WESLEYAN UNIVERSITY-PHILIPPINES

CABANATUAN CITY

PAGBASA AT PAGSULAT SA IBAT IBANG DISIPLINA

(FILDIS)

IKALAWANG PAMANAHONG LEKTYUR

ANO ANG PANANALIKSIK?

Ayon kay Aquino (1974) ang pananalikisik ay isang sistematikong paghahanap ng
kaukulang impormasyon o datos sa tiyak na paksang pag-aaralan.
Ayon naman kina Atienza at iba pa. (1996) ang pananaliksik ay ang matiyaga,
sistematiko, mapanuri at kritikal na pagsisiyasat o pag-aaral tungkol sa isang bagay,
konsepto, kagawian, problema, isyu o aspekto ng kultura at lipunan.

Ayon sa aklat ni Tumangan et al (2006) narito ang ilang uri ng pananaliksik:

1. EKSPERIMENTAL ( Experimental) - ang uring ito ng pananaliksik ay maaaring

tumuklas ng isang katotohanan sa pamamagitan ng paggamit ng laboratory.
Karamihan sa uring ito ay ginagawa sa mga asignaturang Agham. Ang laboratory ang
magiging basehan upang makuha ang resulta ng pag-aaral. Ito ang pinakatanyag na
pamamaraan ng pananaliksik sa pagsusulong ng kaalaman sa agham.
2. PALARAWAN ( Descriptive)- dito pinag-aaralan ang kasalukuyang ginagawa at mga
isyu na importante sa tao. Ang pangangalap ng mga datos sa pamamagitan ng sarbey
at pagpapaliwanag sa kahulugan nito at paglalarawan sa resulta nito ay matatawag na
isang pananaliksik na palarawan. Ang layunin ng pag-aaral na ito ay ay mailarawan ang
kalagayan ng pag-aaral.
3. HISTORIKAL- ang pananaliksik na ito ay nakabatay sa mga isyu o mga pangyayari
tungkol sa nakaraan. May kahirapan gawin ang ganitong uri ng pananaliksik sapagkat
kailangan mong saliksiking mabuti ang mga bagay sa tunay na mga pangyayari.
4. PAG-AARAL NG ISANG KASO- (Case Study)- ginagamit ang ganitong uri ng
pananaliksik sa pag-alam sa mga kaso gaya ng mga pangyayari sa usaping
panghukuman, pag-alam sa kaso ng isang pasyente na nagkaroon ng problema, sa mga
dahilan kung bakit nawala sa sariling pag-iisip ang isang tao. Ang pananaliksik ding ito
ay nagbibigay-linaw at pag-unawa tungkol sa pagtuklas sa pag-uugali ng tao at
gumagawa ng detalyadong pag-aarala ukol sa isang tao o yunit na may sapat na
panahon.
5. NABABATAY SA PAMANTAYANG PANANALIKSIK (NORMATIVE STUDY)- ang
pag-aaral na ito ay nakabatay sa resulta ng pag-aaral sa pamamagitan ng mga
paghahambing. Madalas na gamitin ito sa paghahambing sa resulta ng isang
pagbibigay ng eksamin.
MGA KATANGIAN NG MANANALIKSIK
1. Dapat ang isang mananaliksik ay mapagsiyasat.
2. Dapat ang isang mananaliksik ay masistema.
3. Dapat ang isang mananaliksik ay matiyaga.
4. Dapat ang mananaliksik ay masinop.
5. Dapat ang mananaliksik ay madiskarte.
6. Dapat ang mananaliksik ay may pananagutan.
7. May isipang mapag-unawa.
8. Maingat
9. Mahusay pumuna
10. Matapat sap ag-iisip.

KATANGIAN NG PANANALIKSIK

1. Sistematiko- sistematiko ito kapag sumusunod sa mga tuntunin sa simula pa lamang

ng pananaliksik ng pang-alam o pantukoy sa problema.
2. kontrolado- itoy di gawang biro sapagkat bawat hakbang sa pananaliksik ay pinaplano
at maiging pinag-iisipan na nagdaraan sa maka-agham na proseso. Sa madaling salita
ang mga kongklusyon at rekomendasyon ay nakasalalay sa mga isinasagawang pag-
aaral o mga datos na natuklasan.
3. Empirikal- nakabatay sa mga empirical na datos nakasalalay ang pagbuo ng isang
kongklusyon.
4. Pagsusuri- ito ay isang mabubusing pag aaral ng mgadatos na Kwalitatibo at
kwantitatibo.
5. Lohikal, obhetibo at walang pinapanigan-
6. Ginagamitan ng haypotesis-

PAGBUO NG KONSEPTONG PAPEL

1. Pagpili ng paksa- sa pagpili ng paksa dapat isaalang-alang ang sarili sapagkat ikaw
ang magsasagawa ng pag-aaral. Narito mungkahing batayan sa pagpili ng paksa:

1. Napapanahon- kailangang ang paksa ay napapanahon upang marami ang magkaka-

interes na basahin ang ginawawang pag-aaaral. Hindi naman lubhang bago ang
mapipiling paksa dahil baka magkaroon ng problema sa materyales

2. Saklaw at limitasyon- hindi dapat maging malawak ang pipiliing paksa para
maisakatuparan sa ibinibigay na panahon. Mahalaga na may hangganan ang pag-
aaral para ito masabing kapani-paniwala.
 3. Kailangang interesado ang mag-aaral-Sa pagpili ng paksa, kung sino ang mag-
aaral, siya ang pipili dahil mahirap na sabihin sa kanya ang paksang pag-aaralan
kung wala naman doon ang kanyang interes.

4. Datos o Materyales-Masasabing makabuluhan ang isang pag-aaral kung

maraming datos o materyales na gagamitin. Halimbawa ng mga mapagkukuhanan
ng materyales( libro, magasin, dyornal, ensaykolpedya, alamak, tesis,
disertasyon,internet, at iba pa.

5. Makabuluhan- Isaisip na sa pagpili ng paksa isaalang-alang ang mga babasa nito.

Ito ba ay makabuluhan sa marami? Magagamit ba ito ng iba?

6. Panahon- Dapat may sapat na panahon sa pag-aaral, hindi kaya ng isang lingo o
isang buwan lamang. Lalo na hindi lamang ito ang ginagawa ng mga estudyante.

7. Pinansyal-Sa hirap ng panahon hindi medaling makagawa ng isang pananaliksik

kung may problema sa pinansyal. Sa paggawa ng pananaliksik, di lamang oras at
panahon ang gugulin kundi nangangailangan din ng pinansyal na sapeto.

2.Paghahanda ng mga datos o materyales-matatagpuan ang mga datos o materyales sa

laybrari. Iwasan na puro internet na lamang, higit na marami pa rin tayong mababasa sa mga
libro, ensayklopidya, magasin, dyornal at iba pang babasahin.

3. Humanap ng mga sanggunian- ang aklatan ang pinakamahalagang pinagmumulan ng

impormasyong magagamit sa maraming paraan.

Ang mga aklat sa laybrari ay kalimitang iiaayos sa dalawang Sistema:

1. Ang sistemang Dewey Decimal- binubuo ito ng bilang mula sa 000 hanggang 900 na
pinangkat sa 10 klasipikasyon. Si Melvin Dewey ay isang amerikanong tagapangasiwa
sa aklatan.

2. Ang sistemang Library of Congress- Ito ay binubuo ng 21 kategorya. At

ginagamitan ng letra mula A-Z.Ito ay nakabatay sa aklatan ng kongreso ng Estados
Unidos.

Sa pagpasok sa laybrari, ang unang –unang hahanapin ay ang kard katalog dahil sa mga kard
na ito madali tayong makahahanap ng mga impormasyon.

3 uri ng kard sa kard katalog

1. Kard ng Awtor (Author Card) – ito ay naglalaman ng buong pangalan ng awtor,1.
unang linya apelyido muna bago ang pangalan at inisyal. 2.pamagat ng aklat, 3.ang
edisyon kung hindi ito una,4. Ang tagapagsalin o ilustrador, kung mayroon man 5.
pangalan ng publikasyon,lugar at petsa 6. Ang kabuuang bilang ng mga pahina, tomo
(volume) ilustrasyon (illustration) at laki ng aklat. 7. Ang call number sa itaas ng
kaliwang sulok.

Halimbawa ng kard ng awtor

P
788.318
A 273 d
1966 ALMARIO, VIRGILIO et.al
Patnubay sa Pagsasalin
Manila: Pambansang Komisyon sa Kultura at mga Sining
18p.

2. Kard ng Pamagat (Title Card) – naglalaman ito ng mga kabatirang matatagpuan sa

kard maliban sa pamagat ng aklat na siyang nasa unang linya sa halip na awtor.
Halimbawa:

P
143.199
P 317 b
2006
Retorikang Pangkolehiyo
Antonio, Lilia M. et.al
Valenzuela City, Mutya Publishing House, Inc.
275p.

3. Kard ng paksa-( Subject Card)- Taglay ng kard na ito ang lahat ng impormasyong
ibinibigay ng dalawang anumang kard. Ang kaibahan lamang ay nasa unang linya ang
paksang inilalahad ng aklat.
Halimbawa:

P
673.322
P 723 b
2006
Ang Pagsulat
Pagbasa at Pagsulat tungo sa Pananaliksik
 Tumangan, Alcomtizer Sr et.al
Velenzuela City, Mutya Publishing House, Inc.

4. Bumuo ng Balangkas- nadalas na wala sa ayos o tamang pagkakasunod-sunod ang mga

sinusulat kaya upang maiwasan ito`y bumuo muna ng balangkas para maging maayos
ang pagsasagawa ng pag-aaral.

5. I-Edit ang balangkas- Iayos ang mga talata at pangungusap. Magdagdag at

magbawas sa mga nakalap na datos. Tignan kung may mga idadagdag pang salita o
parirala.

6. Alamin ang panuntunan sa pagkuha ng sipi.- hindi basta sulat nang sulat lamag,
dapat ding isaalang-alang ang mga taong pinagkukunan ng mga impormasyon.

7. Gumawa ng Bibliyograpi.
a. Mga Aklat

 Isang Awtor

Villafuert, Patricino V. 2002. Talumpati, Debate at argumentasyon.

Mutya Publishing House, Inc.

 Dalawang awtor

Santiago, Alfonso O. at Norma Tiangco 2003. Makabagong Balarilang

Filipino. Manila City: Grandwater Publication

 Humigit sa Dalawang Awtor

Tumangan Alcomtizer Sr. et.al. 2006. Komunikasyon sa Akademikong

Filipino. Makati City. Grandwater Publication.

 Tesis

Angeles, Cristina I. Abril 2008. “ Ang varayti ng Wikang Filipino sa

Mga Komersyal: Isang Pagsusuring Retorikal”

 Dyornal
 Abueg, Efren R. ed. Malay Dyornal ng Humanidades at Agham
Panlipunan
Tomo IV, Blg 1-2, Mayo/Nob, 1985. Dela Salle Printing Press

8. At iba pang dapat isaalang-alang sa pagsulat.

a. Tamang pagbabaybay
b. Pagbabantas
c. Pangalan ng tao
d. Pamagat ng sulating pananaliksik
e. Sipi
f. Paggamit ng malaking titik
g. Bilang ( Arabic, Numerical, Roman number)

MGA PANGUNANG PAHINA SA PANANALIKSIK

1. Fly leaf 1- ito ang bakanteng papel at pinakaunang pahina ng papel pampananaliksik.

2. Pamagating Pahina o Title Page- nakasaad sa pahinang ito ang pamagat ng

pananaliksik, ang pangalan ng mananaliksik at ang asignaturang nangangailangan nito
maging ang panahon ng pagkabuo nito.

3. Pahina ng Pagpapatibay o Approval Page- ito ang pahina na nagkukumpirma sa

pagkakapasa ng mananaliksik at pagkakatanggap ng guro sa pamanahong papel.

4. Pahina ng Pasasalamat O acknowledgement Page- Sa pahinang ito inilalagay ng

mananaliksik ang kanyang pasasalamat at pagkilala sa mga indibidwal na nagbigay sa
kanya ng tulong at inspirasyon.

5. Pahina ng Talaan ng Nilalaman-Dito nakatala ang mga paksa at ang kaukulang

pahinang katatagpuan sa mga ito.

6. Pahina ng mga Talahanayan at grap- Dito naman nakatala ang bawat talahanayan
at grap na nakatala sa pananaliksik.

7. Pahina ng Bibliyograpi- Dito nakatala ang mga ginamit na repernsya na nakatulong

sa pagbuo ng pananaliksik.

8. Pahina ng Biograpi-Pahina ito ng maikling talamabuhay ng mananaliksik.

9. Fly Leaf 2- blangkong pahina sa huling bahagi ng papel pananaliksik.

 MGA BAHAGI NG PANANALIKSIK

1. KABANATA I: ANG SULIRANIN AT ANG KALIGIRAN NG PAG-AARAL

A.Panimula- ito ay isang maikling talataan na naglalarawan o nagpapaliwanag sa

kaligiran ng suliranin. Inilalagay rito ang mga dahilan kung paanong ang napiling paksa
ay naging isang problema at narito rin ang pagpapatibay kung bakit ito kailangang
pag-aralan.

B. Layunin ng Pag-aaral- Sa bahaging ito inilalahad ang mga layunin o dahilan kung
bakit isinasagawa ang pananaliksik. Maari itong isagawa sa pamamagitan ng paggawa
ng mga espisipikong katanungan o kaya`y sa pahayag na paraan.

C. Kahalagahan ng Pag-aaral- Nakalahad sa bahaging ito ang kapakinabangang

makukuha sa isinasagawang pananaliksik at kung para kanino ito makatutulong.

D. Lawak at Delimitasyon- tinutukoy sa bahaging ito ang simula at hangganan ng

pananaliksik na isinasagawa kabilang na ang mga baryabol na sakop at hindi sakpo ng
pag-aaral.

E. Kahulugan ng mga Termino- lahat ng mahahalagang termino na saklaw ng pag-

aaral ay marapt bigyan ng kahulugan.

3 paraan sa pagbibigay kahulugan

1. Kahulugan galling sa diksyunaryo.
2. Pagbibigay halimbawa o by example
3. Pagbibigay ng paliwanag batay sa pagkakagamit sa pananaliksik o
operational definition.

2. KABANATA II- MGA KAUGNAY NA LITERATURA AT PAG-AARAL

Sa kabanatang ito inilalagay ang mga pag-aaral at mga literature na may

kaugnayan sa pananaliksik. Mahalaga ang kabanatang ito sapagkat dito nakasaad ang
kasalukuyang estado ng kaalaman kaugnay ng paksang sinasaliksik. Ito an gang
magbibigay liwanag tungkol sa suliranin at magbibigay lawak din sa mga dating
kaalaman.
 Mahlagang ang mga gagamiting limbag na pag-aaral at literature ay iyong mga
nailimbag sa huling limang taon, ito man ay mga babasahinng local o dayuhan.

3. KABANATA III: PAMAMARAAN AT METODOLOHIYA

May 3 bahagi ang kabanatang ito:

1. Disenyo ng pananaliksik- na nagbibigay –linaw kung anong uri ng pananaliksik ang

ginamit sa pag-aaral.

2. Instrument ng pananaliksik- naglalarawan sa mga instrumenting gagamitin sa

pagkuha ng datos at ipinaliliwanag ito ng detalyado at ibinibigay ang mga dahilan
sa paggamit nito.
a.pangangalap ng kaugnay na literature at pag-aaral-
b.Pagbuo ng Talatanungan
c. pagkuha ng datos
d.Ang paraan ng pananaliksik

3. Tritment ng mga datos- nagpapaliwanag kung paano sinusuri o inalisa ang mga
datos.
a. Pag-aanalisa ng datos

4.KABANATA IV: PRESENTASYON AT INTERPRETASYON NG MGA DATOS

Dito inilalahad ang mga resulta batay sa mga tanong na nabuo kaugnay
ng pananaliksik. Maari itong ilahad sa paraang tekstwal o tabyular. Kung tabyular ang
gagamitin, maaring gumamit ng grap, tsart, o teybol.

5.KABANATA V: LAGOM, KONGKLUSYON AT REKOMENDASYON

a. Lagom- nakalagy ang buod ng pananaliksik na isinagawa. Nakabatay ito sa

nilalaman ng ikatlong kabanata.
b. Kongklusyon-ay binubuo ng mga implikasyon, pangkalahatang pahayag o pananaw
at mga interpretasyon ayon sa nakalap ng mananaliksik.
c. Rekomendasyon-ay simpleng tumutukoy sa mga mungkahing nakabatay sa
isinagawang pag-aaral.