Kundangan, Joy Mae M.

Hulyo 29, 2019

ABF 1-1

RGH LAW NI CARLOS EVERETT CONANT

Lumaganap ang angkan ng wikang Austronesian sa mga kapuluan sa Pasipiko at sa

gawing kanluran ng Madagascar. Ang mga wikang buhat sa angkang ito ay ang
Malay, Indonesyo, Javanese, Balinese, Dayak at Makassar na lumaganap sa gawing
kanlurang Pasipiko. Ang mga wika sa Pilipinas ay sinasabing nagmula sa wikang
Indonesyo. Ang mga wikang ito ay tinanatayang hindi kukulangin sa walumpu at ang
higit na kilala sa mga ito ay ang Tagalog, Bisaya, at Iloco. Ang mga wikang ito ang
karaniwang ginagamit ng mga dalubwika sa kanilang pagsusuri ng mga wika sa
Pilipinas noong mga unang panahon ng ating pagkabansa.

Karamihan sa mga pagsusuring wika ay maituturing na historikal at deskriptiba. Higit

na nakilala sa disiplinang historikal si Conant sapagkat hindi lamang siya sa larangan
ng linggwistang historikal nakilala. Isa rin siya sa mga unang nagsasagawa ng pag-
aaral sa pagpapangkat-pangkat ng mga wika sa kapuluan. Itinuturing na ang una
niyang artikulo sa linggwistika ay tungkol sa mga tunog na f at v sa mga wika sa
Pilipinas.

Sinabi niya na karamihan sa mga wika sa Pilipinas ay walang f at v, mga tunog na

karaniwan sa wikang Malay. Ngunit sa kalaunan, napag-alaman niya ring ang mga
wika pala sa dulong timog at hilaga ng kapuluan, tulad ng Ibanag, mga wikang Igorot,
Tiruray, Bilaan at Tagakaolo ay nagtataglay ng mga tunog na f at v. Ito ang bumasag
sa sinabi ni Brandstetter na ang wikang Malay lamang ang nagtataglay ng f sa mga
wikang kanluranin ng Malayo-Polinesyo.

Maraming isinagawang pag-aaral si Conant tungkol sa mga wika sa Pilipinas ngunit

ang pinakakilala sa kaniyang mga pananaliksik ay ang kanyang The RGH Law in
Philippine Languages noong 1910 na tumatalakay sa nagaganap sa pagbabago sa mga
tunog ng iba’t-ibang wika sa kapuluan. Sa kasalukuyan, ang mga wikang kaangkan
ng Malayo-Polinesyo ay binubuo na ng napakaraming iba’t-ibang wika. Kahit na
nanggaling sa iisang angkan ang mga wikang ito ay nagkaroon na ng pagbabago sa
pagdaraan ng maraming taon. Nagkaroon na ng pagkakaiba ang mga ito sa
palatunugan, sa palabuuan, sa palaugnayan.

Halimbawa, sa ibang salita, ang isang orihinal na tunog na buhat sa inang-wika na

Malayo-Polinesyo ay nagkakaiba-iba na sa mga wikang kaangkan nito. Tingnan ang
isang tunog na sa inang wikang Malayo-Polinesyo ay may tunog na *R. Mula rito ay
tatawagin nating tunog na proto ang lahat ng tunog na may tandang asteriko. Ang ibig
sabihin ng tunog na proto ay ang tunog na ipinalalagay ng dalubwikang nagsusuri, na
siyang orihinal na tunog sa pinaka-inang Malayo-Polinesyo.
Ang Proto-Malayo-Polinesyong *R ay mananatiling R sa ibang wika at maaaring sa
ibang wika naman ay maging g, h, o kaya ay y. Ang ganitong kagila-gilalas na bagay
ay pawang isang batas na nagaganap sa mga wikang Malayo-Polinesyo. Nangyayari
rin na kung minsan ay nawawala ang *R, tulad sa uat ng Javanese. Kaya naniniwala
ang mga dalubwika na ang mga salitang urat, ugat, uhat, at oya, pati na rin ang uat ay
buhat lahat sa iisang salitang Malayo-Polinesyo. Sa madaling salita, ang mga ito ay
magkakaugat. Nagkaroon lamang ng pagbabago ang mga ito sa pagdaraan ng panahon
dahil sa pagkakawatak-watak ng mga taong gumagamit nito.

Dahil dito, ipinangkat ni Conant ang mga wika sa Pilipinas ayon sa kinauwian ng
RGH na katinig. Sa kaniyang pagsusuri, tumutugma ang mga tunog na R-G-H-Y-
NULL at R-L-D-G sa mga wika sa Pilipinas na kung saan inuuri niya ang mga wikang
Tagalog, Bikol, Bisaya, Ibanag, Magindanao, Tausug, at Bagobo bilang "g-
languages," ang Ilokano at Tiurai bilang"r-language," ang Pangasinense, Kankanai,
Ibaloy, Bontoc, at Kalamian bilang "l-languages," at ang Kapampangan, Ivatan,
Sambal bilang "y-languages."

Batay sa kanyang mga natuklasan, nagbigay ng konklusyon si Conant na ang tunog na

g na taglay ngayon ng mga wika sa Pilipinas ay mahahati sa tatlong klase ayon sa
pinagmulan. Una, ang orihinal na g. Pangalawa, ang g sa RGH at pangatlo, ang g sa
RLD.

Ref:
• https://www.scribd.com/doc/229810485/Kasaysayan-Ng-Linggwistika
• http://www.languagelinks.org/onlinepapers/wika6.html.