه المادة والقليل يعرفه ألن الكتاب فيه تفاصيل كثيييييييرة و بعض األخطاء ولن‬
‫تستطيع ان تحفظ كل شيء !! الشيء اللي تقولو آمال في الدرس هو الملخص وهو األهم‪ .‬راني نأكد ونزيد‬
‫نأكد !!! في الدرس جيبو الكتاب وقلم الرصاص وسطرو على واش تقول آمال وعاودو كتبو الملخص‬
‫واحفظوه على ظهر قلب‪ ..‬ال تشتروا الملخصات التي تباع في المكتبة ماراحش تفيدكم‪..‬‬
‫حاولوا ان تحفظوا دروسكم بنفس اليوم أو الويكاند تع نفس األسبوع باش توجدو رواحكم ل ‪TP‬‬
‫وصدقوني إذا اتبعتم هذه الطريقة الحفظ يجيكم ساهل‪.‬‬
‫اما عن المجاالت التدي تدرسها فهي‪:‬‬
‫‪L’ostéologie‬‬
‫تدرسون العظام‪ .‬الزم تحفظو ‪ schéma‬ألنو قادر في اإلمتحان تقوللكم ارسموا ‪.. Donc il faut que‬‬
‫تعاودو ترسمو العظم مع جميع البيانات واحفظوه مليح‬
‫‪L’arthrologie‬‬
‫تقراو على ‪ les articulations ..‬ركزوا على النقاط التالية ‪: la définition, les surfaces‬‬
‫‪articulaires, les moyens d’union et la cavité articlaire..‬هاذو هوما المهمين أما‬
 ‫‪l’anatomie fonctionnelle‬ما تركزوش عليها بزاف‪ ،‬اضربو عليها غير طلة خفيفة‬
‫‪La myologie‬‬
‫تقراو على العضالت‬
‫‪Les vaisseaux‬‬
‫تقراو على الشرايين واألوردة‬
‫‪Les nerfs‬‬
‫األعصاب‬

‫ال تهملوا الرسومات !!! تعاونكم بزاف في الحفظ باش ما تنساوش‬

‫أنصحكم بحفظ جميع عظام الجسم والعضالت إن تمكنتم من ذلك قبل الدخول الجامعي ‪c’est la‬‬
‫!! ‪moindre des choses‬‬
‫نوع األسئلة‪: qcm , questions de cours, schémas‬‬

‫‪Cytologie‬علم الخلية‬
‫تدرسون فيها على الخلية ومكوناتها بالتفصيل‪ .‬المعامل ‪ ..2‬عموما النقاط فيها شوية ضعيفة لكن كاين نقاط‬
‫ممتازة جدا‪ ,,‬الزم تحضروا الدروس الزم !! يدرسوكم أستاذتين ‪Mme RIH et Mme EL MAHI ..‬‬
‫الدروس تاع هاذ المادة تباع في المكتبة لكن ال تعتمدوا عليها كليا ألن األستاذة تقول أشياء ال توجد في ‪le‬‬
‫‪polycopié ..‬تبعو معاها أثناء الشرح وسوف تملي عليكم تلك النقاط اإلضافية وراح تدير منها معظم‬
‫أسئلة اإلمتحان ولهذا كتبو كامل واش تقوللكم واحفظوه على ظهر قلب‪ ..‬تقدرو تسجلو الحصة (بالصوت‬
‫فقط ألن الصورة ممنوع) كي تشرو الدرس شوفو واش ناقص و أضيفوه‪.‬‬
‫هذه المادة فيها ‪ TP‬تديرو فيها تجارب خفيفة وتكتبو ‪ le compte rendu‬وتعطوه لألستاذة في آخر‬
‫الحصة‪ ..‬كاين مشروع تديروه في السداسي الثاني‪ ..‬ما نعطيكمش التفاصيل بزاف ‪parce que la prof‬‬
‫تفهمكم كلشي‪.‬‬
‫ننصحكم باش تراجعو دروس الخلية قبل الدخول الجامعي وحاولو تعرفو المصطلحات بالفرنسية خاصة‬
‫الطلبة لي عندهم مشكل في اللغة‪.‬‬
‫شوفو اإلمتحانات السابقة لمعرفة نوع األسئلة وأيضا ألن بعض األسئلة تعاد‬
‫نوع األسئلة‪: qcm, qcs ; schéma, commenter un schéma, questions‬‬

‫‪Histologie & Embryologie‬علم األنسجة واألجنة‬

‫من أسهل المواد تعتمد أساسا على الحفظ‪ ..‬معامل كل مادة ‪ ..1‬تدروسونها بالتناوب يعني أسبوع تدرسون‬
‫‪Histo‬وأسبوع تدرسون ‪ Embryo ..‬الدروس تباع في المكتبة‪ ..‬شخصيا لم أكن احظر الدروس ماعدا‬
‫الحصة األولى‪ ..‬الزم تحفظو مليح ألنو تعاونكم بزاف تقدرو تدو فيها نقاط ممتازة حتى ‪ ..19‬إذا لم‬
‫تحظروا الدروس اغتنموا الفرصة للمراجعة أو للنوم والراحة ههههه المادتين فيهما أعمال تطبيقية ‪TP‬‬
‫ماتديروش فيها حاجة كبيرة‪ ..‬يعاودو يشرحلكم الدرس فقط‬
‫ننصحكم باش تراجعو دروس التكاثر(األجهزة التناسلية‪ ،‬اإلباضة‪ ،‬التلقيح‪ ،‬الهرومونات‪ ..‬الخ ) و كيف‬
‫كيف شوفو المصطلحات بالفرنسية قبل الدخول الجامعي‬
‫ننصحكم أيضا باش تشوفوا اإلمتحانات السابقة وامتحانات الكليات الخرى (تلقواهما على األنترنت) الن‬
‫نصف األسئلة تعاد كل سنة‬
‫نوع األسئلة‪: qcm‬‬

‫‪Génétique‬علم الوراثة‬
‫الدروس سهلة تقريبا كما درسناها في الثانوية‪ ..‬المعامل ‪ ..2‬تدرسكم ‪Mlle HAMZA CHERIF‬‬
‫‪Fatima Zohra‬السامطة ‪ -_-‬والمدعوة ‪ Ftita..‬دروسها ال تباع في المكتبة لذا عليكم حضور الدرس أو‬
 ‫اإلعتماد على مراجع أخرى‪ ..‬مع أن المادة سهلة الفهم إال ان النقاط فيها كارثية بمعنى الكلمة لكن هناك‬
‫من أخذوا ‪ 16 ،15 ،14‬حتى ‪ 17‬مارانيش حابة نهبطلكم المورال مي هادي هي الزم تعرفو واش كاين‬
‫باش ما تنخلعوش‪ ..‬هذه المادة فيها أعمال موجهة ‪ TD‬حيث تقومون بسلسة من التمارين‪ ..‬عليكم اإلتباع‬
‫جيدا ألن السر في هذه المادة ليس الحفظ و إنما طريقة اإلجابة‪ ,,‬عليكم ان تنتبهوا على جميع النقاط المتبعة‬
‫اثناء اإلجابة وإليكم مني هذه النصيحة‪ :‬إذا طاحت فيكم أستاذة أخرى في ‪ TD‬احظرو عندها بكل تاكيد‬
‫ألنه ممنوع الغياب بدون مبرر وفي األسبوع اللي ما عندكش فيه ‪ les TD‬احظر مع كاش فوج عند ‪Ftita‬‬
‫راح تستفيد من عندها بزاف (هي سامطة في الدرس برك بصح في ‪ TD‬تكون مليحة) وركز معاها مليح‬
‫في النقاط التي تركز عليها أثناء اإلجابة ألنها هي من تقوم بتصحيح األوراق ولهذا الزم تعرف الطريقة‬
‫تاعها‪.‬‬
‫الزم تكونوا واجدين في كل حصة تع ‪ TD‬ألنو قادر تديرلكم‪test‬‬
‫أنصحكم أن تراجعوا قوانين ماندل الثالثة‪ ،‬اإلنقسامات الخلوية)‪ ، (la mitose et la méose‬دروس‬
‫تضاعف ال ‪ ، ADN‬اإلستنساخ والترجمة‪ .‬ومن المستحسن قراءتها بالفرنسية حتى تتعودوا‪.‬‬
‫نوع األسئلة‪ :‬على شكل تمارين‬

‫‪Chimie‬الكيمياء‬
‫في الكيمياء تدرسون ‪ chimie générale et chimie organique‬كل واحدة على حدا‪ ..‬لكن اإلمتحان‬
‫يتضمن كليهما وسوف يكون التنقيط كاآلتي‪points pour la chimie générale et 10points 10 :‬‬
‫‪pour la chimie organique ..‬معامل الكيمياء ‪ ..2‬تقومون بأعمال موجهة وتطبيقية‪ ..‬النقاط فيها‬
‫كارثية أنصحكم بالتركيز على ‪ chimie générale‬ألنها هي من ترفع العالمة ‪... chimie organique‬‬
‫مهما فعلتم األستاذة ال تعطي نقاط جيدة‪ ..‬أنصحكم كذلك ببذل جهودكم في هذه المادة في السداسي األول‬
‫ألن لكم حظ أكبر في أخذ نقاط جيدة في هذا السداسي‪ ..‬التهملوا المشاركة في حصص األعمال الموجهة‬
‫‪TD‬ألنها هي من ترفع معدلكم السنوي في المادة‪ ..‬تفادوا كذلك الغيابات الغير مبررة‪ ،‬ألنها ستنقص من‬
‫العالمة و قد تؤدي إلى إقصائكم إن بلغت ‪ 3‬غيابات غير مبررة وبالتالي سيتم إقصاؤكم من المادة وسوف‬
‫تعيدون السنة ال محالة (في جميع المواد ليس فقط في الكيمياء)‪ .‬بعد كل حصة ‪ TP‬حضروا ‪le compte‬‬
‫‪rendu‬لتعطوه لألستاذ واتركوا ألنفسكم نسخة حتى تراجعوا منه ل ‪ examen de TP‬في آخر السنة‪.‬‬

‫‪1. Chimie générale‬‬

‫سوف يدرسكم أستاذ رائع‪ ..‬عليكم حضور الدروس عنده‪ ..‬يشرح جيدا و يملي عليكم الدرس‪ ..‬توجد عدة‬
‫دروس قد درستموها في الثانوية‪ ..‬عليكم دراسة هذه المادة جيدا ألنها هي من ترفع العالمة في ‪chimie‬‬
‫كما قلت سابقا‪..‬‬
‫راجعوا دروس التحوالت النووية جيدا‪ ،‬بنية الذرة والنواة‪ ،‬قوانين الكيمياء‪.‬‬

‫‪2. Chimie organique‬‬

‫األستاذة مملة ودروسها مملة‪ ،‬تعقد كل شيء وتقوم بالكثير من األخطاء‪ ..‬شخصيا‪ ،‬لم اكن احضر كثيرا‬
‫دروسها ولما أحضر أندم كثيرا بعد ذلك‪ ..‬قرار حضور دروسها أو عدم حضورها يعود لكم طبعا ولكن إن‬
‫لم تحضروا فاعتمدوا على مراجع أخرى للدروس‪ ..‬أستاذة األعمال الموجهة ‪ TD‬رائعة وكل من لم يفهم‬
‫الدرس سيفهمه عندها‪ ..‬لكن األستاذة دائما مشنفة وواعرة على الرغم من انها تشرح جيدا‪ ..‬عليكم أن‬
‫تحضروا التمارين مسبقا ‪ ..‬خذوها من أفواج اخرى‪ ..‬التنقلوا الحلول حاولوا الفهم ولو قليال ألنها احيانا‬
‫تأخذ قائمة الطلبة وتطلع أي واحد للسبورة لحل التمرين وتقعد غير تسقسي فيه ‪.. vous n’avez pas‬‬
‫‪intérêt‬تقولولها ما حليناش وإال تعطيكم عالمة مش مليحة‪ ..‬نتوما حاولوا تفهموا وهي تزيد تفهمكم‬
‫أكثر‪ ..‬شوية من عندكم وشوية من عندها‪.‬‬
‫راجعوا دروس الكيمياء العضوية وخاصة التسمية لكن بالفرنسية ماشي بالعربية‪ ..‬سوف أضع لكم درس‬
‫عن التسمية رائع قراو منو ألنو التسمية تحتاجوها عام كامل‬
 ‫هاهو رابط درس التسمية‪La nomenclature :‬‬
‫‪http://www2.unine.ch/‬‬
‫نوع األسئلة‪ :‬تمارين أو ‪ qcm‬على حساب األستاذ كل عام وكيفاش‬

‫‪Biophysique‬‬
‫تشرف أستاذتين على تدريس هذه المادة وهما ‪ Dr SEMMAH & Dr HADJ CHAIB‬باإلضافة‬
‫إلى أستاذة ثالثة وهي الفيزيائية ‪ Mme BELHADJ‬التي ستدرسكم فقط بضع حصص ‪ physique‬في‬
‫السداسي األول أو الثاني (كل عام وكيفاه‪ ،‬حنا قراتنا في السداسي األول) عليكم حضور دروسها آلنها‬
‫تملي‪ ..‬أما األستاذتين ‪ HADJ CHAIB & SEMMAH‬لم أحضر دروسهما طيلة العام إال بضع‬
‫مرات‪ ..‬تقومان بقراءة الدرس والشرح في حالة لم يفهم أي طالب دروسهما تباع في المكتبة‪ ..‬إذا تمكنتم‬
‫بفهم الدروس المطبوعة فال داعي أن تحضروا الحصص‪ ..‬حاولوا ان تحضروا تمارين األعمال الموجهة‬
‫مسبقا وال تهملوا المشاركة‪ ..‬احفظوا التعريفات والقوانين‪ ,,‬صحيح كاين قوانين بزاف بصح معندكمش‬
‫االختيار‪ ..‬امتحاناتها سهلة ما عليكم إال تطبيق القوانين‪ ..‬في السداسي الذي تدرسون فيه ‪ physique‬مع‬
‫‪biophysique‬ركزوا بزاف بزاف على ‪ physique‬ألن أسئلتها جد سهلة و هي التي ترفع لكم العالمة‪.‬‬
‫نوع األسئلة‪: exercices, excercies sous forme de qcm ou qcs, qcm, qcs, schéma‬‬

‫‪Physiologie‬‬
‫معامل المادة ‪ ,, 1‬يدرسكم عدة أساتذة‪ ..‬رجل في السداسي األول وامرأتين في السداسي الثاني (ال اتذكر‬
‫أساميهم)‪ ..‬بصراحة لم أحضر الدروس في السداسي األول لكوني أكره األستاذ و لهذا ما نقدرش‬
‫ننصحكم‪ ..‬لكن في السداسي الثاني احضروا الدروس ألن إحدى األستاذتين تملي‪..‬‬
‫كاين أعمال موجهة في المادة يعاودو يشرحلكم الدرس ويعطولكم ملخص يفيدكم في حل عدد قليل فقط من‬
‫األسئلة فال تعتمدوا عليه اعتمادا كليا‪..‬‬
‫راجعوا دروس الجهاز العصبي والرساالت العصبية‪ ..‬تحتاجوها في السداسي الثاني مارهيش صعبة‬
‫قادرين من الدرس فقط تفهموها ( العلميون قراو الجهاز العصبي في القسم النهائي لكن الرياضيون ال ‪ ..‬ال‬
‫تقلقوا انا أيضا كنت رياضية وصدقوني من أسهل الدروس)‬
‫نوع األسئلة‪: qcm ; qcs‬‬

‫‪Biostatistique‬‬
‫المعامل ‪.. 2‬في السداسي األول يدرسكم األستاذ ‪ Mr TALEB‬دروسه تباع في المكتبة وفي السداسي‬
‫الثاني يدرسكم أستاذ آخر يملي الدروس عليكم ولذا يجب عليكم الحضور للفهم والكتابة ألنها دروس جديدة‬
‫وتحتاج الفهم وليست في غاية صعبة واألستاذ بنفسه رائع ما تكثروش برك الهدرة والضحك عندو‪ ..‬لم‬
‫أحضر الدروس في السداسي األول‪ ،‬كنت نكره األستاذ طالب‪ ..‬ال يجيد الكالم باللغة الفرنسية ويقوم‬
‫يالكثير من األخطاء في الفرنسية‪ ،‬ما كنتش نقدر نركز معاه من كثرة األخطاء لكنه رياضي بمعنى الكلمة‪..‬‬
‫بزاف يفهمو عندو مليح‪ ..‬في حصص األعمال الموجهة ‪ TD‬يدرسكم هو و قادرة تدرسكم أستاذة اخرى‬
‫حابسة‪ ..‬إذا طاحت فيكم هاذيك األستاذة الحابسة ‪ bien sur‬الزم تحضروا ما عندكمش الحق تتغيبوا‬
‫شاركوا عندها من اجل النقاط وحاولوا تحضرو مع األفواج التي تقوم باألعمال الموجهة عند األستاذ‬
‫طالب في األسبوع لي ماعندكمش فيه ‪ les TD ..‬األستاذ صعيب شوية ويقزع ومايحبش التأخير وال‬
‫واحد يدخل موراه‪ ،‬لهذا اهدروا معاه بلباقبة غير في صالحكم واطلبوا منو اإلذن باش تحضرو عندو‬
‫األعمال الموجهة‪..‬‬
‫راجعوا دروس اإلحصاء التي درستموها في السنة األولى ثانوي ودروس اإلحتماالت التي درستموها في‬
‫السنة الثانية والثالثة ثانوي‪ ..‬راجعوها ‪ parceque‬رايحين تنقصوا على رواحكم بزاف خاصة بالنسبة‬
‫للطلبة لي ضعاف في الرياضيات‪ .‬إذا استطعتم دراستها بالفرنسية أو على األقل ترجمة المصطلحات لي‬
‫باينين سيكون احسن‪.‬‬
 ‫نوع األسئلة‪ :‬تمارين‬

‫‪Biochimie‬‬
‫المعامل ‪ ..2‬هذه المادة كابوس الطلبة‪ .‬كامل يكرهوها‪ ..‬مافيها ال أعمال وجهة وال اعمال تطبيقية‪ ..‬كاين‬
‫دروس تحتاج الفهم ولهذا الزم تحضروا ‪ sinon‬غير الحفيظ والقدام‬
‫مالحظة‪ :‬ستدرسون ‪ la biochimie structurale‬في السنة األولى و ‪la biochimie métabolique‬‬
‫في السنة الثانية‪ ..‬هكذا إن أردتم تحميل دروس أو كتب من األنترنت ما تغلطوش‬
‫نوع األسئلة‪: qcm‬‬

‫‪Informatique‬‬
‫أكثر مادة مريحة ههههه معاملها ‪ ..1‬الدروس تباع في المكتبة‪ ,,‬وانا برأيي حضور الدروس مجرد ضياع‬
‫للوقت‪ ..‬تفهموا كلشي في ‪ TP..‬ننصحكم في ‪ TP‬تكتبو التمارين تع ‪ l’algorithme‬الموجودة في ‪la‬‬
‫‪fiche de TP‬ألن األستاذة تديها في آخر الحصة‪ ،‬ما تعطيهالكمش‪ ..‬اكتبوها مع الحلول التمارين طبعا‪..‬‬
‫تحتاجوها في المراجعة‪ ..‬هذه المادة ال تحتاج للكثير من التحضيرات‪ ..‬الكل يراجعها ليلة اإلمتحان‪ .‬وما‬
‫عليكم غير تحفظوا الدروس وتراجعوا التمارين‪.‬‬

‫‪Déontologie et éthique médicale‬‬

‫مادة سهلة تدرس في ‪ 3‬حصص أو ‪ 4‬في آخر السنة‪ ..‬ال تحتاج لحضور الدروس‪ .‬معامل المادة ‪ 1‬وتعتمد‬
‫‪ %100‬على الحفظ‪ ..‬قادرين تحفظو في ليلة اإلمتحان‪ ..‬األستاذ يعطيلكم سؤالين فقط والزم تعمرولوا‬
‫الورقة‪ ..‬إذا ما عرفتوش تجابوا‪ ..‬كتبوا كامل واش حفظتوا المهم اإلجابة ما تكونش في سطرين‪.‬‬

‫بالنسبة للطلبة الذين ال يجيدون اللغة الفرنسية‪:‬‬

‫حابة نقول للطلبة لي عندهم مشكل في الفرنسية ما تخافوش‪ ،‬معظم الطلبة عندهم هذا المشكل حتى بعض‬
‫األساتذة‪ ...‬الذنب ليس ذنبكم والكل يتفهمكم لكن حاولوا قدر المستطاع من تحسين مستواكم‪ ..‬رايحين‬
‫تكونوا أطباء إن شاء هللا ومن المهم التكلم بالفرنسية‪..‬‬
‫حاولو تسجلو في دورات لتعلم الفرنسية بالنسبة للطلبة لي ما يفهموهاش كامل ‪ ..‬اشتروا كتب لتعلم‬
‫الفرنسية‪ ..‬حاولوا التكلم بها في كل وقت باش تتعلموا‪.‬‬

‫بالنسبة للمراجعة‪:‬‬
‫يجب أن تراجعوا و تحفظوا دروسكم كل يوم !! ال تنسوا تحضير التمارين للمشاركة‪ ..‬حاولوا قدر‬
‫المستطاع ان تدرسوا مساء كل ما أخذتموه صباحا ومراجعة الكل في عطلة آخر األسبوع‪ ..‬كل واحد ينظم‬
‫وقتو على حسابو ال أفرض نظام معين على احد ‪..‬‬
‫أثناء األسابيع األولى ال توجد أعمال تطبيقية وموجهة فاغتنموا هذه الفرصة لحفظ جميع دروسكم في‬
‫جميع المواد‬
‫ال تتركوا الدروس تتراكم عليكم !! إياكم ثم إياكم !! ماعليش تتراكم في مادة حتى ‪3‬مواد لكن ليس أغلبية‬
‫المواد أو كلها‪ ..‬إغتنموا العطل للمراجعة واستدراك ما تأخرتم عن حفظه‪..‬‬
‫كونوا أذكياء واعرفوا كيفاش تحفظوا باش ما تنساوش‪ ..‬شوفو ******* ‪ des vidéos sur‬يعاونوكم‬
‫بزاف باش ما تنساوش‬

‫بالنسبة للطلبة المقيمين في اإلقامة الجامعية‪:‬‬

‫حاولوا أن تأتوا قبل يوم الدخول الجامعي ببضعة أيام وذلك لترتيب الغرفة وتنظيفها وكذلك للتعرف على‬
‫المدينة الجديدة التي ستدرسون فيها وكل األماكن التي قد تحتاجونها كالمطاعم‪ ،‬مقاهي األنترنت‪،‬‬
‫المرشات‪ ،‬المحالت الغذائية‪ ،‬المكتبات‪ ،‬المكتبة العمومية‪...‬الخ حتى ال تضيعوا الوقت أثناء الدراسة‪..‬‬
 ‫وحاولوا أن تقللوا من "الخرجات" إال للضرورة أو التغيير من جو الدراسة من حين آلخر‪.‬‬

‫بالنسبة لألعمال الموجهة والتطبيقية‪:‬‬

‫حضروها مسبقا قدر المستطاع واسألوا األفواج األخرى عن ما قاموا به واطلبوا منهم ‪les fiches..‬‬
‫حذاري ثم حذاري الغيابات غير المبررة !! فإن بلغت ‪3‬غيابات غير مبررة سيتم إقصاؤكم من المادة‬
‫وبالتالي ستعيدون السنة‪ ..‬ما تقولوش غياب واحد ال يأثر‪ ..‬بل سيأثر في العالمة‪ ،‬باش ما تندموش في آخر‬
‫السنة‪ ..‬شاركوا دائما ألن المشاركة أيضا ترفع من العالمة‪ .‬سأشرح لكم طريقة تنقيط األعمال الموجهة‪:‬‬
‫‪5‬نقاط للمشاركة‪ 5 ،‬للحضور والغيابات و ‪ 10‬ل ‪ examen de TD‬أو ‪ examen de TP..‬وبالتالي‬
‫الزم تضمنو على األقل ‪8‬نقاط تاع المشاركة والحضور‪.‬‬

‫بالنسبة للدروس‪:‬‬
‫حاولوا تجو صباح بكري باش تشدو المكان في المقاعد األولى ألنه أحيانا ما تقدروش تبعو في الخلف‪..‬‬
‫تبعو مليح الدرس‪ ،‬تقدرو تسجلو الحصة بالصوت‪ ..‬والمواد التي تباع دروسها واألساتذة يقومون فقط‬
‫بالقراءة تجنبوا حضورها‪..‬من األفضل لكم ان ترتاحوا أثناءها او تراجعوا‪ ..‬ال لتضييع الوقت!!‬

‫األدوات والكتب الالزمة‪:‬‬

‫تحتاجون فقط كتابي ال ‪ anatomie‬لألستاذ حمودي‪ ..‬ال تشتروا ‪ LaRousse médical‬ال تحتاجوه في‬
‫السنة األولى‪ ..‬بالنسبة للطلبة لي عندهم مشكل في الفرنسية ربما قد يلزمكم قاموس المنهل فرنسي‪-‬عربي‪،‬‬
‫عربي‪-‬فرنسي‪ ..‬عموما كامل الطلبة يحتاجوا قاموس فرنسي‪-‬فرنسي حتى الطلبة الذين يجيدون اللغة‬
‫الفرنسية ألنو كاين كلمات جديدة ومن األحسن تحميل ‪application sur votre smartphone si‬‬
‫‪vous en avez‬أفضل من شراء قاموس‪ .‬خطيكم من استعارة الكتب من المكتبة فال فائدة لها‪ ،‬أصال ما‬
‫يكونش عندكم الوقت‪ ،‬احفظوا دروسكم بزاف عليكم‪.‬‬
‫تحتاجون مئزر أبيض ‪ une blouse blanche‬تلبسوها في األعمال التطبيقية‪TP‬‬
‫أقالم ملونة – ‪ – les surligneurs‬قلم رصاص‪ -‬ممحاة – أوراق بيضاء ‪....‬الخ هههه ماراناش في‬
‫اإلبتدائي‬
‫بالنسبة لكتابة الدروس وحلول التمارين‪ ..‬لكم اإلختيار إما كراريس أو أوراق ترتبونها في ‪des portes‬‬
‫‪documents ou bien des classeurs‬كل واحد واش يساعدو‪ ..‬ما تكثروش ‪ les registres‬وإال‬
‫سيبقى منها الكثير من األوراق الفارغة في آخر السنة‪ ..‬الحظت أن أغلب الطلبة يستعملون كراريس‬
‫صغيرة لكونها خفيفة‪ ..‬أنا شخصيا كنت أستعمل ‪ des portes documents‬كل مادة بلون خاص كما‬
‫استعملت كراريس ‪96‬صفحة لألعمال الموجهة‪ ،‬كراس واحد لمادتين‪.‬‬
‫تحتاجون أيضا قهوة كحلة هههههه خاصة أيام اإلمتحانات‪ ..‬تقدروا تشروا فيتامينات من الصيدلة بصح ما‬
‫تكثروش منها ‪ sinon‬تهلككم‬

‫إياكم‬
‫*الغيابات في األعمال التطبيقية والموجهة‪ ..‬راني ناكد ونعاود‬
‫*إهمال الدروس وعدم حضورها (ماعاد التي يقوم فيها األستاذ بالقراءة)‬
‫*إهمال المراجعة اليومية وعدم التنظييم‬
‫*اإلكثار من الخرجات والسفر والعودة إلى المنزل أليام كثيرة (للطلبة لي بعاد على دارهم) وإهمال‬
‫الدراسة‬
‫*مخالطة الناس لي يشكو بزاف أو لي مايقراوش أو الذين ينزلون من معنوياتك‬
‫*تحفظو ‪ les QCM‬بدون فهم أو حفظ الدرس‪ ..‬هدفكم أن تكونوا أطباء ماشي باش تبلعو العام‬
‫*إهمال أي مادة‪ ،‬حاولوا قدر المستطاع أن ال تتحصلوا على نقطة إقصائية ‪ note éliminatoire‬أي أقل‬
‫من ‪ ..5‬ألنه سيصبح من الصعب تعويض النقص‪ ..‬ما عليش نقطة تحت المعدل تزيرو رواحكم و‬
 ‫تعوضوها لكن النقطة اإلقصائية ال‬
‫*فقد الثقة في النفس واإلستسالم‪ ..‬حاول قدر المستطاع و ما تفشلش‪ ,,‬ستمر بأوقات صعبة جدا لكن ال‬
‫تفقد األمل لست وحدك بل جميع الطلبة مثلك‪ ..‬كامل يعانو مثلك‪ ..‬وما تفشلوش كي تشوفو نقاط ماشي‬
‫مليحة‪ ،‬نساو النقاط الممتازة تاع الثانوية والباكالوريا‪.‬‬
‫*إهمال الراحة‪ ..‬الزم ترتاحوا باش تقدروا تكملوا‪ .‬الزم تكونو مرتاحين ‪moralement et‬‬
‫‪physiquement..‬بعدوا على المشاكل وخذوا قسط كافي من النوم قدر المستطاع وكلوا مليح‪ ،‬ما‬
‫تقعدوش للجوع باش مخكم يقدر يخدم‪.‬‬
‫*اإلكثار من المراجع فيما يخص الدروس وإال ستضيعوا‬

‫مواقع قد تفيدكم للدراسة ولتحميل الدروس والكتب ومواضيع اإلمتحانات‪:‬‬

‫‪http://www.wikinu.org/‬‬
‫‪http://www.cours-medecine.info/‬‬
‫‪http://www.megaqcm.com/‬‬
‫‪http://www.sba-medecine.com/‬‬
‫‪http://medsba.hyperqcm.com/‬‬
‫‪http://www.lachimie.net/‬‬
‫‪http://cvirtuel.cochin.univ-paris5.fr/‬‬
‫‪http://hyperqcm.com/‬‬
‫‪http://www.livrebooks.eu/‬‬
‫‪http://www.cours2medecine.com/‬‬

‫مالحظة هامة ‪:‬حاولوا استغالل ما تبقى من العطلة وال تشغلوا أنفسكم كثيرا بالدراسة‪ ..‬الدروس التي‬
‫نصحتكم بمراجعتها قبل الدخول الجامعي‪ ،‬راجعوها قبل الدخول بحوالي أسبوع فقط باش تتفكروها وتكون‬
‫عندكم فكرة وماتضيعوش بزاف الوقت أثناء الدراسة‪ ,‬لستم مجبرين ‪.‬‬