Professional Documents
Culture Documents
A. Pamantayang Naipamamalas ng mag-aaral ang pag-unawa sa lipunan at layunin nito (ang kabutihang panlahat).
Pangnilalaman
B. Pamantayan sa Pagganap Naisasagawa ng mag-aaral ang isang proyekto na makatutulong sa isang pamayanan o sektor sa
pangangailangang pangkabuhayan, pangkultural at pangkapayapaan.
B. Iba pang Kagamitang Lyric Video ng awiting “Ako’y Isang Mabuting Pilipino” ni Noel Cabangon
Panturo
https://www.youtube.com/watch?v=hkfOuCzJl78
Panturong Biswal: LCD projector, laptop, speaker, Manila paper, marker at bondpaper
III. Pamamaraan
A. Balik-Aral sa nakaraang 1. Habang pinatutugtog ang isang instrumental music, magkaroon ng pagbabalik gunita habang
aralin at pagsisimula ng nakapikit ang mga mag-aaral. Isa-isahin ang mga pananagutan sa sarili at sa kapwa. Ipaalala
bagong aralin. ring mahalagang mamulat ang bawat mag-aaral sa lipunang kanilang ginagalawan upang
makamit ang kabutihang panlahat. Tumawag ng mga mag-aaral na magbabahagi ng kanilang
mga realisasyon. (Gawin sa loob ng 3 minuto) (Reflective Approach)
PAUNANG PAGTATAYA
Basahing mabuti ang bawat pangungusap at unawain ang tanong. Piliin ang pinakaangkop na
sagot at isulat ang titik nito sa sagutang papel.
1. Ayon kay Dr. Manuel Dy, isang propesor ng Pilosopiya sa Ateneo de Manila University,
binubuo ng tao ang lipunan at binubuo ng lipunan ang tao. Ito ay nangangahulugang:
a. Ang tao ang gumagawa sa lipunan at kaalinsabay nito ay ang lipunan ang humuhubog
sa tao.
b. Ang tao ang bumubuo sa lipunan dahil mula sa kaniyang pagsilang ay nariyan na ang
pamilyang nag-aaruga sa kaniya; binubuo ng lipunan ang tao dahil matatagpuan ang tao
sa lahat ng bahagi nito.
c. Ang tao ang bumubuo sa lipunan dahil ang kanilang mga kontribusyon ang
nagpapalago at nagpapatakbo dito; binubuo ng lipunan ang tao dahil ang lipunan ang
nagbubuklod sa lahat ng tao.
d. Ang tao ang bumubuo sa lipunan dahil pamilya ang nag-aruga sa tao at dahil
matatagpuan ang tao sa lahat ng bahagi nito; binubuo ng lipunan ang tao dahil sa
lipunan makakamit ang kaniyang kaganapan ng pagkatao.
6. “Huwag mong itanong kung ano ang magagawa ng bansa para sa iyo, kundi itanong mo
kung ano ang magagawa mo para sa iyong bansa.” Ang mga katagang ito ay winika ni:
a. Aristotle b. St. Thomas Aquinas
c. John F. Kennedy d. Bill Clinton
4. Pagkatapos, iwasto ang kanilang sagot. Gamiting gabay ang resulta ng pagsusulit upang
mataya ang mga konseptong nangangailangan ng mas malalim na pagtalakay.
B. Paghahabi sa layunin ng A. Gamit ang objective board, babasahin ng guro ang mga layunin ng aralin.
aralin at pagganyak 1. Natutukoy ang mga elemento ng kabutihang panlahat.
2. Nakabubuo ng isang recipe para sa isang matiwasay na lipunan.
3. Nakapagpapahayag ng damdamin ukol sa isang matiwasay na lipunan sa pamamagitan ng
pagguhit.
B.Tingnan ang bawat larawan at tukuyin ang ipinakikitang sitwasyon ng lipunan sa kasalukuyan.
Ipalarawan ang opinyon ng mga mag-aaral ukol dito. Tumawag ng dalawa hanggang tatlong
mag-aaral na magbabahagi. (Gawin sa loob ng 5 minuto) (Integrative Approach)
C. Pag-uugnay ng mga Pakinggan at panoorin ang awiting isinulat at inawit ni Noel Cabangon na may pamagat na “Ako’y
halimbawa sa bagong Isang Mabuting Pilipino”. https://www.youtube.com/watch?v=hkfOuCzJl78. Tumawag ng mga
aralin mag-aaral na magsasagot ng mga katanungan na nasa ibaba. (Gawin sa loob ng 10 minuto)
(Integrative and Reflective Approach)
[chorus]
‘pagkat ako’y isang mabuting Pilipino
Minamahal ko ang bayan ko
Tinutupad ko ang aking mga tungkulin
Sinusunod ko ang kanyang mga alituntunin
‘Di ako nagongotong o nagbibigay ng lagay
Ticket lamang ang tinatanggap kong ibinibigay
Ako’y nakatayo doon mismo sa kanto
At ‘di nagtatago sa ilalim ng puno
‘Di ako nagkakalat ng basura sa lansangan
‘Di bumubuga ng usok ang aking sasakyan
Inaayos ko ang mga kalat sa basurahan
Inaalagaan ko ang ating kapaligiran
[repeat chorus]
Lagi akong nakikinig sa aking mga magulang
Kaya’t pag-aaral ay aking pinagbubutihan
‘di ako gumagamit ng bawal na gamot
O kaya’y tumatambay at sa eskwela’y ‘di pumapasok
Ipinagtatanggol ko ang aking karangalan
‘pagkat ito lamang ang tangi kong kayamanan
‘di ko ibinebenta ang aking kinabukasan
Ang boto ko’y aking pinahahalagahan
[repeat chorus]
Ako’y isang tapat at totoong lingkod ng bayan
Pabor o lagay ay ‘di ko pinapayagan
Tapat ang serbisyo ko sa mamamayan
‘Di ko ibinubulsa ang pera ng bayan
Ipinagtatanggol ko ang mamamayang Pilipino
Mga karapatan nila’y kinikilala ko
Iginagalang ko ang aking kapwa tao
Ipinaglalaban ko ang dangal ng bayan ko.
Tanong:
1. Ano-ano ang mga katangiang dapat taglayin ng isang responsableng mamamayan?
2. Ano-ano ang mga pananagutan ng isang indibidwal sa ating lipunan?
3. Paano ito nakatutulong sa pagkamit ng kabutihang panlahat o common good?
D. Pagtalakay ng bagong Gamit ang Powerpoint Presentation, talakayin ng guro ang mga sitwasyon sa bansa kung saan
konsepto at paglalahad ng kapansin-pansin ang hindi pagkakasundo o pag-aalitan ng mga tao, kaguluhan sa pulitika at
bagong kasanayan #1 opisyal ng gobyerno, negosyo, kahirapan, gutom, sakuna at mga isyung nagpapakita sa kalagayan
ng kasalukuyang lipunan at sagutin ang sumusunod na tanong. (Gawin sa loob ng 10 minuto)
(Reflective/Constructivist Approach)
1. Mulat ka ba sa mga nangyayari sa lipunan sa kasalukuyan? Pangatuwiranan.
2. Hindi man tuwirang nabibigkas ng maraming tao ay marami rin ang nangangarap ng matiwasay
na lipunan at marahil ay isa ka sa mga ito. Paano nga kaya magkakaroon ng katiwasayan sa
lipunan? Magbigay ng halimbawa.
3. Ano kaya ang maipapayo mo? Bakit?
E. Pagtalakay ng bagong Pangkatin ang klase sa limang pangkat. Bigyan ng Manila paper at marker ang bawat isang grupo.
konsepto at paglalahad ng Gumawa ng isang recipe para sa Matiwasay na Lipunan. Sundin ang gabay na direksyon sa
bagong kasanayan #2 ibaba. Pumili ng isang miyembrong magbabahagi ng natapos na gawain. (Gawin sa loob ng 10
minuto) (Reflective Approach)
G. Paglalapat sa aralin sa Itala sa notbuk ang mga pansariling pamamaraan upang makamit ang kabutihang panlahat.
pang-araw-araw na buhay (Gawin sa loob ng 5 minuto) (Reflective/Constructivist Approach)
1. ________________________________
2. ________________________________
3. ________________________________
4. ________________________________
5. ________________________________
H. Paglalahat sa aralin Sa pamamagitan lamang ng lipunan makakamit ng tao ang layunin ng kanyang
pagkakalikha sapagkat binubuo ang tao ng lipunan at binubuo ng lipunan ang tao. Ang tunay na
tunguhin ng lipunan ay ang kabutihan ng komunidad na nararapat bumalik sa lahat ng indibidwal
na kasapi nito at ito ang tunay na kahulugan ng kabutihang panlahat.
I. Pagtataya ng Aralin Isulat ang mga katangian ng isang matiwasay na lipunan sa pamamagitan ng malikhaing
pamamaraan. Gumawa ng drawing nito sa isang bondpaper. Mahalagang maglakip ng maikling
paglalarawan sa ginawang representasyon. (Gawin sa loob ng 10 minuto) (Constructivist
Approach)
Kraytirya:
a. Pagiging malikhain 40%
b. Kaangkupan sa Paksa 30%
c. Pagkakatugma sa ninanais na paglalarawan 20%
d. Kalinisan 10%
J. Karagdagang gawain para A. Magsagawa ng pananaliksik sa alinmang sumusunod na pamamaraan: maaaring sa silid-
sa takdang-aralin at aklatan, internet o interview tungkol sa mga kasalukuyang kalagayan, katangian,
remediation kontribusyon at layunin ng sumusunod na institusyong panlipunan:
Paaralan
Simbahan
Pamilya
Negosyo
Pamahalaan
B. Pagkatapos nito, gumawa ng isang komprehensibong ulat tungkol dito o isang
dokumentaryo o pagsasadula ang bawat pangkat.
C. Maghanda para sa presentasyon ng ginawang pananaliksik.
IV. MgaTala
V. Pagninilay
A. Bilang ng mag-aaral na
nakakuha ng 80% sa
pagtataya.
B. Bilang ng mag-aaral na
nangangailangan ng iba
pang gawain para sa
remediation
C. Nakatulong ba ang
remedial? Bilang ng mag-
aaral na nakaunawa sa
aralin?
A. Pamantayang Naipamamalas ng mag-aaral ang pag-unawa sa lipunan at layunin nito-ang kabutihang panlahat.
Pangnilalaman
B. Pamantayan sa Naisasagawa ng mag-aaral ang isang proyekto na makatutulong sa isang pamayanan o sektor sa
Pagganap pangangailangang pangkabuhayan, pangkultural at pangkapayapaan.
A. Balik-Aral sa nakaraang Gamit ang Powerpoint Presentation, pasagutan ang mga tanong sa ibaba bilang pagbabalik-aral sa
aralin at pagsisimula ng mga pagkatuto tungkol sa kanilang pananaw sa matiwasay na lipunan at sa mga sangkap o
bagong aralin. elementong kailangan upang makamit ang isang matiwasay na lipunan. Tumawag ng ilang mag-
aaral upang makakuha ng mga sagot. (Gawin sa loob ng 5 minuto) (Reflective Approach)
1. Ano-ano ang mga katangian na dapat taglayin ng isang responsableng mamamayan?
2. Ano-ano ang ang mga pananagutan ng isang indibidwal sa ating lipunan?
3. Paano ito nakatulong sa pagkamit ng isang matiwasay na lipunan?
B. Paghahabi sa layunin ng A. Gamit ang objective board, babasahin ng guro ang mga layunin ng aralin.
aralin at pagganyak 1. Nakapagsusuri ng mga halimbawa ng pagsasaalang-alang sa kabutihang panlahat sa
pamilya,
paaralan, pamayanan o lipunan.
2. Nakabubuo ng komprehensibong ulat o dokumentaryo o pagsasadula tungkol sa ginagawa ng
5 institusyong panlipunan upang makamit ang kabutihang panlahat (paaralan, simbahan,
pamilya, negosyo, pamahalaan).
3. Napahahalagahan ang kabutihang panlahat sa pamamagitan ng pagtukoy sa mga hadlang at
mga kondisyon sa pagkamit ng layunin ng lipunan.
B. Isagawa ang larong charade, pagbalik-aralan ang iba’t ibang institusyong panlipunan na
nakasulat sa colored paper. Hatiin sa dalawang grupo ang buong klase, kababaihan at
kalalakihan, para sa paglalaro. Ilalarawan ang bawat institusyong nakuha sa pamamagitan ng
paggalaw lamang ng katawan at pagpapakita ng iba’t ibang simbolo na nagpapahiwatig ng nais
tukuying institusyon. (Gawin sa loob ng 10 minuto) (Constructivist/Collaborative Approach)
C. Pag-uugnay ng mga Mula sa isinagawang paglalaro, itala sa bawat kolum ang ilang mga detalye na naglalarawan sa
halimbawa sa bagong mga institusyong panlipunan. Pasagutan ang mga tanong sa ibaba. Ibahagi ng lider ng dalawang
aralin grupo ang natapos na gawain. (Gawin sa loob ng 5 minuto) (Collaborative/Constructivist
Approach)
D. Pagtalakay ng bagong Basahin ang sanaysay na ipapakita mula sa isang Powerpoint Presentation. Sagutan sa notbuk ang
konsepto at paglalahad mga tanong. (Gawin sa loob ng 10 minuto) (Reflective Approach)
ng bagong kasanayan #1
WALANG NAGBAGO, KAHIT MARAMING PAGBABAGO
ni Gregorio V. Bituin Jr.
Matagal na nating pangarap ang pagbabago. At alam nating kahit ang mga susunod na
henerasyon ay maghahangad nito, lalo na’t nakikita at nararamdaman nila ang malaking agwat ng
mahihirap at mayayaman. Ngunit ang kadalasang lumalaganap lamang sa media ay ang mga
pangyayari at balita hinggil sa mga naghaharing uri sa lipunan. Ang mga rigodon ng mga pulitikong
imbes na paglilingkod sa sambayanan ang inaatupag ay nakatingin na sa susunod na pambansang
eleksyon.
Magsuri tayo. Ito bang mga pulitikong ito ay may nagawa para magkaroon tayo ng
moratoryum sa demolisyon? May nagawa ba sila para makakain ng sapat ang ating pamilya sa
bawat araw? Ang kanilang ginagawa’y pulos buladas lamang, pangako dito, pangako doon kapag
kampanyang elektoral. Nasaan na ang isyu ng maralita kapag sila’y naupo na sa poder? Nasaan?
Sa totoo lang, walang pakialam ang mga maralita sa bangayan ng mga pulitiko, mapa-
administrasyon man o mapa-oposisyon. Pagkat ito’y bangayan lamang ng mga naghaharing uri, na
ang makikinabang pa rin ay sila-sila. Ang mga mahihirap, nasaan?
Ang pakialam ng maralita ay kung papaano babaguhin ang kanilang kalagayan, paano
makakaahon sa kinasasadlakang kahirapan at kung paano wawasakin ang sistemang
mapagsamantala sa lipunan–ang lipunang kapitalismo.
Ang nais nating pagbabago ay ang tunay na pagbabago ng sistema ng lipunan, hindi
pagbabago lamang ng sistema sa gobyerno. Hindi lamang relyebo ng mga namumuno ang ating
pangarap, kundi pagpawi mismo ng mga uri sa lipunan upang maging maayos at pantay-pantay ang
kalakaran at ang ating kalagayan. Kailangang pantay ang distribusyon ng yaman sa lipunan.
Kailangang pawiin ang pagmamay-ari ng iilan sa mga kagamitan sa produksyon–na ginagamit sa
pagsasamantala sa kasalukuyang lipunan.
Malupit ang sistemang kapitalismo. Napakalupit. At tama lamang na pangarapin natin ang
isang lipunang makatao upang ang lahat naman ay makinabang. Kung mapapalitan ang sistema ng
lipunan at ang mga maralita at manggagawa ang mapupunta sa poder, tiyakin nating ang hustisya
ay para sa lahat, dahil ito mismo ang prinsipyo ng sosyalismo.
Kung gusto mong matanggap ang kabutihan mula sa lipunan, paano ka naman tutugon sa hamon
ng kabutihang panlahat?
H. Paglalahat sa aralin Ang tunay na paggalang sa dignidad ng tao ay nangangailangan ng pagkamit sa kabutihang
panlahat. Ganap lamang na masasabing tunay na kinikilala ang dignidad ng tao kung nananaig sa
lahat ng pagkakataon ang kabutihang panlahat. Ang lahat ng tao ay nararapat na magmalasakit
upang lumikha o sumuporta sa mga institusyong panlipunan at paunlarin ang kalagayan ng buhay
ng bawat indibidwal na sumasalamin sa lipunan. Mahirap pa itong isipin at ganap na yakapin sa
kasalukuyan ngunit lahat ng bagay, gaano man ito kahirap ay magagawa kung talagang nais. Sabi
nga, “Kung gusto, may paraan; kung ayaw, palaging may dahilan.”
I. Pagtataya ng Aralin Sagutan ang sumusunod na tanong. 2 puntos bawat tanong (Gawin sa loob ng 5 minuto)
(Reflective Approach)
1. Ano ang layunin ng bawat sektor ng lipunan?
2. Ano ang kontribusyon nito sa lipunan?
3. Ano ang nakikitang tunguhin ng mga ito sa kasalukuyan?
4. Ano ang kasalukuyang kalagayan nito sa ating bansa? Ano ang ginagawa nito tungo sa
pagkamit ng kanilang layunin? Mayroon ba itong nagiging impluwensiya sa mga mamamayan at
naiambag na tulong sa pag-unlad ng lipunan?
5. Nakatutulong ba ito sa pagkamit ng layunin ng lipunan? Magsulat ng komprehensibong
paliwanag.
A. Bilang ng mag-aaral na
nakakuha ng 80% sa
pagtataya.
B. Bilang ng mag-aaral na
nangangailangan ng iba
pang gawain para sa
remediation
C. Nakatulong ba ang
remedial? Bilang ng mag-
aaral na nakaunawa sa
aralin?
G. Anong kagamitang
panturo ang aking
nadibuho na nais kong
ibahagi sa mga kapwa ko
guro?
DAILY LESSON LOG Paaralan Baitang/Antas 9
(Pang-araw-araw na Guro Asignatura Edukasyon sa Pagpapakatao
Tala sa Pagtuturo Petsa/Oras Markahan Una
IKATLONG ARAW
I. Layunin
A. Pamantayang Naipamamalas ng mag-aaral ang pag-unawa sa lipunan at layunin nito (ang kabutihang panlahat).
Pangnilalaman
B. Pamantayan sa Naisasagawa ng mag-aaral ang isang proyekto na makatutulong sa isang pamayanan o sektor sa
Pagganap pangangailangang pangkabuhayan, pangkultural at pangkapayapaan.
C. Mga kasanayan sa a. Napangangatuwiranan na ang pagsisikap ng bawat tao na makamit at mapanatili ang
Pagkatuto. Isulat ang kabutihang panlahat sa pamamagitan ng pagsasabuhay ng moral na pagpapahalaga ay mga
code ng bawat kasanayan puwersang magpapatatag sa lipunan. EsP9PLIb-1.3
b. Nakabubuo ng Batayang Konsepto gamit ang graphic organizer.
c. Nakapagpapahayag ng damdamin sa pamamagitan ng pag-unawa at pagsagot sa mga
mahahalagang tanong na may kinalaman sa paksa.
B. Iba pang Kagamitang Mga larawan ng mga kilalang personalidad sa telebisyon mula sa mga magazines
Panturo Video Clip mula sa internet - “Huwag Maliitin ang Maliit sa Ating Lipunan”
https://www.youtube.com/watch?v=a8PN54yIB20
Panturong Biswal: LCD projector, laptop, Manila paper
III.Pamamaraan
A. Balik-Aral sa nakaraang Sa pagbabalik-aral sa nakalipas na talakayan, magbibigay ang guro ng iba’t ibang palatandaang
aralin at pagsisimula ng naglalarawan sa iba’t ibang institusyong panlipunang tinalakay sa nakalipas na araw, unahan sa
bagong aralin. pagsagot ang bawat mag-aaral sa institusyong tinutukoy nito. Ang bawat tamang sagot ay may
kapalit na sampung puntos para sa performance task. (Gawin sa loob ng 5 minuto) (Collaborative
Approach)
1. Dito tayo unang natuto. Publiko man o pribado. Nahahasa rin ang ating talino. Kaya dapat
pangalagaan ito. Nagsisilbing pangalawang tahanan ko. – Paaralan
2. Ang kabuuan ng mga Kristiyano. Binubuo ito ng mga taong kasal o binyagan na may konkretong
paniniwala sa Kristong pinagmulan – Simbahan
3. Ang kailangan para sa ikabubuti ng mamamayan. Ito ay mahalaga para na rin sa kapakanan ng
taong bayan – Pamahalaan
4. Ay isang gawain na bunga ng pagtaya ng isa o higit pang mga mangangalakal ng kanilang
pawis, pag-iisip at salapi upang kumita at mapalago ang perang pinagsikapan mo – Negosyo
5. Ang tinaguriang pinakamaliit na sangay ng lipunan. Dito, maaari ring mabalangkas ang isang
pamahalaan o gobyerno – Pamilya
B. Paghahabi sa layunin ng A. Gamit ang objective board, babasahin ng guro ang mga layunin ng aralin.
aralin at pagganyak 1. Napangangatuwiranan na ang pagsisikap ng bawat tao na makamit at mapanatili ang
kabutihang panlahat sa pamamagitan ng pagsasabuhay ng moral na pagpapahalaga ay mga
puwersang magpapatatag sa lipunan.
2. Nakabubuo ng Batayang Konsepto gamit ang graphic organizer.
3. Nakapagpapahayag ng damdamin sa pamamagitan ng pag-unawa at pagsagot sa mga
tanong.
B. Mula sa mga inihanda ng guro na fashion magazines, ipakita ang mga larawan ng kinikilalang
personalidad katulad nina: Kris Aquino, Coco Martin, tambalang JaDine at KathNiel at marami
pang iba. Tumawag ng mag-aaral upang sagutin ang sumusunod na katanungan. Ibigay ng guro
ang tunay na kahulugan ng pagiging sosyal para sa pagsisimula ng isasagawang pagtalakay.
(Gawin sa loob ng 5 minuto) (Reflective Approach)
1. Paano ninyo mailalarawan ang taong sosyal? Patunayan.
2. Sa mga larawang ipinakita, masasabi mo bang sila ay sosyal?
3. Ano-ano ang kanilang mga katangian kung bakit sila ay tinuring mong sosyal?
C. Pag-uugnay ng mga Panoorin ang videoclip mula sa YouTube ”Huwag Maliitin ang Maliit sa Ating Lipunan” Video Clip
halimbawa sa bagong mula sa internet : https://www.youtube.com/watch?v=a8PN54yIB20 Sagutin ang sumusunod na
aralin katanungan: (Gawin sa loob ng 5 minuto) (Reflective Approach)
D. Pagtalakay ng bagong Hatiin ang klase sa lima. Basahin at talakayin ng mga miyembro ng bawat pangkat ang mga
konsepto at paglalahad ng sanaysay at sagutan ang mga tanong sa Manila paper. (Gawin sa loob ng 15 minuto)
bagong kasanayan #1 (Collaborative Approach)
“Walang sinumang tao ang maaaring mabuhay para sa kaniyang sarili lamang”.
Kinakailangan ng taong makibahagi at mamuhay sa lipunan, isa ito sa itinalagang likas na
katangian ng mga nilikha ayon sa Likas na Batas. Ayon kay Dr. Manuel Dy Jr., isang propesor ng
Pilisopiya sa Ateneo de Manila Univeristy, ang buhay ng tao ay panlipunan. Makikita ito sa kabuuan
ng ating pag-iral bilang tao – sa ating pagsasagawa ng mga bagay na kailangan upang mahubog
natin ang ating sarili. Ang ating mga gawain ay panlipunan dahil natutuhan natin ito kasama sila.
Ginagawa natin ito dahil mahalaga ang mga ito sa lipunan at iniaalay natin ito para sa ating kapwa.
Halimbawa, ang simpleng gawain na paglilinis ng ating bakuran ay hindi makakasanayang gawin
ng isang bata kung hindi ito itinuro ng pamilya. Nakalakihan itong ginagawa ng pamilya nang
tulong-tulong. Mas nangingibabaw kaysa sa halaga ng mismong kalinisan ang pagsasama-sama at
pagtutulungan. Bilang anak, alam mong iniaalay mo ang gawaing ito sa iyong mga magulang dahil
alam mong ito ay makapagpapasaya sa kanila at kasabay nito, nakapag-aambag ang inyong
pamilya sa kalinisan ng kapaligiran.
Kahit ang pagnanais na mapag-isa ay panlipunan. Di ba, kaya minsan gusto mong
mapag-isa ay dahil nagtampo ka sa isang tao o kaya naman ay marami kang mga tanong sa iyong
sarili na nais mong masagot upang mas mapalago mo ang iyong kakayahan na makipag-ugnayan
sa iyong kapwa. Sa gitna ng pag-iisa, isinasaalang-alang mo pa rin ang iyong kapwa. Kung kaya,
ang ating pagiging kasama-ng-kapwa ay isang pagpapahalaga na nagbibigay ng tunay na
kaganapan sa ating pagkatao. (Dy, M.,1994). At ang pagiging kasama-ng-kapwa ay makakamit
lamang kung makikilahok at makikipamuhay ka sa lipunan.
Sa kabilang dako, madalas na ginagamit ang salitang komunidad upang tukuyin ang
lipunan. Mahalagang maunawaan ang pagkakaiba at pagkakaugnay ng dalawang salitang ito
upang hindi maging sanhi ng kalituhan. Ang salitang komunidad ay galing sa salitang Latin na
communis na nangangahulugang common o nagkakapareho. Ang isang komunidad ay binubuo ng
mga indibidwal na nagkakapareho ng mga interes, ugali o pagpapahalagang bahagi ng isang
partikular na lugar. Sa isang komunidad, mas nabibigyang-halaga ang natatanging katangian ng
mga kasapi o kabahagi. Ang bawat indibidwal ay mayroong kani-kaniyang mga layunin o tunguhin
sa buhay. Mas magiging madali ang pag-unawa nito gamit ang halimbawa: Mayroong dalawang
guro na nagtuturo sa magkaibang paaralan. Sila ay bahagi ng isang lipunan, isang pangkat ng mga
indibidwal na ginagabayan ng isang layunin: ang magbigay ng edukasyon/kaalaman sa kanilang
mga mag-aaral. Pero walang malalim na ugnayan sa dalawang guro na ito. Limitado ang nalalaman
nila tungkol sa isa’t isa. Ngunit dumating ang pagkakataon na nagsama sila sa isang scholarship at
naging malapit na magkaibigan, naging magkumare at nabuo ang mas malalim pa nilang ugnayan.
Naniniwala ang isa na may malaking maiaambag ang kaniyang bagong kaibigan para sa paggabay
sa kaniyang anak kung kaya niya ito ginawa. Sa pagkakataong ito, hindi na lamang bahagi ng isang
lipunan ang dalawang guro kundi naging bahagi na ng isang komunidad.
Mulat tayo sa isang mundo na kapatid, kamag-anak, kaklase, kababayan at marami pang
ibang kasama na naaayon sa lipunang ating ginagalawan. Makikita ito maging sa media. May mga
estasyon sa telebisyon na nagtuturing sa kanilang manonood bilang kapuso, kapamilya, kapatid, at
iba pa. Ayon kay Jacques Maritain, ang manunulat ng aklat na The Person and the Common Good
(1966), hahanapin talaga ng taong mamuhay sa lipunan sa dalawang mahalagang dahilan. Una, ito
ay dahil sa katotohanang hindi siya nilikhang perpekto o ganap at dahil likas para sa kanya ang
magbahagi sa kaniyang kapwa ng kaalaman at pagmamahal. Binigyan ang tao ng kakayahang
magwika o magsalita dahil likas na nilikha ng Diyos ang tao na sumalipunan. Ayon kay Dr. Manuel
Dy, hindi gawa ng dalawang tao ang wika; galing ito sa lipunan. Sa pamamagitan ng wika,
sumasalipunan ang tao hindi lamang dahil nililikha niya ito kasama ang kaniyang kapwa kundi dahil
natutuhan niya ito mula sa kaniyang kapwa at ginagawa para sa kapwa. Ang kaalaman at
pagmamahal ay kapwa maibabahagi lamang sa pamamagitan ng pakikipag-ugnayan sa kapwa.
Pangalawa, hinahanap ng taong mamuhay sa lipunan dahil sa kaniyang pangangailangan o
kakulangan mula sa materyal na kalikasan. Mahalaga ring makipag-ugnayan siya sa kaniyang
kapwa upang matugunan ang pangangailangang ito at mapunuan ang kaniyang kakulangan. Hindi
makakamit ng tao ang kaniyang kaganapan kung hindi matutugunan ng lipunan ang kaniyang mga
pangangailangan. Hindi lamang ito materyal na pangangailangan kundi mas higit ang tulong na
maaaring maibigay ng lipunan upang magamit natin ang ating isip at kilos-loob at mahubog ang
mga birtud. Halimbawa, upang mapagyaman natin ang ating kaalaman, kailangan ng tao ng
edukasyon na naibibigay sa tulong ng mga guro.
Ayon kay Sto. Tomas Aquinas, may akda ng aklat na Summa Theologica, sa pamamagitan
lamang ng lipunan makakamit ng tao ang layunin ng kaniyang pagkakalikha. Mahalaga sa
pagpapakatao ang pagkilala ng tao na kailangan niya ang lipunan dahil binubuo siya ng lipunan at
binubuo niya ang lipunan (Dy, M., 1994). Malaki ang magagawa ng lipunan sa paghubog ng iyong
pagkatao. Mayroon itong impluwensya sa paraan ng iyong pag-iisip at pagkilos. Lahat ng iyong
iniisip, nararamdaman, sinasabi at ginagawa ay naiimpluwensiyahan ng lipunan na iyong
kinabibilangan.
Kabutihang Panlahat
Ano nga ba ang kabutihang panlahat? Sa simpleng salita, masasabing ito ay kabutihan
para sa bawat isang indibidwal na nasa lipunan. Ito ay isang pagpapahalagang naiiba sa
pansariling kapakanan. Mahalagang maunawaan mong ang tunguhin ng lipunan ay hindi ang
kabutihan lamang ng indibidwal o ang koleksiyon ng indibidwal na kabutihan ng mga taong
bumubuo nito. Kapag ganito ang paniniwalang mangingibabaw, patuloy na mabibigyan ng laya ang
mga malalakas na apihin ang mga mahihina. Ang tunay na tunguhin ng lipunan ay ang kabutihan
ng komunidad na nararapat na bumalik sa lahat ng indibidwal na kasapi nito. Kaya sinasabing may
kaugnayan ang tao bilang yunit ng lipunan at ang kabutihang panlahat ay dahil sa ang kabutihang
panlahat tinatanggap ng bawat indibidwal na sumasalamin sa kabuuan. Ngunit tandaan mong
mayroong pagkakaiba ang kabutihan ng nakararami sa kabutihang panlahat. Ang pag-iral ng
nakararami ay nananatiling nag-iiwan ng ilang kasaping hindi makatatanggap ng kabutihan. Ang
isakripisyo ang buhay ng isang taong nahatulan ng habang-buhay na pagkabilanggo upang
subukan ang gamot na maaaring makatulong sa mga taong may karamdamang hindi pa
natutuklasan ang lunas ay maaaring maging katanggap-tanggap kung paiiralin ang kabutihan ng
nakararami. Ngunit magiging katanggap-tanggap lamang ito bilang kabutihang panlahat kung
kusang-loob na inialay ng bilanggong ito ang kaniyang buhay para sa kagalingan ng lahat ng may
sakit at sa mga taong posible pang dapuan nito sa matagal na panahon.
Ayon naman kay John Rawls, isang mamimilosopiyang Amerikano, na ang kabutihang
panlahat ay ang pangkalahatang kondisyong pantay na ibinabahagi para sa kapakinabangan ng
lahat ng kasapi ng isang lipunan. Hindi ito isang mabilis na proseso at hindi agarang makikita ang
katuparan. Katulad ng adhikain ni Mathama Gandhi para sa India, nakita niyang hindi ito magiging
madali kaya itinalaga niya ang kaniyang sariling maging halimbawa ng pagsisimula nito sa kaniyang
sarili at ang paunang pakikibaka para sa makatarungang pagbabahagi ng lahat ng bagay na
nararapat para sa mga tao.
2. Ang tawag ng katarungan o kapakanang panlipunan ng pangkat. Ang pag-unlad ang kabuuang
pokus ng panlipunang tungkuling kailangang maibigay sa mga tao. Karaniwang sinusukat ito
halimbawa sa mga pampublikong sistema ng pangangalaga sa kalusugan; epektibong
pampublikong pangkaligtasan at seguridad; kapayapaang namamagitan sa bawat bansa sa
mundo; makatarungang sistemang legal at pampolitika; malinis na kapaligiran at umuunlad na
sistemang pang-ekonomiya. Ang mga nabanggit ay mayroong malakas na epekto sa kapakanan
ng mga kasapi ng pangkat. Mahalagang may mamagitan upang masigurong nakakayanan at
nararating ang mga ito ng bawat isa sa lipunan. Kapag nangyayari ito, natutugunan ang tawag ng
katarungan o kapakanang panlipunan ng pangkat.
Ayon kay Dr. Manuel Dy Jr., binubuo ng lipunan ang tao at binubuo naman ng tao ang
lipunan. Binubuo ng lipunan ang tao sapagkat mula sa pagkasilang nariyan na ang pamilyang
umaaruga at gumagabay sa kaniyang paglaki. Nariyan din ang kaniyang kapwa, ang paaralan,
ang simbahan, ang batas na kaniyang sinusunod na may kani-kaniyang ambag sa paghubog ng
iba’t ibang aspekto ng kaniyang pagkatao. Ang tao rin ang bumubuo sa lipunan sapagkat
matatagpuan ang mga tao sa bawat bahagi nito. Kaya’t anuman ang ginagagawa ng tao para sa
kabutihang panlahat ang siyang ibinabalik ng lipunan sa tao. Kaya’t ang bawat mamamayan ay
may pananagutang mag-ambag para sa kabutihang panlahat. Lahat ay maaaring mag-ambag
para sa pagkamit at pagpapanatili ng kabutihang panlahat, sa iba-iba mang pamamaraan dahil
ito ay ayon sa kani-kaniyang kakayahan, katayuan at kinalalagyan sa lipunan. Totoo ito sapagkat
hindi mo maibibigay ang anumang bagay na hindi mo taglay at hindi mo magagawa ang bagay
na wala sa iyong kapangyarihang gawin. Nakalulungkot nga lang isiping bagama’t nauunawaan
ng ilan ang kahalagahan at kapakinabangan ng pag-ambag sa pagtamo ng kabutihang panlahat,
may mga ilan pa ring hindi nakikisangkot at nakikiisa upang matamo ito. Ang hamon ng dating
pangulo ng Amerika na si John F. Kennedy na: ‘Huwag mong itanong kung ano ang magagawa
ng iyong bansa para sa iyo, kundi itanong mo kung ano ang magagawa mo para sa iyong
bansa”, ay nanatiling totoo maging sa sitwasyong ito.
2. Ang indibidwalismo, ibig sabihin ang paggawa ng tao ng kaniyang personal na naisin. Ito ay ang
pagnanais ng taong maging malaya sa pagkamit ng pansariling tunguhin nang walang ibang
nanghihimasok o nakikialam sa kaniya. Ayaw ng taong ganito na magambala ang kaniyang
personal na buhay – nagnanais na mapag-isa. Hindi niya pinapakay ang pakinabang mula sa
kabutihang hatid ng sakripisyo ng iba subalit ayaw rin niyang magambala para sa kabutihan ng
iba. Sa kulturang ito, mahirap makumbinse ang taong isakripisyo ang kaniyang kaunting
kalayaan, personal na hangarin at pansariling interes para sa kapakanan ng kabutihang
panlahat dahil para sa kanya, hindi niya kailangang mag-ambag sa kabutihang panlahat kundi
ang manatiling malaya sa pagkamit ng kaniyang personal na kabutihan.
3. Ang pakiramdam na siya ay nalalamangan o mas malaki ang naiaambag niya kaysa sa
nagagawa ng iba. Upang mapanatili ang kabutihang panlahat, hinihingi sa ilan ang mas malaki
at mabigat na pananagutan kaysa sa iba.
1. Ang lahat ng tao ay dapat na mabigyan ng pagkakataong makakilos nang malaya gabay ang
diyalogo, pagmamahal at katarungan. Mahalagang palaging nasa isip ng lahat ang tunay na
kahulugan ng kalayaan dahil may panganib na isipin ng ilan na walang hanggan ang kaniyang
kalayaan. Mahalaga ang diyalogo upang maibahagi sa bawat isa ang kanilang saloobin,
damdamin at pananaw. Madalas na ang sanhi ng hindi pagkakaunawaan ng mga tao ay dahil sa
kakulangan ng kakayahang magusap. Kung hindi mananaig ang pagmamahal at katarungan sa
kaniya sa lahat ng pagkakataon, hindi ganap na kakayanin ng sinuman na isantabi sa ilang
pagkakataon ang kaniyang pansariling kaligayahan at kapakanan para sa kabutihang panlahat.
Ang dalawang pagpapahalagang ito ang susi upang makamit ng lipunan ang kaniyang tunay na
layunin at tunguhin.
3. Ang bawat indibidwal ay nararapat na mapaunlad patungo sa kaniyang kaganapan. Ang lipunan
ang nararapat na maging isa sa instrumento upang makamit ng tao ang kaniyang kaganapan
bilang tao. Kung walang nagagawa ang lipunang kaniyang ginagalawan upang siya ay lumago
bilang tao masasabing hindi pa tunay na patungo ang lipunan sa tunay nitong layunin, ang
kabutihang panlahat. Maaaring hindi rin nagagawa ng bawat sektor ng lipunan ang kaniyang
tunay na gampanin para sa tao sa lipunan. Tandaang binanggit sa unang bahagi ng babasahing
ito na, binubuo dapat ng lipunan ng tao hindi lamang tao ang bubuo sa lipunan.
E. Pagtalakay ng bagong Isagawa ang pangkatang pag-uulat ukol sa mahahalagang konsepto mula sa binasang sanaysay at
konsepto at paglalahad ng pagbabahagi ng sagot sa mga tanong. (Gawin sa loob ng 10 minuto) (Reflective/Collaborative
bagong kasanayan #2 Approach)
F. Paglinang sa Sagutan sa notbuk ang sumusunod na tanong. (Gawin sa loob ng 5 minuto) (Reflective
Kabihasahan (Tungo sa Approach)
Formative Assessment) 1. Ano ang maitutulong ng mga sektor ng lipunan na nabanggit sa pagkamit ng layunin ng
lipunan?
2. Ano ang maaaring maganap kung hindi matutupad ng mga sektor na ito ang kanilang mga
tungkulin sa lipunan?
3. Paano matitiyak na makatutulong ang lahat ng sektor na ito upang gawing matiwasay ang
lipunan?
4. Kung magkakaroon ng iisang layunin ang lahat ng sektor na nabanggit, ano kaya ang
layunin na ito?
5. Paano makatutulong ang mga sektor na ito ng lipunan sa pagkamit ng kaganapan ng iyong
pagkatao?
G. Paglalapat sa aralin sa Tukuyin at itala ang mga paraan kung paano makakamit at mapapanatili ang kabutihang panlahat.
pang-araw-araw na buhay Ipaliwanag kung bakit mahalagang ito ay makamit at mapanatili. (Gawin sa loob ng 5 minuto)
(Reflective Approach)
H. Paglalahat sa aralin Ang pagsisikap ng bawat tao na makamit at mapanatili ang kabutihang panlahat sa pamamagitan
ng pagsasabuhay ng moral na pagpapahalaga ay mga puwersang magpapatatag sa lipunan.
I. Pagtataya ng Aralin Punan ng mahahalagang salita ang patlang upang mabuo ang Batayang Konsepto. (Gawin sa
loob ng 10 minuto) (Reflective/Constructivist Approach)
Batayang Konsepto:
sa
pamamagitan ng
ng…
ay mga puwersang
magpapatatag ng
J. Karagdagang gawain para 1. Magsagawa ng isang survey tungkol sa mga suliraning kinakaharap ng komunidad o
sa takdang-aralin at pamayanan kasama ang mga miyembro ng dating pangkat. Ang suliranin ay maaaring
remediation pangkapaligiran, pangkapayapaan, pangkaayusan o pang-edukasyon. Maaaring may iba
pang makita sa proseso ng pagsasagawa nito. Maghanda para sa pagbabahagi ng resulta
ng survey.
2. Magdala rin ng sumusunod: sinulid, karayom, telang may sukat na 1 x 1 na talampakan -
anumang kulay, pintura
IV. MgaTala
V. Pagninilay
A. Bilang ng mag-aaral na
nakakuha ng 80% sa
pagtataya.
B. Bilang ng mag-aaral na
nangangailangan ng iba
pang gawain para sa
remediation
C. Nakatulong ba ang
remedial? Bilang ng mag-
aaral na nakaunawa sa
aralin?
G. Anong kagamitang
panturo ang aking
nadibuhong nais kong
ibahagi sa mga kapwa ko
guro?
DAILY LESSON LOG Paaralan Baitang/Antas 9
(Pang-araw-araw na Guro Asignatura Edukasyon sa Pagpapakatao
Tala sa Pagtuturo Petsa/Oras Markahan Una
IKAAPAT ARAW
I. Layunin
A. Pamantayang
Pangnilalaman Naipamamalas ng mag-aaral ang pag-unawa sa lipunan at layunin nito (ang kabutihang panlahat).
B. Pamantayan sa Naisasagawa ng mag-aaral ang isang proyekto na makatutulong sa isang pamayanan o sektor sa
Pagganap pangangailangang pangkabuhayan, pangkultural at pangkapayapaan.
C. Mga kasanayan sa a. Naisasagawa ang isang proyekto na makatutulong sa isang pamayanan o sektor sa
Pagkatuto. Isulat ang pangangailangang pangkabuhayan, pangkultural at pangkapayapaan. EsP9PLIb-1.4
code ng bawat kasanayan b. Nakapagbabahagi ng isinagawang survey tungkol sa mga pangunahing suliraning
kinakaharap ng sariling pamayanan.
c. Nakagagawa ng quilt na naglalaman ng mga simbolo at sangkap para sa isang matiwasay na
lipunan na nagtataguyod ng kabutihang panlahat
d. Nakapagsasagawa ng isang proyekto batay sa pangangailangan ng pamayanan.
e. Nakapagsusuri ng mga pagkakataong nangibabaw ang kabutihang panlahat at kabutihang
pansarili o kabutihan ng nakararami.
B. Iba pang Kagamitang Panturong Biswal: laptop, LCD projector, Manila paper, marker
Panturo
III.Pamamaraan
A. Balik-Aral sa nakaraang 1. Tumawag ng ilang mag-aaral upang ibahagi ang kanilang mga naging sagot sa journal na
aralin at pagsisimula ng sumasagot sa tanong na: Ano ang kabuluhan ng Batayang Konsepto sa aking pag-unlad
bagong aralin. bilang tao?
2. Matapos ang pagtawag sa ilang mag-aaral, bigyang diin ng guro na ang pagsisikap ng bawat
tao na makamit at mapanatili ang kabutihang panlahat sa pamamagitan ng pagsasabuhay
ng moral na pagpapahalaga ay mga puwersang magpapatatag sa lipunan. (Gawin sa loob
ng 5 minuto) (Reflective Approach)
B. Paghahabi sa layunin ng A. Gamit ang objective board, babasahin ng guro ang mga layunin ng aralin.
aralin at pagganyak 1. Naisasagawa ang isang proyekto na makatutulong sa isang pamayanan o sektor sa
pangangailangang pangkabuhayan, pangkultural, at pangkapayapaan.
2. Nakapagsasagawa ng survey ng mga pangunahing suliraning kinakaharap ng sariling
pamayanan.
3. Nakagagawa ng quilt na naglalaman ng mga simbolo at sangkap para sa isang matiwasay
na lipunan na nagtataguyod ng kabutihang panlahat
4. Nakapagsasagawa ng isang proyekto batay sa pangangailangan ng pamayanan.
5. Nakapagsusuri ng mga pagkakataong nangibabaw ang kabutihang panlahat at
kabutihang pansarili o kabutihan ng nakararami.
B. Hatiin ang klase sa limang pangkat, ang bawat pangkat ay magsasama-sama upang bumuo ng
isang human chair kung saan ang bawat miyembro ng pangkat ay magsisimula sa pagtayo sa
pabilog na linya hanggang wala ng espasyo na naghihiwalay sa isa’t isa. Dahan-dahan silang
uupo hanggang sa maramdaman ng bawat isa na komportable na sila sa pagkakaupo sa tao sa
kanilang likuran: Gabay ang mga ipag-uutos ng guro tulad ng sabay-sabay na paghakbang sa
kaliwa at sa kanan, hanggang sila ay mabuo ng umiikot habang nakaupo sa isa’t isa. Sagutin
ang sumusunod na tanong. (Gawin sa loob ng 5 minuto) (Reflective/Collaborative Approach)
B. Gumawa ng pangkalahatang ulat sa naging resulta ng survey na ibinigay bilang takdang aralin
tungkol sa mga suliraning kinaharap ng komunidad o pamayanan. Pumili ng tatlong suliranin sa
mga nakalap at iranggo ang mga ito batay sa kahalagahan. Tawagin ang lider ng bawat pangkat
at iulat sa klase ang kinalabasan ng survey. (Gawin sa loob ng 5 minuto) (Reflective Approach)
D. Pagtalakay ng bagong Gamit ang dating pangkat, magsagawa ng pagsusuri sa mga pagkakataon sa iyong buhay bilang
konsepto at paglalahad ng isang mag-aaral at kabataan kung saan napangibabaw mo ang kabutihang panlahat at mas
bagong kasanayan #1 napangibabaw mo ang kabutihan ng iyong sarili o ng iilan kaysa sa kabutihang panlahat. Maglaan
ng panahon upang mag-usap para sa pagbabahagi ng mga karanasan. Magpasya kung sino ang
makapagbahagi ng karanasang tunay na tutugon sa hinihingi ng gawain. Ilista ang mga ito gamit
ang pormat sa ibaba. (Gawin sa loob ng 10 minuto) (Collaborative/Constructivist Approach)
Pagkakataong Nangibabaw ang Naging Bunga Paraan kung paano ito mas
Kabutihang Panlahat mapagyayaman
1.
2.
3.
E. Pagtalakay ng bagong Bumuo ng isang quilt. Ito ay pinagsama-samang piraso ng mga tela na pinagdugtong-dugtong sa
konsepto at paglalahad ng pamamagitan ng pagtatahi. Ang bawat isang kasapi ng pangkat ay kailangang magbahagi ng
bagong kasanayan #2 mahalagang sangkap na kinakailangan upang matiyak na makakamit ang tunay na layunin ng
lipunan - halimbawa, paggalang sa karapatang pantao. Matapos makapagbahagi ang lahat ay
kailangang ilagay ang mga sangkap na naibahagi sa isang piraso ng telang may sukat na 1 x 1 na
talampakan. Maaaring gumamit ng kahit na anong klase ng tela o kung anomang kulay.
Mahalagang makaisip ng isang simbolo na kakatawan dito upang may maiguhit ding larawan sa
telang gagamitin. Maaaring gumamit ng pintura upang maipinta ang simbolo at ang sangkap na
napili. Maaari rin namang gumamit din ng mga pinagdugtong-dugtong na retaso ng tela. Maaaring
gamiting gabay ang halimbawa sa kanan: Ang tema ng quilt na ito ay para sa kapayapaan.
Matapos ang pagdidisenyo sa mga piraso ng tela ay pagdugtong-dugtungin upang mabuo ang
quilt. Matapos ito ay ilagay o isabit sa isang bahagi ng silid-aralan o sa labas ng silid upang
maipakita sa lahat ang mahalagang mensaheng ipinapakita nito. (Gawin sa loob ng 15 minuto)
(Constructivist Approach)
F. Paglinang sa Sumulat ng isang pagninilay gabay ang pormat sa ibaba. Gawin ito sa journal. (Gawin sa loob ng
Kabihasahan 5 minuto) (Reflective Approach)
(Tungo sa Formative Ano-ano ang konsepto at Ano ang aking pagkaunawa Ano-anong hakbang ang
Assessment) kaalamang pumukaw sa akin? at reyalisasyon sa bawat aking gagawin upang
konsepto at kaalamang ito? mailapat ang mga pang-
unawa at reyalisasyong ito sa
aking buhay?
G. Paglalapat sa aralin sa Isulat sa notbuk ang sagot. Tumawag ng ilang mag-aaral na magbabahagi. (Gawin sa loob ng 5
pang-araw-araw na buhay minuto) (Reflective Approach)
Ano ang maaari mong gawin upang makatulong sa pagkamit ng tunay na layunin ng lipunan?
Ipaliwanag ang bawat isa.
H. Paglalahat sa aralin Ang lahat ng tao ay nararapat na magmalasakit upang lumikha o sumuporta sa mga
institusyong panlipunan at paunlarin ang kalagayan ng buhay ng bawat indibidwal na sumasalamin
sa lipunan. Marahil bilang isang mag-aaral, iniisip mong masyado pang maaga para masubok kung
kaya mo nang pairalin ang kabutihan sa iyong lipunang ginagalawan sa kasalukuyan. Ngunit
mahalagang maunawaan mong bawat tao sa lipunan, anuman ang kaniyang katayuan sa buhay at
edad ay mayroong pagkakataong magbahagi ng kaniyang magagawa upang matiyak na makakamit
ang kabutihang panlahat.
I. Pagtataya ng Aralin Kompletuhin ang pahayag. Isulat sa sagutang papel. Isang puntos sa bawat konseptong may
kaugnayan sa isinagawang talakayan. Limang puntos ang pinakamataas. (Gawin sa loob ng 5
minuto) (Reflective Approach)
Isang mahalagang sangkap na kinakailangan upang matiyak na makakamit ang tunay na layunin
ng lipunan ay ang…
_______________________________________________________________________________
_____________________________________________________________________________
______________________________________________________________________________.
J. Karagdagang gawain para Batay sa naging resulta ng survey na ibinahagi ng bawat pangkat, bumuo ng plano para sa
sa takdang-aralin at pagsasakatuparan ng isang proyektong tutugon sa pinakaunang suliraning naitala. Gamitin ang
remediation sumusunod na pormat: (Gawin sa loob ng 10 minuto) (Constructivist Approach)
Isaalalng-alang ang sumusunod:
1. Ano ang pangkalahatan at tiyak na layunin sa pagsasagawa ng proyekto?
2. Tunay bang may pangangailangan ang sektor na iyong mapipili?
3. Tugma ba ang isasagawang gawain para sa pangangailangan? Ano ang mga kagamitang
kakailanganin upang maisagawa anag proyekto? Kakayanin ba ito ng mga mag-aaral na
katulad ninyo?
4. May ibang tao bang makatutulong sa pagsasakatuparan ng inyong proyekto?
5. Sino-sino ito at paano makikipag-ugnayan sa kanila?
Isagawa ang proyekto ayon sa plano. Tiyaking maidodokumento ang lahat ng mga pangyayari sa
pagsasakatuparan ng proyekto.
B. Bilang ng mag-aaral na
nangangailangan ng iba
pang gawain para sa
remediation
C. Nakatulong ba ang
remedial? Bilang ng mag-
aaral na nakaunawa sa
aralin?
Mga Aklat:
Mula sa Internet:
Hango sa https://www.youtube.com/watch?v=hkfOuCzJl78
Hango sa http://sanaysaynigorio.blogspot.com/2009/02/walang-nagbago-kahit-maraming-pagbabago.html
Hango sa https://www.youtube.com/watch?v=a8PN54yIB20
https://www.google.com.ph/search?q=ilog+basura
https://www.google.com.ph/search tbm=isch&tbo=u&source
https://www.google.com.ph/search?rlz=1C1AVNE_enPH670PH670&biw
https://www.google.com.ph/search?q=lipunan+noon+at+ngayon
https://www.google.com.ph/search?q=cellphone