Pangalan : Yvonne Mae S.

Javar
Kurso at Taon : MAED FIL- II
Konseptong Papel

I. Paksa

“Pagdalumat sa kulturang di-materyal sa mga piling tula ng mag-aaral

sa panahon ng pandemya”

II. Rasyunal
Dahil sa kasalukuyang krisis na kinakaharap ngayon, ito ang
naging daan sa pagbukas ng ibang pamamaraan sa pagtuturo at
pagkatuto. At upang magkaroon ng ligtas na edukasyon, ang
pagkatuto ay mangyayari sa tahanan. Isa rin itong magandang
opurtunidad para sa mag-aaral upang ibahagi ang kanilang karanasan,
pananaw, at saloobin hinggil sa kasalukuyang sitwasyon.
Sa pananaliksik na ito, susulat ang mga piling mag-aaral ng
isang tula na angkop sa kasalukuyan nilang sitwasyon sa panahon ng
pandemya. Ang kanilang awtput ay siyang susuriin ng mananaliksik
ayon sa mga umiiral na kulturang di-materyal. Ang kulturang ito ay
tumutukoy sa mga kulturang hindi nahahawakan kagaya ng
pagpapahalaga, pananampalataya, paniniwala, batas, at iba pa. Sa
pag-aaral na ito susuriin ng mananaliksik ang pagpapahalaga o values
at pananampalatayang nakapaloob sa tulang isinulat ng mag-aaral.
Mahalaga ang pananaliksik na ito upang mahasa at mapaunlad
ang kasanayan ng mag-aaral sa pagsulat sa kabila ng sitwasyong
kinakaharap. Bukod dito, matutukoy rin ang mga saloobin at pananaw
ng mga mag-aaral sa kasalukuyang pangyayari.
III. Batayang Konseptwal at Teoretikal
Ang pananaliksik na ito ay may paksang “Pagsusuri sa
kulturang di-materyal sa mga piling tula ng mag-aaral sa panahon ng
pandemya” na kakikitaan ng konsepto at teorya upang maintindihan
ang tunguhin ng pag-aaral na ito.

Ang naturang pananaliksik ay nakabatay sa tatlong teorya –

sosyolohikal, biyograpikal, at sikolohikal. Pinagbatayan ang
sosyolohikal dahil naniniwala ang mga tagapagtaguyod nito na ang
manunulat ay produkto ng kanyang panahon, lugar, mga kaganapan,
kultura, at institusyon sa kanyang kapaligiran kung saan itinuturing sila
bilang boses ng kaniyang panahon. Pangalawang pinagbatayan ay ang
biyograpikal na kung saan naniniwala ang na ang manunulat ay
nagsusulat ng mga bagay na personal niyang nararanasan at nakikita
sa kanyang paligid. Pangatlo ay ang sikolohikal, sa pananaw na ito
makikita ang galaw ng isipan ng manunulat. Mahihinuha sa kanyang
akda ang antas ng kanyang pamumuhay, ang kanyang paninindigan,
paniniwala, at pagpapahalaga, gayundin ang mga ideya o kaisipang
naglalaro sa kanyang isipan at kamalayan. Sa tulang ibabahagi ng mga
mag-aaral ay kombinasyon ng kanilang karanasan, pananaw,
paninindigan, at saloobin sa panahon ng krisis na kinakaharap ngayon.

Ang balangkas ay ginamitan ng diyagram upang maipakita ang

kaugnayan ng mga baryabol. Inilahad sa diyagram ang “Pagsusuri sa
kulturang di-materyal sa mga piling tula ng mag-aaral sa panahon ng
pandemya”.
. Ang mga piling tula ay susuriin ayon sa dalawang di-materyal
na kultura --- pagpapahalaga at pananampalataya. Inaasahan na
masusuri at matutukoy ang mga di-materyal na kultura sa mga piling
tulang isinulat ng mga mag-aaral. Ang mga sipi mula sa orihinal na
akda ang siyang gagamitin bilang patunay.
 Mga Piling Tula ng Mag-aaral sa
Panahon ng Pandemya

Di-materyal na Kultura

Pagpapahalaga o Values Pananampalataya

Implikasyon sa Kasalukuyang
Panahon

Diyagram 1 : Paradimo ng Pag-aaral

IV. Paglalahad ng Suliranin

Sa pananaliksik na ito, susuriin ng mananaliksik ang mga di-materyal

na kultura ng mga piling tula na isinulat ng mag-aaral. Ang mananaliksik
ay susubukang sagutin ang sumusunod na katanungan :

1. Ano-ano ang mga pananampalataya at pagpapahalaga na makikita sa

mga piling tula na isinulat ng mag-aaral?
2. Ano ang implikasyon ng mga kulturang di-materyal sa mga piling tula sa
kasalukuyang sitwasyon?
V. Metodolohiya

Disenyo ng Pananaliksik
Ang pananaliksik na ito ay hinggil sa ”Pagsusuri sa kulturang di-
materyal sa mga piling tula ng mag-aaral sa panahon ng pandemya”.
Sa pananaliksik na ito, gagamitin ng mananaliksik ang pamamaraang
angkop sa pag-aaral.
Ang ginamit ng mananaliksik ay Pamamaraang Palarawan
(Descriptive Analysis) at Pangnilalamang Pagsusuri (Content
Analysis). Sa mga piling akda, binigyang-diin ang paglalarawan at
pagsusuri sa mga pangyayari na siyang nagpapalutang sakulturang di-
materyal na nakapaloob sa tulang sinulat ng mag-aaral. Nagkaroon din
ng pagbibigay-interpretasyon sa kung ano ang magiging implikasyon
ng mga kulturang di-materyal sa kasalukuyang sitwasyon.

Mga Kalahok sa Pag-aaral

Ang mga partisipante sa pananaliksik na ito ay binubuo ng 30

mag-aaral na kasalukuyang nag-aaral sa Magdaup National High
School. Ang mga mag-aaral na ito ay aanyayahang magsulat at
lumikha ng sariling tula na nagbabahagi ng sarili nilang karanasan sa
panahon ng pandemya. Mula sa 30 tula, pipili lamang ang mananaliksik
ng limang (5) tula na susuriin ayon sa nakapaloob na kulturang di-
materyal.

Sampling Teknik

Sa pagpili ng partisipante, gagamitin ng mananaliksik ang

purposive sampling na kung saan ang mga mapipiling kalahok ng
mananaliksik ay sa tingin niyang higit na makatutulong sa naturang
pananaliksik.

Instrumento ng Pananaliksik
 Sa pananaliksik na ito, ang mananaliksik ay gagamit ng limang
(5) tula na isinulat ng piling mag-aaral. Ang kanilang awtput ay siyang
susuriin ng mananaliksik ayon sa mga umiiral na kulturang di-materyal
na pagpapahalaga at pananampalataya.

Ang awtput ay magsisilbing basehan sa pagkuha ng

impormasyon na makapagbibigay tugon at tulong upang matagumpay
na maisakatuparan ang pananaliksik.