Isa sa pinakadakilang kaloob ng Diyos ay ang wika.

Bawat
bansa ay may sariling wikang tinangkilik at pinauunlad. Ang wika
ang pinakamabisang kasangkapan sa pakikipagtalastasan na
ginagamit ng tao sa pakikipag-ugnayan sa kanyang kapwa, sa
lipunan at sa lahat ng taong nasa kanyang paligid at kanyang
nakakasalamuha. Ito rin ay daan tungo sa pagkakaroon ng
mabisang interaksyon ng mga tao at nakapaloob dito ang
komunikasyon.

Bilang mga tao nagbigay ng biyaya ang Panginoon upang

gamitin sa pagpapalaganap. Maraming tanong sa isipan ng isang
tao, mga tanong na nakakaapekto sa bawat galaw, kilos at desisyon
ng sarili. Sa paaralan, tinuturo ang kahalagahan ng mga bagay-
bagay katulad na lang ng wikang pambansa. Ang wika ay isang
paraan ng komunikasyon. Dahil sa wika nagkakaintindihan ang
lahat ng tao. Mahalaga ang wika ng isang bansa katulad ng Wikang
Filipino. Ating itaguyod at paunlarin ang wikang sariling atin.
Ang wika ay binubuo ng iba’t ibang konsepto. May mga awtor na nagbigay ng
pagpapakahulugan sa wika at narito ang ilan sa kanila.

1. Henry A. Gleason

 “Ang wika ay isang sistematikong balangkas ng sinasalitang tunog na pinili at

isinaayos sa paraang arbitraryo.

2. Dell Hymes (1972)

 “Ang wika ay kasanayang panlipunan at makatao.”

3. Chomsky (1957)

 “Ang wika ay prosesong mental na may unibersal na gramatika at mataas na

abstrak na antas.”

4. Halliday (1973)

 “Ang wika ay tumutulong sa mga tao upang maisagawa ang mga bagay na gusto
niyang gawin.”

5. Constantino

 “Ang wika ay maituturing na behikulo ng pagpapahayag ng damdamin, isang

instrumento rin sa pagtatago at pagsisiwalat ng katotohanan.”
 “Ang wika ay kasangkapan ng ating politika at ekonomiya.”

6. Archibald A. Hill

 “Ang wika ang pinakakomplikado at pangunahing anyo ng simbolikong gawaing

pantao.”

7. Paz, et. al (2003)

 “Ang wika ang tulay na ginagamit para maipahayag ang ating damdamin at
mangyari ang anumang mga minimithi o pangangailangan natin.

8. Robins (1985)

 “Ang wika ay sistematikong simbolo na nababatay sa arbitraryong tuntunin na

maaaring magbago at mapadali ayon sa pangangailangan ng taong gumagamit.”
9. Wardaugh (1972)

 “Ang wika ay arbitraryong sistema ng mga sinasalitang tunog na ginagamit para

sa komunikasyon ng tao.”

10. Hall (1969)

 “Ang wika ay institusyong ginagamit ng tao sa pakikipagtalastasan at pakikipag-

ugnayan sa bawat isa.”

11. Lioberman (1957)

 Pakikipagsapalaran ng tao para mabuhay ang nagtuturo sa kanya upang

makalikha ng iba’t ibang wika.

12. Plato
 Ang wika ay nabubuo ayon sa batas ng pangangailangan ng tao na may
mahiwagang kaugnayan sa kalikasan at ng mga kinatawan nito.

13. Rene Descartes

 “Ang wika ay nagpapatunay na ang tao ay iba-iba.”

14. Whitehead

 “Ang wika ay kabuuan ng kaisipan ng lipunang lumikha nito”

15. Ngugi Ihiong (1987)

 “Ang wika ay kultura, isang konektibong kaban ng karanasan ng mga tao at

kasaysayan ng wika.

16. San Buenaventura (1985)

 “Ang wika ay isang larawang binibigkas at isinusulat. Isang kahulugan, taguan,

imbakan o deposito ng kaalaman ng isang bansa.”

17. Haring Psammatikos

 “Ang wika ay natutuhan kahit walang nagtuturo at naririnig.

18. Espina at Borja (1999)

 “Ang wika ay isang mahalagang kasangkapan upang maipahayag ng tao ang

kanyang damdamin at kaisipan.

19. Webster (1974)

 “Ang wika ay isang sistema ng komunikasyon sa pagitan ng mga tao sa
pamamagitan ng mga pasulat o pasalitang simbolo.”

20. Edward Sapiro

 “Ang wika ay isang likas at makataong pamamaraan ng paghahatid ng mga
kaisipan, damdamin at mithiin.”

21. Carroll (1964)

 “Ang wika ay isang sistema ng mga sagisag na binubuo at tinatanggap ng
lipunan.

22. Todd (1987)

 “Ang wika ay isang set o kabuuan ng mga sagisag na ginagamit sa
komunikasyon.

23. Archibald A. Hill

 “Ang wika ay ang pinakaelaboreyt at pangunahing anyo ng simbolikong
gawaing pantao.

24. Dr. Jose P. Rizal

 “Bawat bansa ay may sariling wika. Habang may sariling wika ang isang bayan
ay taglay niya ang kalayaan. Ang wika ay pag-iisip ng bayan.”

25. Bienvenido Lumbera

 “Ang wika ay palatandaan ng pagkakaroon ng identidad ng isang bayan.”

 “Ang wika ay parang hininga. Gumagamit tayo ng wika upang kamtin ang bawat
pangangailangan natin.”

KASAYSAYAN NG
WIKA
  Ang Kongreso ay gagawa ng mga hakbang tungo sa
1935 pagpapaunlad at pagpapatibay ng isang wikang
pambansa na buhat sa katutubong wika.
 Oktubre 27, 1936  Pagtagubilin ng Pangulong Manuel L. Quezon sa
Asamblea Nasyonal ang paglikha ng isang Surian ng
Wikang Pambansa (SWP) na gagawa ng isang pag-
aaral ng mga wikang katutubo sa Pilipinas.
Nobyembre 13, 1936  Pinagtibay ng Batasang Pambansa ang Batas
Komonwelt Blg. 184 na lumikha ng isang Surian ng
Wikang Pambansa at itinakda ang mga
kapangyarihan at tungkulin nito.
Enero 12, 1937  Alinsunod sa tadhana ng Seksyon 1, Batas
Komonwelt Blg. 184, hinirang ng Pangulong Manuel
L. Quezon ang kagawad na bubuo ng Surian ng
Wikang Pambansa. Ang unang naging pangulo ng
SWP ay si Jayme C. De Veyra.
Nobyembre 9, 1937  Ang Surian ng Wikang Pambansa ay nagpatibay ng
isang resolusyon na roo’y ipinahahayag na ang
Tagalog ang siyang halos lubos na nakatutugon sa
mga hinihingi ng Batas ng Pangulo ng Pilipinas na
iyon ay pagtibayin bilang saligan ng wikang
pambansa.
Disyembre 30, 1937  Sa pamamagitan ng Kautusang Tagapagpaganap Blg.
134 ay ipinahayag ng Pangulong Quezon na ang
wikang pambansa ng Pilipinas ay batay sa Tagalog.
Abril 1, 1940  Pagpapalimbag ng isang diksyunaryo at isang
gramatika ng Wikang Pambansa sa pamamagitan ng
Kautusang Tagapagpaganap Blg. 263
Abril 12, 1940  Ang pagtuturo ng wikang pambansa ay sinimulan
muna sa mataas na paaralan at mga paaralang normal.
Hulyo 19, 1940  Ang wikang pambansa ng Pilipinas ay pasisimulan
nang ituro sa lahat ng pampublikong at pribadong
paaralan sa buong bansa.
Marso 26, 1954  Paglagda sa Proklamasyon Blg. 12 ng Pangulong
Ramon Magsaysay na nagpapahayag ng pagdiriwang
ng Linggo ng Wikang Pambansa simula Marso 29
hanggang Abril.
Setyembre 23, 1955  Inilipat ang panahon ng pagdiriwang ng Linggo ng
Wikang Pambansa mula ika-13 hanggang ika-19 ng
Agosto
Agosto 13, 1959  Si Kalihim Jose E. Romero ay nagpalabas ng
Kautusan Pangkagawaran Blg.7 na nagsasaad na
kailanma’t tutukuyin ang Wikang Pambansa, salitang
 PILIPINO ang gagamitin.
Oktubre 24, 1967  Nilagdaan ng Pangulong Marcos ng isang Kautusang
Tagapangulo Blg. 96, na nagtatadhana na ang lahat
ng gusali at tanggapan ng pamahalaan ay nararapat
na isulat sa Pilipino
Hunyo 19, 1974  Pagpapatupad sa patakarang Edukasyong Bilinggwal
sa mga paaralan na magsisimula sa taong 1974-1975.
Nobyembre 14, 1975  Nagpalabas ng Kautusang Pangkagawaran Blg. 50 na
nagpapatupad ng Edukasyong Bilinggwal sa kolehiyo
at pamantasan.
Pebrero 2, 1987  Pinagtibay ang Bagong Konstitusyon 1987 ng
Pilipinas. Sa Artikulo XIV, Seksyon 6 nagsasaad na
“Ang wikang pambansa ng Pilipinas ay Filipino.
Samantalang nililinang ito ay dapat payabungin at
pagyamanin pa salig sa umiiral na wika sa Pilipinas
at iba pang wika.”
Agosto 6, 1987  Ipinalabas ang Kautusan Blg. 81 na nagsasaad ng
reporma at alpabeto at sa mga tuntunin ortograpiyang
Filipino. Ang alpabeto ng Filipino ay binubuo ng 28
letra.
1997  Nilagdaan at ipinalabas ang Proklama Blg. 1041 ni
Pangulong Fidel V. Ramos ang pagdiriwang ng
Buwan ng Wikang Filipino.
2001  Inilabas ng Komisyon ng Wikang Filipino (KWF)
ang Revisyon sa Tuntunin ng Bagong Ortograpiyang
Filipino.
2014  Naglabas ang Komisyon ng Wikang Filipino (KWF)
ng Ortograpiyang Pambansa 2014 Edisyon
2015  Inilabas ng Komisyon ng Wikang Filipino ang
Manwal sa Masinop na Pagsulat Ikalawang Edisyon
na kinapapalooban ng mga patnubay sa masinop na
pagsulat at paggamit ng wika.