Ngayon ang Buwan ng mga Kababaihan o Women’s Month
na ang tema sa taong ito ay “We make change for women.”
Gasgas nang masyado kapag sinabi kong mahalaga ang papel na ginagampanan ng mga kababaihan sa ating lipunan. Masyado nang cliche kung baga. Kaya hindi ko na uulit-ulitin ang katotohanang ito. Kaya nga, huwag na, lubhang gasgas na kung bibigyan ko pa ng diin ang kakayahan ng kababaihan sa ating lipunan. Ang mahalagang dapat ilaman ng munting espasyong ito ay ang iba pang isyung may kinalaman sa kababaihan. Dahil ang tema ngayong taon ay “we make change work for women” ay akmang-akma ang mga nangyayari sa ating lipunan. Napakalayo na nang pagtratong ibinibigay ngayon sa mga kababaihan kumpara noong mga nakalipas napanahon dahil talaga namang maraming pagbabagong nagawa ang sector ng kababaihan. Pero dapat higit pa rito, para sa akin na bilang isa ring babae ay pahalagahan pa natin lalo ang kalusugan at kaligtasan ng mga kababaihan lalo sa panahon ng kanilang panganganak. Pag-aralan dapat ng mga ahensya ng pamahalaan kung paano pa sila matutulungan sa mga pagkakataong nagdadalang-tao sila bukod pa sa mga benepisyo nilang natatanggap sa kasalukuyan. RELATED POSTS SAP para sa mga mahihirap nga ba? Apr 30, 2020
Albay nakiusap na huwag alisin ang ECQ
Apr 30, 2020
Apela ni Poe sa paspasang pagbibigay ng ayuda
Apr 27, 2020
Magandang hakbang din ang ginawang pagpapasa sa ilalim
ng administrasyong Duterte sa 120-araw maternity leave dahil malaking tulong ito sa mga ina para magabayan ang kanilang mga bagong silang na mga anak. Dapat tandaan na ang usapin ng kalusugan at kaligtasang ito ang nagbunsod upang magkaroon tayo ngayon ng International Women’s Day at Women’s Month tuwing Marso. Noon kasing Marso 25, 1911, naganap ang Shirtwaist Factory fire sa New York City kung saan namatay sa trahedya ang mahigit isang daang kababaihang manggagawa. Naging hudyat ito ng panawagan upang bigyan sila ng ligtas na working condition. Mula noon, hanggang ngayon, itinalaga na ang Marso bilang buwan ng kababaihan. Samantala, noon pa mang 1988, kinikilala na ng ating bansa ang Marso bilang Buwan ng Kababaihan sa bisa ng Proclamation No. 227 s. 1988, at ang Marso 8 ng bawat taon bilang National Women’s Day sa bisa naman ng Republic Act (RA) 6949 s. 1990. Mamulat sana ang mga kababayan natin sa mga diskriminasyong may kaugnayan sa kasarian. Halimbawa sa trabaho na may preferential treatment sa kalalakihan. Simulan natin ang pantay na pagtrato sa kababaihan sa loob ng ating bahay at sana ay gawin nating pangbuong taon o panghabang buhay ang pagpapahalaga sa kababaihan.