Ang pagbabasa ay isang proseso ng pagtanggap at pag-interpreta ng
mga impormasyong nakakoda sa anyo ng wika sa pamamagitan ng limbag na
midyum. Kailangang aktibo lahat sa aspektong mental sa kakayahan ng tagatanggap sa pagbasa. Kailangang gumagana ang kanyang memorya para maalala lahat ng kanyang mga kaalamang pangwika, gayundin, ang kanyang mga pinagdaanang karanasan para maiugnay sa binabasa.Kailangang gumamit ng mga istratehiya para madali niyang makilala ang mga simbolo, makuha ang mga kahulugan, at maintindihan ang kaisipan o mensaheng ipinarating at isa dito ay ang masusing pagbasa na kung saan tinataglay nito ang pagiging mapanuri at kritikal na pagbasa na tumutukoy sa proseso ng pagkilala ng mga nakasulat na simbolo at ang pagbibigay nito ng makabuluhang kahulugan. Susi din sa pagtuklas sa mas malawak pang karunungan. Sa ganitong paraan nadidivelop ng tao ang kanyang katauhan. Nagdudulot ng mga gintong kaisipang nagiging puhunan ng tao sa pakikipag- ugnayan sa lipunan, sa kapwa at sa mundong kanyang ginagalawan.