“Ang Anti-Rape Law of 1997” Isang batas na ipinatupad dito sa Pilipinas ay ang RA 8353 o mas kilala bilang Anti-Rape Law of 1997. Ang RA 8353 ay isang batas na naglalayong palawakin ang depinisyon ng krimen na pangagahasa. Sa katotohanan ay malaki talaga ang naitulong ng batas na ito sa mga mamamayan ng Pilipinas. Ang panggagahasa ay isang uri ng sekswal na panlulusob na karaniwang pagtatalik (o iba pang gawaing penetrasyong sekswal) ang sinimulan laban sa isa o higit pang indibidwal na walang pahintulot. Ito ay maaaring gawin sa pamamagitan ng pisikal na lakas, pamimilit, pang-aabuso sa kapangyarihan o laban sa taong hindi makapagbigay ng pahintulot, katulad ng isang taong walang malay, baldado, o wala sa tamang edad. Ang terminong panggagahasa ay tinatawag ding sekswal na panghahalay. Ang mga nabibiktima ng panggagahasa ay hindi lamang mga babae, ang mga lalaki ay nagiging biktima din ng panggagahasa sa bansang ito ngunit malimit lamang natin na makita sa news ang mga ganitong pangyayari. Kaya nga mabuti at naipatatag na ang batas na ito sapagkat maaari nang ireklamo ng mga biktima ng panggagahasa ang kanilang mga perpetrators, at mabibigyan na ng hustisya at nararapat na hatol ang krimen na ginawa ng mga suspek. Ang panggagahasa ay hindi talaga makatarungan at makataong krimen, sadyang mga tunay na masasama lang ang mga makakagawa nito sa mga inosenteng mga mamamayan, bata man o matanda, lalaki man o babae. Nararapat lamang na pinatupad ang batas na ito para sa kabutihang panlahat ng mga mamamayan.