Banghay Aralin sa Filipino VI

I. Layunin
Napagsusunod-sunod ang mga pangyayari sa kwento.
II. PaksangAralin
Paksa: Pagsusunod-sunod ng mga pangyayari
Kagamitan: blackboard, chalk, tarp papel, mga larawan
Sanggunian: http:www.scribd.com/doc/Pagkasunod-sunod-ng-pangyayari
http:www.scribd.com/Ang-Pagkasunod
http://www.katig.com/pabula_05.html 4455````````

A. Panimulang Gawain

1. Panalangin
2. Pagbabalik Aral
3. Pagbibigay ng mga Panuntunan
4. Paghahawan ng Balakid:

LARAWAN SALITA KAHULUGAN HALIMBAWA

Almusal Unang kainan Ang aking ulam

matapos bumangon kaninang
sa pagkatulog at almusal ay itlog.
bago ang gawain sa
araw.

5. Pagganyak
1. Hatiin ang klase sa apat na grupo.
2. Magtalaga ng pinuno na siyang pupunta sa harapan upang
bumunot ng mga larawan.
3. Lahat ng kumuha ng larawan tumayo sa harapan at ipakita sa
klase ang mga ito.
4. Tukuyin kung alin ang nauuna sa mga larawang nakita.
5. Pagkatapos ay pwede ng bumalik sa upuan.
Pagganyak na Tanong:
1. Ano ang napansin niyo sa mga larawan?
2. Ano ang nauuna?
3. Ano ang sunod?
4. Ano ang nangyari bago ito naging paruparo?

B. Paglilinang na gawain
Paglalahad

Ang Pamilyang Amolat

Umaga pa lang sa Barangay Fatima, Heneral Santos kung saan nakatira ang
pamilyang Amolat ay naririnig na ang mga ingay ng mga sasakyan na paroo’t parito.
Ang magku-kwarenta’y kwatro anyos na mag-asawang Gilberto at Nena Amolat ay
nagmamadaling paalis ng bahay upang magtrabaho.
Bago pa man umalis ay ibinilin na ng nanay sa kaniyang panganay na anak
na si Inday na nasa labimpitong gulang na magluto ng itlog habang tulog pa ang
kaniyang dalawang kapatid na si Jose na labindalawang taong gulang at si Neneng
na sampung taong gulang.
Tinungo ni Inday ang kusina at ang kaniyang unang ginawa ay nagpainit siya
ng mantika sa kawali. Pangalawa, Nang medyo mainit na ang kawali ay binasag niya
nang kaunti ang itlog at dahan-dahang binuksan nang hindi nasisira ang dilaw nito.
Pangatlo, nilagyan niya ng asin ang itlog upang magkalasa ito at nang ito ay maluto
na ay kaniya itong inilagay sa plato.
Nang matapos si Inday sa pagluluto ay nagising na ang kaniyang mga kapatid
at sila ay nakapag-almusal nang sabay-sabay.

MgaTanong:

1. Ano ang pamagat ng kwentong binasa?

2. Sinu-sino ang mga tauhan sa kwento?
3. Bakit si Inday ang nagluto ng kanilang pang-almusal?
4. Paano niluto ni Inday ang kanilang Almusal?
5. Kung ikaw ang nasa posisyon ni Inday ano ang gagawin mo? Ipaliwanag.

5. Pagtatalakay

Pagsusunod-sunod
Ito ay ang pag-aayos ng detalye o pangyayari ayon sa pagkasunod-
sunod nito sa una hanggang sa huli.simula, gitna at wakas.
Tatlong Uri ng Pagsusunod-sunod ng mga Pangyayari

a. Sekwensyal- kinapapalooban ng kwento ng pangyayaring magkakaugnay sa

isa’t isa. Ito ay karaniwang ginagamit sa paggawa ng talambuhay ng isang tao.

Halimbawa: una, pangalawa, sa bandang huli, noon, ngayon

Noon ay isa lamang akong batang musmos na namulat sa kahirapan. Ngunit iyon
ay hindi naging dahilan upang ako ay maging matagumpay sa bandang huli.

b. kronolohikal – ang paksa nito ay ang tao o kung ano pa mang bagay na
inilahad sa isang paraan batay sa tiyak na baryabol.

Halimbawa: edad, distansya, buwan, araw, oras

Inday (17 taong gulang)

Jose (12 taong gulang)
Neneng (10 taong gulang)

c. Prosijural – tungkol sa serye ng gawain upang matamo ang inaasahang

hangganan o resulta.

Halimbawa: Paraan ng pagluluto ng pritong itlog

6. Pagsasanay
Ibigay ang pagsunod-sunod ng paghugas ng kamay.

C. Pangwakas na Gawain

7. Paglalahat

a. Naintindihan ba ang pagsunod-sunod ng pangyayari?

b. Ano ang pagsunod-sunod sa pangyayari? Ano ang tatlong uri ng pagsunud-
sunod ng pangyayari?
c. Magbigay ng mga halimbawa na may pagsunod-sunod.

8. Paglalapat:
Hatiin ang klase sa apat na grupo. Bibigyan lamang ng limang minuto ang bawat
grupo.

a. Unang Grupo: gumawa ng pangyayari o kwento na may pagkasunod-sunod

gamit ang mga sumusunod na salita:

Grace masunurin magulang di nagdalawang isip

Isang araw palengke pitaka hinabol

Tapat matandang babae nahulog isinauli

 b. Pangalawang Grupo: Ayusin ang mga sumusunod na presidente ng Pilipinas
ayon sa kanilang pagkakasunod-sunod.

Jose P. Laurel (1946-1948)

Manuel Quezon (1935-1944)
Emilio Aguinaldo (1899-1901)
Sergio Osmena (1944-1946)

c. Pangatlong Grupo:

Panuto: Pagsunod-sunurin ang mga pangyayari ayon sa tamang pagkakasunod

nito. Lagyan ng numero 1-5 ang bawat kahon at basahin sa klase.

 Paraan ng pagluto

Sumukat ng isa hanggang dalawang baso ng bigas at ilagay sa rice

cooker.

Isaksak ang rice cooker at takpan.

Maglagay ng malinis na tubig na kasukat ng bigas.

Banlawan ang bigas ng dalawa hanggang tatlong beses.

Punasan ang ilalim, bago ilagay sa pinag-iinitan ng rice cooker.

d. Ikaapat na Grupo
Pa nuto: Ayusin ang mga sumusunod na pangungusap ayon sa angkop nitong
ayos. Iguhit ang maaaring maging wakas o resulta ng naging pag-uugali ng
pangunahing tauhan sa kwento.

 Di siya nagdalawang isip na hinabol at isauli ito.

 Si Grace ay isang batang masunurin at tapat sa kanyang mga magulang.
 Isang araw sa palengke ay nakita niya ang pitaka ng isang matandang
babae na nahulog.

IV. Pagtataya
Panuto: Pagsunod-sunurin ang mga pangyayari sa kwento. Basahin ang isang
maikling kwento, pagkatapos ay lagyan ng bilang 1-5 ang mga patlang bago ang
numero ayon sa pagkasunod-sunod ng mga pangyayari.

Sa Darating Kong Kaarawan

Sa darating na sabado ay aking kaarawan na, at gusto kong maghanda at

imbitahin ang aking mga kaibigan. Para makapag-ipon ng panghanda sa aking
kaarawan, ako ay umisip ng maaaring pagkakitaan ng pera. Ako ay gumagawa ng
pastillas upang makatulong kay nanay sa pag-iipon ng aking paghahanda sa nalalapit
kong kaarawan. Tuwing wala kaming klase ay nagbebenta ako ng pastillas. Sa loob ng
isang linggo ay nakaipon kami ng panghanda sa aking kaarawan. Masaya ako dahil
madami akong handa at madaming tao. Kaya nagpapasalamat ako sa aking pamilya at
sa Panginoon.
_______1. Sa darating na sabado

_______2. Ako ay gumagawa ng pastillas

_______3. Upang makatulong kay nanay sa pag-iipon ng aking paghahanda

_______4. Kaya nagpapasalamat ako sa aking pamilya at sa Panginoon.

_______5. Sa loob ng isang linggo ay nakaipon kami ng panghanda sa aking kaarawan

V. Takdang Aralin

Isulat sa isang talata ang mga pangyayaring iyong ginagawa o paghahanda

papuntang paaralan ng may pagkakasunud-sunod.

VI. Pagninilay

Bilang ng mag-aaral na nakakuha ng 80%-pataas= _____________________

Mga estratehiyang ginamit= ______________________________________

Inihanda ni:

JOVEN SALUDO

Iniwasto ni:

FE F. DABLO
Master Teacher I