PAKITANG TURO SA FILIPINO 3

(K-12 Kurikulum)

I. LAYUNIN:
a. Natutukoy ang mga salitang magkakatugma. (F3KP-II-d-8)
b. Nakapagpapakita ng pagkagiliw sa tula sa pamamagitan ng pagbasa nang mabuti at
pakikilahok sa talakayan.
c. Nakasusulat ng mga salitang magkakatugma.

II.PAKSANG ARALIN:
Paksa: Mga Salitang Magkakatugma
Sanggunian: K-12 Filipino Gabay Pangkurikulum Disyembre 2013 p. 40; TG pp. 98-100;
LM pp. 17-18; MELC (F3KP-II-d-8)
Kagamitan: ICT, PPT, mga larawan, whiteboard, marker
Tula: “ANG BILIN SA AKIN”
Pagpapahalaga: Pagsunod sa bilin ng mga magulang, lolo’t lola at guro.
Subject Integration: ESP

III. PAMAMARAAN

A.Panimulang Gawain

1. Balik-Aral: Magbalik aral tungkol sa mga Magagalang na Pananalita

Piliin sa loob ng kahon ang angkop na magagalang na pananalita na ipinapakita sa larawan. Isulat ang letra ng
tamang sagot.
1. 4.

a. Mano po, Lolo.
b. Magandang araw.
c. Bakit nandito ka po Lolo?
2.
a. Patawad, hindi ko
sinasadya.
b. Nasira ko ang manika mo.
c. Luma na ang manika mo
kaya nasira.
5.

a. Hello!!!
a. Ano ba itong binigay mo?
b. Magandang araw, Bb.
b. Maraming salamat po.
Torres.
c. Maganda ba ito?
c. Magandang araw po, Bb.
Cruz.
3.

a. Paalam.
b. Wag kang sumunod.
c. Paalam po, Bb. Santos.

2. Pagganyak:

(4 Pics 1 Word)
Paunahan ang mga bata sa pagtukoy ng pangalan ng mga taong nasa larawan at itanong kung ano ang madalas
na bilin nito sa kanila.
B. Panlinang na Gawain

1. Paglalahad
a. Pangganyak na Tanong
1. Ano-ano ang madalas na bilin ni nanay at tatay?
2. Bakit mahalagang sundin ang bilin o payo nila?

b. Mga Pamantayan sa Pagbasa ng Tula.

c. Pagbasa ng Tula: “ANG BILIN SA AKIN”

Babasahin nang malakas ang tula at pasundan ito ng tahimik na pagbasa ng mga bata.
Sundan ang tulang binabasa sa pamamagitan ng panonood sa powerpoint slide na ipapakita ng
guro habang ang isa sa mga bata ay malakas na nagbabasa.

Ang Bilin sa Akin

Malou M. De Ramos

Ang bilin sa akin nina Tatay at Nanay

Maging magalang, sumunod sa magulang
Ang batang ganito ay kinatutuwaan
Ng lahat ng tao sa pamayanan.

Ang bilin naman nina Lolo at Lola

Ibigay ang kay Bunso, ang kina Ate at Kuya
Huwag mag-aangkin ng pag- aari ng iba
Sinuman at saanman ay katutuwaan ka.

Ang guro kong mahal may bilin din sa akin

Alituntunin sa paaralan dapat laging sundin
Simbahan at anumang lugar ay igalang natin
Ang pamayanan ay alagaan at mahalin.

Ang bilin sa akin ay laging susundin

Gagawin ang makakaya upang ito ay tuparin
Ipamalas ang kabutihan, kanino man at saan man
Upang maging modelo ng mga mamamayan.

2. Pagtalakay at Pagpapahalaga

Itanong sa mga bata:

1. Ano ang pamagat ng tula?

2. Ano-ano ang bilin ni nanay at tatay?

3. Bakit mahalagang sundin ang bilin nila?

4. Ano ang aral na natutunan ninyo sa tulang binasa?

 5. Kung kayo ang batang nasa tula, susundin nyo din ba ang bilin ng
nanay at tatay? Bakit?

Basahin sa mga bata ang pares ng mga salitang magkatugma mula sa

tulang binasa.

Nanay – Tatay bilin - akin

magulang - magalang sinuman – saanman

Itanong: Ano ang huling tunog ng bawat pares ng mga salita?

Ano ang napapansin ninyo sa hulihan ng bawat pares ng mga salita?

Bakit masasabing magkatugma ang mga salita?

Ano ang tawag sa mga salitang mag kapareho ang tunog sa hulihan?

Magbigay ng iba pang halimbawa ng mga salitang magkatugma.

3. Pagsasanay

A. Lagyan ng √ (tsek) kung ang pares ng salita ay magkatugma at x (ekis) kung hindi.

1. bahay - buhay

2. Diyos – biyaya

3. kahoy – bunga

4. ipalit – maisulit

5. yaman – tagpuan

B. Paunahan ang mga bata sa pagtype ng sagot sa chat box. Hanapin sa kanan ang kasingtunog ng mga
salita na nasa kaliwa.

1. lobo lababo logo basa

2. gulay araw suklay gulat

3. damit dami suka gamit
 4. laso araw baso lasa
5. kanin kasim salamin kanan

C. Pagtambalin ang mga salitang magkatugma. Isulat ang letra ng tamang sagot sa patlang.
A B
_______1. malakas a. masungit

_______2. mahaba b. malikot

_______3. marikit c. matagal

_______4. malungkot d. madalas

_______5. madaldal e. mapalad

f. mababa

5. Paglalahat
Ano ang salitang magkatugma?
Ang salitang magkatugma ay dalawang salitang magkatulad ang mga huling tunog .

D. Paglalapat
Basahin ang mga sumusunod na kasabihan.Isulat sa chatbox ang mga salitang magkakatugma

1. Sumunod sa batas, para sa COVID 19 ay makaiwas.

2. Ugaliing kumain ng gulay upang hindi maging matamlay.

3. Maging handa,para makaiwas sa sakuna.

4. Pamilyang nagmamahalan ,kay gandang pagmasdan.

5. Ang anak na magalang ay mahal ng magulang.

IV.PAGTATAYA

Panuto: Iguhit sa inyong whiteboard ang masayang mukha kung ang pares ng salita ay magkatugma at
malungkot na mukha naman kung hindi.

_____ 1. bahay – buhay

_____ 2. manatili – mahirap

_____ 3. ngayon – sitwasyon

_____ 4. panahon – tahanan

_____ 5. lagpasan – maiiwasan

V.KARAGDAGANG GAWAIN
Maghanap ng tula na may tatlo o apat na saknong at bilugan ang mga salitang magkakatugma.

Inihanda ni: Shiera N. Gannaban

T1