Professional Documents
Culture Documents
Una sa lahat, nais ko pong batiin ang isa’t isa sa atin sa araw ng ating pagtatapos. Binabati ko rin
ang mga magulang na nandirito ngayon, ang ating kagalang-galang na mga guro, ang ating
pandangal, Ginoong Jack E. Bagbaga at sa lahat ng mga naririto, isang magandang umaga po sa ating
lahat.
Isang magandang pagpupugay po sa atin sapagkat tayo ang unang batch na magtatapos ng Senior
High School. Kung noong Junior High ay tinawag tayong Grade 10 Completers, ngayon tanyag na
tayong gradweyt ng hayskul dahil natapos natin ang dalawang taong dagdag sa hayskul. Sa araw na ito,
isang napakagandang tema ang naihain para sa atin “Kabataang mula K-12 Tagapagdala ng Kaunlaran
sa Bansang Pilipinas”. Pero bago po ang lahat nais ko pong ipahayag ang aking maikling kasaysayan
Ako ay namulat sa isang mahirap na pamilya. Ang aking mga magulang ay isang hamak na
magsasaka lamang. Hindi nakakapag-ulam ng masarap , lahat ng bagay ay tinitipid lalo na sa pera.
Naalala ko pa, walang binibigay ang aking magulang na pera sa akin, may binibigay man dos lang
ganun. Pero hindi hadlang ang lahat ng mga ito para ipagpatuloy ko ang aking pag-aaral. Ako ang
panganay sa aming magkakapatid kayat sabi ko sa sarili ko na pagbutihin ko ang aking pag-aaral para
matulungan ko din sila. Nagtapos ako ng elementarya at laking pasasalamat ko dahil grumadweyt ako ng
may karangalan. Tumungo ako sa hayskul, ang simula ng anim na taong pag-aaral ko sa hyaskul dahil
naabutan ko ang K-12 Kurikulum. May mga pagbabagong naranasan ko kumpara noong nasa
elementarya ako. Maraming mga proyekto, mga asignatura at akung ano-ano pa na ginagawa. Dito ko
unang naranasan ang sinasabi nilang “stress”. Sumali ako sa school paper namin na tinatawag naming
“Ap-apoy”. Sumali din ako sa Press Conference pero ni minsan di ako pinalad sa pagkakataong ito na
makapunta sa Regional. Sabi nga nila, kahit ilang beses mo pa sinusubukan kung hindi talaga para sa
inyo ang pagkakataong iyon ay wala talaga. Noong G-10 ako ay nagging SSG president ako na paaralan
namin at miyembro ng Girl Scout. Dito ko natutunan at nahubog ang pagiging responsible bilang isang
estudyante at bilang ulo ng opisyal sa lahat ng mga organisasyon. Nagpapasalamat ako dahil lahat ng
responsibilidad ko, mga plataporma ko, action plans namin ay nagampanan ko kahit ginagabihang
umuuwi, napapagalitan, tuwing sabado na araw para tulungan ang aking magulang sa kanilang trabaho
sa bukid ay nasa paaralan pa rin ako para gawin ang aming gawain. Pero sa kabila ng lahat, nagbunga
naman lahat ng mga pasisiskap at pagtitiyaga ko. Nagpapasalamat ako sa aking mga magulang at sa
Diyos dahil nagtapos ako sa Junior High bilang Junior Completer at pinarangaln “1 st in Highest
Average”. Tuwang- tuwa ako sa pag-akyat ko sa entablado para kunin ang medalya, diploma at
Simula na naman ng dalawang taon sa Senior High. Hindi ko pa alam ang kursong kukunin ko.
Sabi nila kapag hindi ka pa daw nakadesisyon sa General Academics ka daw pupunta at pinili ko nga.
Pinagpasyahan naming ng magulang ko na sa Natonin na lang ako mag-enroll. Nag-aral ng ako doon,
ibang environment, ibang tao ang nakakasalubong, ang kanilang salita, mga kultura at tradisyon nila.
Pinilit kong mag-adjust at makibagay sa mga tao doon, mga guro at kamag-aral. Nagawa ko naman
ngunit parang hindi pa rin ako komportable sa pag-aaral ko doon. Pinagtiyagahan ko ito hanggang sa
malapit na ang bakasyon at napagdesisyonan ko nang hindi na doon mag-aral sa G-12. Nagpapasalamat
ulit ako dahil noong bakasyon ay pinarangalan ako bilang pang-apat sa klase namin.
Ngayong G-12 ay mga mababait ng guro, palakaibigan na mga kamag-aral ang nakilala ko dito
sa Mil-an National High School na ngayon ay kasama ko kayo sa araw ng pagtatapos nating ito.
Ngayong araw na ito ng ating pagtatapos, ay gusto kong iabot ang aking buong pusong pasasalamat sa
aking mga magulang at sa aking tita na sumusuporta sa akin, maraming, maraming, maraming salamat
po sa iyong walang hanggang pagsusuporta sa akin,sa pagbibigay ninyo ng aking mga pangangailangan
ko sa pag-aaral sa kabila ng pagkukulang ninyo ng pera para sa pambayad ko sa paaralan. Ang mga
nagpapasalamat sa walang humpay na pagtitiyaga sa pagtuturo sa amin. Kayo ang nagtiyagang turuan
kami ng mga magagandang aral, magbasa, magsulat at magbilang. Kayo ang mga gurong walang
hinangad kundi itungo ang bawat isa sa amin sa tuwid na landas. Kayo ang dahilan kung bakit narating
namin itong yugto ng buhay namin. Kung ano man ang mararating naming sa aming kinabukasan,
Bilang isang estudyanteng nagunguna sa klase natin ay isang hamon para sa akin. Maraming mga
pagsubok ang kailangang mapagtagumpayan. Sapagkat nasa General Academics tayo, halos lahat ng
ating mga aralin, mga gawain ay nangangailangan ng kakayahang intelektwal. Kailangang pagsisikapan
mo ang lahat ng mga gawain upang maabot ang mataas na gradong kakailanganin para maging honor
student.
Education dahil sa paniniwalang may magandang pagbabago sa mga estuyanteng patungo sa kanilang
magandang kinabukasan. Naniniwala rin sila na matutulungan ng K-12 ang mga mag-aaral sa paghanda
nila patungong kolehiyo o anuman ang gusto nilang abutin sa kanilang buhay.
Ngayon, magtatapos na tayo ng Senior High. Tayo ay maghiwa-hiwalay dahil bawat isa sa atin
ay tutungo sa gusto niyang landas ng kanyang buhay. Bago ko pa man wakasan ang talumpating ito, nais
kong ipabatid sa mga kapwa ko magsisitapos ngayon na sana hindi tayo susuko sa pag-abot natin sa
ating mga pangarap. Alam ko matatayog ang ating mga pangarap sa buhay at marahil marami ding mga
hadlang ang kailangan nating malapasan. Sa mga magulang din naming, sana patuloy pa rin kayong
Sa pag-abot natin sa ating tagumpay, huwag nating kalimutang magpasalamat sa ating mga
magulang, sa ating mga naging guro dahil sa kanila ay nakamit natin ang ating minimithi. Katulad din sa
mga paaralang pinanggalingan natin dahil dito tayo hinubog kayat dito rin natin ibahagi ang ating mga
napagtagumpayan upang kaagapay nito sa kaunlaran ng ating bansa. Tayong mga kabataan ngayon ay
hawak natin ang pag-unlad ng bansa. Tayo ang magsilbing modelo sa mga sumusunod pang henerasyon
para sa kanilang kinabukasan. Naniniwala ako na makakamtan natin ang pag-unlad sapagkat tayo ang
mga kabataang taglay ang lakas, ang talino, kakayahan at ang pangarap na maaaring makapagpapabago
sa ating bansa. Tayo ang mga kabataang tagapagdala ng kaunlaran sa ating bansa.
Sanggunian:
https://www.academia.edu/34764942/Talumpati