Karamihan ng mga manggagawa ngayon ay nasa hindi maganda at nakakaawang kalagayan – pagkakaroon ng mababang sweldo, walang regular na trabaho at tinatratong parang hayop sa mga pagawaan o kaya ng mga amo na nakakataas sa kanila. Ang mga manggagawa ay nagpapawis sa pagtatrabaho nguni’t parang hindi ito napapansin at napapabayaan ng gobyerno. Lahat ng paksyon ng burgesya sa bansa ay nananawagan ng pagkakaisa, pagmamahal sa bayan at pagpapaunlad ng bansa pero ito ay isang pantakip sa kanilang pansariling hangarin upang madepensahan ang naghihingalong bulok na Sistema. Ipinapakita na walang maaasahang paggalang sa karapatang pantao ng mga manggagawa lalong-lalo na sa magsasaka sa gobyerno. Pang-aabuso sa kapangyarihan at pagsasantabi sa dignidad ng mga nasa laylayan ng lipunan. Gaya nga ng sinabi ni Gloc 9 sa kantang Hari ng Tondo na “Sa kamay ng iilan umaabusong kikilan. Ang lahat ng pumalag walag tanong ay kitilan, ng buhay, hukay, luha’y magpapatunay na kahit hindi makulay kailangang magbigay pugay sa kung sino ang lamang mga bitukang halang”. Pera na lamang ang umiikot sa mga utak ng mapanliit na gobyerno. Sariling kapakanan lamang ang iniisip hindi ng lahat ng tao.