PANGWAKAS NA PANANALITA

(Linggo ng Wika)

Para sa ating mahal na Punong-Guro, mga mag-aaral, at sa aking kapwa mga guro, isang maalab
na pagbati po ng magandang umaga sa inyong lahat.

Sa mga nakita at narinig natin sa palatuntunang ito.

Marahil ay maitatanong sa ating sarili kung ano nga nga ba ang kabuluhan ng pagkakaroon ng
Pambansang Wika.
Ano nga ba ang maitutulong nito sa ating buhay bilang isang Pilipino?
Ang palatutunang ito ay ginawa upang bigyang halaga ang pagkakaroon ng wikang pambansa.

Kapag ang isang Pilipino na taga-Visayas ay nagpunta sa Maynila, hindi magiging sagabal ang
kanyang lenguwahe dahil tayong mga Pilipino, kahit saan man naroon ay maari tayong mag-usap
at nagkakaindihan dahil sa ating pambansang wika.

Dito tayo nagkakaisa at nagkakaunawaan na mahalagang bagay upang tayo ay umunlad.

Kailangan nating magkaintindihan tungo sa iisang adhikain – ang umunlad.
Bilang isang bansa ay mahalaga na magkaroon tayo ng isang wika na siyang mag-uugnay at
magsisilbing bigkis sa ating lahat.

Magkakaiba man tayo sa maraming bagay ay nauunawaan naman natin ang isat-isa dahil
naipapahayag natin ang ating nararamdaman sa ating kapwa.
Sa pagkakaunawaan na ito ay naipaparating natin ang ating kagustuhan na maging mapayapa
ang ating bayan at bansa.
Dahil sa iisang wika na ating pinagkakaintindihan ay nasasabi natin ang nais nating pagbabago
para sa pag-unlad.

Mahalaga na magkakaintindihan at magkaisa ang bawat isa.

Dahil sa pamamagitan nito ay maisusulong nating Pilipino ang inaasam na pag-unlad at
kapayapaan. Ipagmalaki natin sa buong mundo ang wikang Filipino dahil ang ating wikang
pambansa ay wika ng pambansang kaunlaran.

Maraming salamat po sa inyong lahat at mabuhay tayong mga Pilipino.

Sa ulit magandang umaga.