LAYUNIN Pagkatapos ng araling ito, dapat na: 1. natutukoy mo ang kahulugan ng datos empirikal; 2. naiisa-isa mo ang mga uri ng datos empirikal;
3. nailalahad mo ang mga bahagi ng presentasyon ng
datos empirikal; at 4. naisusulat mo ang isang presentasyon ng datos empirikal. Ano ang datos empirikal? Ano ang mga uri ng presentasyong datos empirikal Ano ang mga bahagi ng presentasyong datos empirikal? Ano ang mga hakbang sa pagbuo ng presentasyong datos empirikal? PAGPILI SA MGA IMPORMASYONG NAKALAP
Matapos ang pangangalap ng datos, kailangan nang piliin
ang mga impormasyong isasama sa pananaliksik at mailahad ito sa makabuluhang paraan. Mainam malaman ng isang mananaliksik na may iba’t ibang uri ng paglalahad ng datos na naaayon sa datos na nakalap, maliban pa sa mga hakbang sa masusing paghahanda nito. DATOS EMPIRIKAL
Ang datos empirikal ay mga impormasyong nakalap
mula sa kombinasyon ng dalawa o higit pang metodo ng pananaliksik (obserbasyon, pakikipanayam, at/o eksperimentasyon, atbp.). Ito ay dumaan sa pagsusuri at maaaring mapatunayang totoo o hindi, makabuluhan o hindi. TATLONG URI NG DATOS EMPIRIKAL Tatlo ang uri ng datos empirikal, ang mga ito ay ang tekstwal, tabular, at grapikal. Tekstwal Paglalarawan sa datos sa paraang patalata Layong magbigay diin sa mahahalagang datos Nababagay gamitin kung nais magbigay pansin sa ilang datos o numero HALIMBAWA: TABULAR PAGLALARAWAN SA DATOS GAMIT ANG ISTATISTIKAL NA TALAHANAYAN LAYONG MAGPAKITA NG MGA NUMERO SA SISTEMATIKONG ANYO NABABAGAY GAMITIN KUNG NAIS BIGYANG PANSIN ANG EKSAKTONG DATOS O NUMERO, NANG HINDI NA ISINUSULAT SA TALATA ANG MGA ITO HALIMBAWA: GRAPIKAL Paglalarawan sa datos gamit ang biswal na representasyon Layong magpakita ng pagbabago ng mga variable, o ng isang variable laban sa iba pang variable Maaaring sa anyong line graph, pie graph, at bar graph MGA ANYO NG GRAPIKAL NA PRESENTASYON Ang grapikal na presentasyon ng datos ay maaaring nasa anyong line graph, pie graph, at bar graph. Line Graph Nababagay gamitin kung nais ipakita ang pagbabago sa variable o numero sa haba ng panahon Halimbawa: Pagpapakita ng kung paanong dumarami ang bilang ng estudyanteng pumapasok sa kursong Nursing sa loob ng sampung taon PIE GRAPH
Nababagay gamitin kung nais magpakita ng datos na
bahagi o porsyento ng isang kabuuan Halimbawa: Pagpapakita ng kung ilang porsyento ng mga estudyante ang pumapasok sa kursong Nursing, Hotel and Restaurant Management, Education, at Civil Engineering kumpara sa kabuuang populasyon BAR GRAPH Nababagay gamitin kung may dalawa o higit pang datos na magkahiwalay at ipinaghahambing Kumpara sa line graph, maaaari din itong maghambing, subalit mas nakapagpapakita ang bar graph ng maliliit na pagbabago sa numero sa haba ng panahon. Halimbawa: Pagpapakita ng kung ilan ang nag-enroll sa kursong Nursing laban sa Education sa loob ng apat na taon PRESENTASYON NG DATOS EMPIRIKAL Binubuo ng dalawang bahagi ang presentasyon ng datos empirikal, ito ay ang paglalarawan sa metodo ng pananaliksik at presentasyon ng datos. Paglalarawan sa Metodo ng Pananaliksik Sinasagot ang sumusunod na tanong: Ano ang uri ng datos na nakalap? Saan o kanino nanggaling ang datos? Kailan kinalap ang datos? Ano ang mga limitasyong nakaharap sa pangangalap ng datos? PRESENTASYON NG DATOS Paggamit ng tekstwal, tabular, o grapikal na presentasyon sa mga nakalap na datos Mga Hakbang sa Pagsulat ng Presentasyon ng Datos Empirikal Hatiin sa mga bahagi ang presentasyon sa bawat konseptong aaralin. Bigyang diin ang mga pinakainteresanteng datos sa paggamit ng anyong patalata. Gumamit ng angkop na tabular o grapikal na presentasyon kung kinakailangan. Lagyan ng malilinaw na label ang mga tabular o grapikal na presentasyon. Ikumpara ang mga resulta sa mga kaparehong pag-aaral. Ipaliwanag kung bakit pareho o magkaiba ang nakalap na datos kumpara sa iba. Mga Paalala Siguraduhing malinaw, may kaisahan, at wasto ang mga detalyeng nasa pantulong grapikal o tabular. Sa presentasyon ng datos empirikal, nagkakaroon ng malinaw na tunguhin ang pananaliksik. Kung organisado ang paglalahad ng datos, magiging maliwanag ang mga resulta para sa mambabasa at magiging mas madali ang pagbubuo ng kongklusyon. Mahahalagang Kaalaman Ang datos empirikal ay mga impormasyong nakalap mula sa kombinasyon ng dalawa o higit pang metodo ng pananaliksik. Tatlo ang uri ng datos empirikal, ang mga ito ay ang tekstwal, tabular, at grapikal. Binubuo ng dalawang bahagi ang presentasyon ng datos empirikal, ito ay ang paglalarawan sa metodo ng pananaliksikat presentasyon ng datos.