LOA

Bisan inyo ako tangkalon

Sa binarita nga salsalon
Himpit nga pagalumpagon
Kay hindi gusto kag uyon.

Ang init nga pandesal

Ginlu-ad ko sa Rizal
Wala na ‘ko kahambal
Kay nasawsaw sa Royal

May sara ka Hapon

Bahul-bahul buy-on
Nag-restling kahapon
Naguba ana pungyahon

Ridto ayon sa Cubay

May nagsinggit “Diyos ko Day”
Kay ang ana nga balay
Gin-ubos gid kang anay

Ang akon nanay

Pirme lang gapanghayhay
Pag-agto sa taytay
Nahulog ana paypay

Ridto sa amun baryo

Raku gatiro-tiro
May naigo nga taho
Paagto na ang dyaryo
 May sara ka lalake
Hitsura na daw babahe
Natipalo sa kalye
Nahulog anang pante!

Hay babahe nga raw-ay!

Sa imo pagkiay-kiay
Si nonoy nagapangiray
Pati ayam nagalaway-laway

Ridto sa Antique
May sara ka lalake
Nga pirme lang gahibi
Kay hindi tana kapangihi

Sa adlaw kang Biyernes Santo

Alas tres! Napatay si Kristo
Sa Domingo kang pagkabanhaw
Wara run ti taho nga gawawaw

Nonoy, bisan anhon mo ka luhudluhod

Sa gawang kang amon sulod
Balhason ka lang tagatuhod
Si Inday hindi mo matandog

Sa babaw kang bintana

May namuhi nga iba
Nagtanga si Inday
Nagturo ana luha
 Ridto kanamon
May daraga nga laon
Abuton kang pagpalangga
Nagapanaw sa karsada

Sa dalum kang balay

May nagatumpuk nga lukay
Ukay ko nga ukay
Nagguwa ang soltero nga bukay

Sa babaw kang bukid

May bato nagaligid
Nagaligid, nagafall
Paagto sa waterfall

Sa ingod kang bintana

May puno kang iba
Kon sin-o makatanga
Nagalaway ana baba

Dya ako mabayad kang utang

Basi ako sukton sa tunga kang dalan
Ang huya kang taho hindi mabaydan
Kang perlas, diyamante kag mga bulawan

Sa dalom kang bubon

May tatlo ka bituon
Kung ako papilion
Sa tunga gid akon
 Sa babaw kang tigbaw
May sulat nga nagalabaw
Ginbasa kang karbaw
Wara unto sa babaw

Paghalin ko sa balay
Naghambal si Nanay
Kon diin ang belasyon
Ridto ako mayapon

Sa tanan nga bata ni Nanay

Ako gid ang makaruluoy
Sara lang gani migo
Ginkaon pa kang baboy

Sa gilid kang balay

May namuhi nga katumbal
Namunga kang kuritot
Ginsipalan kang buktot

Ridto sa gilid kang balay

May namuhi nga balunggay
Nalagyo ang akritot
Nahadlok guru ilakot

Ridto sa Guimaras
May taho nga haras-haras
Kon abuton kang pagpalangga
Nagaligid-ligis sa lupa