Pabor sa Online Class

Sa biglaang pagsulpot ng COVID-19, hindi mapagkakaila na maraming pagbabago ang

mangyayari sa atin. Ngunit hindi titigil ang mundo dahil may pandemiko, nararapat lamang na
ipagpatuloy ang pag-aaral dahil maaring magdulot ito ng masamang epekto kung walang hahalili sa
mas tumitinding pangangailangan ng ating bansa. Maaring hindi lahat ay may kakayanan makalahok
sa online class, paano naman ang iba na maaring matuto sa paarang ito. Sa katunayan, ayon sa
Hootsuite at We are Social, ang Pilipinas ang may pinakamahabang oras na paggamit ng Internet sa
buong mundo. Magiging kabawasan ba sa atin kung babahagian natin ng konting panahon ang pag-
aaral?

Hindi pabor sa Online Class

Ang pag-aaral ng online ay malaking problema para sa ibang tao. Paano na lamang ang
pamilya ng ibang estudyante na imbes sa pagkain mapunta ay nailalagak sa prepaid load upang
makapag-aral sila. Mahirap kumuha ng pera lalo na ngayon sa panahon ng pandemiko. Hindi lahat ay
makakayanan ang pag-aaral kapag ganito ng aspekto ang pag-uusapan. Hindi kayang suportahan ito
nang pangmatagalan, at ang isang buwan ay maikokonsidera ng matagal, ngunit hindi rin naman
natin masisisi ang pagiging praktikal ng tao at maaring ito pa ang dahilan upang sila ay mahinto.
Maari naman siguro tayong maghintay ng saglit na panahon upang makabangon. Ang iilang buwan
na pagpupumilit upang mabuksan kaagad ang klase ang siyang magsasara sa pangarap ng iilan.