ANG NUESTRA SEÑORA DEL MONTE CARMELO

“WHOSEVER DIES WEARING THIS SCAPULAR SHALL NOT SUFFER ETERNAL FIRE”
-Our Lady of Mount Carmel to Saint Simon Stock
 ANG BIRHEN DEL CARMEN
Si Maria, Ang Pinagpalang Birhen, ay dinarakila sa maraming pangalan. Isa sa mga
Banal na pangalang Ito ay ang Pinagpalang Birhen Del Carmen. Ang ngalang Ito ay
itinaguri sa kanya dahilan sa mga tradisyon. Ang ating Pinagpalang Birhen Maria,
na kilala sa mga pagpapakita Ng maraming Beses, ay lumitaw Kay San Simon
Stock, Isang kasapi Ng Carmelite Order, sa Bundok Ng Del Carmen.
Ito’y itinuring Ng Order bilang Isang Banal na palatandaan, Isang magandang
palatandaan na Ang Order Nila ay pinagpala Ng Birhen; walang alinlangan na Ang
biyaya ay sumakanila. Ito’y natural, Kung gayon, Kung kaya’t ibinigay Nila Ang
titulo sa ating Pinagpalang Birhen. Sa wikang kastila, Nuestra Señora del Carmen
Ang ngalan nito; kilala Siya sa Buong Pilipinas at sa mga Bansang nagsasalita Ng
Kastila.
Ang Nobenang Ito ay nauukol sa Kanyang bagong titulo na Nuestra Señora del
Carmen. Tunay nga, Siya Ang pinanggagalingan Ng Inspirasyon Ng mga tapat na
tao. Siya Ang Silahis Ng pag-asa sa mga Nawawalan Ng pag-asa at Ang Liwanag sa
mga Makasalanan.

ANG PANGITAIN SA BUNDOK CARMEL

Ang Pinagpalang Ina ay ating Sariling Ina rin. Tayong Lahat ay kanyang mga Anak.
Siya Ang Pinagpalang Inmaculada Concepcion. Ipinagkaloob Niya sa daigdig Ng
mga Mortal Ang kanyang kaisa-Isang Anak, Ang ating Panginoong Jesus.
Siya’y nagpakasakit Kasama Ng ating Panginoong Jesus, Mula sa Araw Ng kanyang
pagkakasilang Hanggang sa nakakalungkot na tanawin sa Golgota na siyang
pinangyarihan Ng pagkakabigkas Ng Poong Jesukristo Ng Pitong Wika.
Si Jesus Naman ay namatay sa Banal na Kurus, Isang Kurus na kanyang dinala- dala
sa Kanyang paglalakbay Hanggang sa Bundok. Ngunit bago Siya namatay para sa
atin, inihabilin Niya Ang ating Banal na Birhen Kay San Juan sa Kanyang
makasaysayang mga Salita: “Pagmasdan mo Ang Iyong Ina!”
Ang pag-aakyat Kay Maria sa Langit at Koronasyon ay kinakailangang malaman
bawat tapat na Puso. Datapuwat sa tuwina, Siya’y dumarating sa atin sa
maraming pangitain na tila ba nagpapagunita sa atin, Ang kanyang mga Anak sa
Daigdig, kahit na Siya’y sumapit na sa Langit. Ang kanyang damdamin at Awa ay
nasa atin pa rin na kanyang ibinabahagi sa Gitna Ng ating mga makamundong
kalungkutan, sa ating mga kapighatiang Mortal.
Batid sa Lahat Ang Pangitain sa Bundok Carmel na siyang pinangyarihan Ng
pagpapakita Niya sa Order Ng Carmelite. Ang Banal na lalaking nakakita sa
Pangitain ay ipinasa Ang mga Salita sa Lahat Ng mga tapat at Mula noon, Ang
ating Pinagpalang Birhen Del Carmen. Sa Espanya, Siya’y Karaniwan nang kilala
bilang Nuestra Señora del Carmen.
Ang Banal na Order ay tinanggap Ang Pangitain bilang Isang biyaya sa kanilang
Samahan. Kanilang paniniwalaan na ipinakita Niya sa kanila Ang paraan upang
Makamtan Ang Buhay na Banal; kanilang isinaalang- alang Ang kanyang Pangitain
bilang Isa sa Hindi maipaliwanag na Misteryo Niya na may kaugnayan sa
Kabanalan.
 NOBENA SA KARANGALAN NG NUESTRA SEÑORA DEL MONTE CARMELO
Pangdiyosesis na Dambana at Parokya Ni San Juan Bautista – Calumpit, Bulacan
CONFRADIA DELA NUESTRA SEÑORA DEL MONTE CARMELO

Sa ngalan Ng Ama, at ng Anak, at ng Espiritu Santo. Amen.

PAMBUNGAD NA PANALANGIN
O Pinagpalang Birhen Ng Carmen, Reyna ng mga Birhen, na ginawang Banal Ng
Isang Mataas na Misteryo ng Hindi maipaliliwanag na kalikasan Ng Diyos, ikaw ay
pinagpala sa Kabanalan. Sa iyo, ibinibigay ko Ang aking mga Panalangin sa
Nobenang ito. Sa pamamagitan Ng pagkakatawang- Tao Ng iyong pinakamahal at
kaisa- Isang Anak, Aming Panginoong Jesus, na Ang Kapanganakan ay nagpasimula
sa Aming maligayang pagkakaligtas, ibinigay mo sa amin Ang liwanag at patnubay
para sa Aming Pang- araw- araw na Gawain nang sa gayo’y Aming maunawaan
Ang mga Pagtitiis Niya sa Krus at nang matutuhan Namin Kung gaano kalalim Ang
pag-ibig Niya sa Amin na mga nilalang Niya.
Ipinagkaloob mo sa amin Ang mga biyaya Niya upang Aming malaman Ang
Espiritu Ng Kapatiran sa Kabutihan Niya at nang Aming Makita sa iyong Ina ng mga
Ina, Banal na Ina ng Diyos at Ina naming Lahat, Ang iyong mga Anak sa daigdig.
Ipinagkaloob mo Rin sa Amin Ang Kabutihan Niya na siyang nagkaloob sa Amin Ng
Lakas at tapang sa Lahat Ng Aming mga hirap upang sa gayo’y Aming
maipagpatuloy Ang pagbibigay Ng marubdob na paggalang at pagsamba sa kanya
at para sa mga aral Niya at upang gawin kaming karapat-dapat para sa Isang
Kaluwalhatian sa daigdig na Walang hanggan. Amen.

PAGSISISI
O aking Panginoon! Ako’y lubos na nagsisisi sa pagkakasala sa iyo, aking
kinasusuklaman Ang Lahat Ng aking mga pagkakasala na ginawa ko nang may
kaalaman o di sinasadya, sapagkat kinatatakutan ko Ang Pagkawala Ng Langit at
Ang mga Sakit Ng Impyerno, ngunit higit sa Lahat sapagkat Ang mga kasalanang
iyon ay Isang pagkakasala sa iyo, aking Panginoong Diyos, na siyang pinakamabuti
sa Lahat at nararapat na tumanggap Ng Lahat Kong pag-ibig.
Lubos Kong ipinapangako, sa pamamagitan Ng tulong Ng iyong biyaya, na aking
ikukumpisal Ang aking mga kasalanan upang sa gayo’y aking Malinis Ang aking
Sarili sa Pagiging Hindi karapat-dapat, magsasagawa ako Ng pagtitika, at aking
pagbubutihan Ang aking mga gawi Ng Buhay upang Ako’y maging karapat-dapat
sa iyong mga biyaya at Kabutihan. Ipagpapatuloy ko Ang aking pananalig sa
Kabutihan mo at nang sa gayo’y mapatawad mo ako sa aking mga pagkakasala at
nang pagkalooban mo ako Ng mga Biyayang hinihiling sa Nobenang ito. Kung
Ako’y mabibiyayaan, hinding-hindi Kita iiwan kundi aking iuukol lamang Ang aking
Buhay sa pagsisilbi sa iyo, pagsamba sa iyo, at pagpapalaganap sa Lahat Ng mga
aral mo. Amen.

PANALANGIN SA UNANG ARAW

Pambungad na Dalit

O Pinagpalang Birhen, dalisay at simbolo Ng kababaang-loob, kami’y nananalangin

sa iyo sa Nobenang ito, nagdarasal na sana’y matutuhan Naming Ang Espiritu Ng
kababaang-loob sa Lahat Ng bagay na dalisay at mabuti. Aming natatanto na
kami’y iyong mga Anak sa pamamagitan Ng Kabutihan Ng kanyang pagkakalikha,
Kung kaya’t kami’y sumasamo sa iyo; na sa pamamagitan mo ay Makamtan mo
para sa Amin Ang kanyang walang Hanggang basbas upang kami’y patnubayan sa
araw-araw. At sa mga Pusong Malinis at pinaka- dalisay, Aming maipagpatuloy
Ang pagbubuhos Ng mga papuri at nagsamba sa kanya at kanyang walang
Hanggang Kabutihan. Amen.

ANTIPONA
O Makapangyarihang Diyos, Ang kaisa-Isang Anak na ibinibigay sa Amin, O Banal
na Espiritu, Tatlo sa Isang Diyos, sa Kanyang Banal na Trinidad, kami’y
dumadalangin nang buong Puso, nanalangin at nagbibigay galang sa iyo,
nagpapasalamat sa iyo sa mga Biyayang dumarating sa Amin, na ipinagkaloob sa
Amin sa pamamagitan Ng iyong sagradong kagustuhan. Amen.

V. Luwalhati sa Ama, sa Anak, at sa Espiritu Santo.

R. Purihin Siya Ngayon at Kailanman.

(Dasalin Ang 3 Ama Namin; 3 Aba Ginoong Maria; 3 Luwalhati sa Ama. Sundan Ng
Litanya at Pangwakas na Dasal).

LITANYA NG MGA SANTO

Panginoon, Maawa ka sa Amin.
Kristo, Maawa ka sa Amin.
Panginoon, Maawa ka sa Amin.
Kristo, Pakinggan mo kami.

Diyos Ama sa Langit, Maawa ka sa Amin.

Diyos Anak na tumubos sa Sanlibutan, Maawa ka sa Amin.
Diyos Espiritu Santo, Maawa ka sa Amin.
Santisima Trinidad na Iisang Diyos, Maawa ka sa Amin.

Santa Maria, *Ipanalangin mo kami

Santang Ina Ng Diyos,*
Santang Birhen Ng mga Birhen,*
Santang Birhen Del Carmen,*
San Miguel,*
San Gabriel,*
San Rafael,*
Lahat Ng mga Banal na Anghel at Arkanghel, Ipanalangin ninyo kami.
Lahat Ng mga Banal na Koro ng mga Mapalad na Espiritu, Ipanalangin ninyo kami.
San Juan Bautista,*
San Jose,*
Lahat Ng mga Banal na Patriyarka at Propeta, Ipanalangin ninyo kami.
San Pedro,*
San Pablo,*
San Andres,*
San Juan,*
Lahat ng mga Banal na Apostol at Ebanghelista, Ipanalangin ninyo kami.
Lahat Ng mga Banal na Disipulo Ng Panginoon, Ipanalangin ninyo kami.
San Esteban,*
San Lorenzo,*
San Vicente,*
Lahat Ng Banal na Martir, Ipanalangin ninyo kami.
San Gregorio,*
San Silvestre,*
San Agustin,*
Lahat Ng mga Banal na Pontipise at Kumpesor, Ipanalangin ninyo kami.
Lahat Ng mga Banal na Doktor Ng Iglesia, Ipanalangin ninyo kami.
San Antonio,*
San Benito,*
Santo Domingo,*
San Francisco,*
Lahat Ng Banal na Saserdote at Lebita, Ipanalangin ninyo kami.
Lahat Ng mga Banal na Monghe at Ermitanyo, Ipanalangin ninyo kami.
Santa Maria Magdalena,*
Santa Ines,*
Santa Cecilia,*
Santa Agueda,*
Santa Anastasia,*
Lahat Ng mga Banal na Birhen at Balo, Ipanalangin ninyo kami.
Lahat Ng mga Santo at Santa Ng Diyos, Ipanalangin ninyo kami.
Santa Teresita,*

Kordero Ng Diyos na nakawawala Ng mga Kasalanan Ng Mundo,

Patawarin mo kami, Panginoon.
Kordero Ng Diyos na nakawawala Ng mga Kasalanan Ng Mundo,
Paka-pakinggan mo kami, Panginoon.
Kordero Ng Diyos na nakawawala Ng mga Kasalanan Ng Mundo,
Maawa ka sa Amin.

Kristo, Pakinggan mo kami.

Kristo, Paka-pakinggan mo kami.
Tayo’y Manalangin
O Diyos na iyong pinaliliwanag Ang kamahal-mahalang Araw na ito sa Paggunita
Ng iyong mga Hiwaga at Awa, ingatan mo Ang Lahat Ng sa iyo’y dumadalangin at
Humihingi Ng Kapatawaran sa Kasalanan upang sa pagbabago Ng kanilang Buhay
sila’y maging dapat makinabang sa iyong mga pagpapala at Makapiling ka at Ang
Lahat Ng mga Banal sa Langit. Siya Nawa.

PANGWAKAS NA DASAL
O Pinagpalang Birhen Ng Carmelo, na Ang ngalan ay nakahihigit sa Lahat Ng
Pangalan; sa jyo kami’y tiklop tuhod at magpakumbaba sa Aming walang
hanggang paggalang sa iyo! Sa iyong Misteryong pagkapahiya at pagdadalamhati,
Ipinagkakaloob mo sa amin Ang Aming Manunubos na siyang nagligtas sa Amin
Mula sa makamundong mga Kasalanan.
Kami ay nag- aalay Ng Panalangin sa Nobenang ito upang Aming Makamtan Ang
iyong mga biyaya na paraan upang maipagdiwang Ang mga Misteryo ng iyong
Pasyon at Kamatayan at nang makamit namin Ang Aming kaligtasan sa huli sa
pamamagitan Ng pagbubuhos Ng Papuri sa iyo nang walang Hanggang paggalang
at pagsamba upang sa gayo’y Aming Makita Ang Glorya Ng Daigdig na Walang
wakas na siyang paghaharian Ng Ama, Ng Anak, at Ng Espiritu Santo, Isang Diyos
para sa kawalang Hanggan.
O, Makapangyarihan at walang Hanggang Diyos, na siyang nagbigay sa Amin Ng
iyong Anak, upang tubusin kami sa pagkaka-sala, Ipagkaloob mo sa amin,
iniluluhog Namin sa iyo, na aming maalala at igalang nang may taimtim na
pagsamba Ang walang kasing halagang pagkakatubos Ng iyong ipinaghirap. Kami’y
nakalaan na gumalang sa iyong Ngalan. Sa pamamagitan Ng Nobenang ito sa
Aming Birhen Del Carmen, Aming matatamo ang mga biyaya mo Ng mga
Kabutihan bilang Proteksiyon Laban sa mga kasamaan at pananakit, Proteksiyon
Laban sa pagkakamali sa Buhay, gawa at salita, upang kami’y maging karapat-
dapat sa gantimpala, Ang maligayang Buhay pagkatapos Ng Kamatayan, Buhay
pagkatapos Ng Kamatayan, Buhay sa Animo daigdig Ng Eden, Ligayang Walang
Katapusan. Amen.
TANGING PANALANGIN SA IKALAWANG ARAW
O Pinagpalang Birhen ng Carmelo, Na ang kanyang Anak, Aming Panginoong
Jesus, Sa pamamagitan ng Kanyang buhay, kamatayan at pagkabuhay na muli, Ay
nagbigay sa amin ng maligayang gantimpala ng isang maligayang buhay sa
pagkatubos sa aming mga pagkakasala, bayaan mo iukol naming ang nobenang ito
na sa iyo, Aming Pinagpalang Birhen ng Carmelo.Sa pagdidili-dili ng mga
misteryong ito sa Kabanal-banalang Birhen, Pinagpalang del Carmen, Aming
tutularan at susundan ang mga sagradong aral at ninanasa naming kamtan ang
mga ipinangako Niya sa amin, Sa aming mga kasalanan, Isang pangako ng walang
hanggang kaluwalhatian sa pamamagitan ng dati ring si Kristo, Na aming
Panginoon. Amen.

TANGING PANALANGIN SA IKATLONG ARAW

O Kabanal-banalang Birhen ng Carmelo, Banal na Inang Diyos, Na higit na martir
sa kanyang malubhang mga paghihirap, Subalit dumaramay ka sa mga may
karamdaman, Sa iyong katapangan at yumi, Ay binayaan mong ibigay ang mga
dasal na ito ng nobena sa Kanya, Upang aming mga kaluluwa, Katahimikan sa
aming mga puso at Patnubay sa aming pang-araw-araw na Gawain. Bayaan mo na
ang mga may dinaramdam sa puso ay makawala sa pagdadalamhati; Bayaan mo
na ang aming mga kaluluwa ay mawalan ng suliranin at bayaan mo na kami’y
maligtas mula sa mga naghahangad ng masama sa amin. Linisin mo rin ang aming
mga puso upang kung ito’y malilinis, Aming maibubuhos sa iyo ang aming
paggalang at papuri sa iyong kabutihang walang hanggan. Amen.

TANGING PANALANGIN SA IKAAPAT NA ARAW

O Pinagpalang Nuestra Señora del Carmen, Na ang walang hanggang awa ay hindi
matarok, Na ang pangalan ay higit sa lahat ng mga pangalan, Sa iyo kami’y tiklop-
luhod na sumasamba; upang ialay ang mga dalangin sa nobenang ito, Aming
Pinagpalang Birhen del Carmen, ang aming hinahangad. O Pinagpalang Birhen del
Carmen, Kayo’y sumaamin sa aming mga panalangin sa nobenang ito.Buong
pagpapakumbaba kaming humihiling sa iyo na mamagitan para sa amin, Na ang
aming mga damdamin ay panaigan ng katwiran, Na ang lahat ng aming gawa, isip
at mga salita ay mapahinahon ng kabinian katulad mo at upang kami’y sumunod
sa kagustuhan ng ating Maylumikha, Diyos naming Panginoon.Ipagkaloob mo sa
amin ang iyong mga biyaya, Banal na Ina ng Diyos, Upang aming makayaang
katuparan ng isang matamis na ang pangako ng ating Panginoong Hesus sa isang
daigdig na walang hanggan. Amen.

TANGING PANALANGIN SA IKALIMANG ARAW

O Pinagpalang Birhen del Carmen, Ang iyong ngalan ay mas higit sa lahat ng mga
pangalan, Ang iyong kabutihan ay walang hanggan at ang iyong mga gawi ay
banal. Aming iniaalay ang dalanging ito sa iyo, Aming Pinagpalang Birhen ng
Carmen, Na siyang aming mapagmahal na Banal na Ina sa aming mga
kalungkutan. Kayo’y naghirap kaya, Aming pag-aaralan ng magtiis din ng buong
pagpapakumbaba at pagtitiyaga. Mamagitan kayo para sa amin, Banal na Ina ng
Diyos, Upang kami’y pagkalooban ng mga biyaya upang aming Makita ang banal
na landas, Nang kami’ymapangunahan sa landas ng kabutihan. Linisin mo ang
aming espiritu at gawin mo na aming sambahin Siya lamang at ang mga aral Niya.
Tulad ng pangitain sa Bundok ng Carmelo, Magpakita kayo sa amin, Kahit na sa
aming pangarap lamang. O Pinagpalang Birhen, Upang nang sa gayo’y kami’y
magising na maginhawa ang pakiramdam at malinis mula sa aming mga
kasalanan, Matapang sa anumang tukso na maaaring dumatal sa araw ng ito.
Kung magkakaganito, Aming mapangalagaan ang aming mga sarili upang maging
maging karapat Dapat para sa isang walang,Hanggang kaluwalhatian ng ating
Panginoong Hesukristo. Amen.

TANGING PANALANGIN SA IKAANIM NA ARAW

O Pinagpalang Nuestra Señora del Carmen, Na ang ngalan ay mas higit sa lahat ng
mga pangalan, Kami’y pumupuri sa iyo, ngayon at magpakailanman. Paghirapin
mo kami upang maialay naming ang mga panalangin sa iyo, Aming Pinagpalang
Birhen ng Carmelo, Na ang kabutihan ay siyang pinanggalingan ng aming mga
inspirasyon, sa iyo, aming Pinagpalang Birhen, Kami’y nananalangin sapagkat
kayo’y labis na mapagpasensiya. Ipanalangin mo Kami, Banal na Ina ng aming
Manunubos. Kahit na kayo’y martir sa maraming paghihirap, Kayo’y mayroon pa
ring isang puso na mag-aalay ng puso sa mga nagdurusa at mg anagdadalamhati.
Ipagkaloob mo sa aming ang mga kabutihan na siyang mangunguna sa mga banal
na pamumuhay, Ipagkaloob mo sa aming ang mga kabutihan na siyang
mangunguna sa mga banal na pamumuhay, Ipagkaloob mo sa amin ang mga
kabutihna ng papatnubay sa mga pang-araw-araw na mga Gawain at kung kami’y
dalisay at malakas na, Aming ibubuhos sa iyo ang aming walang hanggang
pagsamba at paggalang sa kanya na sa pamamagitan ng pag-ibig niya at
kamatayan sa Krus ay iniligtas Niya an gaming mga kaluluwa sa pagkakasala.
Pagkalooban mo kami ng isang walang hanggang pananalig. O Pinagpalang Birhen
del Carmen, Nang sa pamamagitan ng isang metatag na pananalig ay aming
maiwaksi ang anumang pagkakamali sa aming pang-araw-araw na pamumuhay at
nang kami’y mabuhay sa isang magandang relasyon sa aming kapwa-tao. Amen.

TANGING PANALANGIN SA IKAPITONG ARAW

O Pinagpalang Birhen del Carmen, Reyna ng Katahimikan, Kayo’y Banal, Ang iyong
kabanalan ay inaawit ng may paggalang ng mga anghel. Aming iniaalay sa iyo ang
aming pasalamat para sa lahat ng aming mga biyaya sa buhay. Bayaan mo kaming
ialay ang mga panalanging ito sa iyo, Aming Pinagpalang Birhen del Carmen, Na
siyang aming Ina sa aming mga kalungkutan at paghihirap at gayundin sa aming
mga kaligayahan. O Pinagpalang Birhen, Banal na Ina ng aming Panginoong Jesus,
Na siyang nagdala ng Kurus ng Iyong mga paghihirap nang may pagpapakumbaba
at pagtitiis. Bayaan mo sa iyong pamamagitan na dalhin din naming ang Kurus,
Ngunit ipagkaloob mo sa amin ang kabutihan sa siyang sandata naming sa mga
pagsubok at kaguluhan sa daigdig na ito, Upang sa gayo’y kung kami’y dalisay na
sa espiritu at katawan, Aming maiukol ang aming buhay sa pagbibigay sa iyo ng
paggalang, papuri at pagsamba na siyang magpapatibay sa aming pananalig sa
iyong mga aral na siyang magkakaloob sa amin ng glorya na walang hanggang.
O Pinagpalang Birhen del Carmen, Sana’y maging kalasag ka naming laban sa mga
tukso upang aming mga kaluluwa ay manatiling malinis at laging handa upang
tumanggap ng mga biyaya ng ating Panginoong Hesus sa isang daigdig na walang
hanggan. Amen.
TANGING PANALANGIN SA IKAWALONG ARAW
O Pinagpalang Birhen del Carmelo, ang iyong walang katapusang awa na hindi
matalos ninuman, Ang iyong ngalan ay sinasambang higit sa lahat ng mga
pangalan. Aming iniaalay ang nobenang ito sa iyo, Pinagpalang Birhen ng Carmen,
Sapagkat kayo’y Ina sa aming lahat; Mga anak sa libis ng mga luha! Kami’y
nananalangin sa iyo sapagkat ikaw lamang ang aming tanging pag-asa, Ang aming
aliwan. O Pinagpalang Birhen ng Carmelo, Sa ligayang iyong nadama sa pag-akyat
sa langit ng iyong anak, Ipagkaloob mo sa amin ang mga biyaya na siyang aming
kakalasagin sa paglaban sa mga maling kasiyahan upang nang sa gayo’y hindi kami
maligaw sa daigdig na ito ng mga mortal; Ipagkaloob mo sa amin na ang mga
biyaya sa siyang maging sandata namin laban sa mga tukso at kung kami’y
mayroon nang malaks na puso, Kami’y magiging karapat-dapat sa isang pangako
ng iyong Anak at ito’y ang pagpasok sa isang daigdig sa walang katapusan.
O Pinagpalang Birhen ng Carmelo, Gawin mong kasuklaman namin ang mga
kasamaan sa animang anyo at isinag mo sa amin ang iyong banal na liwanag sa
siyang tatanglaw sa amin sa landas patungo sa glorya, Sa walang hanggang
daigdig sa iyon sa siyang pinaghaharian ng Ama, ng Anak at ng Espiritu Santo,
Isang Diyos para sa lahat ng kawalang hanggan. Amen.

TANGING PANALANGIN SA IKASIYAM NA ARAW

O Pinagpalang Birhen ng Carmelo, Hantungan ng mga makasalanan, Taga-alo ng
aming mga Kaluluwa, Kami’y buong pagpapakumbabang lumuluhod sa iyong
paanan upang ialay sa iyo ang aming pagsamba, papuri at pasasalamat para sa
lahat ng mga biyayang ipinagkakaloob sa amin. Aming iginagalang ang iyong
kadiyusan, Ang iyong walang katapusang pasensiya at kababaang loob at ng iyong
mapagmahal na puso na naghihirap para sa aming kaligtasan sa pamamagitan ng
mapait na kalbaryo at kamatayan ng iyong Anak na namatay sa Kurus. Bayaan mo
kami na ilaan ang nobenang ito sa iyo, Aming Birhen ng Carmelo, Na nagpahirap
na tulad Niya, Na nakibahagi sa Kanyang Prusisyon sa Kalbaryo. Bayaan mo na ang
aming mga kaluluwa ay makibahagi rin sa mga paghihirap ng ating Banal na Ina,
Birhen del Carmen, Upang aming matutunan na magpatawad para doon sa mga
nagkasala sa amin, Upang aming matutuhang ibigin at parangalan ang iyong
kabutihan upang sa sandali ng aming kamatayan ay aming makamtan ang
kabutihan ng isang pinagpalang gloryang buhay sa daigdig na walang hanggan sa
pinaghaharian ng Ama, Ang Anak, At ang Espiritu Santo, Isang Diyos
magpasawalang Hanggan. Amen.

AWIT SA NUESTRA SEÑORA DEL MONTE CARMELO

Bulaklak Ng Carmelo
Titik ni: Bienvenida Tabuena, N.D.V
Musika ni: Reb. Padre Eduardo Hontiveros, S.J.

Bulaklak Ng Carmelo,
Yumayabong sa Hardin.
Karingalan Ng Langit,
Liwanag sa Dilim.

Ina at Dalaga,
Inang Kay Tamis.
Likhang Katangi- tangi,
Dalagang Walang Dungis.

Sa Abang Anak Ng Carmelo,

Ipagkaloob Ang biyaya.
Sa Dagat Ng Aming Buhay,
Ikaw Ang Gabay- tala!
 HULYO 16: KAPISTAHAN NG MAHAL NA BIRHEN DEL CARMEN
PANALANGIN SA NUESTRA SEÑORA DEL MONTE CARMELO

O Birhen del Carmen, Pinakabanal na Maria, ipinangako mong maging

pananggalang ng mga magsusuot ng iyong Banal na Eskapularyo, tagapagligtas sa
lahat ng panganib sa mundo at sa tukso ng demonyo, at ipinamalas mo ang
katotohanang ito sa pamamagitan ng maraming himala. Sumasamo ako, O Ina, na
maging tagapagligtas ng buhay na ito, upang sa lahat ng panganib ako ay maging
matibay at sa lahat ng tukso maging matagumpay, magpakailanmang nananalig sa
iyong tulong upang makamit ang walang hanggang biyaya.
O Birhen Del Carmen, Ina ng Diyos at tagapagtanggol ng mga nagsusuot ng
iyong Banal na Eskapularyo, yamang ang Banal na kamahalan ay ikinararangal ka
sa pamamagitan ng pagluluklok sa iyo bilang kanyang Ina, nagsusumamo ako sa
iyo na mapagtagumpayan ko buhat sa iyong mahal na anak ang pagpapatawad sa
aking mga kasalanan, sa aking pagbabagong buhay, tulungan mo ako sa aking mga
pangangailangan, pagaanin ang aking mga pasanin at ang natatanging biyaya na
hinihingi ko sa nobenang ito kung iyong mamarapatin sa iyong ngalan at
pagmamakapuri at kabutihan ng aking kaluluwa. Amen.

(Hingin sa Birhen Del Carmen ang lahat ng nais makamtan)

Dasalin Ang 3 Aba Ginoong Maria para sa Karangalan Ng

Mahal na Birhen Del Carmen.

Nuestra Señora del Monte Carmelo, Ipanalangin mo kami

 THIRD ORDER OF CARMELITES – PHILIPPINES

CONFRADIA DELA NUESTRA SEÑORA DEL MONTE CARMELO

“Zelo Zelatus Sum Exercituum Pro Domino Deo”