Professional Documents
Culture Documents
1. Pasundang pag - aaral (follow - up studies) -isinasagawa ito upang subukan ang
resulta ng inyerbensyon para sa ebalwasyon ng tagumpay ng isang programa.
2. Pag - aaral na Kalakaran (trend studies) -inilalarawan ang bilis at direksyon ng mga
pagbabago upang mahulaan ang mga sitwasyon.
3. Pangkasaysayang pananaliksik (historical research) -pangunahing layunin nito ang
pagbuo ng nakaraan upang subukan ang isang hipotesis kaugnay nito.
4. Pagpapaunlad ng pag - aaral (developmental studies) -inilalarawan dito ang anyo
ng pagunlad o pagbabago sa takbo ng panahon.
5. Sarbey (survey) -isa itong malapitang pagsusuri ng phenomenon Na karaniwang
batay sa instrumentong pampananaliksik na talatanungan.
6. Pangkalagayang pag - aaral (case study) -layunin nitong magbigay ng mahigpit
ng paglalarawan ng partikular na yunit ng lipunan.
7. Panlabas na Pag - aaral (field study) -inilalarawan dito ang isang phenomenon
sa kanyang natural na kapaligiran kung saan ito nagaganap.
PROSESO SA PAGASASAGAWA NG SULATING PANANALIKSIK
1. Magbasa ng maraming babasahin. Ang iyong paksa ay malawak sa dahilang wala kang gaanong
kaalaman dito. Kaya marahil ay kailangang magsarbey ka pa ng literatura. Halimbawa ang napili mong
paksa ay tungkol sa interes.
2. Bilang unang hakbang, -ibigay ang kahulugan sa ibat’ ibang sanggunian. -matutong magtala at sumulat
ng mga kahulugan sa kard. - magbasa ng aklat na isinulat ng mga banyaga, kumunsulta rin sa mga lokal na
awtor.
3. Ipagpatuloy ang pagbabasa ng literatura. Ano ang sinasabi ng mga awtor tungkol sa interes?
4. Anong espesyal na aspekto ng interes ang iyong natipon?
-Maaari ka bang magbigay ng ilang baryabol?
-Ang seks ba ay may kaugnayan sa pagkakaiba ng interes?
-Ang mga grupo ba ng iba’t ibang antas ng lipunan ay may pagkakaiba rin ng interes?
5. Magbasa ng mga pag-aaral na ginawa tungkol sa interes. Anu- ano ang mga resulta
ng mga nasabing imbestigasyon? Anu-ano ang mga baryabol ang kanilang ginamit?
Ang lahat ng mga resulta ay dapat isulat sa kard o kapirasong papel, isang
mananaliksik sa bawat pahina. Nagkaroon ka na ng kaalaman tungkol sa iba’t ibang
epekto ng interes, anong mga pagsisiyasat ang nagawa na at ano pa ang resulta nito?
6. Sa puntong ito madedelimitahan mo na ang malawak na suliranin. Maaaring
handa ka ng pumili ng iyong mga baryabol. Isa o dalawa lamang. Dahil sa ikaw ay
baguhan pa lamang.
7. Maaari mo nang ipahayag ang iyong mga suliranin. Pag-aralan ang iyong mga
baryabol na napili, gayon din ang mga kalahok na iyong gagamitin. Ipahayag ang
suliranin sa pormang patanong.