May isang leyon mahimbing na natutulog sa ialim ng puno nang may
lumapit ditong isang daga. Inakala ng daga na tuyong damo ang buhok ng leyon kaya kinutkut-kutkot niya ito. Nagising ang hari ng kagubatan at mabilis umiktad at dumamba-damba na ikinahulog ng pobreng daga. Dali-daling sinakmal ng matutulis na kuko ng leyon ang gumambala sa kaniyang pagtulog.
“Pa…patawarin ninyo ako, mahal na hari. Hindi ko sinasadya ang
paggambala sa inyong pagtulog. Marami po ang mga anak ko na dapat pakainin. Kung mapapalaya ninyo ako ay tatanawin ko itong pagkakautang. Makakabayad din po ako sa inyo sa hinaharap” “hindi man lang ako mabubusog kung kakainin kita. Sige , makakalaya ka na! Isang araw ay makikitang paikot-ikot sa gubat ang leyon. Naghahanap siya ng pagkain sa pananghalian. Nang matanawan ang nakabiting inihaw na tapa ng usa sa isang puno ng akasya ay dali-dali itong nagtatakbo. Sa kasamaang palad. Bitag pala iyon ng mga mangangaso. Nakulong sa makakapal na lubid ang hari ng kagubatan. Hindi siya makawala sa bitag. Pinilit niyang magdadamba pero napatali pati mga paa niya. Walang nagawa ang lakas ng Hari. Nagkataong nagdaraan ng tanghaling iyonang daga kasama ang kaniyang mga anak. Naisip ng inang daga ito ang oras na kailangang bayaran niya ang pinagkakautagan ng buhay. Dali-daling lumapit ang daga at pinagngangat-ngat ang makapal na lubid sa paa ng leyon. Inutusan niya ang mga anak nangatngatin naman ng mga itoang makakapal na lubid sa ulunan ng hari. Sa tulong-tulong na pagkagat sa mga lubid ay napalaya ng mga daga ang leyon. “Dati-rati ay minaliit ko ang katauhan mo” pagpapakumbaba ng leyon. “Totoo nga pala na kung may malalaking nakakatulong sa maliliit ay makakatulong din ang maliit sa isang higanteng tulad ko” Naging matalik na magkaibigan ang daga at ang leyon magmula noon.
mga maliliit na Aral: May nakakapuwing Gawa ni: Jasmine Belle D. Futo Seksyon: 6—D