PAGBASA (Second Grading)
Lecture #1 08/29/17
KAHULUGAN NG PANANALIKSIK
May iba’t ibang depinisyon ang ikinapit dito
ng mga dalubhasa ngunit mapapansin din naman na
magkakatulad ang mga elemento o sangkap na
napapaloob dito.
MGA KAHULUGAN AT KATUTURAN NG
PANANALIKSIK
Tinatawag na pananaliksik ang isang
masistemang gawain ng pagsusuri at pag-aaral ng
mga materyal at paksa ang mga pinagmulan nito
upang makapagbalangkas ng mga makatotohanang
pagpapaliwanag at makapagtamo ng bagong
pagdulog at kongklusyon ukol sa isa o higit pang
larangan.
Sa aklat ni Luz Colendrino-Bucu et al.,
binanggit ang depinisyon ng pananaliksik nina
McMillian at Schenacher (1989) na ganito ang
isinasaad: “Ang pananaliksik ay isang sistematikong
proseso ng paglikom at pag-aanalisa ng mga
impormasyon sa isang kadahilanan.
Sa depinisyon ni Good, ang pananaliksik ay
isang maingat, maselan at madisiplinang
pamamaraan ng pagtuklas ng angkop na solusyon
sa anumang uri ng suliranin sa tulong ng iba’t ibang
tekniks na ibinabatay sa kalikasan at kondisyong
kinapapalooban ng suliranin.
Ayon naman kay Paul M. Zall (1980), ang
paghahanda ng isang pananaliksik-papel ay hindi
maihahalintulad sa pagsulat ng kwento, nobela o
tula, na kinakailangan lamang ang isang
imahinasyon para makabuo; sa makatuwid, wala
itong layuning magdulot ng aliw sa pinag-uukulan
nitong mambabasa kundi upang maghatid ng
makabuluhang impormasyon.
Ayon kay Villafuerte, “Ang pananaliksik ay
pagtuklas ng isang teorya, pagsulat ng sariling
teorya, at paglutas sa isang suliranin. Ito ay isang
masusing pagsisiyasat at pagsusuri sa mga ideya,
konsepto, bagay, isyu, tao at iba pang nais bigyang-
linaw, patunayan o pasubalian”.
Ayon ay Keylinger (1973), ang pananaliksik
ay isang masistema, kritikal at empirikal na
imbestigasyon sa isang proposisyong haypoterikal.
Para naman kina Calderon at Gonzales, ang
pananaliksik ay isang siyentipikong metodo ng
pangangalap, pagkaklaripika, pagsasaayos at
presentasyon ng mga datos para sa pagkatuklas ng
katotohanan at pagpapabuti ng kalidad ng buhay ng
tao.
Sa kabuuan, nilagom ng aklat ni Bucu na
may pamagat na Research Made Easy ang
pagkakatulad-tulad ng iba’t ibang awtor tungkol sa
pananaliksik na gaya ng sumusunod:
1. Na ang pananaliksik ay isang proseso;
2. Na ito ay sistematiko;
3. Na ito ay isinakatuparan upang tumugon
sa mga katanungan o mga suliranin; at
4. Ito ay may mga sumusunod na
hakbangin sa pamamaraan ng
siyentipiko.
Lecture #2 08/31/17
KATANGIAN NG ISANG MAHUSAY NA
PANANALIKSIK
1. Pagiging orihinal
Ang pananaliksik sa teknikal nitong
pakahulugan ay pagtuklas ng mga bago o
mas makabagong kaalaman o solusyon.
Ibig sabihin, pinakamahalaga sa
isang papel pananaliksik na ito ay totoo at
orihinal na isinulat ng isang mananaliksik at
hindi pinapagawa lamang.
Hindi rin maaring ang pananaliksik ay
isang pag-ulit lamang sa sariling at nauna
nang pananaliksik.
2. May Sistema
Sa pangkahalatan, maaaring
masabing ang pananaliksik ay kwalitatibo o
kantitatibo.
Ang nauna ay ukol sa paglalarawang
pagsusuri sa pananaliksik at nakabatay
naman ang huli sa paggamit ng estadestikal
na instrumento sa pagsusuri.
3. Obhektibo
Simula sa simula hanggang sa wakas
ng pananaliksik ay narapat itong maging
obhektibo.
Sa makatuwid, sa pagtuklas,
pagsusuri, presentasyon, paglalahad at
pagbibigay ng kongklusyon at
 rekomendasyon ng pananaliksik, marapat na
maglakat ng mga papel ng mga
makatotohanang datos.

4. Dumaan sa Pagsusuri at Validasyon

Hindi kayang gawin ng isang
mananaliksik ang isang komprehensibong
pag-aaral ang isang siya lamang ang
gumagawa nito. Kailangan niya ng tulong ng
kanyang kapwa.

5. Napapanahon at Naglalatag ng Solusyon

Maraming pananaliksik ang naiiwan
sa pagtuloy sa suliranin at pagmumungkahi
ng solusyon nito ngunit nagiging maayos at
detalyado at nakakatulong sa hakbangin.
Kung napapanahon ang isang
pananaliksik, marapat itong magkaroon ng
malinaw na pagtingin at mungkahi at
hakbang paano ilalatag ang mungkahi.