Professional Documents
Culture Documents
SG - FPL 11 - 12 Q1 0203 - Mga Uri NG Malikhaing Pagsulat PDF
SG - FPL 11 - 12 Q1 0203 - Mga Uri NG Malikhaing Pagsulat PDF
Yunit 2: Malikhaing Pagsulat
Aralin 3: Mga Uri ng Malikhaing Pagsulat
Nilalaman
Pansinin 1
Panimula 1
Mga Layunin 2
Tuklasin 3
Alamin 4
Mga Uri ng Malikhaing Sulatin 5
Palawakin 17
Gawain 1 17
Gawain 2 18
Suriin 19
Paglalahat 22
Bibliograpiya 23
Yunit 2.3: Mga Uri ng Malikhaing Pagsulat
Pansinin
Panimula
1
Yunit 2.3: Mga Uri ng Malikhaing Pagsulat
Mahalagang bahagi ng prosesong ito ang pagpili ng manunulat sa angkop na uri ng
malikhaing sulating kaniyang gagawin upang mailapat ang kaniyang damdamin at saloobin
nang naaayon sa kaniyang layunin ng pagpapahayag at pagbabahagi sa mga inaasahang
mambabasa. Kaya naman, mahalagang susi sa pagpapalalim sa kakayahang ito ang
pagtuklas sa iba’t ibang anyong pampanitikan.
Mga Layunin
Pagkatapos ng araling ito, ikaw ay inaasahang
● natutukoy ang mga uri ng malikhaing sulatin;
● nailalarawan ang bawat uri ng malikhaing sulatin; at
● naisasaalang-alang ang katangian ng bawat uri ng malikhaing sulatin sa pagsulat
nito.
Kasanayang Pampagkatuto ng DepEd
naiisa-isa ang mga uri ng malikhaing sulatin ( Dagdag Kaalaman sa
Susuriin/Pagyayamanin)
2
Yunit 2.3: Mga Uri ng Malikhaing Pagsulat
Tuklasin
5 minuto
Batay sa iyong kaalaman, magtala ng anim hanggang walong malikhaing sulating nabasa na.
Ilagay ang sagot sa tapat ng mga nakaturong linya.
Pagkatapos ng limang minuto ay humanap ng katambal upang maging kapalitan sa
pagbabahagi ng inyong mga naisulat.
Mga Gabay na Tanong
1. Ano-anong uri ng malikhaing sulatin ang inyong naitala?
3
Yunit 2.3: Mga Uri ng Malikhaing Pagsulat
2. Sa iyong mga naisagot, aling uri ng malikhaing sulatin ang may pinakamarami mong
naitala? Bakit?
3. Anong pagkakataon ang nag-udyok sa iyo upang basahin ang mga nabanggit mong
akda? Palawigin at ibahagi.
4. Ano o ano-anong katangian ng mga akda ang masasabi mong nagpatingkad sa pagiging
malikhain ng mga ito? Bakit o paano?
Alamin
Naghahawan ng daan ang pag-unawa ng mga mag-aaral at/o mambabasa sa iba pang mga
paksang kaugnay ng kasanayan sa malikhaing pagsulat; upang hindi lamang pormal na
maisaulo ang mga impormasyong ukol dito, kundi sa layong maging kritikal ang pag-iisip at
mailangkap ito sa malayang paghaharaya, tungo sa aktuwal na proseso ng malikhaing
pagpapahayag ng sarili—damdamin, saloobin, at/o naratibo.
4
Yunit 2.3: Mga Uri ng Malikhaing Pagsulat
Alalahanin
Ayon kina Castro et al. (2008), malaki ang gampanin ng mayamang
paghaharaya ng manunulat upang matugunan ang kasanayan sa
malikhaing pagsulat. Sa ganitong paraan, nakagagamit ng iba’t ibang
ekspresyon ang manunulat upang maipahayag ang sariling
damdamin, ideya, at mensahe nang may pagkintal sa diwa ng mga
mambabasa.
Mga Uri ng Malikhaing Sulatin
Dahil itinuturing na akto ng “pagbubuo ng imahen o hugis na kakaiba sa karaniwan” (Castillo
et al., 2008) ang malikhaing pagsulat, inaasahan nang may iba’t ibang anyo, estilo, at uri ng
malikhaing sulatin ang maaaring sipatin at gamitin ng mga manunulat—at mga nagsisimula
pa lamang magsulat—para sa angkop na pagpapahayag nito ng saloobin, damdamin, at
diwang nais ipabatid.
Wika nga ni Torres (1997), “Sino ang hindi nagnanais na makapagpahayag ng kaniyang
naiisip at nadarama upang maunawaan at nang lalong makaunawa?”
Sa gayon, masasabi nating kabilang ang mga malikhaing akda sa mga kasangkapang
epektibong nakapagpapahayag ng sarili ang isang nangungusap sa pamamagitan ng
kaniyang panulat. Bukod dito, nagsisilbing libangan, bukal ng inspirasyon at kaalaman, at
lunsaran ng pagpapalawak ng imahinasyon at pakikisangkot ang pagtunghay sa mga
malikhaing akda—ibang usapin pa ang mapukaw ang kanila mismong interes upang
sumubok pasukin ang larangan ng malikhaing pagsulat.
Naniniwala tayong iba’t iba ang mukha at atake ng pagkamalikhain ng mga manunulat. Ito
ang dahilan kung bakit ang malikhaing sulatin ay nahahati pa sa iba’t ibang uri: ang
di-kathang-isip, kathang-isip, at panulaan.
5
Yunit 2.3: Mga Uri ng Malikhaing Pagsulat
Di-kathang-isip
Ayon kay Barbara Lounsberry (1990), may apat na katangian ang malikhaing sulating
di-kathang-isip:
● malalim ang pananaliksik sa paksa nang maging buo ang kredibilidad ng tinahing
daloy ng salaysay;
6
Yunit 2.3: Mga Uri ng Malikhaing Pagsulat
Mga Halimbawa:
● Jose Rizal: Buhay, Mga Ginawa at Mga Sinulat ng Isang Henyo, Manunulat,
Siyentipiko, at Pambansang Bayani (1997)
● Talambuhay ni Lope K. Santos (1972)
● On My Terms: The Autobiography of Vicente Tirona Paterno ( 2014)
b. Personal na Naratibo
Ito ay salaysay ng mga personal na pangyayari sa buhay ng mismong may-akda.
Karaniwang nilalaman nito ang mga iba’t ibang danas ng sumusulat batay sa
magkakaibang emosyong kaniyang nararamdaman at kung paano ito nakukulayan
sa kaniyang paghaharaya, upang maikuwento nang buhay at masining.
Mga Halimbawa:
● Talaarawan
● Travelogue
● Blog
● Testimonyo
c. Maikling Kuwento
Ito ang mga kuwentong maikli at inaasahang kayang mayari ng mambabasa sa isang
upuan lamang. Sa kabila ng kaiklian, buhay ang paglalarawan at buong nailalahad
ang mga susing pangyayari sa buhay ng pangunahing tauhan, at taglay nito ang
kakintalan sa diwa ng mga mambabasa. Sa ilalim ng di-kathang-isip na sulatin,
karaniwang naglalaman ito ng isang partikular na danas ng mismong manunulat, at
maaari din namang hango sa totoong kuwentong nakapukaw sa kaniyang interes.
Mga Halimbawa:
● “Kabilang sa mga Nawawala” ni Ricardo “Ricky” Lee
● “Si Intoy Syokoy ng Kalye Marino” ni Eros S. Atalia
● “Ngunit Wala Akong Litrato Noong Nasa Nasa Kolehiyo Ako” ni Reuel Aguila
7
Yunit 2.3: Mga Uri ng Malikhaing Pagsulat
d. Sanaysay
Buhat sa mga katagang “sanay sa pagsasalaysay,” ito ay naglalahad ng mga
kuro-kuro ng may-akda hinggil sa isang paksa. Nagiging mapanlikha ang may-akda sa
paggamit nito ng wika sa pamamagitan ng paglalaro ng mga konseptong nakapaloob
sa paksa, ngunit may pagtitiyak na hindi mawawala ang kritikal na mensahe at
katuturan ng mga inilalakong opinyon sa buong daloy ng akda. Umiikot ngunit hindi
limitado ang mga paksa nito sa mga isyung panlipunan at personal na danas ng
sumusulat.
Mga Halimbawa:
● “Ilang Talang Luma Mula sa Talaarawan ng Isang may Nunal sa Talampakan”
ni Jun Cruz Reyes
● “D’Pol Pisigan Band” ni Ferdinand Pisigan Jarin
● “Ang Mapa ng Taglagas sa Aking Maleta” ni Eugene Evasco
Mga Tip
Sa pagsulat ng di-kathang-isip na malikhaing sulatin, mahalagang
maisaalang-alang ang sumusunod para sa ikatitibay ng pundasyon
ng akda:
● May mga batayan ng mga pangyayari, tauhan, danas, at
tagpong inilahad sa akda;
● Buhay na nailalarawan ang mga elemento ng sulatin sa
pamamagitan ng malikhaing paggamit ng wika at mahusay
na paglalapat nito sa mga pahayag; at
● Malinaw at pinagtitibay ang mga impormasyong inilalahad,
na pinagyayaman ng sariling pananaw at pananalita ng
may-akda.
8
Yunit 2.3: Mga Uri ng Malikhaing Pagsulat
Kathang-isip
Katulad ng di-kathang-isip na malikhaing sulatin, mayroon din itong iba’t ibang anyo gaya ng
sumusunod sa ibaba.
a. Nobela
Mga Halimbawa:
b. Nobelita
Kung haba ang pagbabatayan, di-hamak na mas mahaba ito kumpara sa maikling
kuwento ngunit mas maikli kumpara sa isang nobela. Bagama’t maikli, ang mga
elementong taglay sa pagbubuo ng banghay nito at mga sangkap sa kabuuang
estruktura ng akda ay hindi na nag-iiba sa isang nobela.
9
Yunit 2.3: Mga Uri ng Malikhaing Pagsulat
Mga Halimbawa:
c. Maikling Kuwento
Mga Halimbawa:
d. Dagli
10
Yunit 2.3: Mga Uri ng Malikhaing Pagsulat
Mga Halimbawa:
● Wag Lang Di Makaraos (100 Dagli Mga Kwentong Pasaway, Paaway at Pamatay)
(2011) ni Eros Atalia
● Ang Autobiografia ng Ibang Lady Gaga (2012), isang koleksyon ng mga dagli ni
Jack Alvarez
e. Pabula
Isa sa pinakamatandang uri ng malikhaing panitikan sa kabuuan, namumukod na
katangian ng pabula ang paggampan ng mga hayop bilang mga tauhan ng kuwento.
Kumikilos at nagsasalita ang mga ito nang parang mga tao, na isinasabuhay ang mga
kuwentong salamin ng pang-araw-araw na buhay ng mga tao. Sa pagwawakas ng
kuwento, laging inaasahang kapupulutan ito ng gintong aral, lalo na ng kabataang
mambabasa nito.
Mga Halimbawa:
● “Si Tigre at ang Lobo”
● “Ang Agila at ang Kalapati”
● “Ang Aso at ang Uwak”
f. Dula
Hindi tulad ng mga nauna nang nabanggit na malikhaing sulatin, may tiyak at sariling
estruktura ang pagsulat ng dula. Dahil isa itong uri ng panitikang nahahati pa sa ilang
yugto, batay sa pangangailangan ng kuwento at estilo ng pagsulat ng may-akda, na
mayroon pang iba’t ibang tagpo. Hindi lamang natatapos ang sulatin sa natapos na
akda, sapagkat ang pinakalayunin dito ay maitanghal ang mga tagpo sa isang
tanghalang sasaksihan ng mga manonood.
11
Yunit 2.3: Mga Uri ng Malikhaing Pagsulat
Mga Halimbawa:
● “Ang Duyan ng Magiting” ni Dustin Edward Celestino
● “Kaharian ng Pinto” ni Michelle Josephine Rivera
● “Kidney for Sale: Bato ng Buhay Ko” ni Arthur Casanova
andaan
T
Tumutukoy ang tayutay sa mismong talinghagang maaaring may
kaugnayan sa paglikha ng tunog at pagpapasidhi ng guniguni at
damdamin (Bisa, 1999 na kay Bernales et al., 2006).
Basahin at suriin ang iba’t ibang uri ng tula ayon sa p
attern nito o sa paksang iniikutan ng
daloy ng akda.
a. Maikli
Tinawag na maikli ang uri ng ganitong tula sapagkat binubuo lamang ang mga ito ng
isang saknong na may tatlo hanggang limang taludtod.
12
Yunit 2.3: Mga Uri ng Malikhaing Pagsulat
Mga Halimbawa:
● Haiku – Isa sa mga pinakakilalang anyo ng maikling tula at nagmula rin sa
bansang Hapon, binubuo ito ng tatlong taludtod na may sukat na 5-7-5.
● Tanaga – Sa tradisyonal na tanaga, binubuo ito ng isang saknong na nahahati
sa apat na taludtod sa sukat na 7-7-7-7 at may tugmaang AAAA.
● Tanka – Nagmula ito sa bansang Hapon, na binubuo ng 31 pantig ang isang
saknong. Nahahati ito sa limang taludtod na may sukat na 5-7-5-7-7.
b. Liriko o Pandamdamin
Ito ang itinuturing na pinakamatandang uri ng panulaan ng mga makata saanmang
panig ng daigdig. Layunin nitong magpahayag ng mga saloobin at damdamin ng
makata. Tampok dito ang ugnayan ng tulang liriko at ang musikang sinasaliwan ng
instrumentong lira, kaya naman nakilala ito bilang tulang kakantahin o tulang may
katangiang awit.
Mga Halimbawa:
● Awit (dalitsuyo) – tungkol sa pag-ibig
● Dalit o Himno (dalitsamba) – tungkol sa pagpapala at pagpupuri sa Diyos
● Elehiya (dalitlumbay) – tungkol sa matinding kapanglawan, pagtangis, at
kamatayan, o maaari ding pahayag ng mga pagguguniguning ukol sa
kamatayan
● Oda (dalitpuri) – kaugnay ng paghanga o kaya ay pagbibigay ng parangal,
nagpapahayag ito ng matayog na damdamin o kaisipan
● Pastoral (dalitbuki) – tungkol sa pang-araw-araw na pamumuhay ng mga tao,
kaugnay ng pangingisda, pagsasaka, pagpapastol, at iba pa
● Soneto (dalitwari) – binubuo ng labing-apat na taludtod, na ang mga pahayag
ay may kaakibat na matinding damdaming bunga ng mabigat na
pagkukuro-kurong isinaad ng akda
13
Yunit 2.3: Mga Uri ng Malikhaing Pagsulat
c. Pasalaysay
Nagtataglay ito ng balangkas, maikli man ito o mahaba. Naglalahad ito ng mga tagpo
o pangyayaring maaaring simple lamang o masalimuot, payak o madrama.
Mga Halimbawa:
● Epiko – Karaniwang mahaba, naglalaman ito ng mga detalye ng kabayanihan,
gawa, at/o makabuluhang kaganapang napapaloob sa isang lahi o bansa.
● Korido – Mayroon itong sukat na wawaluhin at tumatalakay sa mga alamat o
kuwentong may impluwensiya ng mga bansa mula sa Europa. Isa sa popular
na halimbawa nito sa Pilipinas ang I bong Adarna.
● Tulagunam – Isang uri ng tulang pasalaysay na habang inaawit ay sinasaliwan
ng sayaw.
● Tulasinta – Karaniwang may kinalaman sa damdamin ng isang tao, o maaari
ding sa isang bahagi ng buhay nito, na isinasalaysay sa pamamagitan ng tula
gamit ang payak, tapat, at makatotohanang paraan ng paglalahad.
Nagtatapos ito sa masayang tagpo, na yamang pinangingibabawan ng
pag-ibig.
d. Dula
Isa itong uri ng tulang may layong isadula o itanghal sa entabladong sasaksihan ng
mga tagapanood.
Mga Halimbawa:
● Kalunos-lunos (Dramatic Tragedy) – tungkol sa pakikipagtunggali at pagkasawi
ng pangunahing tauhan laban sa isang higit na makapangyarihang lakas, tulad
ng tadhana
● Katatawanan (Dramatic Comedy) – kapuwang katawa-tawa ang paksang-diwa
at pamamaraan nito ng panulat
● Katawa-tawang Kalunos-lunos (Dramatic Tragi-comedy) – katawa-tawa ang
pamamaraan ng panulat ngunit madalas na nagtatapos ang tagpo nito sa
kalunos-lunos na pangyayari
● Liriko-Dramatiko – taglay nito ang kawilihan sa tagpo, kilos, at damdaming
ipinahahayag sa tula
14
Yunit 2.3: Mga Uri ng Malikhaing Pagsulat
● Madamdamin (Melodrama) – dulang patula na nakaukol sa paglalarawan ng
galaw na may kaakibat na matinding damdamin
● Mag-isang Salaysay (Dramatic Monologue) – tampok dito ang isang taong
nagsasadula ng tula mula simula hanggang wakas
● Parsa (Farce) – tampok dito ang mga eksaheradong linya, galaw ng mga
tauhan, at tagpo, at nangangailangan ng mahusay na pagtatanghal ng mga
nagsisiganap
e. Patnigan
Isang uri ito ng tulang itinatanghal ng magkatunggaling makata, na nagpapaligsahan
ng kani-kaniyang katwiran at nagtatagisan ng talas sa pagtalos ng kanilang
paksang-usapin.
Mga Halimbawa:
● Balagtasan – Sa paraang patula, masining na naglalahad ng kani-kanilang
saloobin at pananaw ang dalawang panig ng makatang nagdidiskurso hinggil
sa isang paksa. Hango ito sa ngalan ni Francisco Balagtas, na naging tanyag sa
gayong uri at sining ng pakikipagtalastasan.
● Batutian – Hango sa uring balagtasan at ipinangalan kay Huseng Batute (Jose
Corazon de Jesus), ginagawa ito sa mga lamayan upang libangin ang mga
naglalamay. Naglalaman ito ng mga linyang lubhang katawa-tawa ngunit
kaakibat ay katotohanang may halong yabang, panunudyo, o pag-iiwan ng
palaisipan.
● Duplo – Hango sa mga kasabihan, salawikain, at berso sa Bibliya ang
inihahayag ng magkatunggaling makata, na nagpapagalingan sa pagbigkas at
pagbibigay-katwiran ng kanilang panig.
● Karagatan – Ito ay pagtulang itinuturing na “libangang itinatanghal.” Mula ito
sa isang alamat ng isang singsing ng prinsesang nahulog sa dagat.
15
Yunit 2.3: Mga Uri ng Malikhaing Pagsulat
Napansin mo ba? Taglay ng mga natukoy nating mga uri ng malikhaing sulatin ang mga
katangiang inaasahan sa isang malikhaing akda; ang malikhaing pagpapahayag sa
pamamagitan ng paggamit ng idyoma at tayutay, ang aestetikong anyo, ang mga paksang
unibersal o pandaigdigan, at ang pagtataglay ng kawalang-maliw.
Makatutulong kung titiyakin sa mga sarili ang mga nabanggit na katangian ng malikhaing
sulatin kung magagawang tuklasin ang mga kuwentong nakapaloob sa mga nabanggit na
halimbawa sa bawat anyo ng panitikang tinalakay. Sa ganitong paraan, hindi mo lamang
masisipat ang mga konseptuwal na paksang tinalakay sa buong yunit, kundi malalantad ka
sa sining ng pagsulat na tiyak masusumpungan sa banghay ng mga akda.
andaan
T
Ayon kay Jun Cruz Reyes (The Varsitarian, 2014), isang batikang
manunulat at mananaliksik ng kasalukuyang panahon, pinatatatag o
pinarurupok ng p
ananaliksik ang pundasyon ng anumang akda,
maging sa malikhaing pagsulat. Kaya naman, mahalaga pa rin ang
gawaing pananaliksik upang mapunuan ng may-akda ang mga
mabubuong katanungan sa mga mambabasa habang at/o matapos
na mabasa ang akda nito.
Nililinaw rito na ang bungang saliksik sa malikhaing pagsulat ay
inilalapat sa t agpuan o s etting, dahil kaakibat lagi nito ang kulturang
iniinugan ng ginagawang akda.
16
Yunit 2.3: Mga Uri ng Malikhaing Pagsulat
Palawakin
Gawain 1
Magpares-pares ang mga mag-aaral. Gamit ang grapikong pantulong (graphic organizer) na
Venn d
iagram, ilahad ang pagkakaugnay-ugnay ng mga uri ng malikhaing pagsulat sa
pamamagitan ng pagtukoy sa magkakatulad at magkakaibang katangian ng mga ito. Ilagay
ang sagot sa isang buo at malinis na papel. Kulayan at disenyuhan nang naaayon.
abay sa Pagsagot
G
Siguraduhing maayos ang gagawing Venn diagram. Ilahad isa-isa ang mga
pagkakatulad at pagkakaiba. Tiyaking magtutulungan sa pag-iisip ng ideya. Maging
mabusisi at isiping mabuti ang mga ideya na tinalakay sa klase.
17
Yunit 2.3: Mga Uri ng Malikhaing Pagsulat
Gawain 2
Pumili ng isang partikular na anyo ng malikhaing akda—alinman sa ilalim ng tinalakay na
mga uri ng malikhaing sulatin—na nais mong gawin sang-ayon sa kawilihan at kakayahang
matapos sa itinakdang oras. Pumili ng gagamiting paksa mula sa sumusunod sa ibaba.
a. Pamilya
b. Kaibigan
c. Kalayaan
d. Panitikan
18
Yunit 2.3: Mga Uri ng Malikhaing Pagsulat
abay sa Pagsagot
G
● Mahalagang nakikilala ang mga katangiang namumukod sa bawat isang uri ng
malikhaing sulatin at iba’t ibang anyong nakapasailalim sa mga ito.
● Para sa makabuluhang pagsulat ng malikhaing akda, magsimula sa uri ng
malikhaing sulating malapit sa iyong kawilihan bilang mambabasa at sensibilidad
bilang naghaharaya.
● Hayaan munang dumaloy ang mga kataga sa iyong isip at isatitik ito sa iyong
papel. Pinakamahalaga sa pagsulat nang malikhain ang pagsasanib ng ideya at
damdamin upang matatas ng manunulat nang wasto ang mensaheng nais
ipabatid.
Suriin
2. Ano-ano ang batayang katangian ng isang malikhaing sulating kathang-isip?
19
Yunit 2.3: Mga Uri ng Malikhaing Pagsulat
3. Paano naparirikit o napasasama ng paggamit ng tayutay ang isang malikhaing
pagsulat?
4. Ano ang gampanin ng gawaing pananaliksik sa paglikha ng isang mahusay na
malikhaing sulatin?
5. Ano-anong sangkap ng panulaan ang natatangi rito kumpara sa iba pang uri ng
malikhaing sulatin?
B. Sagutin ang sumusunod at ipaliwanag sa sariling
pangungusap.
20
Yunit 2.3: Mga Uri ng Malikhaing Pagsulat
2. Ano o ano-anong aspekto ng pagkatao ang hinuhubog o maaaring hubugin ng
malikhaing pagsulat sa mag-aaral na tulad mo? Talakayin kung paano.
3. Sa iyong palagay, paano nakatutulong ang malikhaing pagsulat sa patuloy na
pagpapasigla ng Panitikang Filipino?
4. Gaano kahalagang matunghayan ng mga mag-aaral ang mga malikhaing akdang
nasa iba’t ibang anyo?
5. Sa iyong sariling pagsusuri, paano natatangi ang malikhaing pagsulat sa iba pang
anyo o paraan ng pagsusulat? Talakayin.
21
Yunit 2.3: Mga Uri ng Malikhaing Pagsulat
Paglalahat
___________________________________________________________________________________________
● Isang sining, gawain, at kakayahan ang malikhaing pagsulat dahil itinatangi ito ng
kakayahan ng manunulat na isanib ang malawak na imahinasyon sa lalim ng kaniyang
ideya at damdamin at husay ng panulat.
● Isa sa mga susing gawain ang pananaliksik para sa pagsulat ng isang malikhaing akdang
may matibay na pundasyon at buong diwa sapagkat pinupunan na agad nito ang mga
katanungang maaaring mabuo sa isip ng mga mambabasa, gayundin nailalatag nito
nang husto ang kulturang nakapaloob sa tagpuan ng akdang isinalaysay.
● May tatlong batayang uri ng malikhaing sulatin: ang di-kathang-isip, kathang-isip,
at panulaan. Samantala, nakapaloob pa sa mga uring ito ang iba’t ibang anyo ng
tiyak na panitikang maaaring galugarin pa natin para mamalas pang higit ang
larangang ito ng panulat at makatulong sa pagpapayaman ng ating pag-unawa at
kakayahan sa pagsulat nang malikhain.
● Tulad ng iba pang larangan ng sining at kakanyahan, patuloy ang pag-unlad ng
malikhaing pagsulat gayundin ang mga uri ng sulating nakapaloob dito. Sa dami
ng uri at anyo ng malikhaing sulating nakapaloob dito, malawak ang maaaring
maging lunsaran ng kakayahan at gawaing panulat para sa mga mag-aaral na
tulad mo.
___________________________________________________________________________________________
22
Yunit 2.3: Mga Uri ng Malikhaing Pagsulat
Bibliyograpiya
“Kontemporaryong Dagli,” F ilipino 101. Nakuha sa
https://tnhsg7filipinobanawan.wordpress.com/2014/10/28/73/, Pebrero 19, 2020.
Espique, Felina P., Norma S. Mayo, and Dolores S. Tanawan. M aikling Kuwento At Nobela.
Cabanatuan City: Anahaw Enterprises, 2007.
Evasco, E. Y. et al. M
alikhaing Pagsulat: Paglinang ng Sidhaya Tungo sa Maunlad na Haraya.
Quezon City: Rex Bookstore, Inc., 2001.
Magracia, Emma and Leonida Valdez. R aya III: Mga Akdang Pampanitikan sa Filipino III.
Quezon City: C&E Publishing, Inc., 2005.
Lounsberry, Barbara. T he Art of Fact: Contemporary Artists of Nonfiction. New York:
Greenwood Press, 1990.
“Kaalamang Panretorika,” Makabayan Blogger. Nakuha sa
https://makabayangblogger.wordpress.com/2016/05/06/kaalamang-panretorika/,
Pebrero 19, 2020.
Marasigan, Emily V., Mary Grace Del Rosario, and Alma M. Dayag. Pinagyamang Pluma 10:
Aklat 1. Quezon City: Phonenix Publishing House, 2015.
“Uri ng Tula,” P anitikan: Tula. Nakuha sa https://bit.ly/3aPsEOo, Pebrero 19, 2020.
Torres, Cesario Y., at Teresita P. Capili-Sayo. S ining ng Pakikipagtalastasan. Quezon City: Rex
Bookstore, Inc., 1997. Nakuha sa h ttps://bit.ly/3lcpoS8
“Pananaliksik sa Malikhaing Pagsulat,” T he Varsitarian. Nakuha sa
https://varsitarian.net/filipino/20140624/pananaliksik_sa_malikhaing_pagsulat,
noong Pebrero 19, 2020.
23