ijiNAME: Lady Hasmin I.

Magsino
Section: ABM11-MANGANESE

Talumpati tungkol sa uri ng komunikasyon.

Magandang araw pos a aking mga tagapakinig, sa aking guro at sa aking mga
kamag-aral. Ako po si Lady Hasmin I. Magsino at narito po ako sa inyong harapan upang
magbigay ng isang talumpati tungkol sa uri ng komunikasyon.
Bago ko simulan ang talumpati tungkol sa uri ng komunikasyon may isa lang akong
katanungan . Ang aking katanungan ay ano nga ba ang komunikasyon? Para sayo? Para
sa akin at para sa ating lahat.
Komunikasyon, ang komunikasyon ay ang proseso ng pagbibigay at pagtanggap ng
mensahe. Tahasan itong binubuo ng dalawang panig: isang nagsasalita at isang nakikinig.
Dahil sa komunikasyon nagpapalipat-lipat sa mga indibidwal ang mga impormasyon,
kaalaman, kaisipan, impresyon at damdamin. Nagbubunga ang ganitong pagpapalitan ng
pagkaunawa at kaunlaran ng isang lipunan.
Ang komunikasyon ay maaaring isagawa sa dalawang uri ito ay ang berbal at di-
berabal na komunikasyon.
Ngayon dumako naman tayo sa dalawang uri ng komunikasyon. Ang dalawang uri
ng komunikasyon ay berbal at di berbal na komunikasyon. Ano nga ba ang pagkakaiba ng
berbal at di-berbal na komunikasyon.
Ang berbal na komunikasyon ay sumasailalim sa estraktura ng wika. Ito ay
maaring pasulat kung ikaw ay nagbabasa at pasalita kung naririnig o binibigkas.
Halimbawa nito ay mga liham, diyaryo, debate at patalastas. Halimbawa rin ng isang
berbal na komunikasyon ay ang talumpati na syang ginagawa ko ngayon.
Sa komunikasyong berbal, ginagamit natin ang wika na syang nagsisilbing daan
para mailabas ng isang indibidwal ang kanilang mga saloobin at nararamdaman tungkol
sa mga bagay bagay. Tinutulangan tayo ng wika para masany at matuto sa mga bagay-
bagay.
Samantala ang di berbal na komunikasyon naman ay isang pangkaraniwang
paraan ng pakikipagkomunikasyon. Hindi ito ginagamitan ng wika. Ito ang komunikasyon
na nagpapahayag ang damdamin o saloobin sa pamamagitan ng senyas, ekspresyon ng
mukha, simbolo at iba pa. Sa di-berbal na komunikasyon kilos at galaw ang ginagamit
upang mapabatid ang isang pahayag. Halimbawa na lang nito ay ang pagtango, pagtaas ng
kilay, pag ikot ng mga mata, paghikab at pagtaas ng kamay.
Anot ano pa man, ano mang uri ng komunikasyon ang iyong gagamitin mahalaga
na maiparating mo ng malinaw at malinis ang mensahe ng sa gayon ay maunawaan ng
mabuti ng tumatanggap ang iyong nais iparating. Mahalaga na maipahayag ng maayos ang
iyong mensahe ng sa gayon hindi malilito ang kausap mo sa gusto mong iparating at pag
hindi malinaw ang iyong mensahe maaring magkaroon ng hidwaan o hindi
pagkakaintindihan. Kaya lagi nating tatandaan na satuwing tayo ay nakikipagusap sa
isang tao dapat maiparating natin ng maayos ang mensahe ng sagayon maganda rin ang
magiging resulta o feedback n gating naiparating na mensahe.
Muli ako si Lady Hasmin I. Magsino at ito ay talumpati tungkol sa uri ng
komunikasyon