BASURA
Mga basurang sa atin nagmula.
Basura na likha ng mga tao,
Tao na nagnanais ng malinis na kapaligiran,
Kapaligiran na kay ganda,
Kay ganda at masagana,
Masagana na inabuso,
Inabuso ng mga tao,
Tao na sumira ng kalikasan,
Kalikasan na siyang ating unang tahanan.
Ang mundo ay naghihingalo,
Ano ang magagawa ko?
Ano ang magagawa mo?
Huwag tayong magbulag-bulagan
Basurang nakakalat sa harapan mo,
OO, sa harapan mo.
Hindi mo ba kayang ilagay sa tamang kalagyan nito?
Basurang naghalo, nabubulok at di-nabubulok,
Nabubulok?
Oo, tulad ng pag-ibig mo na sa akin ay inalok,
Nung ako ay nalingat sa iba ka na nakatutok.
Di nabubulok?
OO, dahil umasa akong ito ay pagsubok
Ngunit alam kong may darating din at mag-aalok
Ng pag-ibig Na WAGAS at SUBOK.
Mga basurang hindi kayang iayos nang tama,
Nagsimula?
Diyan ka magaling,
Puro ka simula, wala ka namang nagagawa.
Kung hindi ikaw, sino?
Sino makakatuwang ko?
Kung hindi kayo, paano?
Paano natin sisimulan ito?
At kung hindi ngayon, kailan?
Simulan na natin ang pagrerecycle,
Nang magpatuloy ang tamang cycle
Oo, tamang cycle,
Na kung hindi mo sana ako ibinasura,
Hindi ko siya makikilala.
May mga simpleng gawain na may malaking gampanin,
Na sa atin ay magbabalik,
Magbabalik ang kasaganaan at muli nating
makakamtan.
Cooperation lamang ang hinihingi
Na sa paggising natin ay hindi sana mangawit,
IKAW, AKO, TAYO ANG SIMULA NG PAGBABAGO.