Professional Documents
Culture Documents
ბიოლოგია
ბიოლოგია
ელენე მესხია
თბილისი 2020
გამრავლება
უსქესო გამრავლება
სქესობრივი გამრავლება
თქვენ ცოცხალი ხართ და მეც. ძაღლი, რომლის ყეფაც მესმის, ასევე, ცოცხალია და ხეც ,
რომელსაც ფანჯრიდან ვხედავ, თუმცა თოვლი, რომელიც ღრუბლებიდან ცვივა , არ არის
ცოცხალი. კომპიუტერი, რომლის დახმარებითაც თქვენ ახლა ამას კითხულობთ, არ არის
ცოცხალი; არც მაგიდა და არც სკამი. სკამის ნაწილები, რომლებიც ხისგანაა
გაკეთებული, ოდესღაც ცოცხალი იყო, მაგრამ უკვე აღარ არის ცოცხალი . თუ შეშას
ცეცხლში წვავთ, ცეცხლიც არ იქნება ცოცხალი.
რა განსაზღვრავს სიცოცხლეს? როგორ შეგვიძლია, ერთ რაღაცაზე ვთქვათ , რომ ის
ცოცხალია და მეორეზე - რომ არ არის ცოცხალი? ადამიანთა უმეტესობას ინტიუციურად
ესმის, რას ნიშნავს, რომ რაღაც ცოცხალია, თუმცა, გასაოცრად რთულია , მივიდეთ
სიცოცხლის ზუსტ განმარტებამდე. ამის გამო, სიცოცხლის ბევრი განმარტება პირობითია
- ისინი საშუალებას გვაძლევს, განვაცალკევოთ ცოცხალი და არაცოცხალი ორგანიზმები ,
მაგრამ არ გვაძლევს საშუალებას, ზუსტად ვთქვათ, რა არის სიცოცხლე . ამ
განცალკევებისთვის უნდა გვქონდეს თვისებების სია, რომელშიც ჩამოთვლილი იქნება
ცოცხალი ორგანიზმების უნიკალური მახასიათებლები.
სიცოცხლის მახასიათებლებია:
1) ორგანიზაცია
2) მეტაბოლიზმი
3) ჰომეოსტაზი
4) ზრდა
5) გამრავლება
6) გაღიზიანებადობა
7) ევოლუცია