Tunay ngang hindi lamang sa mga dayuhan natin maoobserbahan ang
paghalinlin sa wikang Filipino bilang Tagalog. Sa resulta ng aking sarbey, dalawa ang sumagot na Tagalog ang wikang pambansa ng Pilipinas, na taliwas sa isinasaad ng konstitusyon ng Pilipinas na naghahayag na Filipino ang ating wikang pambansa. Ngunit hindi mabibilang sa daliri ang mga nag-aakalang Tagalog ang wikang pambansa, napakaraming beses ko nang narinig kung saan Tagalog ang binabangit kapag tinutukoy ang Filipino. Marahil ito ay dala ng pagtawag ng mga kanilang nakasalamuha sa Filipino bilang Tagalog na kanilang nadadala hanggang paglaki. Hindi ko itatanggi, na ginagawa ko rin ito kapag nakikipag-usap sa aking mga kaibigan dahil nakasanayan na naming banggitin ang Tagalog kapag tinutukoy ang Filipino. Dagdag pa rito, kinikilala ng pamahalaan na, dahil sa mga salik kagaya ng migrasyon
Sa ikalawang tanong, lahat ay sumagot na Filipino ang wikang ginagamit sa
tanggapan ng kani-kanilang pamahalaan. Ayon sa Memorandum Sirkular Blg. 384, s. 1970, hanggat maari ay wikang Filipino ang gagamitin sa anumang komunikasyon at transaksiyon na gagawin ng pamahalaan. Higit pa rito, kinikilala ng pamahalaan na, dahil sa mga salik kagaya ng migrasyon, hindi lahat ay maasahang may kakayahan na gamitin o intindihin ang wikang dominante sa isang rehiyon.
Filipino, Ingles at Panrehyong wika naman ang mga wikang ginagamit sa
pagtuturo mula elementarya hanggang kolehiyo, base sa resulta ng sarbey. Ayon sa Konstitusyon ng Republika ng Pilipinas, 1987, Artikulo XIV, Seksyon 7, sa komunikasyon at pagtuturo, ang mga wikang opisyal ng Pilipinas ay Filipino at, hangga’t walang ibang itinatadhana ang batas, Ingles. Ang mga wikang panrehyon ay pantulong na mga wikang opisyal sa mga rehyon at wikang panturo roon.
Ang Filipino ang pangunahing ginagamit ng aking sampung dating kamag-aral
upang makipag-usap sa iba na hindi nila katulad ang unang wika. Sa dami ng wika sa Pilipinas, susi ang Filipino, ang wikang pambansa, upang magkaroon ng pagkakaintindihan ang kapwa Filipino, saanmang lupalop ng Pilipinas sila mapunta. De Guzman, Jomel M. | BS in Applied Mathematics Setyembre 19, 2021 Wika 1 – 4 | Modyul 1 Gawan 1 Sa palagay ng aking mga kaklase, Filipino at Ingles ang pinakamainam na gamitin sa pamahalaan. Muli, hinihikayat ng Memorandum Sirkular Blg. 384, s. 1970, na gamitin ang Filipino sa mga pampamahalaang komunikasyon at transaksyon. Base sa hiling English Proficiency Index (EPI), mataas ang kasanayan ng mga Filipino sa paggamit ng Ingles. Hindi rin maitatanggi na maraming mag-aaral ang mas matatas sa paggamit at pagintindi sa Ingles kumpara sa Filipino. Filipino at Ingles naman ang nangibabaw na sagot sa pinakamainam na wikang gamitin sa paaralan, ngunit may isang natanggap na boto ang panrehyong wika. Muli, nakapaloob sa Konstitusyon ng Pilipinas na sa pagtuturo at komunikasyon, Filipino at Ingles ang wikang opisyal samantalang ang panrehyong wika ay gagamitin bilang wikang panturo. Sa proporsyong 6:3:1, naniniwala ang mga tumugon na pinakamainam na gamitin ang Filipino, Filipino at panrehyong wika, at Filipino at Ingles ang pinakamainam na gamitin sa pakikipag-ugnayan sa kapwa Filipino.