Panimula

Masasabing napakalaki ng papel ng guro sa proseso ng pagtuturo-pagkatuto.

Umiikot sa silid-aralan ang kanyang mundo at kumikilos siya ayon sa dikta ng pilosopiya

bilang isang edukador. Ang pagpapahalaga sa mga tinuturuang mag-aaral ang batayan sa

pagpili at paghahanda ng mga araling magagamit upang makipag-ugnayan sa kaniyang

mga tinuturuan. Nababatid na ang halaga ng mga angkop na metodo, lapit, estratehiya at

mga kagamitang instraksyunal na makatutulong upang mapakilos ang mga mag-aaral

tungo sa pagtugon at pagkatuto.

Malaki ang impluwensya ng edukasyon sa hindi mapigilang pagsulong ng panahon

at pag-iiba ng mukha ng mundo. Ito ang isa sa mga dahilan ng napakaraming

pagbabagong nagaganap sa halos lahat ng aspekto ng buhay at hindi maikakailang ito

rin ang tugon at susi sa inaasam na kaunlaran at metatag na lipunan. Kung gayon, isang

hakbang upang matamo ang maunlad at metatag na edukasyon ay ang pagkakaroon ng

mga gurong may sapat na kahandaan, kaalaman at kasanayan sa pagtuturo.

Ayon kay Beetham (2007), ang mga gawain sa pagkatuto ay tumutukoy sa

interaksyon ng mga mag-aaral sa loob ng kaligirang edukasyonal (kasangkapan at

kaparaanan) tungo sa planadong kahihinatnan na sinusuportahan naman ng mga taong

may ispesipikasyong papel gaya ng guro.

Batid ng marami na ang guro ang pinakamahalagang baryabol sa silid-aralan. Ito

ang tunay na guro na nag-aangkin ng kakayahan at kasanayang propesyonal, magandang

saloobin at pananaw sa propesyon at may magandang katangiang personal. Maaaring

maging guro siyang qualified to teach subalit baka hindi naman siya quality teacher.

Maaaring nakatugon siya sa kahingian ng pagiging kwalipikadong gurong magtuturo

sapagkat nagtapos siya ng kursong pagkaguro ngunit epektibo ba ang kaniyang

pagtuturo? Mataas baa ng kalidad ng kanyang isinagawang pagtuturo upang masabi o

makapantay na isa sa mga de-kalidad?

1
 Isa sa mga suliranin ng guro sa kaniyang pagtuturo ay ang kakulangan sa kabatiran

sa paggamit ng iba’t ibang estratehiya sa tulong ng mga kagamitang pampagtuturo at

kahandaan ng guro na malaking papel sa ikapagtatagumpay sa pagkamit ng prosesong

pagtuturo at pagkatuto. Sapagkat ang mga kakulangang ito ang nagbubunsod upang

makadama ng pagkabagot ang mga mag-aaral sa klase at mawalan ng konsentrasyon at

interes sa pagkatuto. Nasusukat ang pagiging epektibo ng isang guro sa gawin, kaasalan

at saloobin ng kanyang tinuturuan. Ito ang resulta ng kanyang mga gawain sa klase,

Heindricks (1988).

Samakatuwid, ang pagtuturo sa mga mag-aaral at ang pangangailangan ng klase

ay humihiling ng kadalubhasaan ng guro sa pagtuturo lakip na ang kahandaan sa kaniyang

sarili, pisikal at emosyonal na kalagayan. Kaya marapat lamang na ang guro ay may bukas

na isipan sa pagtanggap ng pagbabago upang lalo pang mapalago ang sarili bilang isang

scholar practioner.

Paglalahad ng Suliranin

Ang mga sumusunod ay ninais na masagot at makapaglapat ng solusyon sa mga

nakitang suliranin sa pagtuturo

a.) Kahandaan ng guro sa pagtuturo; at

b.) Kaangkupan ng estratehiya at ng kagamitang pampangtuturo ng guro.

Mga Kaugnay na Literatura at Pag-aaral

Upang maging epektibo ang estratehiya ng isang guro, may mga dapat itong

bigyang pansin. Ito ang mga bagay na dapat isaalang-alang sa pagpili ng gagamiting

pamamaraan sa pagtuturo sa mga estudyante. Ang mga salik na ito kapag nabigyan ng

kaukulang atensyon ay mapadadali at mapagagaaan ang proseso ng pagkatuto ng mga

2
mag-aaral at maaaring maging tulay upang maging mabisa ang estratehiya na ginagamit

ng isang guro.

Mula sa akdang Ang Tradisyonal at Makbagong Paraan ng Pagtuturo, upang maging

mabis at mabilis ang pagkatuto, kinakailangan ang paggamit ng mabubuting pamamaraan

ng pagtuturo sapagkat nakabase sa mabuting paraan ng pagtuturo ang matagumpay,

kawili-wili at mabisang pagkatuto ng mag-aaral. Ibig sabihin, lubos na mauunawaan ng

mga mag-aaral ang kanilang leksyon kung ang pamamaraan ng pagtuturo ay

nakakaengganyo at kapantay ng lebel ng mag-aaral nang sa gayon sila ay mabilis na

matuto.

Ayon kay Transona Jr., (2002), malaki ang ginagampanan ng edukasyon sa pag-

unalad ng isang bansa. At dahil sa paaralan nakabatay ang mga inaasahan at mithiin ng

mga mamamayan patuloy na nagbabago ang sistema nito dahil naiimpluwensyahan ng

patuloy na pagbabago ng panahon. Sa anumang antas ng pag-aaral, sa bahagi ng

pagtuturo ay hindi maitatanggi ang katotohanang ang isang guro ay isa sa

pinakamahalagang sangkap sa paaralan. Sa palad ng mga guro nakasalalay ang mga

malilikhaing gawaing makatutulong at magsisilbing gabay ng mga mag-aaral. Ang antas

ng kahusayan ng alinmang paaralan ay nakasalalay sa pagganap ng mga guro sa

pagtuturo. Binigyang-diin rin ni Brain (1996), na ang susi ng lahat ng suliranin sa mabisang

pagtuturo ay ang guro.

Sinabi naman ni Patrick Morrissette (2001), ang hindi pagkakaintindihan sa loob ng

klase ay maaaring maging isang malaki at seryosong problema kapag hindi ito kaagad

nagawan ng solusyon. kung ito ay malulunasan agad ay magkakaroon ng kalinawan sa

patuloy na pagsasaliksik at pagtatamo ng karunungan ng mga mag-aaral sapagkat tiyak

ang ilalapat na panibagong kaalaman sa kaniyang iskema o background knowledge.

Ayon naman kay Papham (1980), Malaki ang tungkuling ginagampanan ng guro sa

pagpapaunlad ng mga kakayahang taglay ng mga mag-aaral. Ang kaniyang impluwensiya

3
sa lipunan at sa paghubog ng mga kakayahan ng mga mag-aaral ay hindi matatawaran

kailanman. Bilang magulang, siya ang nagsisilbing uhay sa pagpapalago at

Hpagpapayabong ng anumang kakayahan na mayroon ang mga mag-aaral. Higit na

dumarami ang matatalinong mag-aaral kung ang guro ay matimpi, mapagbiro,

palatanong, at gumagamit ng galaw ng katawan at ekspresyon ng mukha kaysa gurong

awtoritaryan, palautos, hindi awtoridad para igalang at sundin, Adan 2010.

Bilang karagdagan ni Jocson sa programang K-12, layunin ng pagtuturo na

malinang ang kakayahang komunikatibo, replektibo o mapanuring mag-isip,

pagpapahalagang pampanitikan ng mga mag-aaral sa pamamagitan ng mga babasahin at

teknolohiya tungo sa pagkakaroon ng pambansang pagkakakilanlan, kultural na literasi at

patuloy na pagkatuto upang makaagapay sa mabilis na pagbabagong naganap sa daigdig.

Ang guro ay masasabi din nating isang kagamitang panturo na kung saan ang guro ang

syang nagbibigay ng gabay at nagbibigay ng iba’t ibang uri ng estratehiyang gagamitin

sa bawat paksang tatalakayin.

Hindi sapat na maituro ng isang guro kung ang paksang aaralin kundi kung paano

niya ito maituturo at matututuhan ng mga mag-aaral. Sapagkat ang isang guro ay alagad

ng agham at sining. Agham sapagkat ang pagtuturo ay sangay ng karunungang

umaalinsunod sa mga simulain at prinsipyo. May maayos at sistematikong hakbang na

sinusunod ang guro sa kaniyangpagtuturo na nakasalig sa pilosopikal, sikolohikal, at

sosyolohikal na batayan. Samantala, isa ring sining ang pagtuturo. Nauukol ito sa mga

gawain ng pagkikintal ng kaalaman sa maayos at kaaaya-ayang pamamaraan. Bukal ng

masisining na teknik ang guro upang maging epektibo ang kaniyang pagtuturo.

Binigyang diin ni Adan 2010, na ang guro ay may malaking papel sa paglinang ng

kaisipan ng mga kabataan. Kaya marapat lamang na ang isang guro ay suot lagi na ang

kalasag ng karunungan, taglay ang pagkamalikhaing mag-isip, na may pagsasaalang-

alang sa kakakaiba-iba ng bawat nilalang. Na ang bawat indibidwal ay bukodtangi sa iba.

4
May kani-kaniyang mga pangangailangan na kailangang mapunan ng guro at ng

kapaligiran kung saan man siya kabilang. Kung isasaalang-alang ang mga bagay na ito

mas magiging kapana-panabik ang pagtuturo sa panig ng guro at pagkatoto ng mga mag-

aaral.

Maaaring gumamit ang guro ng iba pang paraan sa pagtataya tulad ng: paggawa

ng jornal, profile, reading logs, at pagsasagawa ayon sa tunay na pangyayari (role play,

simulation) gayon din ang paggamit ng teknolohiya ay mabisang paraan ng pagtataya

tulad ng video at audio cassette tapes para sa pasalitang pagpapahayag at pagkuha ng

mga nilalaman o impormasyon. Ang multimedia ay tumutukoy sa mga paraan kung saan

ang impormasyon ay ipinapamahagi sa pamamagitan ng iba’t ibang media. Ito ay aktwal

na dalawang media, tunog (audio) at larawan (video). Ang edukasyon ay ang parte ng

pag-aaral kung saan ang mga mag-aaral na timatanggap ng impormasyon sa

pamamagitan ng iba’t ibang media, Aton (2007).

Ayon pa kina Abad at Ruedas (2001), ang mga kagamitang pampagtuturo, tulad ng

midyang instruksyonal ay nagbibigay ng kongkretong pundasyon sa pagkatuto, ilan

lamang ang mga sumusumod: 1.) Nagbubunga ito ng wastong gawi sa pag-aaral; 2.)

Nakagaganyak ito sa kawilihan ng mga mag-aaral sapagkat higit na napasisigla at

napagagaan ang proseso ng pagtuturo at pagkatuto; 3.) Nagdudulot ito ng maayos, madali,

makahulugan at mabisang pagtuturo at pagkatuto; 4.) Nag-aambag ito ng iba’t ibang

karanasan sa mga mag-aaral tungo sa pagtatamo nila ng mga minimithing kaalaman,

pagkamit ng kasanayan at pagpapahalaga sa kanilang sarili at kapaligiran; 5.) Nagbibigay

ito ng iba’t iba at tunay na kalagayan upang mapasigla ang pansariling gawain ng mag-

aaral; 6.) Nagkakaroon ng tiwala sa sarili ang mag-aaral at guro sapagkat may direksyon

ang pagtuturo at pagkatutu; 7.) Nagkakaroon din ang mga guro ng kawilihan, magaan at

sistematikong pagtuturo; 8.) Nababawasan ang pagiging dominante ng guro sa

pagsasalita o pagtalakay mh aralin sa loob ng silid-aralan.

5
 Malaki ang impluwensya ng guro lalo na sa kabataan ng mga mag-aaral. Ang iba’t

ibang oportunidad ay maaaring ilaan ng guro tungo sa kabuuang paghubog sa katauhan

ng isang bata sa aspektong pisikal, sosyal, mental at emosyonal. Ito ay nagsisilbing

tungkuling dapat gampanan ng isang guro sa pagkatuto ng mga kabataan. Sa ibang banda,

dahil sa ang pagtuturo ay isang komplikadong gawain, mahalaga ang kahandaan ng guro

sa propesyong ito. Bagamat, hindi lamang guro ang tanging baryabol sa ekwasyong

pagtuturo-pagkatuto, ang mga guro ay nakapag-aambag ng pagbabago sa katauhan ng

mag-aaral.

Sinasabing ang mabisang pagtuturo ay hindi namamang kapangyarihan, manapa

ito ay bunga ng matinding pag-aaral at masiglang pagtupad sa tungkulin (Hunter, 1999).

Ang pagtututro ay kinakailangang tugunan ang proseso ng pagkatuto sa halip na

pangibabawan ito, Gattegno (1976), ibig sabihin, kinakailangan ng anumang hakbang na

gagawin ng guro sa pagtuturo ay tumutugon sa kung papaano ba natural na gumagana o

nagpoproseso ang utak o isipan upang matuto.

Ayon kay Conant (1963), kapag ang isang guro ay hindi sapat ang kaalaman sa

kanyang asignaturang itinuturo, maaari niyang maipasa ito sa kaniyang mga mag-aaral.

Maaaring mabigo ang isang guro na hamunin ang kaniyang mag-aaral na mag-isip nang

tama bagkus maaari silang mag-isip ng mga bagay na hindi angkop. Samakatuwid, ang

kaalaman ng guro sa kanyang itinuturo ang humuhubog sa kasanayan bilang guro kung

paano siya magtanong, mga ideyang kaniyang ibinabahagi at mga gawainng kaniyang

itinatalaga.

Sa pag-aaral ni Shulman (1986), ang isang guro ay hindi lamang dapat maalam sa

pagtanggap ng katotohanan ngunit dapat marunong din siyang ipaliwanag ang mga

katotohanang ito, bakit ito kailangang malaman at ano ang relasyon nito sa iba pang

katutuhanan. Ang ganitong uri ng pagkaunawa sa isang paksa ay pinaniniwalaan ni

6
Scheffler (1973) na nagpapalakas sa isang guro at sa ganitong paraan mapalalakas ang

kaniyang sining.

At ang kalidad ng pagkatuto ay nakasalalay sa mabisang pagtuturo. Mahalagang

isaalang-alang ng guro na ang pagtuturo ay isang instrument sa komunikasyon ng wika,

kung mahina ang instrument, mahina rin ang komunikasyon. Ang layunin ng pagtuturo ng

alinmang wika ay upang malinang ang kakayahan ng mga mag-aaral na maipahatid ang

kanilang diwa at damdamin sa malinaw na pamamaraan at wastong pagkakahabi ng ideya.

Sa aklat ni Dr. Lizette F. Knight (2009) na Maximum Learning and Teaching, isinaad

niya na isang salik na mahalaga sa proseso ng pagkatuto ay ang kapaligiran. Ang

paghahanda ng isang magandang kapaligiran ay nakaaapekto sa motibasyon ng

pagkatuto. Ayon naman sa lathala ni Maria Merlisa Manuel (2012) na pinamagatang Guro:

Tagahubog ng Kinabukasan ng Sambayanan, malaki ang impluwensya ng mga guro sa

kaniyang mga mag-aaral lalo na sa kinabukasan ng mga ito. Kaya naman, nararapat na

pahalagahan ng isang guro ang kanyang propesyon hindi lamang bilang isang trabaho

kundi isa ring misyon na may kaugnayan sa kinabukasan.

Ang tradisyunal na paraan ng pagtuturo ay ating nakagisnan at nakalakhan. Ayon

kay Novak (1998), ang tradisyual na pamamaraan ng pagtuturo ay nakapokus sa guro

bilang isang taga-kontrol sa kapaligiran ng mga mag-aaral. Nasa guro ang responsibilidad

at sa kaniya ang mga paraan at estratehiyang gagamitin sa pagtutuo sa kanyang mga

estudyante.

Si Richards (1992) ay nagsabing ang epektibong guro ay malikhain. Ang kanyang

klase ay masigla at kawili-wili at laging may bagong gawain. Hindi lamang ang magpunla

at magkintal ng impormasyon o prinsipyo ang hangarin, kundi higit sa lahat, ang ninanais

ay matulungan ang mag-aaral na mapabuti ang buhay. Dagdag pa ni Hendricks (1998),

nasusukat ang pagiging epektibo ng isang guro sa gawain, kaasalan at saloobin ng

kanyang tinuturuan. Ito ang resulta ng kanyang mga gawain sa klase.

7
 Sa kabuuan, ang pagtuturo ay isang sangay ng karunungang nag-uukol sa paglikha

ng maririkit na bagay at magagandang kaganapan. Ito’y maayos na paraan ng

pagsasagawa ng pagkikintal ng kaalaman. Itinuturing na mahalagang sangkap ng

komunikasyon, hindi lamang natatanggap ng mag-aaral ang mensahe mula sa guro kundi,

ito’y kanyabg naiuugnayn sa sariling pamumuhay sa sistematikong pamamaraan ng guro.

Ngunit hindi lahat ng pagkakataon ay masasabing nagbubunga ang guro sa kaniyang

pagtuturo. Kung kaya’t marapat lamang na palawakin ng guro ang kanyang kakayahan at

kasanayan sa pagtuturo. Kailangang magkaroon ng mga makabagong istratehiya’t

pamamaraan ang guro upang mas maging produktibo at mabisa ang pag-aaral ng

panitikan at wika.

Konklusyon

a.) Nakaaapekto sa proseso ng pagtuturo-pagkatuto ang kakulangan kahandaan sa

pagtuturo;

b.) Maaaring hindi matamo ng guro ang layunin sa pagtuturo kung kulang ang

kabatiran sa paggamit ng iba’t ibang estratehiya na kaakibat ang paggamit ng mga

kagamitang pangturo;

c.) Mas nagigising ang interes ng mga mag-aaral at guro kung ganap ang kahandaan

ng bawat isa;

d.) Nakapagbibigay ng malikhaing atmospera sa loob ng paaralan ang tiyak na

paggamit sa mga kagaitang pampagtuturo; at

e.) Hindi kailanman nakapagdudulot ng magandang resulta sa pagtuturo at pagkatuto

ang kakulangan ng kabatiran at malalim na pag-unawa ng guro sa paksa at mga

estratehiyang pangwika.

8
Rekomendasyon

a.) Magkaroon ng karagdagang seminar-worksyap para sa mga guro na nagtuturo ng

wika na angkop sa hinihinging kasanayan at kakayahan na dapat malinang sa guro;

b.) Magsagawa ng mga aktibidad sa loob ng paaralan na makatutulong upang lalo

pang mahubog at maunlad ang kakayahan at kasanayang natutuhan ng gurong

dumalo sa seminar-worksap;

c.) Sukatin ang kabatiran ng guro sa pagtuturo ng asignaturang Filipino gamit ang iba’t

ibang panukat sa pagmamagitan nito ay mas nagiging tiyak at malinaw sa mga guro

ang kanilang mga kakulangan sa bawat aspeto na dapat pagtuunan ng pansin

upang linangin;

d.) Maglaan ng panahon upang ang guro ay makagawa ng mga kagamitang

pampagtuturo na kanilang gagamitin sa klase upang maiwasan ang hindi angkop

na kagamitang pampagtuturo na ginagamit ng guro.