BANGHAY-ARALIN SA EDUKASYON SA PAGPAPAKATAO

(Baitang 9)

I. MGA LAYUNIN
A. Pamantayan sa Pagkatuto

1. Pamantayang Pangnilalaman:
Naipapamalas ang pag-unawa sa mga pansariling salik sa pagpili
ng tamang kursong akademiko o teknikal-bokasyonal, sining at isports,
negosyo o hanapbuhay.

2. Pamantayan sa Pagganap:
Nagtatakda ng sariling tunguhin pagkatapos ng haiskul na
naaayon sa taglay na talento, pagpapahalaga, tunguhin at katayuang
ekonomiya.

*Mahalagang Tanong:
Bakit mahalagang tugma ang mga pansariling salik sa mga
pangangailangan (requirements) sa napiling kursong akademiko, teknikal-
bokasyonal, sining at isports, negosyo o hanapbuhay ay daan upang magkaroon ng
makabuluhang hanapbuhay o negosyo at matiyak ang pagiging produktibo at
pakikibahagi sa pagpapaunlad ng ekonomiya ng bansa?

*Batayang Konsepto:
Ang pagiging tugma ng mga pansariling salik sa mga pangangailangan
(requirements) sa napiling kursong akademiko, teknikal-bokasyonal, sining, at
isports, o negosyo ay daan upang magkaroon ng makabuluhang hanap-buhay at
matiyak ang pagiging produktibo at pakikibahagi sa pagpapaunlad ng ekonomiya.

B. Mga Layuning Pampagkatuto:

1. Nakikilala ang mga pagbabago sa kanyang talento, kasanayan, hilig,

pagpapahalaga, katayuang pinansiyal, mithiin at naiuugnay ang mga ito sa
pipiliing kursong akademiko, teknikal-bokasyonal, sining at isports, negosyo.
2. Nauunawaan ang kahalagahan ng pagkilala sa mga hilig, kakayahan at talento
bilang mahalagang hakbang sa pagpili kurso o propesyon.

II. NILALAMAN:

A. Paksa - Modyul 13: Mga Pansariling Salik sa Pagpili ng Tamang Kursong

Akademiko o Teknikal-Bokasyonal, Sining at Isports, Negosyo.
B. Mga Kagamitan: Modyul sa Esp 9;activity sheets; visual aids
(video,powerpoint,mga larawan)
C. Sanggunian: EsP 9 Modyul

III. PLANO NG PAGTUTURO-PAGKATUTO:

A. Paunang Pagtataya
B. Pagtuklas ng Dating Kaalaman
 1. Balik-tanaw noong mga nakaraang taon kaugnay ng pagbabago o pag-unlad
sa kanyang talento, kasanayan (skills), hilig, pagpapahalaga, katayuang
pinansyal at mithiin.
2. Ipamahagi ang Activity Sheet #1 na naglalaman ng mga sumusunod na
tanong:
a. Anu-anong mga pagbabago sa talento, kasanayan (skills), hilig,
pagpapahalaga, katayuang pinansyal at mithiin noong ako ay nasa
Baitang 7?
b. Nagbago ba o hindi ang kursong kukunin ko noong nasa Baitang 7 pa
ako? Magkaroon ng maikling paliwanag.
c. Sa pagbabagong ito, ano ang kursong plano kong kunin sa Senior High
School?
3. Bigyan sila ng 5 minuto upang masagutan ang Gawain at pagkatapos ay
tumawag ng 2 o 3 mag-aaral upang ibahagi ang kanilang sagot sa klase.

C. Paglinang ng mga Kaalaman, Kakayahan, at Pag-unawa:

Gawain 1
1. Gawin ang Job Hunting Activity (sa tema ng Deal or No Deal)
2. Ang bawat mag-aaral ay pipili ng pupuntahang istasyon na kumakatawan sa
anim (6) na grupo ng mga propesyon (Naka-post sa board ang mga larawan at
deskripsyon ng anim ( 6) na pangkat ng trabaho (RIASEC).
3. Bibigyan ng pagkakataon ang lahat na pumili mula sa anim na istasyon. Bawat
istasyon ay may karampatang regalo bilang premyo. Sa loob ng 1 minuto ay
dapat nakapili na sila.
4. Pagkatapos ay bigyan sila ng ikalawang pagkakataon (second chance) upang
baguhin ang kanilang napiling istasyon. Gawin ito sa loob ulit ng isang minuto.
5. Tanungin ang mga mag-aaral, sa huling pagkakataon (last chance) upang mag-
desisyon sa kanilang napiling istasyon. Matapos ang huling pagkakataon ay
pumili ng 2 o 3 mag-aaral upang sagutin ang mga sumusunod na tanong:
a. Naging madali ba sa iyo ang pagpili ng istasyon?
b. Ano ang iyong batayan sa pagpili ng istasyon/grupo?
c. Tumutugma ba ang iyong pangarap na propesyon sa iyong interes at
potensyal?

Gawain 2
1. Mula sa kanilang napiling istasyon/grupo ay ipamahagi ang Activity Sheet #2 na
naglalaman ng sumusunod:

Interes Bahagdan/ Porsyento (%)

Una:
Ikalawa:
Ikatlo:

2. Ibahagi ang kabuuang 100 bahagdan (%) bilang puntos sa tatlong piniling mga
interes/ hilig sa Gawain 1 ayon sa tindi o halaga nito sa iyong pagkatao. Gawin
ito sa loob lamang ng 1 minuto.
3. Pagkatapos ay tumawag ng representative sa bawat grupo upang ibahagi ang
kanilang awtput sa pagsagot sa mga sumusunod na tanong:
 a. Mayroon bang lumitaw na siyang itinuring mong pinakamataas sa
bahagdan/ puntos sa iyong mga interes? Anu-ano ito?
b. Naging madali ba sa iyo ang pagpili sa mga magiging trabaho o kailangan
pang mamili sa tatlo mong inihanay? Kung oo, bakit? Kung hindi, bakit
naman hindi?

Sintesis

Batay sa talakayan at mga natuklasan mo sa bawat Gawain, bumuo ng

mahalagang konsepto mula sa mga di-tapos na pangungusap:

1.Mahalagang magsagawa ng Pagsusuri sa Sarili ang isang mag-aaral bago siya

pumili ng kurso upang ______________________________________________.
2. Sa pagpili ng kurso o propesyon, mahalagang matukoy ang mga interes, talent at
potensyal ng isang tao sapagkat ______________________________________.
3. Bilang paghahanda sa pipiliin kong kurso o propesyon, ang nararapat kong gawin
ay _____________________________________.

TAKDANG ARALIN:
Basahin at unawain ang mahahalagang konsepto sa babasahin sa bahaging
Pagpapalalim pahina 12-22 ng Modyul 13.

INIHANDA NI: