Introduksiyon

-Ang Mother Tongue-Based Multilingual Education (MTB-MLE) ay ang pangunahing programa

ng pamahalaan para sa sector ng edukasyon bilang isang bahagi ng pagsasakatuparan ng K to 12
Basic Education Program. Ipinatupad noong 2012, nang administrasyon ni dating Pangulong
Benigno Simeon Cojuangco Aquno III na nagpabago sa Sistema ng edukasyon sa Pilipinas. Ang
Mother Tongue-Based Multilingual Education (MTB-MLE) ay partikular na ginagamit ng mga
guro sa pagtuturo sa Kindergarten, Unang baiting, ikalawa at ikatlong baiting para mas
mapapadali ang pagkatuto ng mga mag-aaral. Hinihikayat nito ang mga mag-aaral na gamitin
ang nais nilang Lenggwahe at kung saan sila mas komportable upang maipahayag nila ang
kanilang damdamin o saloobin nang mas maayos, madali at walang bahid ng takot na
magkamali. Hinihikayat din nito ang aktibong pakikilahok ng mga bata sa proseso ng pag-aaral
dahil nauunawaan nila ang tinalakay at kung ano ang hinihiling sa kanila. Maaari agad nilang
gamitin ang kanilang sariling wika upang maitayo at ipaliwanag ang kanilang nararamdaman,
magsalita kung ano ang nais nilang sabihin at madagdagan ng mga bagong konsepto na kanilang
nalalaman. Maraming mga mag-aaral ang nahihirapan sa asignaturang matematika lalong lalo na
ang mga hindi gaanong magaling sa klase, nahihirapan silang maintindihan ang mga itinoturo sa
kanila ng kanilang mga guro pero dahil sa Mother Tongue-Based Multilingual Education (MTB-
MLE) ay mas naiintindihan na ng mga mag-aaral ang araling ginagamitan ng sarili nilang salita
lalong lalo na sa asignaturang matematika bukod pa rito ay mas nalulugod ang bata na mag-aral
dahil nararamdaman nito ang sense of belongingness sa paggamit ng sarili nilang pananalita.
Mas napapadali na ngayon ang pagtuturo ng mga guro sa kanilang mga mag-aaral dahil mas
madali ng maintindihan At maunawaan ng mga bata ang mga tinalakay ng kanilang mga guro.
Mas nagagalak ang mga bata na pumasok sa kanilang paaralan upang matuto ng mga bagong
itatalakay ng kanilang mga guro. Ang Mother Tongue-Based Multilingual Education (MTB-
MLE) ay hindi lamang puro epektibo ang hatid sa mga mag-aaral at guro meron din itong
negatibong epekto lalong-lalo na sa mga kabataan na kasali sa sistemang ito. Kapag ang inang
wika (mother tongue) na itinalaga sa isang lugar ay mali o hindi tugma sa mismong wika na
isinasalita mas mahihirapang matuto at maintindihan hindi lang ng mga bata kung hindi pati
narin ng mga guro ang mga paksa na tinatalakay. May mga ibang bata rin na imbes mas
mapadali ang pagtuturo ng iba’t ibang asignatura ay mas nawawala pa ang gana dahil hindi ito
ang kanilang nakasanayang “mother tongue”.
Paglalahad ng Suliranin

- Ang pag-aaral na ito ay naglalayong malaman ang tugon ng mga mag-aaral sa ikatlong baitang
ng Ormoc City, tungkol sa paggamit ng Mother Tongue-Based Multilingual Education (MTB-
MLE) sa pagtuturo ng Matematika sa mga mag-aaral ng Ikatlong baitang. Ang pananaliksik na
ito ay may mga katangiang nais sikapin na bigyan ng kasagutan.

1. Ano ang kaibahan sa pagtuturo noon at ngayon?

2. Nakakatulong ba ito para mapalawak ang pag iisip ng mga mag-aaral?
3. Ano ang maaaring kahahantungan ng mga mag-aaral sa paggamit nito?
4. Paano nakakaapekto sa kaalaman ng mag-aaral ang Mother Tongue-Based Multilingual
Education (MTB-MLE)?
5. Batid na ba ng mga mag-aaral ang bagong sistemang ito?

Layunin ng Pag-aaral
 Maihambing kung ano ang mas epektibong paraan ng pagtuturo sa mga mag-aaral.
 Masukat ang kaalaman ng mga mag-aaral sa ikatlong baitang.
 Makabuo ng mga datos tungkol sa pag-aaral na ito.
 Mailahad ang mga bagong impormasyon tungo sa malawakang pag-aaral.
 Matukoy ang kahalagahan ng paggamit nang Mother Tongue-Based Multilingual
Education (MTB-MLE).
Kahalagahan ng Pag-aaral
-Ang pananaliksik na ito na tungkol sa epektibong paggamit ng Mother Tongue-Based
Multilingual Education (MTB-MLE) sa pagtuturo ng matematika sa mga mag-aaral ng
ikatlong baiting ng Ormoc City ay makakatulong sa mga mag-aaral, mga guro, mga
magulang, at pamahalaan. Mahalaga ang pananaliksik na ito sapagkat tinutuklas nito ang
mga maaaring epekto nito sa mga mag-aaral at paano ito nakakatulong sa kanila. Sa
larangan ng pagtuturo maraming mga paraan ang ginagawa ng mga guro upang mas
mapapabilis ang pagkatuto ng mga mag-aaral at hindi ito mabagot sa klase. Isang paraan
na don ay ang ginagamit na linggwahe ng mga guro. Malaki ang kaugnayan na ginagamit
na linggwahe ng mga guro sa pagpapaunlad ng kaalaman ng mga mag-aaral kaya mas
ginagamit nila ang Mother Tongue-Based Multilingual Education (MTB-MLE). Isa itong pag-
aaral, pormal o di-pormal, na kung saan ang katutubong wika at iba pang wika ang ginagamit ng
mga mag-aaral sa loob ng silid-aralan. Sa ganitong paraan mas mapapabilis ang pakatuto ng mga
mag-aaral at mas magiging aktibo pa sila na makinig at makilahok sa ano mang ipapagawa ng
kanilang guro.