Edukasyon sa Pagpapakatao

Baitang/Antas 9

Layunin ng Lipunan-Kabutihang Panlahat

I. LAYUNIN

A. Pamantayang Pangnilalaman

Naipamamalas ng mag-aaral ang pag-unawa sa lipunan at layunin nito (ang kabutihang

panlahat).

B. Pamantayan sa Pagganap

Naisasagawa ng mag-aaral ang isang proyekto na makatutulong sa isang pamayanan o

sektor sa pangangailangang pangkabuhayan, pangkultural at pangkapayapaan.

C. Mga kasanayan sa Pagkatuto. Isulat ang code ng bawat kasanayan

a. Natutukoy ang mga elemento ng kabutihang panlahat. EsP9PLIa-1.1

b. Nakabubuo ng isang recipe para sa isang matiwasay na lipunan.

c. Nakapagpapahayag ng damdamin ukol sa isang matiwasay na lipunan sa pamamagitan

ng pagguhit

II. NILALAMAN

A, Sanggunian

1. Mga pahina sa Gabay ng Guro

- Gabay sa Pagtuturo: Edukasyon sa Pagpapakatao 9 TG p. 1-4
2. . Mga Pahina sa Kagamitang Pang-Mag- aaral
-Modyul para sa Mag-aaral: Edukasyon sa Pagpapakatao 9 LM p. 1-5
3. Mga teksbuk
4. . Karagdagang Kagamitan mula sa portal ng Learning Resource
- http://lrmds.deped.gov.ph/list/kto12/subject/883
5. Iba pang Kagamitang Panturo
- Lyric Video ng awiting “Ako’y Isang Mabuting Pilipino” ni Noel Cabangon
- Panturong Biswal: LCD projector, laptop, speaker, Manila paper, marker at
bondpaper
 III. Pamamaraan

A. Balik-Aral sa nakaraang aralin at pagsisimula ng bagong aralin

1. Habang pinatutugtog ang isang instrumental music, magkaroon ng pagbabalik gunita

habang nakapikit ang mga mag-aaral. Isa-isahin ang mga pananagutan sa sarili at sa kapwa.
Ipaalala ring mahalagang mamulat ang bawat mag-aaral sa lipunang kanilang ginagalawa
upang makamit ang kabutihang panlahat. Tumawag ng mga mag-aaral na magbabahagi ng
kanilang mga realisasyon. (Gawin sa loob ng 3 minuto) (Reflective Approach)

2. Pasagutan sa notbuk ang Paunang Pagtataya para sa pagsisimula ng aralin.

(Gawin sa loob ng 7 minuto) (Reflective Approach)

PAUNANG PAGTATAYA

Basahing mabuti ang bawat pangungusap at unawain ang tanong. Piliin ang pinakaangkop
na sagot at isulat ang titik nito sa sagutang papel.

1. Ayon kay Dr. Manuel Dy, isang propesor ng Pilosopiya sa Ateneo de Manila:

University, binubuo ng tao ang lipunan at binubuo ng lipunan ang tao. Ito ay
nangangahulugang a. Ang tao ang gumagawa sa lipunan at kaalinsabay nito ay ang
lipunan ang humuhubog sa tao.

b. Ang tao ang bumubuo sa lipunan dahil mula sa kaniyang pagsilang ay nariyan na
ang pamilyang nag-aaruga sa kaniya; binubuo ng lipunan ang tao dahil matatagpuan ang
tao sa lahat ng bahagi nito.

c. Ang tao ang bumubuo sa lipunan dahil ang kanilang mga kontribusyon ang
nagpapalago at nagpapatakbo dito; binubuo ng lipunan ang tao dahil ang lipunan ang
nagbubuklod sa lahat ng tao.

d. Ang tao ang bumubuo sa lipunan dahil pamilya ang nag-aruga sa tao at dahil
matatagpuan ang tao sa lahat ng bahagi nito; binubuo ng lipunan ang tao dahil sa
lipunan makakamit ang kaniyang kaganapan ng pagkatao.

2. Ang sumusunod ay hadlang sa pagkamit ng kabutihang panlahat maliban sa:

a. Paggawa ng tao ayon sa kaniyang pansariling hangad

b. Pagkakaroon ng pakiramdam na mas malaki ang naiaambag ng sarili

kaysa sa nagagawa ng iba
 c. Pakikinabang sa benepisyong hatid ng kabutihang panlahat subalit pagtanggi
sa pagbabahagi para sa pagkamit nito

d. Pagkakait ng tulong para sa kapwa na nangangailangan mas maliit na

pamahalaan.

4. Ang buhay ng tao ay panlipunan. Ang pangungusap ay:

a.Tama, dahil sa lipunan lamang siya

nakapamumuhay

b. Tama, dahil lahat ng ating ginagawa at ikinikilos ay nakatuon sa ating kapwa

c. Mali, dahil may mga pagkakataong ang tao ang nagnanais na makapag-isa

d. Mali, dahil may iba pang aspekto ang tao maliban sa pagiging panlipunan

5. Ang sumusunod ay elemento ng kabutihang panlahat maliban sa:

a. kapayapaan

b. Katiwasayan

c.Paggalang sa indibidwal na tao

d. Tawag ng katarungan o kapakanang panlipunan ng lahat

6. “Huwag mong itanong kung ano ang magagawa ng bansa para sa iyo, kundi itanong mo
kung ano ang magagawa mo para sa iyong bansa.” Ang mga katagang ito ay winika ni:

a. Aristotle b. St. Thomas Aquinas

c. John F. Kennedy d. Bill Clinton

7. Ano ang tunay na layunin ng lipunan?

a. kapayapaan

b. kabutihangpanlahat

c. katiwasayan

d. kasaganaan

8. Ano ang kabutihang panlahat?

a. kabutihan ng tao

b. kabutihan ng pangkat ng kasapi ng lipunan

 c. kabutihan ng bawat individual na kasapi ng lipunan

d. kabutihan ng lipunang nararapat bumalik sa lahat ng mga

kasapi nito

9. Ang tunguhin ng lipunan ay kailangang pareho sa tunguhin ng bawat indibidwal.

Ang pangungusap ay:

a. Tama, dahil sa pagkakataon na ganito lamang matitiyak na makakamit ang tunay

na layunin ng lipunan

b. Tama, dahil mahalagang makiayon ang bawat indibidwal sa layuning itinalaga ng

lipunan

c. Mali, dahil may natatanging katangian at pangangailangan ang bawat isang indibidwal

d. Mali, dahil ang bawat indibidwal sa lipunan ang nararapat na nagtatakda ng mga
layunin.

10. Kalayaan at pagkakapantay-pantay ang nararapat na manaig sa lipunan. Ang

pangungusap ay:

a. Tama, dahil ito ang mahalaga upang mangibabaw ang paggalang sa mga karapatan
ng tao

b. Tama, dahil ito ay inilaan na makamit ng tao sa lipunan ayon sa Likas na Batas

c. Mali, dahil sa kalayaan, masasakripisyo ang kabutihang panlahat at sa

pagkakapantay- pantay, masasakripisyo ang kabutihan ng indibidwal

d. Mali, dahil sa kalayaan, masasakripisyo ang kabutihan ng

indibidwal at sa pagkakapantay-pantay, masasakripisyo ang kabutihang
panlahat

B. Paghahabi sa layunin ng aralin at pagganyak

A. Gamit ang objective board, babasahin ng guro ang mga layunin ng aralin

1. Natutukoy ang mga elemento ng kabutihang panlahat.

2. Nakabubuo ng isang recipe para sa isang matiwasay na lipunan.

 3. Nakapagpapahayag ng damdamin ukol sa isang matiwasay na lipunan sa ng
pagguhit.

B. Pag-uugnay ng mga halimbawa sa bagong aralin

Pakinggan at panoorin ang awiting isinulat at inawit ni Noel Cabangon na may pamagat
na “Ako’y Isang Mabuting Pilipino”. https://www.youtube.com/watch?v=hkfOuCzJl78.
Tumawag ng mga mag-aaral na magsasagot ng mga katanungan na nasa ibaba. (Gawin
sa loob ng 10 minuto) (Integrative and Reflective Approach)

Ako’y Isang Mabuting

Pilipino”

ni: Noel Cabangon

Ako'y isang mabuting Pilipino

Minamahal ko ang bayan ko
Tinutupad ko ang aking mga tungkulin
Sinusunod ko ang kanyang mga alituntunin

Tumatawid ako sa tamang tawiran

Sumasakay ako sa tamang sakayan
Pumipila at 'di nakikipag-unahan
At 'di ako pasiga-siga sa lansangan

Nagbababa ako sa tamang babaan

Hindi nakahambalang parang walang pakialam
Pinagbibigyan kong mga tumatawid sa kalsada
Humihinto ako 'pag ang ilaw ay pula

'Pagka't ako'y isang mabuting Pilipino

Minamahal ko ang bayan ko
Tinutupad ko ang aking mga tungkulin
Sinusunod ko ang kanyang mga alituntunin, whoa, whoa

Hindi ako nangongotong o nagbibigay ng lagay

Ticket lamang ang tinatanggap kong ibinibigay
Ako'y nakatayo doon mismo sa kanto
At 'di nagtatago sa ilalim ng puno

Hindi ako nagkakalat ng basura sa lansangan

Hindi bumubuga ng usok ang aking sasakyan
 Inaayos ko'ng mga kalat sa basurahan
Inaalagaan ko ang ating kapaligiran

'Pagka't ako'y isang mabuting Pilipino

Minamahal ko ang bayan ko
Tinutupad ko ang aking mga tungkulin
Sinusunod ko ang kanyang mga alituntunin, whoa, whoa

Lagi akong nakikinig sa aking mga magulang

Kaya't pag-aaral ay aking pinagbubutihan
Hindi ako gumagamit ng bawal na gamot
O kaya'y tumatambay at sa eskwela'y 'di pumapasok

Ipinagtatanggol ko ang aking karangalan

'Pagka't ito lamang ang tangi kong kayamanan
'Di ko ibinebenta ang aking kinabukasan
Ang boto ko'y aking pinahahalagahan

'Pagka't ako'y isang mabuting Pilipino

Minamahal ko ang bayan ko
Tinutupad ko ang aking mga tungkulin
Sinusunod ko ang kanyang mga alituntunin, whoa, whoa

Ako'y isang tapat at totoong lingkod ng bayan

Pabor o lagay ay 'di ko pinapayagan
Tapat ang serbisyo ko sa mamamayan
Hindi ko ibinubulsa ang pera ng bayan

Ipinagtatanggol ko ang mamamayang Pilipino

Mga karapatan nila'y kinikilala ko
Iginagalang ko ang aking kapwa tao
Ipinaglalaban ko, dangal ng bayan ko

'Pagka't ako'y isang mabuting Pilipino

Minamahal ko ang bayan ko
Tinutupad ko ang aking mga tungkulin
Sinusunod ko ang kanyang mga alituntunin

Ako'y isang mabuting Pilipino

Minamahal ko ang bayan ko
Tinutupad ko ang aking mga tungkulin
Sinusunod ko ang kanyang mga alituntunin, whoa, whoa
 'Pagka't ako'y isang mabuting Pilipino, whoa, whoa
'Pagka't ako'y isang mabuting Pilipino, whoa, whoa
'Pagka't ako'y isang mabuting Pilipino, whoa, whoa
'Pagka't ako'y isang mabuting Pilipino, whoa

Tanong:

1. Ano-ano ang mga katangiang dapat taglayin ng isang responsableng mamamayan?

2. Ano-ano ang mga pananagutan ng isang indibidwal sa ating lipunan?

3. Paano ito nakatutulong sa pagkamit ng kabutihang panlahat o common good?

C. Pagtalakay ng bagong konsepto at paglalahad ng bagong kasanayan #1

- Gamit ang Powerpoint Presentation, talakayin ng guro ang mga sitwasyon sa

bansa kung saan kapansin-pansin ang hindi pagkakasundo o pag-aalitan ng mga
tao, kaguluhan sa pulitika at opisyal ng gobyerno, negosyo, kahirapan, gutom, sakuna
at mga isyung nagpapakita sa kalagayan ng kasalukuyang lipunan at sagutin ang
sumusunod na tanong. (Gawin sa loob ng 10 minuto) (Reflective/Constructivist
Approach)

1. Mulat ka ba sa mga nangyayari sa lipunan sa kasalukuyan? Pangatuwiranan.

2. Hindi man tuwirang nabibigkas ng maraming tao ay marami rin ang nangangarap ng
matiwasay na lipunan at marahil ay isa ka sa mga ito. Paano nga kaya magkakaroon ng
katiwasayan sa lipunan? Magbigay ng halimbawa.

3. Ano kaya ang maipapayo mo? Bakit?

D. Pagtalakay ng bagong konsepto at paglalahad ng bagong kasanayan #2

- Pangkatin ang klase sa limang pangkat. Bigyan ng Manila paper at marker ang bawat
isang grupo. Gumawa ng isang recipe para sa Matiwasay na Lipunan. Sundin ang
gabay na direksyon sa ibaba. Pumili ng isang miyembrong magbabahagi ng natapos na
gawain. (Gawin sa loob ng 10 minuto) (Reflective Approach)

Sigurado akong nakakita ka na ng recipe para sa pagluluto ng isang pagkain.

Malinaw na nakasulat dito ang mga sangkap at ang sukat ng mga ito. Nakasulat din ang
malinaw na detalye ng paraan ng pagluluto nito. Kung isusulat natin ang recipe para sa
matiwasay na lipunan, ano kaya ang sangkap nito at paano kaya ito makakamit?
Gagawin mo iyan sa gawaing ito: Recipe para sa Matiwasay na Lipunan. Ang magiging
nilalaman nito ay ang sumusunod
 Sangkap na kinakailangan upang matiyak ang katiwasayan ng lipunan

Mga tiyak na sukat nito, katulad ng tasa, kutsara o kutsarita, kilo, gramo, at iba

Pamamaraan kung paano magagamit ang mga sangkap na inilagay (hal. Ilagay
ang katarungan sa isang malaking lalagyan at haluan ito ng pagmamahal.
Matapos itong mapagsama-sama ay budburan ito ng bukas na komunikasyon)

E, Paglinang sa Kabihasahan (Tungo sa Formative Assessment)

- Sagutin ang sumusunod na tanong sa notbuk. Ibahagi ang kasagutan sa klase:

1. Ano ang iyong naging realisasyon matapos maisagawa ang gawain?

2. Ano ang pinakamahalagang sangkap sa pagkakaroon ng matiwasay na lipunan? Ipaliwanag.

3. Ano ang pinakamahalagang pamamaraan sa pagkakaroon ng matiwasay na lipunan?

Ipaliwanag

F. Paglalapat sa aralin sa pang-araw-araw na buhay

Itala sa notbuk ang mga pansariling pamamaraan upang makamit ang kabutihang
panlahat.

(Gawin sa loob ng 5 minuto) (Reflective/Constructivist Approach)

1.

2.

3.

4.

5.

G. Paglalahat sa aralin

- Sa pamamagitan lamang ng lipunan makakamit ng tao ang layunin ng kanyang

pagkakalikha sapagkat binubuo ang tao ng lipunan at binubuo ng lipunan ang tao. Ang tunay na
tunguhin ng lipunan ay ang kabutihan ng komunidad na nararapat bumalik sa lahat ng indibidwal
na kasapi nito at ito ang tunay na kahulugan ng kabutihang panlahat.
H. Pagtataya ng Aralin

-Isulat ang mga katangian ng isang matiwasay na lipunan sa pamamagitan ng

malikhaing pamamaraan. Gumawa ng drawing nito sa isang bondpaper.
Mahalagang maglakip ng maikling paglalarawan sa ginawang representasyon. (Gawin
sa loob ng 10 minuto) (Constructivist Approach.

Kraytirya:

a. Pagiging malikhain 40%

b. Kaangkupan sa Paksa 30%
c. Pagkakatugma sa ninanais na paglalarawan 20%
d. Kalinisan 10%
I. Karagdagang gawain para sa takdang-aralin at remediation

A. Magsagawa ng pananaliksik sa alinmang sumusunod na pamamaraan: maaaring sa silid-

aklatan, internet o interview tungkol sa mga kasalukuyang kalagayan, katangian, kontribusyon
at layunin ng sumusunod na institusyong panlipunan:

Paaralan
Simbahan
Pamilya
Negosyo
Pamahalaan

B. Pagkatapos nito, gumawa ng isang komprehensibong ulat tungkol dito o isang

dokumentaryo o pagsasadula ang bawat pangkat.

C. Maghanda para sa presentasyon ng ginawang pananaliksik.

IV. MgaTala

V. Pagninilay

A. Bilang ng mag-aaral na nakakuha ng 80% sa pagtataya

B. Bilang ng mag-aaral na nangangailangan ng iba pang gawain para sa remediation

C. Nakatulong ba ang remedial? Bilang ng mag- aaral na nakaunawa sa aralin

D. Bilang ng mga mag-aaral na magpapatuloy sa remediation?

E. Bilang ng mga mag-aaral na magpapatuloy sa remediation?

F. Anong suliranin ang aking naranasang solusyunan sa tulong ng aking punongguro at

superbisor?

G. anong kagamitan pangturo aking nadibuhong nais kong ibahagi sa mga kapwa mko
guro.