6

Edukasyon sa
Pagpapakatao
Ikatlong Markahan – Modyul 5:
Ialay ang Talino sa De-Kalidad
na Trabaho
Edukasyon sa Pagpapakatao – Ikaanim na Baitang
Alternative Delivery Mode
Ikatlong Markahan – Modyul 5: Ialay ang Talino sa De-Kalidad na Trabaho
Unang Edisyon, 2021

Isinasaad sa Batas Republika 8293, Seksiyon 176 na: Hindi maaaring magkaroon ng
karapatang-sipi sa anomang akda ang Pamahalaan ng Pilipinas. Gayonpaman, kailangan muna ang
pahintulot ng ahensiya o tanggapan ng pamahalaan na naghanda ng akda kung ito ay pagkakakitaan.
Kabilang sa mga maaaring gawin ng nasabing ahensiya o tanggapan ay ang pagtakda ng kaukulang
bayad.

Ang mga akda (kuwento, seleksiyon, tula, awit, larawan, ngalan ng produkto o brand name,
tatak o trademark, palabas sa telebisiyon, pelikula, atbp.) na ginamit sa modyul na ito ay nagtataglay
ng karapatang-ari ng mga iyon. Pinagsumikapang matunton ang mga ito upang makuha ang pahintulot
sa paggamit ng materyales. Hindi inaangkin ng mga tagapaglathala at mga may-akda ang karapatang-
aring iyon. Ang anomang gamit maliban sa modyul na ito ay kinakailangan ng pahintulot mula sa mga
orihinal na may-akda ng mga ito.

Walang anomang parte ng materyales na ito ang maaaring kopyahin o ilimbag sa anomang
paraan nang walang pahintulot sa Kagawaran.

Inilathala ng Kagawaran ng Edukasyon

Kalihim: Leonor Magtolis Briones
Pangalawang Kalihim: Diosdado M. San Antonio

ELEMENTARY MODULE DEVELOPMENT TEAM

Awtor : Evelyn B. Tala
Co-Awtor - Content Editor : Jeanette R. Peħaflor
Co-Awtor - Language Reviewer : Cris V. Regala
Co-Awtor - Illustrator : Mary Grace L. Beltran
Co-Awtor - Layout Artist : Evelyn B. Tala

DISTRICT MANAGEMENT TEAM:

District Supervisor, Dinalupihan : Rodger R. De Padua, EdD
Principal District LRMDS Coordinator : Miralou T. Garcia, EdD
Teacher District LRMDS Coordinator : Jennifer G. Cruz
District SLM Content Editor : Alma Q. Flores
District SLM Language Reviewer : Cris V. Regala

DIVISION MANAGEMENT TEAM:

Schools Division Superintendent : Romeo M. Alip, PhD, CESO V
OIC- Asst. Schools Division Superintendent : William Roderick R. Fallorin, CESE
Chief Education Supervisor, CID : Milagros M. Peñaflor, PhD
Education Program Supervisor, LRMDS : Edgar E. Garcia, MITE
Education Program Supervisor, AP/ADM : Romeo M. Layug
Education Program Supervisor, EsP/Values : Jacqueline C. Tuazon
Project Development Officer II, LRMDS : Joan T. Briz
Division Librarian II, LRMDS : Rosita P. Serrano
Division Book Designer : Rommel M. Magcalas

Inilimbag sa Pilipinas ng Kagawaran ng Edukasyon - Schools Division of Bataan

Office Address: Provincial Capitol Compound, Balanga City, Bataan
Telefax: (047) 237-2102
E-mail Address: bataan@deped.gov.ph
 6

Edukasyon sa
Pagpapakatao
Ikatlong Markahan – Modyul 5:
Ialay ang Talino sa De-kalidad
na Trabaho
Paunang Salita
Ang Self-Learning Module o SLM na ito ay maingat na inihanda para sa ating
mag-aaral sa kanilang pag-aaral sa tahanan. Binubuo ito ng iba’t ibang bahagi na
gagabay sa kanila upang maunawaan ang bawat aralin at malinang ang mga
kasanayang itinakda ng kurikulum.

Ang modyul na ito ay may inilaang Gabay sa Guro/Tagapagdaloy na

naglalaman ng mga paalala, pantulong o estratehiyang magagamit ng mga magulang
o kung sinumang gagabay at tutulong sa pag-aaral ng mga mag-aaral sa kani-
kanilang tahanan.

Ito ay may kalakip na paunang pagsusulit upang masukat ang nalalaman ng

mag-aaral na may kinalaman sa inihandang aralin. Ito ang magsasabi kung
kailangan niya ng ibayong tulong mula sa tagapagdaloy o sa guro. Mayroon ding
pagsusulit sa bawat pagtatapos ng aralin upang masukat naman ang natutuhan.
May susi ng pagwawasto upang makita kung tama o mali ang mga sagot sa bawat
gawain at pagsusulit. Inaasahan namin na magiging matapat ang bawat isa sa
paggamit nito.

Pinapaalalahanan din ang mga mag-aaral na ingatan ang SLM na ito upang
magamit pa ng ibang mangangailangan. Huwag susulatan o mamarkahan ang
anumang bahagi ng modyul. Gumamit lamang ng hiwalay na papel sa pagsagot sa
mga pagsasanay.

Hinihikayat ang mga mag-aaral na makipag-ugnayan agad sa kanilang guro

kung sila ay makararanas ng suliranin sa pag-unawa sa mga aralin at paggamit ng
SLM na ito.

Sa pamamagitan ng modyul na ito at sa tulong ng ating mga tagapagdaloy,

umaasa kami na matututo ang ating mag-aaral kahit wala sila sa paaralan.
 Alamin

Isa sa pinakamahalagang bagay na ibinigay ng Diyos sa atin ay ang ating kakayahan

at talino. Gayundin na sa bawat gawain natin, nararapat na ito ay may kalidad at
nakasusunod tayo sa mga pamantayan upang ang ating paggawa ay ating
maipagmalaki sa iba.

Sa pamamagitan ng modyul na ito ay maaaring mahikayat mo ang iyong mga kamag-

aral, kaibigan o kasambahay na gumawa ng mga bagay na naiiba at kapaki-
pakinabang sapagkat napapasailalim sa araling ito ang mga wastong pamantayan
na makatutulong sa iyo upang mapalawig mo ang iyong kaalaman, mga etiko na
dapat sundin sa paggawa at mga ugaling dapat mong pairalin upang makapagbigay
ng de-kalidad na serbisyo at produkto.

Matapos ang modyul na ito ay inaasahang maipamamalas mo ang kakayahang:

Naipagmamalaki ang anumang natapos na gawain na nakasusunod sa pamantayan

at kalidad (EsP6PPP- IIIg–38)

1. Naipakikita ang pagsunod sa pamantayan at kalidad sa anumang natapos na

gawain;
2. Naipagmamalaki ang anumang natapos na gawain na nakasusunod sa
pamantayan at kalidad.

Subukin

Piliin ang mga kahon na sa iyong palagay ay dapat gawin upang maipagmalaki ang
isang natapos na gawain. Isulat ang letra ng iyong sagot sa kuwaderno.

Kinayas na mabuti ang mga Iniaangat ni Anne ang mga

kawayan upang gawing kagamitan upang malinis
sahig sa nasirang tulugan. pati ang kasuluk-sulukan
ng kanilang bahay.
A B

1
 Lumilipat ng upuan si Pinagbubuti ni Jelai ang
Jaime upang masilip at pagtugtog sa simbahan
magaya niya ang proyekto upang masiyahan ang mga
ng kabilang pangkat. tao.
C D

Sinunod na mabuti nina

Padabog na hinugasan ni
Nash at Justin ang panuto
Lyka ang mga pinggan
kaya nagawa nila ang
kaya’t nagkapingas ang ilan.
proyekto nang wasto.
E
F

Aralin
Ialay ang Talino sa
1 De-Kalidad na Trabaho

Ang taong may pagmamahal sa kaniyang ginagawa ay karaniwang may maayos at

mataas na uri ng paggawa. Ang ganitong pananaw ay hindi lamang dapat sa mga
produkto kung hindi sa serbisyo rin upang ang isang tao ay makalugdan ng
kaniyang kapwa.

Sa iyong murang gulang ay magandang matutuhan mo na ang mga pamantayan

ukol sa makalidad na serbisyo at mga etiko sa pagsasagawa nito. Halina at sabay-
sabay natin itong talakayin.

Balikan

Bago magpatuloy sa pagsasaliksik ng bagong kaalaman ay magbalik-aral ka muna

sa nakaraang aralin. Handa ka na ba?

Isulat ang N kung nararapat ang mensahe at DN kung hindi-nararapat. Gawin ito
sa iyong sagutang papel.

1. Manatili sa labas ng bahay kahit lagpas na sa oras ng curfew ng mga kabataan.

2. Sumunod sa parusa kung sakaling lumabag sa batas.

2
3. Iniiwasang dumura ni Jayda kahit saan sapagkat maliban sa ordinansang iyon

sa kanilang lugar ay alam niyang hindi ito maganda sa kalusugan.

4.Balewalain ang mga batas na pinaiiral lalong-lalo na ngayong nahaharap tayo sa

isang pandemya.

5. Huwag kalimutang magsuot ng face mask at face shield mas higit sa mga

pampublikong lugar.

Mga Tala para sa Guro

Ang modyul na ito ay tumutulong sa mga mag-aaral na nasa ika-
anim na baitang upang malaman at malinang ang pagsunod sa
pamantayan at kalidad na paggawa pagkatapos ng gawain

Tuklasin

Nagawa mo ba nang mahusay ang balik-aral? Magaling! Ngayon ay may inihanda

akong tula para sa iyo. Nais kong basahin at unawain mo itong mabuti.
Nakahanda ka na ba? Maaari mo na itong simulan.

“Gawang Pilipino, Ipagmalaki sa Buong Mundo”

Isinulat ni Evelyn B. Tala

Sa ating manggagawa, marami ang natutuwa

Hindi lang sa Pilipinas, maging sa ibang bansa.
Pagkat sa gawain sila ay lubhang kahanga-hanga
Maraming dayuhan na sa Pilipino ay may tiwala
Sapagkat sa trabaho, pulido ang pagkakagawa.

3
 Taon man ang bilangin, di masasayang mandin
Sa tibay at kalidad ng mga produkto natin.
Ang antas ng serbisyo ay hahanap-hanapin
Etiko sa paggawa, walang tapon walang lugi
Hindi mapapahiya, ipagmamalaki natin.

Ang gawang Pilipino ay tunay na hindi basta-basta.

Sigurado sa kalidad at pang “world-class” pa
Magpamalas ng serbisyo, kababayan natin ay ganiyan
Saan dako man ng mundo, tiyak na kalulugdan
Aking ipagmamalaki gawang Pilipino magpakailanman.

Sagutin ang mga tanong:

1. Tungkol saan ang tula?
2. Ano ang nais iparating ng tula sa mga mambabasa?
3. Bakit maraming natutuwa sa ating mga manggagawa?
4. Ano-ano ang mga dahilan at hinahanap-hanap ang mga produkto/serbisyo
natin?
5. Paano mo maipakikita ang etiko sa paggawa?

Suriin

Sa anumang gawain, hindi puwede ang katagang “puwede na” sapagkat ito ay
nagpapakita ng pagmamadali, kahinaan at walang tibay na maaasahan. Hindi ba’t
mas mainam na ang iyong ginagawa ay kinalulugdan, tinatangkilik at matagal na
pinakikinabangan?

Ang kalidad na gawain ay tumutukoy sa antas ng pagkakagawa ng isang produkto

o kung paano isinagawa ang isang serbisyo. Laging positibo ang ekspektasyong nais
nitong iparating. Ibig sabihin ay pagbibigay ng pulido, de-kalidad at kapaki-
pakinabang na gawain araw-araw para sa ikatatagumpay ng bagay na naaayon sa
antas nito.

4
Maliban sa tinutukoy sa itaas, ito ay tumutukoy din sa etiko ng paggawa na kung
saan ang pagkakabuo, pakikipag-ugnayan at paghahatid ng serbisyo o produkto ay
maipagmamalaki kanino man.

Naipakikita ang pagsunod sa pamantayan at kalidad sa gawain o serbisyo ayon sa

mga sumusunod:

1. Nagagamit ng wasto ang oras at pera - Kung hindi kalidad ang magagawa ng
isang tao ay masasayang lamang ang kaniyang pera at oras. Gagastos pa siyang
muli upang maisaayos ang kanyang proyekto. Ang bawat produkto ay dapat
nakadetalye sa isang pamantayan ng pamamaraan. Ito ay dapat bigyan ng
masusing pagpaplano kasama na ng adhikain. Isa itong tanda ng kalidad ng
paggawa.

2. Pagiging “mapagkumpetensya” ng produkto – Naabot nito ang kalidad na

inaasahan sa iyo gayundin ang produktong nagawa ay orihinal at likha ng
mayamang pag-iisip. Kayang sabayan ang produkto ng iba at patuloy na
tatangkilikin ng iba.

3. Katiyakan sa Kalidad – Dito ay naibigay mo ang inaasahan sa iyo. Dinisenyo

ang gawain ayon sa isang layunin na makabubuti sa tao at kapaligiran. Nais ding
iparating nito na nasunod mo ang tagubilin bago ka gumawa ng isang bagay.
Papasa sa “katiyakan sa kalidad” ang mga gawain kapag may kalidad ang
pagkakagawa. Ang iyong gawain ay makatwiran, mahalaga at kapaki-
pakinabang.

4. Sistematikong paggawa – Ito ay pagpapatuloy sa paggawa sa kabila ng mga

hadlang sa kaniyang paligid, ang mga gawaing pagrereklamo, pagkukumpara sa
gawain ng iba ay kaniyang isinasantabi upang hindi makahadlang sa paggawa
ng kaniyang produkto o gawain. Kung sistematiko ang paggawa, mapapadali ito
at agad mo pang matutugunan at mabibigyang solusyon ang anumang di-
inaasahang problema.

5. Pagiging madisiplina, magalang at mapagpasalamat - Ang taong may disiplina

ay nalalaman ang hangganan ng kaniyang ginagawa. Siya rin ay marunong
magpasalamat sa mga taong tumulong sa kaniya upang maisagawa niya ang
kaniyang produkto o gawain. Ang taong magalang at marunong magpasalamat
ay hindi pinagsasawaang tulungang muli ng mga taong kaniyang lalapitan.

Ang mga sumusunod ay ilan sa mga etiko sa paggawa:

1. Pagkamatapat o Integridad – Ito ay ang pagiging tapat, responsable at
determinadong manggagawa. Ang integridad ay nauukol sa matapat at walang
kompromisong pagsunod sa mga kautusang moral at mga gawaing tama. Ang
pagkakaroon ng ugaling tapat at hindi pagsisinungaling ay isa sa mga etikong
kailangang-kailangan sa trabaho dahil kapag hindi ka matapat, ikaw ay hindi
pagkakatiwalaan. Sapagkat ang taong tapat ay hindi gumagawa ng mga bagay na sa
kaniyang palagay ay mali.

5
2. Pagpapasiya – Ito ay ang paggawa sa isang bagay nang matagumpay at walang
pag-aalinlangan. Determinasyon o pagpapasiya ang tawag sa pagkakaroon ng tiwala
sa sarili na kayang lampasan ang mga hinaharap na pagsubok. Ito rin ang bunga ng
tamang pag-iisip o paggawa ng desisyon. Dapat mong tandaan na walang madaling
trabaho at kung gusto mong ikaw ay magtagumpay, kailangan mo itong pagsikapan
gawin.

3. Pagiging pribado at konpidensyal ng mga impormasyon - Iwasan ang

pagkakaroon ng pansariling interest o pakinabang. Ito ay mahalaga dahil may
kaukulang parusa sa batas ang sinomang mahuli na lalabag dito.

Bawat isa sa atin ay may angking talino upang makagawa ng mga de-kalidad na
gawain. Hindi natatapos ang pag-unlad. Nagpapatuloy ito habang ang mundo ay
nagbabago. Nakatutuwang isipin na kung nakasusunod tayo sa pamantayan at
kalidad na paggawa ay maipagmamalaki natin ito maging ang ating sarili.

Pagyamanin

A. Panuto: Piliin ang mga salita sa larawan na makatutulong upang matiyak ang
kalidad ng isang gawain. Isulat ito sa iyong sagutang papel.

6
B. Panuto: Unawain kung ang mga pangungusap ay nagpapakita ng pagsunod sa
pamantayan at kalidad na gawain at pagkatapos ay iguhit sa sagutang papel
ang masayang mukha ( ) kung wasto ang isinasaad ng pangungusap at
malungkot na mukha ( ) kung hindi wasto.

1. Ibinibigay sa takdang oras ang produkto o serbisyong ipinangako mo.

2. Kopyahin ang gawa ng iba.

3. Higitan ang kalidad ng gawain na inaasahan sa iyo.

4. Buong husay mong ginagawa ang mga nakatakda sa iyo sa lahat ng panahon.

5. Laging isiping ikaw lang ang tama.

C. Panuto: Base sa mga napag-aralang pamantayan sa paggawa, punan ang patlang

upang mabuo ang kahulugan ng mga sumusunod. Piliin ang salitang angkop
mula sa kahon.

pagkamatapat pagpapasiya panahon

katapatan kalidad

1. Ang __________________ ay tumutukoy sa pangkasalukuyang kalagayan ng

isang bagay. Maaring base ito sa pagkakahabi, tibay at sa tagal ng panahon
na maaari mong mapakinabangan.

2. Ang _______________ ay ang oras na ginugugol o inilalaan sa isang gawain.

3. Ang __________________ ay nangangahulugang pagiging totoo at tapat sa lahat

ng oras at sa lahat ng bagay maging sa iyong sarili at sa ibang tao.

4. Ang ___________________ ay ang paggawa sa isang bagay nang matagumpay

na walang halong pag aalinlangan. Ito ay ang pagkakaroon ng tiwala sa sarili
na magagawang malampasan ang kahit na ano.

5. Ang __________________ ay nangangahulugan ng tapang na gawin ang tama

anuman ang ibunga nito at kahit mahirap pa ito.

7
 Isaisip

Naunawaan mo ba ang ating aralin? Isulat mo ang mga bagay na makatutulong sa

iyo upang makasunod sa pagkakaroon ng kalidad na gawain o serbisyo. Gawin ito
sa iyong kwaderno.

Nalaman ko sa gawaing ito na:

1._______________________________________________________________________
________________________________________________________________________.

2._______________________________________________________________________
________________________________________________________________________.

3._______________________________________________________________________
________________________________________________________________________.

Isagawa

Gawain 1
Mag-interbyu ng isa sa kasambahay, tanungin ito kung paano niya naipapakita at
naipagmamalaki ang kaniyang pagsunod sa pamantayan sa paggawa ng gawain at
anong uri ng kalidad mayroon ito.

__________________________________________
_________________________________________________
_________________________________________________
_________________________________________________
_____________________________________________.

__________________________________________
_________________________________________________
_________________________________________________

8
Gawain 2
Sumulat ng reaksyon kung paano mo maisasagawa ang mga gawain na
nakasusunod sa pamantayan at may kalidad. Gawin mo ito sa iyong sagutang papel.
1. Pinagwawalis ka ng iyong nanay sa buong bakuran.

2. Magbibigay ng mga lumang damit sa nasunugang kapitbahay.

3. Tumutulong ka sa pagkukumpuni ng mga sirang kagamitan.

4. Gumalang sa mga nakatatanda sa iyo.

5. Tumulong sa pag-aalaga sa iyong nakababatang kapatid.

Tayahin

Tama o Mali. Isulat ang Tama kung ang pahayag ay nagpapakita ng pagsunod sa
pamantayan at kalidad ng paggawa at Mali kung hindi. Gawin ito sa iyong sagutang
papel.
1. Naiinip ako kapag gumagawa kami ng mga proyekto sa asignaturang TLE.

2. Hindi ako nanghihinayang sa oras at pera na ginugugol ko sa isang gawain na

gusto kong palitan kapag hindi pumasa sa aking pamantayan.

3. Masaya akong naglilinis ng bahay at pinagbubuti ko ito upang matuwa ang aking
mga kasambahay.

4. Nakahanda akong makipagtulungan sa aking mga kamag-aral upang madaling

masolusyunan ang tanong at problemang di-inaasahan.

5. Buong kahusayan kong ginagawa ang isang gawaing iniatas ng guro sa akin.

6. Hindi ko pagbubutihan ang pag-uulat sa harap ng klase dahil laging ako ang
kanilang inuutusan.

7. Ibibigay ko ang tamang paggalang sa aking mga kamag-aral dahil iyon ang
nararapat.

8. Iiwasan kong manggaya sa gawain ng iba upang mapadali ang aking paggawa.

9. Ang salitang “puwede na ‘to” ay iwawaksi ko sa paggawa bagkus ay pag-iibayuhin

pa upang maging “puwedeng-puwede na”.

10. Ipapasa ko agad sa aking guro ang aking proyekto kahit alam kong may kulang
pa rito.

9
 Karagdagang Gawain

Bilang isang mag-aaral, paano mo maipakikita ang pagsunod sa pamantayan at

kalidad sa anumang natapos na Gawain? Iguhit ang iyong sagot at sumulat ng 3-5
pangungusap tungkol dito sa iyong sagutang papel.

10
 11
Pagtataya Karagdagang Gawain
1. M 1. kalidad
2. M 2. pamantayan
3. T 3-4 oras, pera
4. T 5. orihinal
5. T 6-9 integridad, determinasyon,
6. M katapatan, impormasyon
7. T
8. T
9. T
10. M
Subukin Pagyamanin Isagawa
A,B,D,F Gawain A Depende sa Gawain 1 Depende sa sagot
sagot ng bata ng bata
Gawain 2 – Depende sa
Balikan Gawain B
sagot ng bata
1. Masayang mukha
2. Mulungkot
1. DN 3. Masaya
2. N 4. Malungkot
3. N 5. Masaya
4. DN
5. N
Gawain C
1. Kalidad
2. Panahon
3. Katapatan
4. pagpapasiya
5. pagkamatapat
Susi sa Pagwawasto
Sanggunian
Ylarde , Zenaida, and Gloria Peralta. 2016. Ugaling Pilipino sa Makabagong
Panahon 6. Quezon City: Vidal Group, Inc.

K To 12 Gabay Pangkurikulum Edukasyon Sa Pagpapakatao Baitang 1-10. 2016.

https://www.deped.gov.ph/wp-content/uploads/2019/01/ESP-CG.pdf

Para sa mga katanungan o puna, sumulat o tumawag sa:

Department of Education – Region III,

Schools Division of Bataan - Curriculum Implementation Division
Learning Resources Management and Development Section (LRMDS)

Provincial Capitol Compound, Balanga City, Bataan

Telefax: (047) 237-2102

Email Address: bataan@deped.gov.ph