LINGGO 2
El Filibusterismo
Kabanata 6 Si Basilio
Umalis si Basilio sa bahay ni Kapitan Tiago, madaling
araw pa lamang. Nagtungo siya sa libingan ng mga Ibarra
sapagkat anibersaryo ng pagyao ng kaniyang ina. Nag-alay
siya ng isang panalangin para sa ina. Matapos iyon ay lumisan
na rin si Basilio at bumalik na sa Maynila. Muntik nang
magpakatiwakal si Basilio noon dahil sa mga suliraning
hinaharap. Nakita lamang siya nina Toya Issabel at Kapitan
Tiago at kinupkop at pinag-aral ito sa Letran. Hirap noong
unang taon sa eskwela si Basilio at tanging “adsum” o
“narito” ang kaniyang nababanggit. Nakukutya rin siya dahil
sa knaiyang lumang kasuotan. Gayunman, walang nakapigil
kay Basilio na mag-aral. Nagkaroon ng guro si basilio na
tnangka siyang lituhin sa isang aralin. Ngunit nasagot ni
basilio nang ilang beses ang tangka ng guro. Dahil ditto ay
nagkaroon sila ng alitan at nagkaroon pa ng laban sa sable at
baston. Naging sobresaliente din siya o may pinakamataas na
marka. Hinikayat nama siya na mag-aral sa Ateneo Municipal
kung saan siya kumuha ng medisina.
Kabanata 7 Simoun
Sa kabanatang ito masisilayan ang talas ng kaisipan
ng dalawang tauhan na sina Simoun at Basilio. Pagkatapos ng
labintatlong taon ay muling Nakita ni Basilio ang
misteryosong lalaki na tumulong sa paglilibing sa kaniyang
inang si Sisa. Ito ay ang nagbalat-kayong mag-aalahas na si
Simoun. Si Basilio ang unang kasama ni Simoun sa himagsikan
laban sa mga mapang-aping kasapi ng pamahalaan. Si Simoun
ay nagbalik upang gisingin ang damdamin ng bayan sa
paghihimagsik laban sa pagmamalabis ng taong pamahalaan
at simbahan. Inalok ni Simoun si Basilio na makiisa sa
kaniyang layunin, ngunit ito ay kanyang tinanggihan. Ang
pangarap ni Basilio ay makatapos ng medisina at matubos sa
pagiging alila ang kanyang kasintahan na si Huli. Ang mga
layunin na ito ay pinagtawanan at kinutya ni Simoun.
Sinabihan niya ang binate na walang kabuluhan ang buhay na
hindi inuukol sa dakilang layon. Ayon sa kanya ay dapat na
maging malaya muna sila sa mga mang-aalipin para makamit
nila ang mapayapang buhay. Hindi naging sapat ang mga
pangaral ni Simoun upang tuluyan niyang makumbinsi ang
binatang si Basilio.
Kabanata 23 Isang Bangkay
Nang matubos ni Basilio si Huli sa pagiging katulong,
itinuloy niya ang pag-aaral at pag-aalaga kay kapitan Tiago.
Madalas ay dumadalaw si Simoun at kinukumusta si kapitan
Tiago. May nais si Simoun na ipagawa kay Basilio at ito ay ang
pagtakas kay maria Clara sa monastery. Agad sinabi ni Basilio
na hindi na ito maisasakatuparan huli na raw ang planong ito
ayon kay Basilio dahil nabalitang si Maria Clara ay
sumakabilang buhay na. litong nilisan ni Simoun ang lugar na
halos sumabog ang kaniyang dibdib. Kalagim-lagim ang
balitang ito sa kanoiya. Ang himagsikang nakapagbukas ng
pintuan ng kumbento at dahilan ng kaniyang mga balakin ay
nagkaulap sa kaniyang harapan. Naiwan si Basilio na awang-
awa kay Simoun. Nawala sa isip ang pag-aaral at muling
sumagi ang alaala ng dalawang kapos-palad na kapwa
pinagkaitan ng kapalaran.
Kabanata 26 Mga Paskin
Nang makarating sa San Juan De Dios at tanungin
ang mga kaibigan tungkol sa paghihimagsik, napalundag si
Basilio at sumagi sa isip ang binalak ni Simoun na hindi
natuloy dahil sa mahiwagang pangyayari sa mag-aalahas.
Nalaman niyang maraming mag-aaral ang sangkot. Puno ng
pananakot ang mga paskin, nanganib ang mga mag-aaral
dahil mabilis itong kumalat sa mga nasa pamahalaan.
Patatalsikin ang mga mag-aaral. “Kung si Simoun ang may
kagagwan humanda siya at maninindigan ako,” ayon kay
Basilio.
Kabanata 31 Mataas na Kawani
“Kung totoong magtatapos na ang Basiliong iyan,
dapat na lalong makulong Pilibusterong Manggagamot,” saad
ng Kapitan Heneral. “Napiit ako na walang kasalanan, mabuti
at tinulungan ninyo akong makalaya kaya bigyan ninyo ako ng
sandata at handa na akong lumaban.” Pinanindigan ng
mataas na kawani ang pagtulong kay Basilio na naging dahilan
ng malubhang alitan sa pagitan nila ng Kapitan Heneral.
Kabanata 33 ang Huling Matuwid
Gayakin mo Basilio ang mga kabataan upang
lumahok sa ating pakikidigma. Ipinaklita ni Simoun kay Basilio
ang isangn lampara na puno ng Nitroglisarina na nakatakdang
sumabog sa tamang panahon at lugar. Maayos na po pala ang
inyong plano, sabi ni Basilio kay Simoun. Malaki ang
maitutulong mo Basilio. Sumang-ayon si Basilio, naisip niyang
bakit niya isasaalang-alang ang lipunang walang malasakit sa
kaniya. Natuwa si Simoun sa sinabi ni Basilio at iniabot at
rebolber nagbilin na maghintay sa tapat ng simbahan ng San
Sebastian upang tanggapin ang huling utos.
Kabanata 33 ang Huling Matuwid
Nakakainip ang mabagal na takbo ng oras, Nakita ni
Basilio ang paglabas ni Simoun dala ang lampara. Tunay ang
kaniyang hinala na lahat ay patungo sa dating tirahan ni
kapitan Tiago.
GAWAIN 1: SURI-UNAWA
Panuto: Sagutin ang mga sumusunod na katanungan
batay sa pagkakaunawa sa buod ng mga kabanata.
1. Ano-ano ang iyong naging pagkakakilala kay
Basilio batay sa inilahad ng mga pangyayari sa
nobela? Magbigay ng mga suportang patunay
sa kasagutan (4 puntos)
2. Paano hinikayat si Basilio na maging kaanib sa
paghihiganti? (2 puntos)
3. Nagkaroon ba ng epekto sa pagkatao ni Basilio
ang mga pangyayaring naganap sa kaniyang
buhay? Pangatwiranan. (4 puntos)
GAWAIN 2: UGNAY-KASALUKUYAN
Panuto: Magsalaysay ng isang pangyayari mula sa
binasang kabanata na maiuugnay sa kasalukuyang
panahon.
MGA KRAYTIRYA:
 Kaangkupan sa pinapaksa ng anumang
kabanatang napili na kaugnay kay Basilio (5)
 Kalinawan ng pag-uugnay sa kasalukuyang
panahon (5)
 Pagsaalang-alang sa wastong mekaniks sa
pagsulat- bantas, baybay, pagbuo ng
pangungusap (5)