ASAL-PILIPINO, UTAK-PILIPINO

Paquito B. Dadayos

Ang teksto ay tumatalakay sa mga babasahin na puno ng mga ideya ng iba’t ibang tao
o ng wikang itinatawid o pinagpapalitan sa diskurso. Maaaring tula, dula, talambuhay,
maikling kwento, sanaysay, at iba pa.

Matatawag na isang Pilipino ang isang tao kung alam niyang ipagmalaki ang kanyang
bansa at mas nanaisin na tumira at maghanap ng trabaho kahit na mahirap makakuha ng
trabaho at maliit lang ang sweldo.

Ang tekstong Asal-Pilipino, Utak-Pilipino ay isinulat ni Paquito B. Dadayos na kung saan

ang kabuuan o ang nilalaman nito ay tungkol sa mga Pilipino na inihahambing ang kanilang
mga kakayahan sa mga banyaga at ang mas pagtangkilik nila sa mga bagay na kanluranin.

Ang target ng tekstong ito ay ang mga kabataang Pilipino na nag-aaral at nais pumunta
sa ibang bansa para magtrabaho dahil mas malaki ang sahod kaysa dito sa Pilipinas at para
din mas mabigyan nila ang kanilang mga pamilya ng magandang buhay.

Ang teksto ito ay napapalooban na kung anong klaseng buhay ang nararanasan sa
Pilipinas at kung paano maliitin ng mga banyaga ang mga Pilipino. Dito ay may dinagdag ng
manunulat ng isang kasabihan na galling rin sa kagaya niyang manunulat at ito ay “Hindi pa
tayo gasinong handa upung alamin kung sino tayo. Asyano nga tayo sa pagsilang at sa
kalagayang heograpiko, subalit lumaki tayo sa kalinga ng mga kanluranin.” Sa kasabihang ito,
tama nga na maraming Pilipino ang lumaki at isinilang dito sa Pilipinas ngunit mas gusto
parin nilang pumunta sa ibang bansa at doon mamuhay dahil sa tingin nila doon ay aangat
ang kanilang buhay.

Pagmamaliit at laging pinaghahambing ang anumang pananaw ng mgaPilipino. Ang

nagpapatunay rito ay si Ms. Lopez na isang guro sa heograpiya na pandak kaya ang laging
tinatanong sa klase ay tungkol sa mga maliliit gaya ng ano ang pinakamaliit na isda,
pinakamaliit na matsing sa mundo at pinakamaliit na usa. Ang isa pang halimbawa ay
nangyari sa isang klase sa sining at musika. Anumang kanta ang inaawit ng mga Pilipino ay
laging may negatibong pananaw tungkol sa mga ito gaya ng “My nipa hut is very small”
samantalang ang “Three little pigs” sa Amerika’y nakatira sa bahay na bato. Dito sa Pilipinas
ay maraming sakahan ngunit mahihimok ka bang magtrabaho kung may awit na “Planting
rice is never fun at Clean little hands are good to see”.

Ito ay para sa mga Pilipinong nagbabalak pumunta sa ibang bansa at naghahanap ng

sariling pagkakakilanlan dahil sa kawalan ng tiwala sa sariling kakayahan. Nais nitong ihatid
na dapat kahit minamaliit tayo ng mga banyaga ay dapat nating ipagmalaki kung anong
meron tayo.
 Oo, maganda naman ang pagkakasulat nitong teksto sapagkat ang mga naisulat ay
totoo at nagbibigay ng impormasyon sa mga Pilipino ngunit may mga salitang malalalim
tulad ng “umuukilkil” imbes na (nakatatak), “dahop” ibigsabihin (kulang), “balana” na pwede
namang (sinuman), at “di-malupig” na ang ibig sabihin sa mababaw na salita ay (hindi
matatalo).

Para sa amin, kompleto ang artikulo sapagkat nailahad nito ng husto ang mga
nangyayari ngayon sa lipunan. Maganda rin ang nagawang artikulo dahil dito ay makakakuha
ka ng impormasyon kung ano talaga ang kaganapan at maaring makatulong ka pa sa bansa
mo sa pamamagitan ng pagtangkilik at pagtanggap kung ano ka talaga.
 Pagsusuri sa Tekstong Asal-Pilipino, Utak-Pilipino

Ipinasa nina:

Joan B. Canuto

Jovie L. Ping-at

Ruffa Mae S. Soliven

Ipinasa kay:

Gng. Janet Sagayo