Ang kalayaan, paano ba maituturing na ang isang tao ay tunay na malaya?
Maaaring ang kahulugan ng kalalayaan ay simpleng kalayaan lng sa paggawa ng kahit anong bagay na iyong nais kahit kailan at sa ano mang paraan, ngunit hindi lamang ganito ang kanyang kahulugan. Tunay na nakakasiya sa kahit anumang tao ang pagiging malaya ngunit ang tunay na kalayaan ay paggamit sa iuong kalayaan na mayroong responsibilidad at konsensiya sa bawat pagpapasya mo sa iyong buhay. Kung ang isang tao ay binigyan ng kalayaan ngunit siya ay gumagawa ng mga masasamang gawain, siya ay hindi tunay na malaya sapagkat ang kaniyang paggamit ng kanyang kalayaan ay hindi nararapat at hindi tama.
Ang kalayaan ay isang sa pinakamahalagang uri ng salita na dapat ay
panindigan ng isang tao na dapat sya ay maging malaya sa lahat. Hindi ibig sabihin na kaya mo nang gawin ang iyong mga gusto mga ninanais ay masasabi mo na malaya ka na. Ito ay isang napakahalagang karapatan ng bawa't tao, kung mayroon ka nito, walang gumagapos o pumipigil sa anumang iyong ninanais at nilalayon sa buhay. Mayroon kang laya na gampanan ang mga bagay na magpapaunlad at magpapaligaya sa iyo. Malaya kang lumikha, humimok, magtatag, at magsagawa ng mga makabuluhang bagay sa ikakaunlad ng iyong sarili, mga kasamahan, at maging ang iyong pamayanan. Wala kang magiging anuman na agam-agam o inaala-ala, maging maliit o malaki man, sa paggawa ng mga ito. Mapayapa, mahusay, at maligaya ka sa pagtupad ng mga tungkulin bilang masunuring mamamayan.