Jefferson Gabotero
PALIWANAG:
Enero 14, 2019
Awtput #3
Layunin: Nakasasaliksik ng isang awitin na
tatalakay sa pakikihamok ni Basilio sa buhay
upang matamasa niya ang kanyang kinalalagyan
sa kasalukuyan, gawing batayan ang Kabanata 6
ng El Filibustersimo na pinamagatang “Si
Basilio” at ipaliwanag ng Maayos, Makabuluhan,
at Komprehensibo kung bakit ito ang napili mong
maaaring maging awit ng buhay ni Basilio.
Maglahad ng patunay o halimbawa.
“PAGSUBOK”
Orient Pearl
Isip mo'y litong lito
Sa mga panahong nais mong maaliw
Bakit ba bumabalakid
Ang iyong mundong ginagalawan
Ang buhay ay sadyang ganyan
Sulirani'y di mapigilan
Itanim mo lang sa 'yong pusong
Kaya mo yan...
Pagkabigo't alinlangang
Gumugulo sa isipan
Mga pagsubok lamang 'yan
Huwag mong itigil ang laban
Huwag mong isuko... at 'yong labanan
Huwag mong isiping ikaw lamang
Ang may madilim na kapalaran
Ika'y hindi tatalikuran
Ng ating Ama na Siyang lumikha
Hindi lang ikaw ang nagdurusa
At hindi lang ikaw ang lumuluha
Pasakit mo'y may katapusan
Kaya mo 'yan...
Pagkabigo't alinlangang
Gumugulo sa isipan
Mga pagsubok lamang 'yan
Huwag mong itigil ang laban
Huwag mong isuko... at 'yong labanan
Huwag mong isiping ikaw lamang
Ang may madilim na kapalaran
Ika'y hindi tatalikuran
Ng…
Pagsubok, ito ang napili kong kanta na maaaring
sumalamin sa naging buhay at karanasan ni Basilio
sapagkat ang kantang ito ay napapatungkol sa
pagkakaroon ng malaking pag-asa upang makamit
ang iyong mga pangarap. Mula sa ikawalong linya
ng kanta, “Kaya mo yan..” Kahit na sobrang dami ng
mga pagsubok sa buhay at gulong gulo na sa buhay
si Basilio noong bata pa siya ay hindi siya nawalan
ng pag-asa, lumaban siya at hindi sumuko. Lahat ng
hirap na dinanas niya ay kinaya niya at nalampasan
niya dahil ito ang nagagawa ng pag-asa. Kapag may
pangarap ka, walang kahit na anumang bagay ang
makapipigil sayo dahil nga “Mga pagsubok lamang
yan” at hindi dapat tinatalikuran ang mga
pagsubok.
“Hindi lang ikaw ang nadurusa, at hindi lang ikaw
ang lumuluha”, sa paglipas ng mga taon ay
maaaring namulat na siya sa realidad na hindi
lamang siya ang may madilim na karanasan, na
maaaring mas malubha pa ang mga problema ng
ibang tao. Kaya mas ginusto niyang ipagpatuloy ang
pangarap nila ni Crispin na maging doktor dahil
alam niya na sa pamamagitan ng pagdodoktor ay
marami na siyang matutulungang mga tao lalo na’t
makapagbibigay pa siya ng bagong pag-asa sa mga
taong kanyang mapapagaling o magagamot.
“Pasakit mo’y may katapusan” sa aking opinion,
masasabi ko na isa ito sa mga naging ideolohiya o
motibasyon ni Basilio noong siya ay bata pa dahil
base sa aking nabasa sa kabanata 6 (“Ninais nang
mag pasagasa sa mga karuwahe dahil sa hirap at
gutom.” ) ay hindi na niya ito naituloy dahil para sa
akin, si Kapitan Tiyago ay ipinadala ng Diyos upang
magbigay liwanag at pag-asa kay Basilio para
maialis siya sa kahirapan. Kaya sa tingin ko, simula
noong Makita ni Basilio si Kapt. Tiyago, naisip niya
na ito na ang simula, ang simula ng unti-unting
pagkabura ng mga pasakit niya sa buhay.
Dahil sa paglaban, hindi pagsuko, at higit sa lahat,
ang pagkakaroon ng pag-asa ni Basilio ay malapit
na niyang makamit ang kanyang mga pangarap. Sa
pamamagitan ng mga pinaplano niya ay
nasisigurado niyang maiaangat niya ang mga
Pilipino mula sa kahirapan at madilim na
kapalaran. Susuklian niya ang kabaitan ni Kapitan
Tiyago sa pamamagitan ng pagtulong rin sa ibang
tao.