Ang Graph ay matatagpuan sa aralin sa matematika, agham at sibika.

Ito ay pagsasalarawan ng
mga nakalap na datos o impormasyon. Nagiging mas madali ang pagbibigay ng interpretasyon sa
mga nakalap na impormasyon dahil sa anyong palarawan. May iba’t ibang uri ng graph katulad ng
mga sumusunod:

1. Pie Graph

Ito ay gumagamit ng bilog na hugis na pinaghati-hati sa iba’t ibang bahagi upang kumatawan sa
kabuuan (100%). Ang bawat hati nito ay kumakatawan sa bawat bahagdan ng mga datos. Pie
graph din ay isa sa mga pinaka-karaniwang ginagamit na chart sapagkat ang mga ito ay simpleng
gamitin.

2. Line Graph

Ito ay ginagamit upang ipakita ang iba’t-ibang impormasyon at datos sa pamamagitan ng paggamit
ng mga linya. Ito ay ginamagamit upang ipakita ang pagtaas at pagbaba ng datos sa magkaibang
panahon o pangyayari.  Ipinapakita ng linya kung paano nagbabago ang bilang, dami o sukat ng
mga bagay o datos na ipinapakita sa grap.

3. Bar Graph

Ito ay gumagamit ng mga guhit na pahalang o pataas sa pagsasalarawan ng bawat bahagdan ng

mga datos. Ito ay ginagamit sa paghambing o pagpapakita ng kalakaran ng sukat. Nagpapakita ito
ng kaugnayan ng mga ideya o paghahambing ng magkaugnay na mga ideya.

4. Pictograph

Ito ay ang graph na gumagamit ng iba’t ibang mga larawan na sumisimbolo sa isang bilang upang
maihambing ang dami.