Posisyong Papel Hingil sa Mandatory Organ Donation ni Senador Richard Gordon

THESIS STATEMENT: Hindi dapat ipatupad o isabatas ang panukala ni Senador Richard Gordon
na gawing mandato ang organ donation.

Ang Mandatory Organ Donation o Organ Donation Act of 2018 ay nagsaad na

“Otomatikong kukuhanin para sa transplant ang viable organs ng brain dead na pasyente.

Bago matapos ang taon isinusulong ni Philippine Red Cross Chair Senator Richard
Gordon ang panukala na naglalayong gawing mandato ang pagdodonate ng organ sa sandaling
yumao na ang isang tao. Sa inihaing bill ni Gordon layon nitong amyendahin ang Republic Act
7170 o Organ Donation Act of 1991 para gawing “opt-out” ang sistema kung saan ikokonsidera
ang lahat ng mamamayan na organ donor.

Sa mga ayaw naming maging donor, ayon sa senador, walang magiging problema basta’t
susulat lamang ng written consent na nagsasaad ng hindi pag sang-ayon sa pagiging isang organ
donor. Sa kabilang banda, hindi maaaring i-donate ang bahagi ng katawan ng tao kung: noong
buhay ito ay tinanggihan niya ang pag-alis ng anumang bahagi ng kanyang katawan kapag
namatay na ito; kung hindi siya lagpas sa legal na edad na 18-anyos, pwera may consent mula
sa magulang o guardian; may diperensya sa pag-iisip na hindi kayang gumawa ng sariling
desisyon maliban na lamang kung may consent ng magulang o guardian; at kung hindi Filipino
citizen ang isang indibidwal.

Ang Organ Donation Act of 2018 ay nililimitahan ang sinumang walang katungkulan na
tumagtag o kumuha ng organ sa isang indibidwal na brain dead, patay na. Ang sinumang lalabag
sa batas na ito ay maaaring ikulong ng dalawampung taon at ang lumabag ay may karampatang
multa o kailangang magpiyansa ng higit kumulang dalawang milyon.

Kung ang isang tao ay isang organ recepient nararapat lamang din na siya ay
makapagdonate, at kung ang isang tao ay isang organ donor, may karapatan din siya na
makaranggap ng isang organ. -ani Gordon

Hindi pumapayag ang aming pangkat na ipatupad o isabatas ang panukala ni Senador
Richard Gordon na gawing mandato ang pagdodonate ng organ ng isang tao sapagkat
magdudulot ito ng negatibong epekto. Unang-una na lamang sa mga sasalungatin nito ay ang
utos na pinaniniwalaan at sinasabi ng simbahan. Dahil naniniwala sila na ang “brain dead“ ay di
nangangahulugang aktwal na kamatayan, di katulad ng ginagawa sa kanlurang bahagi ng
daigdig. Kaya ang pagkuha ng organ sa katawan kahit tumitibok pa ang puso ay isa na rin sa mga
dahilan upang hindi gawing mandato ang pag dodonate ng organ dahil ito ay hindi kagamit-
gamit sa ibang relihiyon. (Mercury, 2012)

Ayon kay Dr. Magda Osman, kung otomatiko mong ilalagay ang buong bansa sa isang
sistemang “opt-out”, ang ginagawa lamang ay pinapalaki o artipisyal na pinararami ang mga
numero sa rehistro ngunit ito ay nangangahulugang mas maraming donasyon ng mga organ
mula sa mga donor.

Ang donasyon ng organ ay marahil hindi dapat sapilitan ngunit maaari tayong gumawa
ng isang makahulugan at makabuluhang bagay upang hikayatin ang mga nais tumulong sa
kanyang kapwa. Hindi ito isang bagay na dapat nating pilitin sa isang tao, ngunit ang pagsuyo at
kawanggawa ay isa sa mga solusyon upang mapadami ang organ donor. Ang pagtulong ay likas
na sa mga Pilipino at ito ay isa na sa pagkakakilanlan ng ating lipunan. (Baker Marr, 2012)

Hinihikayat ng National Kidney and Transplant Institute ang mga pasyenteng

nangangailangan ng transplant, tapos ay maghahanap sila ng mga kaanak nila na maaaring mag
match sa may kailangan ng transplant, isa pa ay kung sakaling may organ galing sa deceased
donor o sa mga donor na binawian na ng buhay na mag ma match sa kanila ay maaaring
simulan na ang operasyon.

Kami ay lubos na hindi sumasang-ayon na wala na kaming interes sa aming katawan sa

oras na kami ay namatay dahil wala namang pinagkaiba ang pag-aari sa ating mga parte ng
katawan sa oras na tayo ay bawian ng buhay. Isa pa, dapat lamang na ang sunod na
mamamahal ng ating mga katawan ay ang ating kamag-anak at hindi ang mga doctor/ospital na
pinalalakad at kinokontrol ng gobyerno. Isa ring “napakaalon na dagat ang ating dapat
languyin” sapagkat ito ay nangangailangan ng mga edukadong indibidwal pero ang masama nga
doon ay hindi lahat ng Pilipino ay nabibigyan ng isang marapat o pormal na edikasyon.
(Spranger, 2014)

Aming nahinuhana ang donasyon ng organ ay tiyak na may benepisyo katulad ng mga
naririnig mo sa mga nakatanggap ng donasyon ng puso at baga. Ngunit ang pagbibigay ng mga
organ ay dapat lamang kasali ang desisyon ng may katawan at hindi na dapat gawing sapilitan.
Isa pa sa mga dahilan kung bakit ito ay walang kasiguraduhan na makatutulong ay dahil rin sa
kakayahang pinansyal o kakayanang magbayad ng nangangailangan ng transplant. Maaari din
nitong pahabain ang taal ng pagdadalamhati ng isang pamilya, syempre ang pagdodonate din
ng organ ay maaaring magdulot ng iba pang karamdaman at komplikasyon na maaaring
pagdaanan ng nakatanggap ng transplant.

Ang pagbabago ng utos ng organ donation ay nagbabago sa sikolohiya ng batas. Sa

ngayon upang makapag donate ka ng organ ay hindi labag sa loob. Kung ito ay magiging
sapilitan, magbabago ang mga paningin natin tungkol sa ating pagdodonate, kung ito ay
matutuloy ang tao ay magiging isang tagapagtipon ng mga organo hanggang sa iyong
kamatayan. Ito ay maaaring tunog tulad ng isang maliit na bagay, ngunit ang pagbabago na ito
ay magbabago rin sa paraan ng ating pagtingin sa mga donors.

Sa kabilang banda, mayroon din itong benepisyo na maidudulot sa mga mamamayang

Pilipino na nangangailangan ng transplant. Sa halip na mag pa-dialysis ang isang tao sa
nagkakahalaga ng tatlong libong piso kada sesyon ay pwede na silang makakuha ng organ para
sa transplant operation. Ngunit ito ay hindi solusyon sapagkat una na naming nabanggit na
hindi lahat ng mga Pilipino na nangangailangan ng organ transplant ay may kakayahang
magbayad.

Sinasabi rin na mas malaki ang posibilidad na mabuhay ka ng mas matagal kapag
sumailalim ka sa transplant operation dahil maaari kang mabuhay pang muli sa 17.19 na taon
kaysa sa dialysis na meron lamang 5.48 na taon na tsansang mabuhay. Datapwat, hindi naman
lahat ng operasyon ay nagiging matangumpay.

Kung sakaling magiging mandato ang pagdodonate ng organ ito ay magreresulta sa mas
maraming organ donor at maaaring makatulong sa napakaraming pasyente na nangangailangan
ng organ transplant o yung mga pasyenteng may “end stage renal disease”. Ngunit hindi ito
patas para sa mga donor dahil sa oras na naidonate mo na ang organ ay wala na siyang alam o
pakialam kung saan ito mapapapunta.

Sang–ayon naman ang aming grupo sa Organ Donation kung ito ay boluntaryo at hindi magiging
sapilitan o mandato.

“Ang pagkandili sa kalooban ng isang tao ay napakahalagang bagay na dapat isaalang-alang sa

lipunan” kung kaya’t ang aming pangkat ay lubos na hindi sumasang-ayon sa nasabing panukala o paksa.
Hindi dapat na amendyahin ang Organ Donation Act of 1991 sapagkat sa aming pananaw, sa oras o sa
panahon na ito ay naipatupad o naisabatas na, dalawang salik na agad ang maaapektuhan nito. Ito ay ang
paniniwala ng iba’t ibang relihiyon at freedom of choice o ang kalayaan sa pagpili. Isa ring napakatarik na
burol ang kailangan nating malampasan kung sakaling ito ay maipatutupad dahil sa sandaling hindi ka
nakapagpasa ng written consent sa DOH-PhilNOS, otomatikong pwede ka ng makuhanan ng organ. Isa pa
kung ito ay magiging sapilitan, hindi ito magiging DONATION ito ay maihahalintulad na natin sa STEALING.
POSISYONG PAPEL

AJEDA PATRICK

GARCIA RON CYRUS

OLAN CHRISTIAN

MATA CRISTY MAE

PANALIGAN MARGIE

NARDITO QUINONES