RETORIKA
ARISTOTLE
Sa kaniyang The Art of Rhetoric, binigyang-
pakahulugan niya ang retorika bilang
kasangkapan sa pagmamasid ng anumang kaso
na magagamit bilang panghihikayat. Ito rin daw
ay kapangyarihang makapagpuna sa kahit anong
pagkakataon upang makapanghikayat.
CICERO
Upang maging mapanghikayat, ang tao ay
kailangang may sapat na kaalaman sa
kasaysayan, politika, sining, panitikan, etika,
batas, at medisina. Ang kaniyang lapit sa retorika
ay nagbibigay-diin sa kahalagahan ng
edukasyong liberal.
PLATO
Ang pilosopiya at retorika ay magkaugnay sa
paraan ng medisina at kosmetiko; kung saan,
ang medisina (tulad ng pilosopiya) ay may
malasakit sa kung ano ang totoong mainam sa
isang bagay, ngunit ang kosmetiko (gaya ng
retorika) ay may malasakit lamang sa anyo.
QUINTILIAN
Mga aspektong teknikal ang pokus niya para sa
epektibong retorika. Binuhay niya ang kaniyang
sistemang edukasyonal sa retorika sa
labindalawang bolyum na aklat na pinamagatang
Institutio Oratoria. Ito ay naglalaman ng lahat ng
mga aspekto ng sining ng retorika.
ST. AUGUSTINE
Ang nanguna sa paggalugad kung paano
magamit ang paganong sining ng retorika upang
mas lalong mapalaganap ang ebanghelyo doon
sa mga di pa nabago at ang sermon naman para
roon sa mga naniniwala.