KRITIKAL NA PAGBASA – ay tumutukoy sa proseso ng pagkilala ng mga nakasulat na simbolo at
ang pagbibigay nito ng makabuluhang kahulugan.
Katulad ng pagbasa, isa ring proseso ang kritikal na pagbasa dahil mabuting inuunawa sa ibig sabihin ng binasang teksto. Mga Kasanayan na Kailangan ng Mambabasa 1. Nakakilala ng mga salita(Word perception/recognition) – bukod sa natutukoy ng mambabasa ang bawat titik na bumubuo ng salita,nabubuo at natutukoy rin niya ang kahulugan kapag pinagsama ang mga titik upang ito ay maging isang makabuluhangsalita. 2. Nakauunawa sa tekstong binabasa(Comprehension) – Sa kakayahang ito, nangangahulugan na nababasa at nauunawaan ng mambabasa ang mga nakalimbag na tekstong binabasa kahit mahirap itong basahin. 3. Nakauunawa sa bawat salita ng teksto at may katatasan ditto(Fluency) – Sa kakayahang ito, kakikitaang bihasa na ang mambabasa dhil bukod sa lubos niyang nakikilala ang mga salita, mayroon na rin siyang ganap na pag -unawa sa bawat salita ng teksto. 4. Nabibigkas nang wasto ang mga titik na bumubuo sa salita (Decoding)- Naipapakita ng mambabasa ang kaalaman sa tamang bigkas ng mga titik. 5. Nababatid ang kahulugan at gamit ng salita sa pangungusap o may kakayahang bokabularyo(Vocabulary). Nakikilala ng mambabasa ang salita at natutukoy kung paano ito bibigkasin. Nababatid din niya ang lahulugan at gamit ng bawat salita sa pangungusap. 6. Nagpapakita ng pagpapahalaga sa panitikan (Literary appreciation)- naipamamalas ng mambabasa ang pag-unawa , pagkagiliw, at pagpapahalaga sa mga tradisyonal o makabagong babasahin na maiuugnay sa mga napapanahong isyu. Bakit tayo nagbabasa? Ating alamin ang mga dahilan kung bakit tayo nagbabasa 1. Upang madagdagan ang kaalaman – Masasabi natin na ang isang tao ay edukado kapag marunong siyang bumasa at sumulat. 2. Upang magingmatagumpay ang isinasagawang pananaliksik – nakakakuha tayo ng impormasyon. 3. Upang mapukaw ang ating interes- Isang makabuluhang libangan ang pagbabasa sapagkat bukod sa lumalawak ang ating kaalaman, nahasa rin nito ang ating pagkamalikhain. 4. Upang makakuha ng impormasyon – May mga aklat na nakapagbibigay ng inspirasyon kapag nabasa na natin dahil nagbabahagi ang may -akda ng mga personal na karanasan o kwento na kapupulutan ng aral. MGA TEORYA NG PAGBASA 1. Teoryang Bottom- Up – Sa Teoryang ito nagaganap ang proseso ng pagbabasa kapag sinusubukan ng mambabasa na maunawaan ang wika na binabasa sa pamamagitan ng pagtingin ng kahulugan ng salita or uri ng balarila ng isang payak nay unit ng teksto. 2. Teoryang Top-Down – nahihinuha ng mambabasa ang susunod na pangyayari gamit ang kaligirang impormasyong alam niya. 3. TeoryangInteraktibo – ayon sa teoryang ito, mas mainam na pagsamahin ang mga teoryang bottom-up at top-down upang lubusang maunawaan ang isang akda. 4. Teoryang Iskema - Sa teoryang ito, sinasabaing nakaayos ang ating kaalaman sa maliliit nay unit. Tinatawag din itong Shemata ang mga nakaimbak na impormasyong ito na nagtataglay ng ating mga natutuhang ideya. PANUKATAN O DIMENSIYON NG PAGBASA 1. Unang Dimensiyon (pag-unawang Literal)- tinutukoy ng mambabasa ang mga ideya mula sa impormasyong nabasa sa teksto sa pamamagitan ng literal at tuwirang gamit ng mga salita. 2. Ikalawang Dimensiyon(Interpretasyon)- Naibabatid ng mambabasa ang nais ipahiwatig ng may- akda at nakapagpapamalas siya ng pang-unawa sa mga impormasyong nakuha. 3. Ikatlong Dimensiyon(Mapanuri o Kritikal na Pagbasa) – Nakapagbibigay ang mambabasa ng malalim at malawak na pagsusuri sa tekstong binasa kung saan natutukoy niya ang tiyak na mensahe o aral na ipinararating ng may-akda. 4. Ikaapat na Dimensiyon(Paglalapat o Aplikasyon)- Naiuugnay ng mambabasa ang kaniyang binasa sa mga impormasyong nuna nang natutunan o mula sa sariling karanasan. 5. Ikalimang Dimensiyon(Pagpapahalaga) – Naipapakita ng mambabasa ang impluwensiya ng binasang akda sa kanyang damdamin. Mga Uri o Estilo ng Pagbasa 1. Masaklaw na Pagbasa(Skimming)- Ito ang pinakamadali at pinakamabilis na paraan ng pagbabasa dahil nakatuon ang mambabasa sa pamagat o heading ng talata at simula lamang ng pangungusap upang makuha ang pangunahing ideya ng teksto at ang nilalaman ng teksto. 2. Masusing Pagbasa (Scanning) – Ito ay isang masusuing pagtingin sa babasahing material. 3. Pagalugad na Pagbasa(Exploratory Reading) – Ginagawa ito kung ibig ng mambabasa na malaman kung ano ang kabuuan ng isang babasahin. 4. Mapanuring Pagbasa(Analytical Reading) – Kapag nasa Filipin o Ingles ang isang babasahin, sinusuring Mabuti ng mambabasa ang kaugnayan ng mga salita at talata upang mahanp ang kabuluhan ng ipinapahiwatig na mensahe. 5. Kritikal na Pagbsa(Critical Reading)- masusing sinisiyasat ng mambabasa ang mga ideya at saloobin ng teksto. Pinag-iisipan niyang Mabuti kung wasto nga ba ang impormasyon. 6. Malawak na Pagbasa(Extensive Reading)- Nagbabasa ng iba’t ibang akda ang mambabasa bilang libangan at pampalipas ng oras. 7. Malalim ng Pagbasa(Intensive Reading) – Kailangan ng masinsinan at malalim na pagbasa kapag nag-aaral o nagsasaliksik bilang paghahanda sap ag-uulat o pagbuo ng pamanahong papel upang makakalap ng sapat at makabuluhang impormasyon. 8. Maunlad na Pagbasa(Developmental Reading)- Sumasailalim ang mambabasa sa iba’t ibang antas ng pagbabasa upang kaniyang mahubog at mahasa ang mahahalagang kasanayan sa pagbasa. 9. Tahimik na Pagbasa(Silent Reading)- Ginagamit ng mambabasa ang kaniyang mga mata sa pagbabasa. Habang nagbabasa, makikita na ang mambabasa ay nakatutok sa tekstong binabasa upang ganap itong maunawaan. 10. Malakas na Pagbasa(Oral Reading) – Sa bahaging ito, binibigkas ang teksto o kuwentong binabasa sa paraang masining at may damdamin. Mga Proseso ng Pagbasa 1. Persepsiyon o Pagkilala – Tumutukoy ito sa pagkilala sa mga simbolong nakasulat at sa kakayahan na makilala ito ng mambabasa sa pamamagitan ng pagbigkas ng mga tunog. 2. Komprehensiyon o Pang-unawa – Naipakikita nito na nauunawaan ng mambabasa ang nakasulat na salita o simbolo batay sa mga nakalap na impormasyon. 3. Reaksiyon – Nakapagbibigay ang mambabasa ng puna, saloobin, pasiya, o hatol tungkol sa akdang binasa kung ang nilalaman nito ay kakikitaan ng kahusayan, kawastuhan, at kapakinabangan. 4. Asimilasyon o Integrasyon – Tumutukoy ito sa pagsasama, pagsasanib, at pag-uugnay ng mambabasa ng kaniyang mga nakaraang karanasan gayundin ng mga bagong karanasan sa buhay. PAGNILAYAN - A 1. Sa inyong palagay, mahalaga pa rin ba ang pagbasa gayong maaari naming makakuha ng impormasyon sa pamamagitan ng panonood ng telebisyon o paggamit ng Internet? 2. Ano ang pumupukaw sa iyong interes upang basahin ang isang aklat? 3. Sa anong pagkakataon nawawala ang iyong interes sa pagbabasa? 4. Paano mo hihikayatin ang iyong kaibigan na magtungo sa silid-aklatan at magbasa ng mga librong matatagpuan doon?