DASAL PARA SA KALULUWA
Ang Tandan g Santa Krus
Ipag-adya mo kami, Panginoon naming
Diyos; sa mga kaaway namin sa ngalan ng
ama, at ng anak, at ng Diyos Espiritu Santo.
Amen.
Panginoon kong Hesukristo, Diyos na totoo
at tao naming totoo, gumawa at sumakop sa
akin, pinagsisisihan kong masakit na masakit
sa tanang loob ko ang dilang pagkakasala ko
sa iyo. Na ikaw nga ang Diyos ko at
Panginoon ko na iniibig ko ng lalo sa lahat.
Nagtitika naman akong matibay na matibay
na hindi na muling magkakasala sa iyo.
Lalayuan ko na pangingilagan ang baling
ikababalik ng loob ko sa masama,
makakalibat ng dating sakit ng kaluluwa ko.
Nagtitika naman akong magkukumpisal ng
lahat ng kasalanan ko. Umaasa ako na
patatawarin mo rin alang-alang at
pakundangan sa Mahal na Pasion at
pagkamatay sa krus dahilan sa akin at sa
lahat ng tao. Amen.
Buksan mo na po, Panginoon ko, ang aming
mga labi, pakalinisin sa walang kapakanang
mahalay, liwanagin an gaming mga bait.
Papagningasin ang aming mga puso ng
magunam-gunam naming mataimtim ang
pinagdaanang hirap at kamatayan sampu ng
kapait-paitang dinalita ng iyong marangal na
Ina. Maging dapat kaming dinggin sa harap
ng iyong dimatingkalang kapangyarihan, na
nabubuhay ka nga at naghahari
magpasawalang hanggan, Amen.
Lubhang maawaing Hesus ko, lingapin mo
ng iyong mga matang maamo, ang mga
kaluluwa ng mga bininyagang nangamatay
na at ang kaluluwa ni _________na dahil sa
kanya ay nagpakasakit ka at nagpakamatay
sa krus. Siya nawa.
1. Hesus ko, alang alang sa masaganang dugo
na iyong pinawis ng manalangin ka sa
halamanan.
S. Kaawaan at patawarin ang kaluluwa ni___.
2. Hesus ko, alang-alang sa tampal na
tinanggap ni iyong mukhang kagalang-galang.
S. Kaawaan at patawarin ang kaluluwa ni ____.
3. Hesus ko, alang-alang sa masasakit na
hampas na iyong tiniis.
S. Kaawaan at patawarin ang kaluluwa ni_____.
4. Hesus ko, alang-alang sa koronang tinik na
nagsitimo sa mahal mong ulo.
S. Kaawaan at patawarin ang kaluluwa ni_____.
5. Hesus ko, alang-alang sa paglalakad mo sa
lansangan ng kapaitan na ang krus ay iyong
kababaw-babaw.
S. Kaawaan at patawarin ang kaluluwa ni_____.
6. Hesus ko, alang-alang sa kasantu-santuhan
mong mukha na iyong binayaang malarawan sa
birang ni Veronica.
S. Kaawaan at patawarin ang kaluluwa ni_____.
7. Hesus ko, alang-alang sa damit mong mahal
na natigmak ng dugo na biglang pananakit at
hinubad sa iyong katawan niyong mga
tampalasan.
S. Kaawaan at patawarin ang kaluluwa ni_____.
8. Hesus ko, alang-alang sa kasantu-santuhan
mong katawan napako sa krus.
S. Kaawaan at patawarin ang kaluluwa ni_____.
9. Hesus ko, alang-alang sa kasantu-santuhan
mong paa’t kamay na pinakuan ng mga pakong
ipinagdalita mong masakit.
S. Kaawaan at patawarin ang kaluluwa ni_____.
10. Hesus ko, alang-alang sa tagiliran mong
mahal na mabuksan sa saksak ng isang matalim
na sibat at binukalan ng dugo at tubig.
S. Kaawaan at patawarin ang kaluluwa ni_____.
N. Pagkalooban mop o siya, Panginoon ko, ng
kapayapaang walang hanggan.
S. Magbigay liwanag sa kanya ang ilaw na
walang katapusan.
N. Mapanatag siya sa kapayapaan.
S. Siya nawa.