Komunikasyon at Pananaliksik

Sa Wika at Kulturang Pilipino

WEEK 9 - 10

Sitwasyong Pangwika

Pamantayang Pangnilalaman

1. Natutukoy ang iba’t ibang paggamit ng wika sa mga

napakinggang pahayag mula sa mga panayam at balita sa
radyo at telebisyon.

2. Natutukoy ang iba’t ibang paggamit ng wika sa nabasang

pahayag mula sa mga blog, social media post at iba pa.

3. Nasusuri at naisasaalang-alang ang mga lingguwistiko at

kultural na pagkakaiba-iba sa lipunang Pilipino ng mga pelikula
at dulang napanood.

4. Nalalaman ang mga iba pang anyo ng kulturang popular.

Mayaman ang Pilipinas sa wika. Pinaniniwalaan na heterogeneous ang wika ng

bansang Pilipinas.

Digital Communication and Technological College Inc.

Komunikasyon at Pananaliksik sa Wika at Kulturang Pilipino
Inihanda ni: Ms. Julie May V. Profugo, LPT 1
 Sa inyong pangkat, pag-usapan ang mga sitwasyong pangwika sa telebisyon, radyo,
diyaryo at pelikula. Maghanda at iparinig sa klase ang mga napag-usapan.

Sitwasyong Pangwika sa Telebisyon

Ang telebisyon ay itinuturing na pinakamakapangyarihang media sa kasalukuyan

dahil sa dami ng mamamayang naaabot nito. Sa paglaganap ng cable o satellite connection
ay lalong dumarami ang manonood ng telebisyon saanmang sulok ng bansa sapagkat
nararating na nito maging ang malalayong pulo ng bansa at maging mga Pilipino sa ibang
bansa. Ang magandang balita, Wikang Filipino ang nangungunang midyum sa telebisyon sa
ating bansa. Halos lahat kasi ng mga palabas sa mga lokal na channel ay gumagamit ng
Wikang Filipino at ng iba’t ibang barayti nito.

Ito ang wika ng mga teleserye, mga pantanghaling palabas, mga magazine show,
news and public affairs, komentaryo, dokumentaryo, reality TV, mga programang pang-
showbiz at maging mga programang pang-edukasyon may mangilan-ngilang news program
sa wikang Ingles subalit ang mga ito’y hindi sa mga nangungunang estasyon kundi sa mga
local na news TV at madalas ay inilalagay hindi sa primetime kundi sa gabi kung kailan tulog
na ang nakararami.

Sitwasyong Pangwika sa Radyo at Diyaryo

Katulad ng telebisyon, Filipino rin ang nangungunang wika sa radyo. Ang halos lahat
ng mga estasyon ng radyo sa AM man o sa FM ay gumagamit ng Filipino sa iba’t ibang
barayti nito.

May mga programa rin sa FM tulad ng Morning Rush na gumagamit ng wikang

Ingles sa pagbo-broadcast subalit nakararami pa rin ang gumagamit ng Filipino. May mga
estasyon ng radyo sa probinsiyang may mga programang gumagamit na rehiyonal na wika
pero kapag may kinapanayam sila ay karaniwang sa wikang Filipino sila nakikipag-usap.

Sitwasyong Pangwika sa Pelikula

Bagama’t mas maraming banyaga kaysa lokal na pelikula ang naipalalabas sa ating
bansa taon-taon, ang mga lokal na pelikulang gumagamit ng midyum na Filipino at mga
barayti nito ay mainit ding tinatangkilik ng mga manonood. Katunayan, sa dalawampung
nangungunang pelikulang ipinalalabas noong 2014, batay sa kinita, lima sa mga ito ang

Digital Communication and Technological College Inc.

Komunikasyon at Pananaliksik sa Wika at Kulturang Pilipino
Inihanda ni: Ms. Julie May V. Profugo, LPT 2
local na tinatampukan din ng mga lokal na artista. Iyon nga lang, Ingles ang karaniwang
pamagat ng mga pelikulang Pilipino.

Sa bahaging ito ay higit mo pang malalaman ang iba pang sitwasyong pangwika sa
iba pang anyo ng kulturang popular.

Flip Top

Ito’y pagtatalong oral na isinasagawa nang pa-rap. Nahahawig ito sa balagtasan

dahil ang mga bersong nira-rap ay magkatugma bagama’t sa flip top ay hindi nakalahad o
walang linaw na paksang pagtatalunan. Kung ano lang ang paksang sisimulan ng naunang
kalahok ay siyang sasagutin ng kanyang katunggali.

Di tulad ng balagtasan na gumagamit ng pormal na wika sa pagtatalo, sa fliptop ay

walang nasusulat na iskrip kaya karaniwang ang mga salitang ibinabato ay di-pormal at
mabibilang sa iba’t ibang barayti ng wika. Pangkaraniwan din ang paggamit ng mga salitang
nanlalait para mas makapuntos sa kalaban.

Pick-up Lines

May mga nagsasabing ang pick-up lines ay makabagong bugtong kung saan may
tanong na sinasagot ng isang bagay na madalas maiuugnay sa pag-ibig at iba pang aspekto
ng buhay. Sinasabing nagmula ito sa boladas ng mga binatang nanliligaw na nagnanais
magpapansin, magpakilig, magpangiti at magpaibig sa dalagang nililigawan.

Hugot Lines

Ang hugot lines na tinatawag ding love lines o love quotes ay isa pang patunay na
ang wika nga ay malikhain. Hugot lines ang tawag sa mga linya ng pag- ibig na nakakikilig,
nakatutuwa, cute, cheesy, o minsa’y nakaiinis.

Karaniwang nagmula ito sa linya ng ilang tauhan sa pelikula o telebisyong

nagmamarka sa puso’t isipan ng mga manonood subalit madalas nakagagawa rin ng sarili
nilang “hugot lines” ang mga tao depende sa damdamin o karanasang pinagdaraanan nila
sa kasalukuyan.

Sitwasyong Pangwika sa Text

Digital Communication and Technological College Inc.
Komunikasyon at Pananaliksik sa Wika at Kulturang Pilipino
Inihanda ni: Ms. Julie May V. Profugo, LPT 3
 Ang pagpapadala at pagtanggap ng SMS (short messaging system) na lalong kilala
bilang text message o text ay isang mahalagang bahagi ng komunikasyon sa ating bansa.
Katunayan, humigit-kumulang apat na bilyong text ang ipinadadala at natatanggap
sa ating bansa araw-araw kaya naman tinagurian tayong “Texting Capital of the World”

Sitwasyong Pangwika sa Social Media at Internet

Sa panahong ito ay mabibilang na lang marahil sa daliri ang tao lalo na ang
kabataang wala ni isang social media account tulad ng Facebook, Instagram, Twitter,
Printerest, Tumblr at iba pa. Maging mga nakatatanda tulad ng mga lolo at lola ay kabilang
na rin sa mga netizen na umaarangkada ang social life sa pamamagitan ng social media.

Sitwasyong Pangwika sa Kalakalan

Wikang Ingles ang higit na ginagamit sa boardroom ng malalaking

kompanya at korporasyon lalo na sa mga pag-aari o pinamuhunan ng mga dayuhan
at tinatawag na multinational companies.

Sitwasyong Pangwika sa Pamahalaan

Sa bisa ng Atas Tagapagpaganap Blg. 335, serye ng 1998 na "nag-aatas sa lahat ng

mga kagawaran, kawanihan, opisina, ahensiya, at instrumentaliti ng pamahalaan na
magsasagawa ng mga hakbang na kailangan para sa layuning magamit ang Filipino sa
opisyal na mga transaksyon, komunikasyon, at korespondensiya,” naging mas malawak ang
paggamit ng wika sa iba’t ibang antas at sangay ng pamahalaan.

Sitwasyong Pangwika sa Edukasyon

Sa mababang paaralan (K hanggang Grade 3) ay unang wika ang gamit

bilang wikang panturo at bilang hiwalay na asignatura, samantalang ang wikang
Filipino at Ingles naman ay itinuturo bilang magkahiwalay na asignaturang pangwika.
Sa mas mataas na antas ay nanatiling bilingguwal kung saan ginagamit ang wikang
Ingles bilang mga wikang panturo.

Digital Communication and Technological College Inc.

Komunikasyon at Pananaliksik sa Wika at Kulturang Pilipino
Inihanda ni: Ms. Julie May V. Profugo, LPT 4
 Register o Barayti ng Wikang Ginagamit sa Iba’t Ibang Sitwasyon

Napag-aralan natin sa mga nagdaang aralin ang tungkol sa iba’t ibang barayti ng
wika. Ang mga barayting ito ay nagagamit sa iba’t ibang sitwasyong pangwikang ating
natalakay rito.

Isa sa mga uri ng sosyolek ang nais bigyang-diin dito, ang paggamit ng mga jargon o
mga terminong kaugnay ng mga trabaho o iba’t ibang hanapbuhay o larangan.

Ayon sa aklat ni Dayag, et.al (2016), batay sa mga nailatag na sitwasyong pangwika
sa iba’t ibang larangan, maliwanag na makikita ang kapangyarihan at lawak ng paggamit ng
wikang Filipino na itinuturing na wika ng masa sa kasalukuyang panahon.

Makikita sa mga ito ang lubos na pagtanggap ng karamihan sa mga mamamayan sa

sarili nating wika.

May iba’t ibang sitwasyon ng wika tulad ng sitwasyong pangwika sa telebisyon,

sitwasyong pangwika sa radyo at diyaryo at sitwasyong pangwika sa pelikula, sitwasyong
pangwika sa text, sitwasyong pangwika sa social media at internet, sitwasyong pangwika sa
kalakalan, sitwasyong pangwika sa pamahalaan, sitwasyong pangwika sa Edukasyon at
register o barayti ng wikang ginagamit sa iba’t ibang sitwasyon.

Digital Communication and Technological College Inc.

Komunikasyon at Pananaliksik sa Wika at Kulturang Pilipino
Inihanda ni: Ms. Julie May V. Profugo, LPT 5
 Gawain 1
Pangalan: _____________________________

Sumulat ng isang Pick-up line at isang Hugot Line. Isulat sa mga kahon ang kasagutan.

Digital Communication and Technological College Inc.

Komunikasyon at Pananaliksik sa Wika at Kulturang Pilipino
Inihanda ni: Ms. Julie May V. Profugo, LPT 6
 Gawain 2
Pangalan: _____________________________

Ibigay ang iba’t ibang sitwasyong pangwika.

Digital Communication and Technological College Inc.

Komunikasyon at Pananaliksik sa Wika at Kulturang Pilipino
Inihanda ni: Ms. Julie May V. Profugo, LPT 7
 Gawain 3

Pangalan: _____________________________

Sagutin ang sumusunod na mga tanong kaugnay ng mga sitwasyong pangwika.

Bilugan ang titik ng tamang sagot.

1. Ano ang iyong paboritong wika?

A. Ingles C. Taglish
B. Filipino D. Cebuano

2. Mahilig ka bang manood ng pelikula? Ano ang kinahihiligan mong panoorin?

A. Ingles C. Taglish
B. Filipino D. Cebuano

3. Kapag nagbabasa ka ng diyaryo, anong binabasa mo?

A. Ingles C. Taglish
B. Filipino D. Cebuano

4. Nanonood ka ba ng telebisyon? Ano ang madalas mong pinanonood?

A. Ingles C. Taglish
B. Filipino D. Cebuano

5. Sa iyong palagay, anong wika ang nangunguna sa radyo?

A. Ingles C. Taglish
B. Filipino D. Cebuano

6. Ano ang itinuturing na pinakamakapangyarihang media?

A. Telebisyon C. Pelikula
B. Radyo at Diyaryo D. Blog

7. Ito’y pagtatalong oral na isinasagawa nang pa-rap.

A. Flip top C. Pick up lines
B. Hugot lines D. Text

8. Ito ay may nagsasabing na makabagong bugtong.

A. Flip top C. Pick up lines
B. Hugot lines D. Text

Digital Communication and Technological College Inc.

Komunikasyon at Pananaliksik sa Wika at Kulturang Pilipino
Inihanda ni: Ms. Julie May V. Profugo, LPT 8
 9. Ang halimbawang “TEA ka ba? – TEAnamaan na kasi ako sa ‘yo eh”? (mula sa
filipinoquotes.com.)
A. Flip top C. Pick up lines
B. Hugot lines D. Text

10. Ano ang kahulugan ng SMS?

A. Short Means System
B. Short Messaging System
C. School Messaging System
D. Secured Messaging System

Digital Communication and Technological College Inc.

Komunikasyon at Pananaliksik sa Wika at Kulturang Pilipino
Inihanda ni: Ms. Julie May V. Profugo, LPT 9